إن فاز الهلال اعجاز وإن خسر فخطأ استراتيجي كبير تتحمله الإدارة بعدم استمرار المدرب الاولمبي

ياجماعة فيه اشياء تدور ف النادي استغرب كيف كذا تمر مرور الكرام اشياء ماتدخل العقل واصغر مشجع بسيط يدير النادي ويعمل خطط لها
وهو كيف الإدارة تعطي المدرب الجديد تدريب الفريق قبل مباراة السد بيومين

كان من الاولى استمرار المدرب الاولمبي سيبريا خصوصا بعد الانتصارات وارتفاع المعنويات والمدرب الجديد يستلم الفريق بعد مباراة السد

فمباراة السد لاتتحمل اخطاء والمدرب لايعرف اسماء اللاعبين فكيف بالخصم

والمدرب الاولمبي عارف الفريق جيدا
استغرب سكوت المستشار الفني يوسف الثنيان عن هذا الامر وين الخبرة الفنية ياابو يعقوب

اذن إن خسر الهلال المباراة فالإدارة تتحمل هذه الخسارة كونها وقعت في خطأ استراتيجي كبير بجعلها المدرب الجديد يستلم الفريق قبل المباراة بيومين وإن فاز الهلال فهو اعجاز

كلامك صحيح وخصوصا
مباراة كسد تحتاج
استقرار فني

وما أقول الا
الله يوفق الهلال بكرة
ويرجع فايز باْذن الله

مدرب الاولمبي ماعنده تكتيك ولا تشوف خطه بالملعب فريق مثل الهلال اذا سجل مايدافع لاكن نشوفه يدافع وبشكل غريب مثل امام الاهلي و الاوزبكي نشكره لاكن كان لابد انه مايستمر الاداره لاتتحمل شي المهم التأهل في هذه الظروف وليس الفوز على السد

يا حبكم للشوشرة
كلنا قلنا نبي مدرب نبي مدرب نبي مدرب
والحين يوم جاء المدرب تقولون خطأ

يا ناس اصبرو وهلال ان شاء الله بخير
خلو نشوف هالمدرب ونعطيه الفرصة

والله صادق اخوي ازرقاني اللون


ياحبكم للشوشرة


شجعوا بس

مابقى الا تديرون الفريق

كلالالالالالام صحيح
تقول النادي حقل تجارب ياخي افهمو

واضح بطولة اسياء ومباراة مهمه

واحتمال الدورة الجاية ماتشارك

على الهلال السلام

الله يعطيكم العافية وبالتوفيق للزعيم الملكي

يااا جماعه الخير

المدرب اللي جابته الاداره

مطلع على جميع مباريات

الهلال الماضيه واكيد متابع

مباريات السد قبل يستلم المهمه

وإلى متى وحنا وضعنا كذا

كجمهور للكيان الازرق

نبحث عن الشوشره

والمواضيع الغير مناسبه

لا في الوقت ولا المضمون

هذا وقتنا نحط يدينا على

يدين بعض ونقف مع الكيان

في هذه الضروف التي يمر فيها

واتمنى التوفيق للزعيم الاسيوي

في جميع مبارياته القادمه

ونتيجة مباراة السد ليست

نهاية الطريق فهذه المباراة

الثانيه بالبطوله وامامنا

اربع مباريات بعد هذه المباراة

وأسل الله الكريم التوفيق لي ولكم

اعجاز على اساس بنلعب امام تشلسي .... وبعدين المدرب متى تبيه يستلم الفريق .

وفيه شي اسمه تسجيل مباريات ومدرب الاولمبي اكيد شرح الوضع له .

مدري ليه فيه اعضاء حاطين مباراة السد

على انها مباراة خروج المغلوب مو كنها مباراه

في دوري المجموعات وتعتبر المباراة الثانيه

مستحيل ننسى كيف كان وضعنا بالبطوله

الماضيه لم نحقق اي فوز بالدور الاول

اما بالنسبه لهذا الموسم كبدايه ممتازه

بالفوز بالمباراة الافتتاحيه للمجموعه

واذا انتهت مباراة الغد بالهزيمه لا قدر الله

لن تهزنا بالمجموعه لانه سيصبح الفرق

نقطه واحد بيننا وبين السد

فأتمنى من الجميع اخذ كأس

من الشاي المنعنع ومتابعة المباراة

والاستمتاع

سيبيربا مدرب ضعيف تكتيكيا ويحسب له فقط اللعب بمهاجمين وتصعيد الاولومبيين وهذا الذي جعل
الهلال يتصاعد في المستوى .. المدرب الجديد اطلع على المباريات اللي فاتت وخصوصا الثلث الاخيرة ونسأل الله له التوفيق وياليته بس يبعد عن اسلوب ريجي الدفاعي واللي اتوقع انه بيلعب فيه لان الكره اليونانية هذي طبعها دافع الين يوفقك الله بهدف صدفه

تحياتي