|
لن ننساق خلفكم رساله الا جماهير الهلال المخلصه والوفيه هناك من بالمنتدى يحاول ان يفشل رجوع الهلال بضرب الهلاليين في بعضهم البعض نسوا ان جماهير الهلال اكبر من الانزلاق خلف اهدافهم والدليل مباراة السد خسر الهلال وانصب هجومهم على الحميداني والعمل الجبار الي يقومون فيه لانتشال الهلال من كبوته قال قوه قال توه مامداهم يلملمون اوراقهم الا وانتم شانين الهجوم مستحيل اي هلالي عاقل ان لايدعم من يسيرون الهلال بالوقت الحالي الوضع مكشوف للعيان المندسين يحاربون الهلال من الداخل وبالذات في منتدى الهلال ياجماهير الهلال الجموهم وحاربوهم باقلامكم واكشفوهم للعيان ياعشاق الملكي اتركوا رجالات الهلال تعمل الى نهاية الموسم وبعدين يكون هناك مجال للنقد والتعديل بالنسبه للمدرب يعتبر ناجح باول مباراة ولنتعلم من اخواننا في السد القطري عموته انهزم من سامي يخمسه صفر ومازال هو مدرب السد ومازال ينافس على جميع الالقاب ياناس الهلال فريق زيه زي الفرق الاخرى يهزم ويفوز ويتعادل البايرانهزم بكامل نجومه العالميين باربعه من فريق متوسط بالدوري روما انهزم بسبعه ومازال مدربه موجود وحنا مباراة واحده وكبينا العشاء من ينتقد الان مع بداية المدرب هذا عدو للهلال يريد ان يرمي الهلال في دوامة عدم الاتزان حتا يفقد الزعيم الملكي مكانته بالزعامه والمنافسه على جميع الالقاب بالنسبه للاعبين الي يتابع الدوري الاوربي والانقليزي يشوف نجوم بالملايين ضيعوا بطولات لانديتهم بسبب اخطاء بدائيه لايرتكبها هاوي ومع ذلك يدعمون بدعم خيالي من قبل الجماهير لذلك الاخطاء وارده في كرة القدم خفوا على اللاعبين بدون استثناء انتقدوهم باخطائهم نقد بناء يصصح مسارهم لان الي برا الملعب غير الي داخل الملعب زي لعبة البلوت دايم الي برا حريف ياجماهير الهلال ادعموا الهلال بقوه ولا تنساقون خلف المندسين واعداء النجاح ادعمو الهلال لو يلعب بالصف الثاني ولا تنسون ان الهلال حقق بموسم من المواسم بطولة الدوري بالصف الثاني ادعموا الهلال ياجماهيره ولا تنساقون خلفهم |
كل شي يهون في الهلال إلا السديري , يـ رجل اعطيناه فرص لما تعطى لإحد غيره |
إقتباس:
السديري مشكلته غير واثق في نفسه وحنا مشكلتنا ان الدعيع حارس للهلال واي حارس يجي مايملا عيوننا وهو متردد في اتخاذ القرار يبيله مدرب يوجهه للصح ويجب ان يثق في نفسه |
يا سلالالاااااام عليك نحتاج العقليات هذي في الوقت هذا بالذاااات بس يارجال ماحولك احد ... تكفون يا جمهور الشرقية زعيمنا بضيافتكم لا تنسونهم من الدعم وخلوووكم من هالمنتدى اللي مايجيب الا الاحبااااط !!! |
راااااااااااااااااااااااااااااااااااااااااااااااااااااااااااااائع الموضوع يعطيك العافيه |
الله يعطيكم العافية وبالتوفيق للزعيم الملكي |
الله يعطيك العافية ويكثر من امثالك في منتدى عشاق الزعيم وحط تحت عشاق الف خط ياناس والله لا يقدر مدرب ولا ادارة تشتغل وفيه ناس تدندن عليها اعطوهم فرصة يلتقطون انفاسهم ياخوي المدرب تو شنطه بالمطار لس ماوصلت تبون تطيرونه ماهوب معقول الوضع بعدين اذا الهلال يشتغل ترا الاندية الثانيه سواء خليجيه ولا سعودية قاعدة تشتغل وتجلب لعيبه مو بس الهلال يعني تبون تفوزون وبس والانديه الثانيه تبي تفوز بعد والله صاير منتدى خصوم الزعيم مع احترامي لاجميع اقدر حبكم للزعيم ولولا حبكم له ماتكلمتوا ولكن علينا بالصبر |
احسنت ياكاتب الموضوع بعض الأعضاء هداهم الله كلامهم غير منطقي بتاتا لدرجة انك تشك انهم من انصار الهلال بعض المشاركات للأسف سلبيه وهمّها الانتقاد الهادم فقط لا غير ارجو من أصحاب العقول النيّره عدم الالتفات او حتى التفاعل مع تلك الأفكار العقيمه |
نادينا الهلاااال يواجه حرب نفسيه اعلاميه من مرتزقة الاعلام على راسهم المريسل واعوانه في القنوات وفي المنتديات متطفلين على المنتدى وانتقاداتهم هادمه وحاقده وينجرف خلفهم الامعات او العاطفيين المغلوب على امرهم كل نجوم الهلال فاشلين في وجهة نظرهم هالحاقدين المندسين ولكن لو انتقل نجم هلالي للنصر راح يتغير كلامهم ميّة وثمانين درجة... نفس حالة الفريدي وهم يبغون يحطمون نجوم الهلال،، نجوم الكيان،، ويجب على المشرفين وعلى المسؤولين القيام بواجبهمــ بكل اخلاص وامانه |
الله يعطيكم العافية وبالتوفيق للزعيم الملكي |
موضوع جميل جداً ولكن هذا الدور على إدارة المنتدى اوالمشرفين الموقرين يجب عليهم إيقاف المتطاوليين واللي يسبون ويحاولون نشر الشائعات والاخبار والمطالبات والانتقاد الجارح أتمنى من المشرفين إيقاف عضويات من يقوم بهذه الاعمال للأسف المشرفين في هالمنتدى مالهم أي دور |
يعطيك العافيه على الموضووع الجميل وتقبل تحياتي |
| الوقت المعتمد في المنتدى بتوقيت جرينتش +3.
الوقت الان » 09:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd