يوم الاحد نبي نشوف التحكيم الاجنبي اللي يجيبونه على مقاسهم .. عيد إحذر من اللي كسبك لايوقعك .. اتمناها تعادل - نادي الهلال السعودي - شبكة الزعيم

هلالية الشمال · #1 20/03/2015, 07:22 AM

بسم الله الرحمن الرحيم

من خلال لقاء الاهلي بالنصر يوم الاحد القادم نريد ان نشاهد نزاهة التحكيم في هذا اللقاء واعتقد ان الحكام المجريين الذي يحضرهم اتحاد الكره عادةٍ هم اسوأ الحكام وخاصةٍ في مباريات النصر .
هم يحضرون حكام على طلبهم وبما انهم يدفعون للحكام الاجانب لإحضارهم حتى لو كانت المباريات ليست على ارضهم فهذا محل شك بصراحه وياخوفي من اللي جاي .
على العموم مباراة الاحد ستحدد مصير بطولة الدوري واعتقد ان الاهلي راح ياكلها ويذوق من نفس الكأس اللي ذاقه الزعيم العام الماضي من حكام النصر الذين جيَروا البطولتين له .
انا اتمنى التعادل بين الفريقين لاجل الزعيم لعله يحقق مركز متقدم ولو اني مااعتقد انه رايح يحقق بطولة الدوري بس نقول لعل وعسى وهذي ماهي عوايدك يازعيم .
المهم نبي نشوف نزاهة التحكيم وكيف احمد عيد يقدر يدافع عن فريقه المفضل الاهلي واللي لعب له منذ سنوات واعتقد انه رايح يكون في موقف صعب لو تم سلب بطولة الدوري منه من اللي قاله ( إعرف من اللي كسبك ) والمقصود فيها ان رئيس النصر يقول لعيد اني انا اللي كسبتك وخليتك تفوز بالإنتخابات برئاسة إتحاد الكره وهذي رسالة تهديد واضحه له . نبي نشوووووووف يوم الاحد القادم ان شاءالله .

هلالية الشمال · #2 21/03/2015, 02:13 AM

شكرا مشرفونا الاعزاء على الرفع

<احمد الشمري> · #3 21/03/2015, 02:20 AM

وش دخلني فيهم؟
ياخي فكونا من اسلوب الصياح ركزو في فريقكم

أبـــ تاكي ـــــــو · #4 21/03/2015, 02:23 AM

يوم الاحد حنشوف رئيس النصر والأهلي بين الشوطين يكلمون الحكم كماهو معتاد ههههههههه
____________________________________________

بس الخوف مو من المباراة هذي الخوف من الاتحاد انه ممكن يتساهل مع النصر نكاية بالاهلي
لكن اذا فزنا على الشباب راح ناخذ الثالث من الاتحاد .. وهنا مجبور الاتحاد ان يلعب صح قدام النصر ..
______________________________________

بالنقاط نحن والاتحاد لنا امل في الدوري ... وكل شي ممكن

هلالية الشمال · #5 21/03/2015, 02:25 AM

إقتباس

الرسالة الأصلية كتبت بواسطة <احمد الشمري>


	وش دخلني فيهم؟ ياخي فكونا من اسلوب الصياح ركزو في فريقكم

لا ياخوي
هذا الامر يهمنا اجل ماخسرنا من الحكام الاجانب اغلب البطولات
وخاصه مع النصر انت ماشفت البلنتي الواضح للزوري هذي السنه
وكيف الحكم الاجنبي طنش والعام الماضي كيف صار
الساكت عن الحق شيطان اخرس وحنا مانبي الا حقنا ولا يمكن نسكت
عنه مهما كان ونبي نشوف بعد هل احمد عيد يسكت عن فريقه المفضل الاهلي
لو سلب النصر منه بطولة الدوري ؟ بس

سالم ع عثمان · #6 21/03/2015, 03:37 AM

هذولا مايقدر عليهم الا ربهم اللي خلقهم هذولا اهل الدسايس هذولا اللي يعصي امرهم يروح في خبر كان هذولا اللي مايمشي بالرشوه يمشي بالتهديد هو واسرته سوى رائيس اتحاد اورائيس عام او لجان او حكام هذولا االتاريخ يخجل من سيرتهم في مشوارهم الرياضي
ولذا ابقولكم لا رئيس عام ولا رئيس اتحاد ولا حتى امير يقدر عليهم لذالك مهما عمل احمد عيد بحكم انه رئيس الاتحاد ويهمه ان الأهلي يفوز حتى لو اتفق مع الحكام قبل دخولهم المملكه عند وصولهم تتغير نية الحكم باشاره لمصلحة الفقراويه اهل الدواهي الله يكفينا شرهم

رهف الجنوب · #7 21/03/2015, 03:48 AM

إقتباس

الرسالة الأصلية كتبت بواسطة أبـــ تاكي ـــــــو


	يوم الاحد حنشوف رئيس النصر والأهلي بين الشوطين يكلمون الحكم كماهو معتاد ههههههههه ____________________________________________ بس الخوف مو من المباراة هذي الخوف من الاتحاد انه ممكن يتساهل مع النصر نكاية بالاهلي لكن اذا فزنا على الشباب راح ناخذ الثالث من الاتحاد .. وهنا مجبور الاتحاد ان يلعب صح قدام النصر .. ______________________________________ بالنقاط نحن والاتحاد لنا امل في الدوري ... وكل شي ممكن

هههههههههههههاي
هذي صدقت فيها لزم يخشون الملعب ويدرعمون علئ الحكم
لزم يحصن نفسه علشان مايدرعمون ويترحم علئ حاله خخخ
تعودناها من رئيس النصروغيره من درعمتهم علئ الحكام
المهم بالتوفيق للزعيم بإذن الله تعالى
يسلموهلاليه الشمال

هلالية الشمال · #8 21/03/2015, 06:25 AM

إقتباس

الرسالة الأصلية كتبت بواسطة سالم ع عثمان


	هذولا مايقدر عليهم الا ربهم اللي خلقهم هذولا اهل الدسايس هذولا اللي يعصي امرهم يروح في خبر كان هذولا اللي مايمشي بالرشوه يمشي بالتهديد هو واسرته سوى رائيس اتحاد اورائيس عام او لجان او حكام هذولا االتاريخ يخجل من سيرتهم في مشوارهم الرياضي ولذا ابقولكم لا رئيس عام ولا رئيس اتحاد ولا حتى امير يقدر عليهم لذالك مهما عمل احمد عيد بحكم انه رئيس الاتحاد ويهمه ان الأهلي يفوز حتى لو اتفق مع الحكام قبل دخولهم المملكه عند وصولهم تتغير نية الحكم باشاره لمصلحة الفقراويه اهل الدواهي الله يكفينا شرهم

مانبي ندخل بالذمم
بس اللي قاعد يصير بصراحه شي يخوف ويخلي الواحد فينا يشك
كل الهدف من الموضوع هو طلب الإنصاف والعداله والحمدلله انها جت على كذا
يعني الاهلي اللي كان جمهوره يتلذذون بشماتتنا عند النصراويه اذا خسرنا منهم
بسبب التحكيم الحين نبي نشوف وش يسوون وكيف يقدرون يتخلصون من إنحياز
التحكيم سواء الاجنبي او المحلي للنصر وخاصه خويهم احمد عيد والمحسوب عليهم
لانه من ابناء الاهلي وهذا الشخص اكثر من مره يشوف الاخطاء اللي تصير لصالح
النصر ويغض البصر علشان رئيسهم اللي كسبه بالانتخابات الآن ربنا جابه وخلاه يعيش
بنفس الموقف اللي عشناه السنه هذي والماضيه .
يالله ورنا جودك يااحمد عيد وش تبي تسوي وكيف تبي تخلص من حكاية الفريق المدعوم
بلجانك اللي ماتقدر تسوي لها شي .. هل انت رئيس صوري بس ؟ لنرى !!!!

إحترت اسميك! · #9 21/03/2015, 06:55 AM

ياحبيبي عشاء الحكام ليلة المباراة عند فيصل بن تركي
والغداء عند فهد بن خالد
وياقلب لا تحزن وبين الشوطين يسولفون مع الحكام ( هاه كيف الوجبة ؟)
ماعينا خير من يوم جانا الخال رئيس اتحاد القدم

wAiLi · #10 21/03/2015, 07:49 AM

دوري هالسنه مايستاهله الأ الأهلي فقط يفوز بمجهوده دون مساعدة الحكام مثل النصر!
حرام أن يذهب الدوري لغير الأهلي !!
أتمنى من كل قلبي يكون الدوري أهلاوي يستاهلونه بكل جداره و أستحقاق تعبوا ع فريقهم ويستاهلون هالبطوله !
أتوقعها 2-1 للأهلي و راح يكون هدف النصر بلنتي كالعاده من الحكم !

الأتحاد مثل ماباع مباراته الموسم الماضي لصالح النصر
راح يكررها قدام النصر كون المنافس ع الدوري الأهلي !

kasyas · #11 21/03/2015, 10:19 PM

رحم الله والديك على الموضوع
بس تعادلهم مو في مصلحتنا أبد
فوز اï»»هلي هو الصحيح
يصير الفرق بينهم نقطتين
وحنا 7 نقاط
وباقي لهم مباراتنا والاتحاد والشباب
وأسأل الله أن يوفقنا بالفوز في جميع اللقاءات القادمة ففيها 21 نقطة
واسأله أن يخسر الآخرون مزيدا من النقاط
يارب

فري قود · #12 21/03/2015, 11:22 PM

إن كان التحكيم محايداً وعادلاً

صدقوني سينهزم " كديش الرياض "

وسأذكركم

اما ان لعب معهم الحكم فالحكم هو اللاعب الذي يستطيع ان يحسم أي مباراة بصافرة

#ابوخالد# · #13 22/03/2015, 02:58 AM

والله انا ودي اعرف اللي يستقبل الحكام الاجانب منهووو

انا اشهد ان لو يبي يجلس معهم ساعه ليبيعووون كل شي

رووووح الهلال · #14 22/03/2015, 03:02 AM

بدال الخرابيط هذي نبي تواجدكم في ملعب الملز لدعم الهلال

shafieq · #15 22/03/2015, 03:15 AM

يا حلمك كبير

نزاهة + تحكيم

ومع اتحاد عيد

يا كبر التفائل عندك

احيك على القلب الابيض الذي تملكه

بالنسبة لي

مع اتحاد عيد

والانذاز الاخير

وازدياد الدفع الرباعي

قلت الله عليه العوض

مو بس الدوري حتى المنتخب

وريحت راسي

خطتهم الان

بجعل الهلال يبتعد عن البطولات باي شكل كان

والله يحمي الهلال منهم