ابحث عن اجابة مقنعة تشجعني على استمرار متابعة الزعيم جاروجوس دوناس هذا المدرب سجلة التدريبي كأنة من دقة ابوريالين وش هذف الادارة في جلبة ؟ فقط من باب العلم بالشي وحتى لاابني علية احلام كبيرة ولعل احد عندة كلام يطمن |
السلام عليكم ورحمة الله وبركاته اما بخصوص السؤال في عنوانك :ما يكفي انه الهلال؟ اما بخصوص دونيس السيرة الذاتيه للمدرب تعتبر جيده قياساً بالانديه الي دربها اول نادي درجه رابعه :تحقيق دوري الدرجه الرابعه ثم تحقيق دوري الدرجه الثالثه على التوالي ثاني نادي : فريق درجه ثانيه تحقيقه دوري الدرجه الثانيه وتحقيق كاس اليونان اخر تجربه له مع ابويل القبرصي تحقيق الدوري بافضل هجوم وافضل دفاع وتحقيق كاس قبرص وتجاوز التصفيات المؤهله لدوري ابطال اوروبا واحتلال المركز الاخير في مجموعة برشلونه اياكس وباريس و الاهم هو العمل في ارض الملعب بيريرا "الثآئر" فشل في تطبيق افكاره في ارض الملعب وهو ذو سيره جيده |
لعل يكون عنده طموح ... و عقده 4 أشهر فقط |
عنوان موضوعك غريب جدااا واشوف انه اختيار غير موفق منك هذا الزعيم مو اي كلام لابد من الوقوف معه في السراء والضراء عند الخساره والفوز عند الرخاء والشده لايجب ان نتركه يسير وحيدا مهما كانت الظروف بغض النظر عن الذي يدربه من عدمه او الذي يلعب معه , دورنا هو مساندته ودعمه في كل الظروف سواءٍ في ضعفه او قوته ولا يجب ان نتركه مهما كان الثمن , صحيح اننا نتمنى ان يدربه افضل المدربين ويلعب معه افضل اللاعبين لكن هذا شئ ماهو بيدينا وهذا شي يخص الاداره وبيد الناس اللي يدفعون الفلوس وكلنا نعرفهم واذا جاء زمن الخصخصه وملكنا اسهم انا وياك عندها يكون لنا صوت مؤثر في ذلك |
وترى على فكرة مواضيعك من دقة ابو مية يعني لا انت اللي ساكت وتخلي الادارة والمدرب يعمل ولا عندك موضوع ذات قيمة لا تحكم على الشخص باستعجال |
الله يوفقه مع الهلال وينجح معه ان شاء الله |
ابحث عن اجابة مقنعة تشجعني على استمرار متابعة الزعيم ــ الهلال يمرض ولايموت . ولايتوقف على الأسماء أبدا جاروجوس دوناس هذا المدرب سجلة التدريبي كأنة من دقة ابوريالين وش هذف الادارة في جلبة ؟ ــ للأسف نعم صحيح مع أنني لاأحب الأحكام المتعجلة ولكن فعلا المدرب الذي لديه ميل للتحفظات الدفاعية على حساب الهجوم لايجدي مع الهلال وكنت أود التعاقد مع مدرب عالمي مشهورأومن مدربي أمريكا اللاتينية |
إقتباس:
دع عنك ادعاء تشجيع ومتابعة الزعيم الملكي فمثلك لايشرفه هذي وحدة اصبر خذ الثانية أسألكم بالله ياجماهير الزعيم هل هناك هلالي صميم يبحث عن شي يقنعه بتشجيع ومتابعة الهلال!!! إذا كان هلالي؟؟؟ قمة الغباء نحن عشقنا الزعيم الملكي منذ نعومة أظافرنا وسنستمر بإذن الله ربي يفضح البعض من حيث لايشعرون |
الله يعطيكم العافية وبالتوفيق للزعيم الملكي |
ياكاتب الموضوع الله يجزاك خير صعبة نساوم حبنا في الهلال وان كان هناك سوء تقدير وسوء نتائج. وانت مشارك من عام 2000 وهذاك متابع للزعيم. يا إما خانك التعبير في الطرح والا وراء الأكمة ما وراءها. ونرجو التوضيح. |
ايش هالموضوع اللى يصدر حكم وبعده يتسأل ..!!! صراحه مواضيعك خط بلده |
مهو وقته ابداً هالكلام الفاضي .. طلب اغلاق الموضوووع |
ترا الهلال صنع مدربين مثل باكيتا وبيسيرو اللي خلا الاتحاد السعودي ياخذهم لتدريب المنتخب ولا ننسى كوزمين ماكان معروف والهلال اللي طلعه انا متفائل بهاالمدرب |
عادي مدرب منتصف الموسم لا ترتاع... بسم الله عليك... |
أنت تشجع الهلال وإلا تشجع المدربين لو بدون مدرب نشجعه |
موضوعك يعطي شك بأنك هلالي |
موضوع اقل مايقال عنه بانه موضوع لايرقى لمستوى المشاركه او الانتقاد وبعدين انت شفت اي مباراه للمدرب والاحكمت عليه من واقع ندخل منتدى الهلال ونبدى بمدربهم ومافيه داعي اكمل واتمنى من القائمين على هذا المنتدى ملاحظة هذه المواضيع الضحله جدا |
اسهل سؤال.... لانه الزعيم ... بصراحة اللاعبين الموجودين يستطيعون العوده بالهلال من دون مدرب... و اتوقع باقي السنة سيكون مليء بالانتصارات ان شاء الله...الموضوع ليس موضوع مدرب .. بل نفسية لاعبين... ريجي لم يفشل تكتيكيا و لكن فشل ببث الروح في الفريق من جديد بعد الاسيوية... الان ارى الروح قد عادت و سنرى هلالنا الذي سنرفع الراس به |
لعلمك ترى فرقنا كشرق اوسط موشرط يكون ع مستوى وان كنت اتمنى يوردانيسكو تحس يفريق صدق شخصية المدرب مفروض تكون قويه لكن يستطيعون اللاعبين السير بالفريق متى كان هناك تعاون واداره قويه فريق النصر ماجعلهم يحصلون ع البطولات الا صرامة الرئيس يخافون منه مايعطي قروش الا لمن يعطي بالملعب والا يستطيع انهائه والقضاء غ مستقبله مدربهم العام الماضي كاربينهو والله مااسرحه ولا مع الغنم وجاب بطولتين |
يجب البعد عن كل يسي للإدارة والوقوف معهم في الحلو والمرة |
مشكوررررررررررررررررررررر |
الله يعطيكم العافية وبالتوفيق للزعيم الملكي |
جوابي على سؤالك ؟ لإنه الهلال يجب ان تستمر في تشجيعة ، لإن انتصارة يفرح نص المملكة ! وخسارتة تفرح النص الآخر من مشجعين الإندية السعودية ! بينما المدرب هو مؤقت ولانعلم هل سيستمر أم سيرحل ؟ المطلوب دعمه ودعم الهلال بغض النظر هل له تاريخ كبير أو لا ! لإن الهلال هو من يصنع المدربين وهو من يساعدهم في النجاح وليس العكس ! وانا متفائل ان السي في حق المدرب ليس بالكبير لإنه أكيد راح يكون له طموووووح وهذا اللي نبيه ، ملينا من مدربين متشبعين بطولات ! ومتشبعين طموح ! متفائل في المدرب بإذن الله ، وياليت ندعم الفريق مو وقت تشويش على الفريق ؟ :yes: |
عندي لك حل ضف عضويتك ولا تتابع الزعيم ترا بتخفف علينا زحمه ياخي المفروض يحطون قفل على زر انشاء موضوع |
بالعشرية الاخيرة يعني من 2005 من يوم ميلنا على اوروبا جتنا الكوارث التدريبة ما عدا كوزمين وجيرتس والباقي ابوريالين والريالين حرام فيهم |
أنا من يوم اقالوا سامي وانا اتغصب المتابعة وقلبي موجوع بين مطرقة حب الهلال وسندان فعايلهم اللي نفرتنا الله حسيبهم ودايم اردد نفس سؤالك ! تصبرت حتى المباراة النهائية وبعدها ما عاد تابعت ولا شيء حتى اقالوا السبيكة ريجي ولا يطلع لي واحد يقول سامي وسامي ترى انا كنت ضد تعيينه في ذيك الفترة لكن يوم نجح ولأسباب في انفسهم يجون يقيلونه من غير اعتبار للنادي ولا الجمهور ولا اي شيء!!! تصرفهم حسسني انا مثل الفقراوية ذمم ضايعة وانا القوي واللي ابيه يمشي مهما كانت الخسارة هذا غير الظلم اللي معروفة عواقبه وهو اللي دهور الفقر !! ضيعوا اسيا وضيعوا هلالنا معها مع هالمدرب نقول يا الله رغم ان سيرته ما تشجع |
مثلما الزعيم لا يتوقف على لاعب , فهو أيضاً لا يتوقف على مشجع مزيف ..! |
ياحبكم تطيرون في العجة عسى ماتصيبنا لعنة جماهير الجار دوم وهم متماسكين بالشوش انا ماقلت استمر في تشجيع الهلال (هذة مفروغ منها بستمر ان شالله طول العمر) انا قلت متابعة والمتابعة تفرق عن التشجيع ,يعني اقدر اقول اني اتابع النصر املا في تعثرة فهل معناة اني اشجعة لحد كذا اعتقد فاهميني اللي اقصدة هل هذا المدرب عندة شي يظيفة والا فقط تملا بة الادارة الفترة المتبقية والبحث عن اقل الخساير لان صراحة ماعندي استعداد اتابع اقول اتابع الزعيم وهو يتلقى الصفعات من المنافسين الاقوياء والضعفاء مثل فريق العروبة وريسة مريح يتشفى بالزعيم هذا القصد واتركوا عنكم الوصاية على حب الزعيم نصر الله هلالنا |
إقتباس:
|
اطالب الاداراه باقالة المدرب جارجوس دونيس ويش رايك فيني ياخالد# مااستاهل طقم هلالي من المتجر اصلي |
اطالب الاداراه باقالة المدرب جارجوس دونيس ويش رايك فيني ياخالد# مااستاهل طقم هلالي من المتجر اصلي |
الهلال في مرحلة انتقالية ولها تبعاتها فالمدرب ان تعاقدت معه هذه الايام وكان سجله متميز سنتين واخفق من سيتحمل تبعت اقالة المدرب انها الادارة الجديدة نحن نطالب بالتكاتف بعدما تحقق مطالبنا برحيل الادارة ونطالب بالظفر ببطولة الملك والتأهل لدور الثمانية |
باكيتا جاء للهلال مغمور حقق كل بطولات الموسم كوزمين ماعرفه الشرق الاوسط الا عن طريق الهلال الهلال هو من يصنع المدرب لازم نوقف مع الفريق مدري ليه متفأل بالمدرب |
لا تكفى شجع الهلال ،، تكفى لا تروح تكفى لا تقطع الدعم |
يبقى الهلال حب فطري ترعرع معنا من الصغر لا يقويه فوز وتضعفه هزيمة بل نحب ونشجع الهلال مهما كان نفرح لفوزه ونقف معه في ضعفه |
يارجل جبنا مدربين لهم تاريخ ولا فلحو مع الهلال |
الوقت المعتمد في المنتدى بتوقيت جرينتش +3.
الوقت الان » 12:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd