|
سيرة مدربنا دونيس السلام عليكم سيرة المدرب الذي تم الاتفاق معه جيورجيس دينوس يوناني 45 عام درب 6 اندية خطتة المفضلة 4-2-3-1 في مسيرته التدريبية لعب 307 مباريات فاز 129 تعادل 92 خسر 86 ابرز انجازاته كأس اليونان مع لاريسا 2007 نهائي الكاس مرتين الدوري والكاس مع ابويل مؤخراً والتأهل لدوري المجموعات في دوري ابطال اوروبا |
الله ينفع به الهلال... لكن مهما كانت سيرة المدرب واسمه اذاا الاعبين ماتعاونو معه وساعدوه مستحيل ينجح وبشرط الرئيس يكون متابع لعمل المدرب ومناقشته يعني والله ماضيع الهلال الا خلونا نتعامل بحتراف وتسلم المدرب كل شي وهذا خطا لازم يعرف المدرب انه محاسب وخلفه جمهور لايرحم ... والحمدلله بعد ماصار عند الهلال لاعبين يشيلون الخانه... الاعب اللي غير منضبط ويلعب لنفسه واناني لازم يحول للاولمبي وتصعيد لاعبين الاولمبي للاول.... وبكذا الاعب يعرف قيمة الانضباط والخانه... لكن مشكلة الهلال في المعامله اللينه مع بعض الاعبين المدللين يعني نحتاج اداري صارم يازين ايام المصيبيح وسامي ... |
سي في غير مشجع ، عموماً ان أتى الله يوفقه وان تعثرت المفاوضات الله يعين شكراً لك .. |
إقتباس:
لا خلاص تم الاتفاق معه بشكل نهائي هو مدرب الهلال لمدة 4شهور اذا النتائج كانت معه ممتازه راح تزيد المده ويمدد عقده |
الله يوفقه معنا ماني متفائل |
نفسي افهم لماذا الاصرار على مدربيين من اوروبا فعلا حاجه ترفع الضغط وتقهر |
يعني رجعنا لمهاجم واحد لحول ولاقوة الا بالله |
أعوذ بالله وش السيرة الكئيبة شي مدمر بصراحة .. والكارثة يلعب بمهاجم ..؟ يعني الى متى؟ |
ودي ادري من يختار المدربيين للهلال يكره وحاقد او الهلال مسوي له شي حاجه غير معقولة |
المدرب ومساعدينه استلموا تأشيرات الدخول للمملكه |
مشكور على النقل بالتوفيق لهلالنا |
زميلي رقم 4 البرازيل بعد كاس العالم اثر على المدربين البرازيليين يمكن هذا سبب بعد مبارة البارح حسيت لو استمر مدرب الاولمبي سيبيريا مع الاول كانوا يلعبون بتكتيك مع العلم اني خايف منه الا اني اتمنى ان يوفق من اجل هلالنا |
اتمنى من الجميع من الان عدم زرع الخوف للاعبين من المدرب من الان اذا فعلا اصبح مدرب الهلال خلاص نوقف معاه ونتمناله التوفيق مهما كان السيفى حقه ورانا مباريات مهمه خاصه فى آسيا وكذلك المركز الثالت لضمان المشاركه اسيويا وكاس المليك يعنى اليوم وقت التكاتف ونهاية الموسم الكل يقدر يقول اللى يبيه الف مبروك على الفوز والف مبروك عودة الروح |
الله يوفق إن شاء الله -- ويستر بنفس الوقت اهم شى مهاجمين يريحون بالك -- |
إقتباس:
والله يوفق هلالنا |
شكله يشبه لسامي افرحوا يامحبين سامي جاكم الاوربي |
لالالالالالالا احد يقول الدوري خلاص ...الدوري فيه مباريات كثيره والفقرالان بلش بالاسيويه والدوري وستكون نتائجه في الاسيويه المخيبه وبالا عليه ويحتاس وسنلحق به اذا تركوا لهم الهلاليين المعنيين بكرة القدم الدوري فهم صراحة مايفهمون اطلاقا |
ابقوا على سيبيريا حتى نهاية الموسم ابرك نريد مدرب لاتيني محنك |
إقتباس:
افهم من كلامك انك ما تحب سامي تراها وصلت من زمان على العموم كبر عقلك شوي ولا تقحم اسم سامي بالطالعة والنازلة |
مدرب فاشل وسيفشل تذكرووو كلامي يازعماء |
اوسكار اول ما درب الهلال جانا تقريباً بنفس العمر وكانت السيرة الذاتيه متواضعه كان في بداية مشواره التدريبي ، وقدمنا معه مستويات لا تنسى واتمنى ان يتكرر ذلك مع اليوناني. |
اخو ريجي جانا مدري اش سر العلاقة المتوترة بين الادارة الهلالية والمدربين اللاتينيين!!!! يمكن اسعارهم رخيصة وماتناسب عمولة المفاوض |
والله تمنيت لو استمرينا مع سيبيريا الى نهاية الموسم وبعدها نجيب مدرب صاحي وش الفايده من مدرب تجيبه 4 شهور |
الله يعطيكم العافية وبالتوفيق للزعيم الملكي |
طيب إذا المدربين اللاتينيين رافضين فكرة الإشراف في منتصف الموسم ناخذ عليهم المشعاب ونقول نبي نتعاقد بالغصب وكل مدرب أوروبي في نظركم سباك المدرسه الأوروبيه تخطت المدرسه اللاتينيه بمراحل تجد أغلب المدربين على مستوى العالم أغلبهم أوروبيينوالإختلاف فقط في النهج الذي ينتهجه كل مدرب حتى وإن كانت الطريقه واحده فالمطالبين بمهاجمين هل المهاجمين هم من سيصنعوا الفوز في كل مباراة المطالبه بمهاجمين يعني التخلي عن صانع اللعب وتفعيل الأطراف أو التضحيه بأحد المحاور والإكتفاء بواحد والكل يعرف بأن مركز المحور هو أهم مراكز الفريق إذا أختل أختل كله من يستبق الأحكام لمجرد أنه مدرب أوروبي فهو جاهل بالأحكام وإذا كنا سنقول عن كل مدرب أوروبي سباك فمدرب تشلسي سباك والأرسنال سباك والأهلي سباك وغيرهم من القافله الطايله وغيرمؤهلين حتى لتحقيق نتائج جيده |
الله يعطيك العافية وبالتوفيق للزعيم الملكي |
تعليق رقم 19 <!-- / message -->افهم من كلامك انك ما تحب سامي تراها وصلت من زمان على العموم كبر عقلك شوي ولا تقحم اسم سامي بالطالعة والنازلة يعني مااتكلم عن شخص الا احبه ؟ انا مااكتب بدفتر مذكراتك او منتدى سامي ..انا اكتب بمنتدى الهلال وبعدين الحب من الله عالهودلات يبه عالهودليه الحب من الله من الله وانا اش بيديا |
من بعد ( جيريتس ) , اللي تعآقدنآ معاهم مدربين " فآشلين " وسيرتهم الذاتيه ضعيفه أتمنى يكون مدرب صآرم وانضبآطي وهجومي هذا أهم شي عندي ويعرف يوظف نجوم الاولمبي ومع وجود التاريخ والفيلسوف ( يوسف الثنيآن ) مآعلى الفريق خووووف , والله يوفق زعيم آسيا في مشواره الاسيوي |
اتمنى توفيقه مع الهلال عشان مانندم على ريجي مع العلم ان ريجي مدرب ناجح بس شلة الفساد هم من اطحو بريجي شكرًا لكم |
إقتباس:
|
فكونا من هالانتقادات اللي مالها داعي ترا الفريق يواجه حرب اعلاميه لاتكونوا عونا لهم على فريقكم. ادعموا هلالكم والمدرب الجديد وبعدين هذا مدرب مؤقت وتاريخه افضل من مدربنا الحالي بكثيررر وان شاء الله النجاح حليفه . |
إقتباس:
منتدى الهلال لا يسمح لك ان تسئ لاي لاعب هلالي خدم هذا الكيان ولا تحرف الموضوع وتجيب طاري سامي الموضوع يخص المدرب دونيس |
السؤال هل المدرسة اليونانية مناسبة للهلال..؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 03:13 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd