|
خساره وتعادلين ونهزمهم ونتصدر صباح الخير الدوري لازال فيه امل حسابيا بشرط ان نستمر بالفوز وتعثر المتصدر بهزيمه من احد الفرق وتعادلين ونهزمهم ونتصدر بمشيئة الله اما نقعد نريح لاعبينا فهي امنية الخصوم حتى نفقد نقاط ويرتاحون وحتى لو تعثروا بهزيمه مرتين وهزمناهم وتعادلوا مباراه نكون في الصداره اتمنى ان لانفرط بالنقاط وان شاء الله سنقلب الطاوله على الجميع للمعلوميه مباريات المتصدرالمتبقيه صعبه جدا جدا ...ودائما ماعودنا الهلال في الظهور بالمظهر المشرف متى وجدنا تكاتف من الجميع |
انا معاك في امل وحتى لو ماحصلنا على الدوري المركز الثاني مطلب وهو قريب للمشاركه باسيا السنه القادمة |
نركز على اسيا و نلعب بفريقين واحد ل اسيا و واحد للدوري و منها نريح اللاعبين و يكون تركيزنا افضل |
انت الى الان موجوووود ههههههههههههه |
أنا معك أخوي فليس من طبع الهلال التخلي عن بطولة حتى ولو كانت مستحيلة والتاريخ يشهد التدوير بدعة اخترعها المنافسين وصدقها الهلاليين لغاية في نفس يعقوب لكي يتخلى الزعيم عن مطاردة البطولات ويصفو لهم الجو ويغردوا في السرب لوحدهم ولكن هيهات هيهات التدوير لا يمكن أن يكون بكل الفريق بل بلاعب أو لاعبين كحد أعلى في كل مباراة إذا جلس اللاعب الأساسي في الدكة يختفي طموحه ويقل حماسه ويفقد احساسه بالكرة |
المدرب الجديد يبغى فتره ليتعرف على الفريق ياليت يرافق الفريق ولايستلم الفريق الا بعدما يعرف كل شئ عن اللاعبين والخصوم اذا فيه اراحه للاعبين حتى لانفقد اهم عناصر الفريق المهمه فهؤلاء اللاعبين يجب ان يريحوا في بعص المباريات السهله وليس راحه تامه بل يكونوا ع الدكه وهم نيفيز والفرج والاظهره والعابد وكريري ..يكونوا احتياط ومتى احتجنا الفوز يشاركون |
اشكرك اخوي على الطرح ولكن لاتنسى فيه ضغط جدا على اللاعبين والنقاط فرطنا فيها من بدري تعادلات وخسائر وربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين |
ياجماعة خير والله ثم والله لولا الله ثم مساعدة التحيكم للنصرمن ناحية التهاون والمجاملة خوفا من التهديد وحرب الاعلام ماشفت النصريتصدرالدوري او يحقق ااي بطولة ؟؟ والنصر يعاني من مرض نفسي وفي اي لحظة ممكن ينهارلانه مبني على باطل ومابني على باطل فهوباطل و النصرفقط يدعم بالاعلام المفبرك واللجان الخائنه والأجدرفي الدوري هم : الهلال و الاهلي والاتحاد والشباب اما النصر فقط بالتحيكم والمكر والخداع. شكرا لك |
- خسارة وتعادلين وأزيدك من الشعر بيت وحدة من المباريات الباقية معنا الموضوع بسيط وإنت متكي في بيتكم وتتفلسف لكن هذا مبني على إن الهلال بمدرب جديد بيحرق مثلك البطولات المهمة مقابل أمل ضعيف جدا في بطولة صعبة لو تعثر إنت تضمن إنك ما انت متعثر خلو الهلال يبني نفسه نبي بطولات كاس الملك أهم من الدوري ومثلها دوري الأبطال لازم لها إراحة لاعبين الهلال أكثر لاعبين اجهدوا مابين المنتخب والهلال ياليت مثل هالمواضيع تحذف . |
إقتباس:
انت شفت :laugh: الاخ عايش الدور انه هلالي ههههههههههههه بقولك ياخونا عاشق الكاسر واشك انك تعشق الكاسر بعد:alzaeem: الدوري انتهى امل الهلال فيه مهما حاول الهلال يبي بس مركز يؤهله لتأهل الى اسيا 2016 مانبي ندخل في معمعة التأهل من الملحق الاسيوي ،،، الهلال اكبر من الملحق يعني لازم نتأهل مباشره الى اسيا الموسم القادم مباشره اما الدوري واقولك من الحين " اقرب للاهلي او لنصر لاتحاول تعيش جمهور الهلال الوهم خاصه بعد التعادل مع هجر ومع الفيصلي والخساره من العروبه ! هذا فريق للاسف ماهو وجهه دوري اهني جمهور الاهلي بصراحه على مدربهم الممتاز يكفي انه رغم كل الظروف ماخسر والامس الحكم مرعي بصراحه " قتل الاهلي صح احتسب ركلة جزا للاهلي لكن اربع ركلات جزا صحيحه ماحسبها حسب رايي الاهلي اذا ماحقق الدوري هالسنه بوجود منافس ضعيف ابوالتحكيم مستحييييييل يحققه ابد، فقط رئيس الاهلي يجازف ولايفكر في اسيا هالسنه، الاهلي ماحقق اسيا من ايام الملاعب الترابيه بيحققها الحين في اقوى واشرس منافسه بين اندية غرب وشرق اسيا اللي تصرف ملايين عشان البطوله هذي. يعني الاهلي هالسنه يفكر بدوري اللي هو اقرب له، يفوز في المؤجله ، وباقي مبارياته ويبشر بالدوري،،، خاصه ان الهلال بيوقف النصر وممكن بعد النصر يخسر او يتعادل لان اجانبه هالسنه مقلب،،، ومستوى السهلاوي والراهب مدحدر وحارسهم نكبهم في مبارتين ورى بعض ... قرار الاهلي الاستغناء عن اسيا والتركيز في الدوري بعتبره قرار تاريخي،،، ونتيجته كأس الدوري اسيا تستنزف لاعبينه |
الأمل لا زال موجود النصر مقبل على مباريات قوية " أربع مباريات " الأهلي ثم الأتحاد وبعدها الهلال ثم الشباب التعثر وارد وبشكل كبير , الأهم وقبل كل شيء هو عدم تعثر الهلال وأستمراره بالإنتصارات والفوز بالذات امام الفرق الضعيفة , ولا ننسى انا الهلال خسر من أمام الصغار " 7 نقاط " . |
اتفق معك مفروض نقاتل لازم مانستسلم ولا تفرق لو ماخسرو اهم شي الاعبين يفهمون اننا مانستسلم |
بيحصل الهلال على الدوري إذا لعب بمحور واحد ومهاجمين |
من متي والزعيم يستسلم غير منفعين الفرق الاخري الزعيم صاحب الكعب العالي في البطولات |
التدوير المنطقي هو ان لا يتجاوز 3 لاعبين .. وممكن يصل الى 4 ولكن على حسب نوعية و قوة الخصم وأيضا ان يوجد بجانب خانة التدوير لاعب مساند من أساسي ولكن .. لندع الأمور تأخذ مجراها .. وان لا نضع في بالنا المركز الأول حاليا .. المفترض كل مباراه تؤخذ على حدا .. وبشكل مستقل لكسب الثلاث نقاط .. بغض النظر عن لعبة تبادل الكراسي في سلم ترتيب الدوري ولعلها خيره في إعطاء فرصه لبقية الاعبين والاحظ انه حتى الخصوم .. اختلفت طريقة تعاملهم مع الهلال عندما يلعب بعناصر و وجوه جديده .. مما يعطي فرصه لفتح اللعب .. وبالتالي فرصة وصول الهلال لمرمى الخصم اكبر و اسهل |
| الوقت المعتمد في المنتدى بتوقيت جرينتش +3.
الوقت الان » 12:10 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd