|
اعيد واكرر لاحاجه لـ مدافعين اجانب ! السلام عليكم ورحمة الله وبركاته اول شي الف مبروك الفوز للزعماء نتيجه من غير مستوى ،، قد تكون لعدة اسباب منها ارضية الملعب ومشاكل النادي واللاعبين الجدد ومافي انسجام بينهم :yes: وفالكم الفوز في قطر الاربعاء الجاي ،، عاد لاتنسون ي شقردية قطر :d الشي الثاني لاداعي للنقد في الوقت الحالي الفريق يحتاجنا واللاعبين يبون دعم ووقفه مهمه :yes: انا حبيت في موضوعي هذا اني اوضح ،، مستقبلياً الهلال لايحتاج الى مدافعين اجانب وقلتها قبل لما كانو بيستغنون عن كواك ،، والان اكررها الهلال لايحتاج الى مدافعين اجانب ابداً ،، اليوم شفنا مستويات جحفلي وفيه ميزتين الكرات الرأسيه متنقه وافتكاك الكره والسرعه ! . . وبيشكل ثنائي رائع جداً مع ديقاو ،، برضو تراهم يتشابهون شوي :s2: كواك ماشاء الله عليه دفاع لعيب ،، بس صراحه له هفوات وغلطات قاتله بعض الشي ومانبي العاطفيه ي شباب ! ! الموسم القادم اتمنى من كل قلبي الاستغناء عن كواك وجعل سامارس لاعب اسيوي ! ومنها نستفيد بلاعب اجنبي اخر صانع العاب او اي خانه يحتاجها الهلال مستقبلياً وصدقوني الدفاع سيكون بخير بوجود حمودي جحفلي وديقاو ،، واحتياطي لهم الحافظ اولاً والدعيع ثانياً لاننسى ياجماعه اليوم شفنا شراحيلي صد اكثر من كره خطيره عنده تركيز عالي ماشاء الله وسرعة بديهيه ،، يعني الدفاع بخير مع الحراسه !! هذي وجهة نظر لاغير ،، اتمنى اشوف ارائكم ،، دمتهم سالمين :d اخوكم ابراهيم |
للرفع .. upppppppppppppppppppppp |
للرفع .. upppppppppppppppppppppp |
على فكره ترا يوم راح كواك مع المنتخب كأس آسيا اكلنا كل مباراه هدف وأغلبها عرضيات ترا احنا بنعمة وأمان بوجود هالثناءي لكن متى بتعاني لا ستغنيت عن احداهما الجحفلي والحافظ محد ينكر مستواهما الراءع لكن صدقني يبغالهم شوي |
اهم شي الان شراحيلي يمسك الحراسه ويفكنا من السديري واستهتاره هو مسبب ربكة للمدافعين ومستواه صفر برد البلنتيات عكس شراحيلي يعطيك العافية |
هههههههه على طول حكمت كذا بس من مباراة وحدة !!! اقول استرح بس الهلال يحتاج مدافعين اجانب ولا باس باشراك قلوب محليين حتى يستفيدون من الاجانب اما نشيلهم كذا طوالي فقط من مباراة وحدة !! اسمح اجل لو انهزمنا اليوم وش بتقول ؟ المحليين فاشلين وين ديقاو !! محتاجين صناع لعب محليين اليوم المهاجمين ما عندهم صناع لعب بالوسط كان ودي لو اشرك المدرب السواط مكان عزوز يعطيه فرصة |
ديقاو وكواك ثنائي دفاعي قوي ومتناغم واصبح لديهم الخبرة الكبيرة للعب مع الهلال في الاسيوية وهي التي تهمنا حاليا لانريد الدخول في مغامرات غير محسوبة بالتفريط با احدهما ونندم مستقبلا |
مع عودة شراحيلي لمستواه المعهود واعطاء الجحفلي فرصة المشاركه يجب الاكتفاء ب قلب دفاع اجنبي وحيد و الاستفاده من الاجنبي الرابع ب مركز الهجوم |
ماتبي اجانب اجل ههههههههههههههههههههههههه جحفلي عاجبك |
ماوصل الهلال نهائي اسيا الا دفاعه ورجع لمباريات الهلال قبل قدوم كواك وديقاو شوارع الاثنين مكملين لبعض |
رايك على العين والراس لكن المشاركات المتعدده للهلال بين محليه وخارجيه تحتاج الى دكه غنيه لعلاج مشاكل ومفاجئات الدوري وتلاحظ اندية الخليج بتواجد الاجانب المتميزين يعتبرون اقوى من منتخبات الدول الخليجيه مفتاح البطولات الانضباط الدفاعي |
الان لا يوجد فترة تسجيل فيجب دعم الموجودين كل منا كان له وجهة نظر قبل إغلاق فترة التسجيل ولكن هذا الموجود التدوير مطلوب في جميع المراكز والهلال يحتاج ظهير ايمن اساسي وبديل ومهاجم ومحور وصانع لعب إذن نتمنى ان يكون هناك ولو لمره واحده دور لمدير الفريق في مناقشة المدرب اولا في مراكز اللاعبين الشهراني لاعب ايسر لا يفيد بالظهير الايمن وعزوز مهاجم ثاني لا يفيد بالوسط ومساندة الدفاع فإما ان يلعبوا بمراكزهم او يجلسوا بالاحتياط ثانيا مطلوب تصعيد ومشاركة البقعاوي ومشعل الحوطي للظهير الايمن وحسين القحطاني ونواف الزعاق وسلطان الفرحان للمحور وكروم والسواط صانعي العاب والبقعاوي او المنيع او الجمعان او اليامي مهاجم وتحديد مبارياتهم بين الفريق الاول والأولمبي ثالثا تحويل المسلم والحمد والقرني والبيشي والدعيع وشراحيلي والثنيان للفريق الأولمبي ومشاركتهم حسب النظام ثلاثه في كل مباراه ولكن كل هذا يلزمه مدير فريق مثل طارق التويجري مع احترامي لبو مفرج |
اقول تروا جبنا الدوري بالمرشدي وهوساوي اكثر من مرة والحافظ وجحفلي مستواهم ممتاز نبي مهاجم اجنبي بس الكلام هذا سابق على اوانه ربك يجيب الخير ان شاء الله |
بالعكس نحتاج كواك وديجاو جدااااااااا اسامه هوساوي والمرشدي ماكانوا افضل من الاجانب |
منطقيا كلامك سليم وجود محترفين اثنين بقلب الدفاع خطاء فادح لكن عمليا الي الان لا يوجد مدافع يقدر يغطي مكان احد هؤلاء الاثنين |
شكلك ياغالى متابع مباراة الفتح مع بطل دورى عبداللطيف تحكيم ؟؟ كواك وديقاو ونفيز خط احمر فترة تصفيات أسيا هذا العام وياليت ندعم ونبتعد عن لاحاجة ولا الديك يلحق الدجاجة -- تحياتي |
مع كآإمـل احترامـيـ لك ول ـبعض الأخـوة المطالبيـن بعـدم الحاجه لخط الدفاع للأجانـب .. .. جحفلـي .. الحافظ .. لاعبيـن جيديــن ولكـن لم يلعبوا حتى الآن مباريات قويـه للحكـــم بهذه السرعهـ والمطالبهـ بمشاركتهـم .. لأن خـط الوسـط الآن مكشـوفـ بعـدم وجـود المحـاور القويهـ الي تملك الستايـل الدفاعـي البحت والتغطيـهـ الـوقوف بشكل صحيح على خط الـ 18 .. ومن ذكـر أن الهلال حـقق الدوري بـوجـود [ المرشـدي .. هوساوي ] .. انـظر من يـقف امامهـم أو من يمنـع وصول الهجمات إليهــم [ خالد عزيز .. رادوي ] .. وعندما رحل خالد ورادوي انكشف مستوى [ هوساوي ] ع ـند الجميـع .. الهلال الآن مميــز بعناصره ولكن يحتاج إلى كـم لاعـب محلـي .. مع جلب مهاجـم صريـح جداً في الفترة القادمة بديــل .. سامراس .. المؤقــت |
اقتباس من اخوى محمد غالب </B>اي راااي :s2: الرجال جالس يهلوس له يومين ما رقد وقال خلني اكتب موضوع :s4s: الان مدافعين الاجانب غير مرغوب فيهم هين .. ما اقول الا :cc: ,,, هذا مايعتبر راي له سواء خطأ او صح ثم من ادب الحوار مع محب هلالي ان لااسفه رايه بوجوه تعبيريه واحباط فكرته لكن اعارضه بادب هذه طريقتنا كهلاليين قبل ان يتدخل المسايير الجدد الله يهدينا واياك ماتشوف ان كلمة يهلوس كبيره في حقه؟ |
ياخوي أشك فيك انت واحد من الاثنين يامندس يا ماتفقه كوره ياخوي ماركدنا إلا بتوفيق الله ثم دفاعنا الأجنبي وتبينا نرجع للدعيع اللي سجل هدف رائع في مرماك أو المسلم ياشيخ لاتصدع راسي ترى نسينا الدفاع ومشاكله خاصه العرضيات وربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين |
كواك وديقاو خط احمر لولا الله ثم هم كان ماوصلنا للنهائي الاسيوي ولولا خيانة حكم مباراة كان احنا الابطال الان ! |
والله ياابراهيم قلت المفيد الاعب كواك مفروض من البدايه " راح ،،، وجايبين لاعب صانع لعب برازيلي ،،،، ومهاجم اجنبي اسيوي سعره معقول ،،، لكن اللي تعاقد مع سماراس ماركز وين يلعب ،، درعم مع احترامي الاعب مايقدر يلعب مهاجم اول بسبب ثقل حركته وطوله الفارع ماهو مقلب زي مايقولون البعض هو لاعب مميز لكن ماهو مهاجم والهلال كان يبي مهاجم ودي اعرف من مسؤل عن تعاقدات الهلال! وايش خبرته في كورة القدم!!! من جاب الشمراني ، ورجع نيفيز، وجاب ديقاو، وكواك ،،، المفروض يكون مسؤل عن تعاقدات الهلال ،،، حتى لو بالاستشاره فقط ،، اللي هو طبعا ،،، الاسطوره سامي ،،، غيره بس يسمسر ويستفيد فلوس من الهلال ويجيب لاعبين مايفيدون الهلال ،،، الجحفلي مدافع كويس عشان كذا اقول تمنيت كواك راح واتوقع له مستقبل كبير مع الهلال ومع المنتخب بشرط يستمر على نفس المستوى مانبي لاعب مره مستواه كويس ومره مستواه مدحدر |
فكرت انو يكون عندنا اثنين اجانب دفاع خطاء لكن الهلال مجبر عليهم لكي يسد الثخرات الي كان موجوده في الموسم الماضي لكن الاستغناء عنهم لابد من تمرس الموجودين والمطلوب اعطائهم الفرصه الكامله والمباراه امام نجران وهو فريق ضعيف لا استطيع تقييم اي لاعب في هذه المبارات الاعب الكبير يبرز في المباريات الكبيره والحاسمه وحاليا الابقاء على ديقاو وكواك افضل لكي نحقق الاسيويه على الاقل لقوتهم وخبرتهم وصلابتهم وتمرسهم على البطولة الاسيوية |
ديقآو - كواك .. خط أحمررررر نسينا بفضل الله وبفضلهم صداع الضعف الدفاعي ! اللاعبين السعوديين فالفريق أمثال " الحافظ ، جحفلي ، الدعيع " يحتاجون المزيد من الوقت والمزيد من الإحتكاك بهؤلاء العمالقة ! ليثبتو أنفسهم لاحقاً متى ما أطيحت لهم الفرصة شكراً لك |
إقتباس:
المنتدى للنقاشات وماقلت شي غلط ،، الا وش مباراتكم امس مع الفتح :s2: |
إقتباس:
مندس ؟ :to: خف علينا يالشنيف :d انا جبت الواقع ،، رضيت به حياك مارضيت به انقلع مكان ثاني |
جحفلي ممتاز لكن للاسف لن ينجح مع الهلال بسبب الجماهير والافضل له ان يبحث له عن فريق يكون فيه القرار للمدربين والفنين اما عندنا فاالقرار للجماهير وعلى حسب الطلب وكل صاحب راي يحارب من اجل الظهور بانه صاحب الرويا الصحيحه |
الله يعطيكم العافية وبالتوفيق للزعيم الملكي |
| الوقت المعتمد في المنتدى بتوقيت جرينتش +3.
الوقت الان » 08:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd