|
فريق لخويا اسهل من فريق السد .." السديري يحتاجه الهلال في المباراة.. السلام عليكم.... في مقابلة الانديه السعوديه مع الانديه القطريه.. في دور المجموعات المؤهله الى دور16 يواجهه النصر اليوم فريق الخويا القطري والاربعاء الهلال يواجه فريق السد وكل المباريات في قطر.. سجل الخويا والسد في اسيا: يتفوق السد على الخويا بكثير ولاعبين السد افضل ولهم خبره كبيره في دور المجموعات والخروج منه وسبق ان حقق السد البطوله اما فريق الخويا فأكبر انجاز له هو فوزه و تعادله مع الهلال في الدوحه وكان مدربه الخبير جريتس ووصوله الى دور الاربعه...لكنه عجز عن الفوز على قوانزو الصيني.. واتوقع النصر يفوز بسهوله على لخويا... الهلال والسد اكثر خبره في دور المجموعات لكن كرة القدم ماتعرف كبير او صغير ولا تعترف باالانجازات السابقه.. بذات دور المجموعات يحتاج الى تعامل ذكي من المدرب والخروج من ارض الخصم اذا ماهو بالفوز اقلها تعادل.. مباراة الهلال مع السد تعتمد كثيرا على خبرة ديقاو وكواك والسديري وكريري وتياقو اتمنى مايلعب خالدشراحيلي لانه يحتاج الى مباريات اكثر لاستعادة مستواه الحقيقي. السديري يعرف لاعبين السد ومتفاهم مع ديقاو وكواك وشبه حافظين طريقة لاعبين السد.. المهمه صعبه وموضوع توقعات الفوز بنتيجه كبيره مبالغ فيه لان الامور تغيرت .. وهجوم الهلال صار ضعيف بعد غياب الشمراني .. السالم يحتاج سرعه وتوقع الكره في اي لحظه والتمركز الصحيح.. وماهو شرط يسجل اهداف .. حتى لو يشغل مدافعين السد.. والله يوفق الهلال ، |
عفوا عزيزي ... انا شاهدت مباراة السد والوحده الإماراتي في الملحق الآسيوي ... السد ليس الفريق الذي يهابه الزعيم ومستواه تغير كثيراً عن السنوات الماضيه ... الخويا افضل منه فنياً وعناصريا |
إقتباس:
الخويا فاز بركلة جزا والا السد هو اللي كان ماسك المباراة حرام عليك ياخي المهارات الفرديه اللي يمتلكها خلفان، والهيدروس وبلحاج تكفي... اما الخويا صحيح عنده لاعبين كويسين لكنهم يفتقدون التفاهم بينهم.. وبعد ماتغيير مدرب لخويا هبط مستواهم.. |
اتوقع لو لعب الخويا مع اي فريق من فرق الوسط في دوري جميل راح ينهزم... والنصر بيفوز بسهوله... لان الخويا من بعد المدرب جريتس وهو يتخبط ومستواه مدحدر |
الله يعطيكم العافية وبالتوفيق للزعيم الملكي |
اخوي مو مقياس اسم الفريق و خبرته لأنها فقط عامل مساعد بل المهم الأدوات و توظيفها بالشكل السليم و أكبر مثال على ذلك نادي ويسترن سيدني الذي هو نادي جديد على الساحة الآسيوية فازوا على أكبر الفرق الصينية و اليابانية و الكورية و السعودية. |
حتى لو كان السد مهوب في مستواه قدام الوحدة الإماراتي فليس معناه أنه سهل السد راح يصير أقوى من اللي شاهدتموه امام الوحدة الاماراتي خصوصا امام الهلال لكن اذا احترموا لاعبين الهلال فريق السد ولعبوا بجديه فلن يفرق معهم بشي قوة السد او ضعفه اهم شي احترام الخصم |
إقتباس:
شرط استمرار استراليا في اللعب في بطولات اسيا هو انحياز الاتحاد الاسيوي لهم ... وتقديم البطولات هديه لاستراليا وانديتها.. واعتقد كل الانديه اللي قابلها سيدني وفاز عليها كانت بمساعدة تحكيم فاضح... لاتضرب مثال في سيدني لانه فريق ضعيف والدليل هبوطه... لكن التحكيم توجه بطل وبشهادة حتى اعدا الهلال |
لا تنسى ان مباراتنا مع السد راح تكون ثأرية بالنسبة لهم فريق مردغناه الموسم اللي راح بالمجموعات والثمانية اتوقع القضية عندهم اصبحت قضية كرامة او حتى حياة او موت صدقوني راح يكون شرس بس اهم شي اننا نكون على الموعد والروح حاضرة اتوقعها تعادل 0-0 او 1-1 مع تمنياتي بفوز الزعيم طبعا |
وش المقصد من موضوعك معليش ... والا الدعوة اكتب وبس |
ماهي علاقتنا بالانديه الأخرى ياخوي ارفع نفسك وخل المواضيع للزعيم الملكي فقط اتعبت وكلفة نفسك وخذيت مساحه في المنتدى لهرج فاضي |
اخي وحبيبي الغالي مهتم 7 عليكم السلام ورحمة الله وبركاته كأني برسالتك وصلت لبي قلبك ولي عودة لاحد يروح خخخخخخخخخخخخخخخخخخخخخخخ |
السديري يحتاجه الاحتياط..الثالث |
السديري متفاهم مع ديقاو وكواك. نقطة نهاية السطر وسامي متفاهم أكثر مع غالبية الفريق الحالي (الذي أتى بخماسية أمام السد) عموماً الله يوفق الهلال بمباراته القادمة رغم أن متوقع خسارة كبيرة للهلال خاصة أن السد متجانس وفريق نفسه طويل وممكن يردون الدين العام الماضي تأهل من دوري المجموعات عند أخر مباراة ولم يستسلم !!! |
افااا اجل جيريتس ماعاد هو مع لخويا !! قسم بالله من الصبح متفائل واقول دام هالذيب معهم بيرقعون النصر ويأدبونهم لكن ياحسافة ، اصلاً انا من شفت عندهم لاعب نصرواي ويقولها علني قدام الكل وانا حاسس انه راح يتخاذل لكن الله يستر ، بإذن الله بيخزيهم ربي وبالنسبة لمباراة الزعيمين فالهلال بحاجة للهدوء ومحاولة خطف هدف مبكر كما حدث امام الآوزبك تماماً شكراً لك |
اتمنى يفوز النصر ونقابله في دور الثمانيه ونصقعه بخماسيه بعيدا عن خدمات الدفع الرباعي المحلي ونعلمه كيف يصير عالمي |
متفائل جدا ان لخويا راح يهزم الفقر ... والهلال اما تعادل او فوز لزعيم آسيا |
إقتباس:
لايكون انت المسؤل عن الحبر في المنتدى و خسرتك حبر وانا مدري!!! الموضوع اهدافه كبيره واتوقع انك فاهمها ... واستفزك الموضوع نصيحه اي موضوع مايعجبك لا ادرعم فيه ماهو لازم... :yes: |
إقتباس:
لاتعليق:alzaeem: |
والله شف اتمنى التوفيق لكل الانديه السعوديه المشاركه هلال نصر شباب اهلي السد فريق قوي ومنظم وعنده لاعبين لديهم السرعه والمهاره المباراه صعبه وصعبه جدا اتمنى تكون التشكيله كذا السديري الزوري ديقاو كواك الشهراني الفرج كريري (C) ساماراس تياقو الكعبي السالم وباذن الله الفوز حليف الهلال |
ااشوف التعليقات ضآمنه الفوز! السد بيلعب عشآن يرد الـ 5-0 بس ال5 مو على الهلال يآالسد والوعد بكره اما بخصوص نادي الفقر قآلهآ وليد الفرآج "أسيآ غير عن الدوري" والبيب ب الأشآره يفهم . اللى اللقاء صديقي ههههههه .،~ :alzaeem::alzaeem::alzaeem::alzaeem::alzaeem::alzaeem: |
خالد شراحيلي افضل من السديري السديري اخذ فرصته في آسيا يكفي تكليفه بالدوري آسيا وكاس الملك يجب ان تكون من نصيب خالد شراحيلي |
الله يوفق الهلال ويفوز ان شاء الله |
اخي مهتم عدت حسب الوعد لبي قلبك تعادلو وايضا لازال التحكيم معهم اسيويا خخخخخخخخخخخخ والظاهر ساحرنا بوز قلبها عليهم بلنتاوي ماعاد يسجل حتى من البلنتيات بس عجبني تكتيكك وداوهم بالتي هي الداء |
لخويا فريق يتمناه أي مدرب والمستوى الهزيل اللي قدمه اليوم لخويا هو نتاج تشبع اللاعبين لخويا محتاج لضخ دماء جديده بالفريق وبصراحه ما كنت اتوقع هالمستوى اللي ظهر فيه لخويا رغم إني ما تابعت المباراة كاملة ولكن لقطات كانت كفيله بالحكم على الفريق .. تخيل نفس اللاعبين اللي لعبت معهم قبل أكثر من سنتين هم نفسهم ما تغيروا حتى بمحترفينهم واللاعبين مع بعض لهم أكثر من أربع سنوات !! من عرفت فريق لخويا قبل يقابل الهلال بأكثر من عام ومحترفينه سواء المحليين أو الأجانب ما تغيروا مع العلم لخويا يمكن ما فيه ولا لاعب قطري 100% إلا واحد أو اثنين بالكثير والباقين كلهم مجنسين بما فيهم الحارس!! هذا ما يتعلق بــ لخويا ... أما السد فهو فريق قوي ويكفيك محترفينه بلحاج وقرافيتي وموريكي مرعبين لأي فريق يقابلهم ولكن سبحان الله السد عقدته الهلال .. ومن حسن الحظ بأن لاعبهم البرازيلي على ما اعتقد تاباتا وهو صانع اللعب ليس معهم .. إن شاء الله سيتفوق الهلال بالروح والإصرار ويعود بالنقاط الثلاث ... شخصياً أفضل شراحيلي على السديري لأن السديري ينكبك بحركاته اللي مالها داعي وفلسفته الزايده وسوء تنفيذه لركلات المرمى أو حتى الكور اللي يشوتها ... |
لخويا تعادل مع النصر مع انهم فازوا على السد والسد مجهد جدا لهب ضد الوحده الى ضربات الترجيح ولعب مع لخويا في دوريهم وخسر ولعب الاسبوع الماضي في الاسيويه يعني منتهي وفرصه للهلال طبعا اذا نزل واحترم الخصم وان شاء الله الفوز حليف الزعيم بكره ومشكور اخوي مهتم على الموضوع |
للأسف بعض نقاط موضوعك مخالفة للواقع اليوم شاهدت مباراة لخويا والنصر .. بصراحة لخوووووووويا قوي جداً السد أحسن مافيه الروح العالية فقط وإلا الهلال لو حضرت الروح عنده لتمكن الفوز بإذن الله بالنسبة للفنيات والمستوى أرى لخويا جداً قووي ويملك لاعب خطير جداً أجنبي أتمنى لو كان بالهلال |
معاد عرفنا لكم طريق مره السدير نبغاه ومره ماهو كويس كل الحراس مستوياتهم نازله لعدم وجود مدربين جيدين |
إقتباس:
لخويا رغم انه ضعييف لكن وجد فريق اضعف منه.. صدقني لو فريق غير الخويا امداها انتهت المباراة خمسه في النصر اللي لاعبينه فتحو شوارع وممرات لعبور اظهرة ومهاجمين الخويا... تمنيت ان الاعب التونسي المساكني ماطلع لانه كان مسوي في حسين الدجاجه بلاوي .. شفت وجهه حسين عبدالغني اللهم لاشماته والفاظه القذره توضح من براطمه القذره.. شفنا كيف يسب امهات لاعبين لخويا ،، وجاه كف معتبر من لاعب لخويا.. وصار يرجف حتى الكوره مايسيطر عليها. نهاية هالاعب مصخره زي تاريخه الملوث |
شراحيلي افضل من السديري بمراحل وبسنين ضوئية ايضا |
إن شاء الله يكون مبدع عبدالله السديري دائما في مباريات القادمة داخليا وخارجيا |
كل شئ وارد في كرة القدم نحن هزمناهم الموسم الماضي واتوقع أن لديهم روح الإنتقام على الهلال غدا أن يلعب بهدؤ كبير السد سيبادر للهجوم من أجل التسجيل وهذا سيفتح فراغات واضحة في العمق السداوي لو استغلها نيفيز والفرج والكعبي وسماراس بتمريرات صحيحة متقنة لضربناهم وسجلنا عليهم بكل سهولة هناك عدة نقاط لو لعب عليها الهلال لخرج فائزا بكل سهوله أولا عدم ارتكاب أخطاء قرب مرمانا وعدم الخطاء من المدافعين ثانيا التمرير الصحيح في الوقت المناسب ثالثا استغلال المساحات التي ستتاح لنا في منتصف ملعب الخصم رابعا سماراس يجب أن يمرر لزملاءه والا يكون سلبيا خامسا يوسف السالم يجب عليه زيادة سرعته وانتباهه في منطقة جزاء الخصم الكعبي يجب عليه أن يمرر بسرعه ولا يحتفظ كثيرا بالكرة تماما مثل سماراس سادسا على لاعبي الهلال زيادة السرعة خصوصا في الأمتار الأخيرة هذه بعض النقاط التي من المفترض أن يتنبه لها مدرب الهلال ولاعبيه لكي يظفروا بالفوز أن شا الله تمنياتي لعشقي الأبدي نادي الهلال بالفوز على كل الانديه والظفر بالبطولات |
بالتوفيق للزعيم الكورة لا تعتمد على التاريخ لوحده. |
للصباح صَمتٍ جَمِيلْ .. أَطْيب مَاتَحمله الأَنفَاس .. هُو اسْتِغفَارٌ و إِبْتِهالٌ بِالشُّكرِ .. عَلى تِلكَ النِّعمْ التِي لآ تُحصَى .. صَبااحكُم رضا وتَوفِيق مِن الله عَز وجَل .. âک† .. |
اتمنى من كريري مثل ماكتم عموري وقفل عليه بمباراة العين انه يمارس نفس الدور مع خلفان فهوا اهم واخطر لاعب في السد وبالتوفيق للزعيم ان شاء الله والعودة بالثلاث نقاط |
لن اقول سوى كلمات قليله وهي تفاؤلوا بالخير تجدوه |
السد فريق محترم وقوي دفاعيا وتكتيكيا يعاب على السد الشق الهجومي والهلال يملك الخبرة الكافية ومتى ماكان الهلال في يومه سوف يفوز بأذن الله والهلال عندي احساس ان هذة النسخة بطولتة بأذن الله وقادر عليها أتمنى من الزعيم عدم ولوج هدف في مرمى السديري والفوز بأذن الله هلالي واتوقعها فرق واحد للهلال والله اعلم بالنسبة للخويا بصراحة فريق محترم ولاعبين اجانب ومجنسين جمعيهم ويلعب كورة حديثة وسيطر على الملعب والنصر كذالك فريق قوي اضاع الفوز في الدقايق الاخيرة على لخويا والنصر ليس بالسهل وانا اقول للنصراويين البطولة الاسيوية مهرها غالي وسوف يعانون كثيرا في هذة البطولة ان اصبت فمن الله وان اخطاءت فمن الشيطان |
| الوقت المعتمد في المنتدى بتوقيت جرينتش +3.
الوقت الان » 04:08 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd