حملة ضد ياسر الشهراني ماحد ينكر موهبه اللاعب وتحركاته ومهارته الجيده واختراقاته ولكن للاسف اللمسه الاخير وعرضياته جدا سئيه بنسبه مخيفه المشكله ان اللاعب يفعل الصعب ومجهوده عالي طوال المباراه ويمتاز بالسرعه والمراوغه وهذا الشي الصعب ولكن للاسف يعجز عن الشي الاسهل وهو دقه عرضياته قد يقول البعض ان ضعف قدمه لايساعده بدقه الاوفرات وتوصيلها ولكن لو رجعنا للمباريات نجده حتى عندما يصل لخط السته عرضياته بالغالب تكون سيئه بالامس ذكر خالد الشنيف هذه النقطه وحسب الاحصائيات تقريبا لديه 25 عرضيه خاطئه وثلاثه صحيحه فقط ليس من المنطقي ان لايطور اللاعب نفسه مع هذه النسبه المخيفه ضروري الضغط عليه لكي يحس بالمسؤوليه اكثر ويعمل على تطوير عيوبه الفنيه التي اللي لو استمر عليها سيفقد خانته بكل سهوله خاتمه: الزوري الاغلبيه توجه سهام النقد له ولكن لو عملنا مقارنه من الموسم الماضي لوجدنا الزوري رغم عيوبه يتفوق بنسبه كبيره بصناعه الاهداف والتسجيل ايضا |
الحقيقة ان الزوري والشهراني من افضل الاظهرة في المملكة الهلال بشكل عام يعاني عدم توازن وليس الزوري وياسر فقط سالم والعابد وناصر ونيفيز كلهم امام المرمى يتصرفون برعونة المشكلة في الفريق ادارية بدأت اولى الحلول باستقالة بن مساعد الله يعطيه العافية على ماقدم وننتظر تغيير مجلس الادارة ومدير الكرة وسيعود الهلال بإذن الله افضل مماكان انا لاابرىء اللاعبين بالعكس يتحملون نسبة كبيرة من الاخفاق لكن ابحث عن الادارة خلف اي اخفاق او نجاح فمع الادارة السابقة الجميع لن يقدم ماعنده ولو انتقل الزوري والشهراني لأبدعوا ولكنا اول من سيطالب بالتعاقد معهم |
الشهراني لو كنت مدرب وضعت له بعد كل تمرين تمرين خاص اجعله ينطلق حتى يصل ال 18 واضع له علامات بلونين لون اخضر يمثل لاعبي فريقه واحمر دفاعات الخصم واجعله يمرر للون الاخضر مره ارضي ومره اوفر حتى يتقن فهو رهيب بالاندافاع فقط معالجة هالنقطه |
كلامك سليم وعليك نور وليت يوصل صوتك ياسر ï»»عب ممتاز ومخلص وحماسي ومكسب للكتيبه الهلاليه لاكن زي ماتكرمت عكسياته او عرضياته بدون تركيز ï»»كن اعتقد بحول الله انه تعالج هذه النقطه والله يوفق زعيمنا الملكي فوق كل ارض وتحت كل سماء يارب يارب |
بالنسبة للشهراني دفاعيا ممتاز لكن هجوميا صفر ومايسفاد منه ابدا ومحتاج لشغل كبير |
هذه تعتمد على اللاعب.. ليه ما يتدرب ويخصص نصف ساعه على الاقل بعد كل تمرين للتعود على الرفعات والتسديد. الاحظه دائما لمن يطلع للجناح ويبي يرفع .. تلاقونه يرفع عينه لخويه المهاجم وعلى طول يضرب الكره بدون ما يطالعها. تبقى عينه فوق. المفروض يناظر مكان خويه ويعيد نظره للكره ويضربها صح. مو بس هو العابد يسويها سالم يسويها. هذه مسؤولية تدريب وتوجيه وتعويد اللاعبين عليها |
الحل تجده في ردود الاخ ثائر الهميجان الغربله في المراكز مشكلة الهلال وكلها عمل تكتيكي بحت الله يوفق الهلال ويبعد سوء الطالع عنه |
تحيه طيبه للجميع لاحمله ولا شي هذا واقع الشهراني لاعب اقل مايقال عنه عادي جدا ياسر لااوفراة زي الاظهرة ولاتغطيه مع احد خذ عندك البارحه في موقع داخل الصندوق بدل مايلعبها لناصرالي متمركز لعبها للحارس ولا يعرفيعمل اوفراة مقوسه ع حسب البعد والقرب وبا يغطي خانته لاعب لياقه بس هذاهو ياسر الشهراني اذا ماطور نفسه هوعبدالعزيز الدوسري والعابد ولا مكانهم نادي الفيصلي او الفتح لعيبه منتهين |
والله المفروض يرجع يتدرب مع الناشئين سنة ويرجعون للفريق |
طيب احنا مانختلف ان الزوري والشهراني لديهم مشآكل في العرضيات وخلافه ولكن اخوي : تخيل انتقل الزوري والشهراني من الفريق ، لاتقول الاعبين الشباب بيغطوا مكانهم بتكون فيه فجوه فضيعه في خط الظهر طبعاً الي قاعد اشوفه ان الاعلاك وليس الاعلام ( الاصفر ) يحاول بشتى الطرق زعزعه ثقه الجمهور الهلالي في لاعيبته احنا علينا نشد من ازرهم وتقويم اخطائهم فقط لااكثر ولااقل |
لازم يشد على حيله شوي ويركز بالعرضيات |
تبغون الصراحه :: ودك تجمع العابد وسالم وعبدالعزيز الدوسري والشهراني والزوري .. وتخلي سلمان الفرج يدربّهم ماشاء الله الله لا يضره .. وبالنسبه لـ ياسر الشهراني .. مستواه كويسس لكن يحتاج الهدوء .. والآن قدامه ساماراس يعني مايحتاج مُقوسه ومربعه بس شوتها فوُق وداخل الـ 18.. وصدقوني ساماراس هو اللي راح يفعّل أطراف الهـلال لأنه كلنا عارفين انه على الورق اظهرة الهـلال هي الأفضل .. لكن تحتاج تفعيل اكثر .. |
فقط اول كلمتين من موضعك تعارض ماقلته بأن الاعب لديه موهبة النقد الموجه للاعب هو لتحسين مستواه وليس مهاجمته لاعب إلى الان مايعرف يرفع كورة صح تقول عنه موهوب ؟ خالد الشنيف ذكر امس في مبارة الاهلي أن الاعب كان يركض بدون فائدة الاعب اذا ماطور مستواه وانتبه لاخطائه فلايستحق النجومية او الموهبة شكرا |
انا براءيي الشخصي اذا لم يستطع الشهراني تطوير نفسه بمركز الضهير..واهمها التغطيه السليمه والاوفرات السليمه فالافضل تحويله للعب بخط الوسط كما حوله كمبواريه ولوبيز لهذا الخط |
أخي العزيز أي لاعب لازم يكون فيه تذبذب في مستواه في فترات , ياسر أهم مانجده فيه الروح التي فقدها معظم اللاعبين وهذا هو المطلوب .. |
الوقت المعتمد في المنتدى بتوقيت جرينتش +3.
الوقت الان » 04:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd