|
خطير"... الفين حساب في تويتر تغرد بأسماء هلالين يديرها نصراوين... من حي المعذر في الرياض! نعم امر خطير وحذرنا منه لكن فيه من يقلل منه ويحاول ينسي الجمهور الموضوع! لكن هالامر لاينسكت عنه ووجب التحذير منه... مثل ماهو مكتوب في العنوان ".. . الفين حساب في تويتر تغرد بأسماء هلالين يديرها نصراوين... من حي المعذر في الرياض. ويغردون عن الهلال .. هذا ما قاله الاعلامي الكبير فهد الروقي في لقائه مع احد البرامج الاذاعية وهالشي اللي اسمه " السوس الاصفر" المنتشر في تويتر وللاسف هم في منتدانا وبينا الان وشايلين حمله على الشمراني... حي واحد فقط الفين حساب بشعار الهلال ويديرها" نصراوين " يغردون ويحاولون حفر قبر الهلال وللاسف جمهور الهلال بعضهم يعتقد ان هالحساب صادق و يبي مصلحة الهلال الى هذا الحد وصلت فيهم الخساسه! والنجاسه قسم بالله ان القبر اللي تحفرونه للهلال لن يدفن فيه الا انتم يابنواصيفر. والا الهلال بأذن لله باقي الا ان يرث الله الارض ومن عليها... بنو اصيفر مازالو يتالمون من الخمسه و الاربعه..اللي حتى في عز متصدر لاتكلمني دعس الهلال عليهم! رباعيه بقيادة الاسطوره سامي..وبعشرة لاعبين.. لكن لاتصل بهم الى هذا الحد من الانحطاط!! اللهم من اراد في الهلال وجمهوره شر رد كيده في نحره واشغله في نفسه بإي مصيبه او مرض يصيبه في جسده...! ماذا فعل بهم الهلال ! هل كل هذا لمجرد الانتقام من " الخمسه" وسنوات هزائمهم من الزعيم! طوال عشرين سنه!! مايفعلونه النصراوين واستغلالهم تويتر عمل خبيث قذر تعدا " موضوع المنافسه الشريفه والتعصب الحميد تعدا الى مراحل " والعياذ بالله العدوانيه والمرض "! وبيع الذمه والضمير من اجل جلد منفوخ! لكن اذكر كل نصراوي يعمل هذا العمل قسم بالله ماينفعك خبيلان ولا النصر يوم الحساب .. |
شكرا يا ادارة الموقع على استرجاع الموضوع ... الان ولله الحمد تطمنت ان موقع اكبر نادي في اسيا في ايدي امينه... وخاصه الامير بندر بن ثامر الله يوفقه |
يا اخوي مهتم انا اثق تمام الثقة انه في عينات نصراوية مستعدة تعمل اي شي عشان دمار الهلال يا اخي الحسد كل ابن آدم يخالجه شعور الحسد والحقد على الناجحين بس العاقل اللي يردع نفسه ويقول لها ان الله هو المعطي بس انت وانا وغيرنا كثير ماريقدر بفرق ان هذا الحساب هلالي او نصراوي لان فيه هلالي غير متفق مع اخر هلالي في فكرة ما وعشان كذا ما لنا الا علام الغيوب في كل امورنا صح اننا نحب الهلال بس ما تصل اني ادعي على مسلم مثلي والله يا اني صرت اخاف من هذا التعصب يا خي احنا كارهين بعض بسبب وكورة وربي خلقنا لأكبر من كذا صح شجع وحب زي ما تبغى بس ما نخلي هذا التعصب يخليني ابغض اخويه المسلم لا ادعي المثالية لكن والله النصيحة موجة ليه انا قبل ان تكون لكم اخواني والله يا انا ساكن في مجتمع كله نصراوية وأحس اني وصلت لدرجة اني اكرهم وهم أقاربي وعشان كذا انصح نفسي قبلكم |
إقتباس:
لا صدقني يفضح نفسه ... وفضحو انفسهم بسهوله.. واي هلالي يخاف على الهلال بيكشفهم فيه امور تعرف المندس منها... لكن مقدر اكتبها ابد.. اذا الهلالي يبي يدمر خطط هالسوس الاصفر فقط يقف مع الهلال ويبعد عن الانتقادات فقط هالشهرين ولايعمل ريتويت ابدا لاي تغريده ضد الهلال .. هم يدسون السم في العسل احذروهم |
وفهد الروقي من وين جاب هالمعلومه ....!!!!! 2000 ومن المعذر .. |
إقتباس:
هههههههههههه قسم بالله كنت انتظر هالرد توقعته... التقليل من الخبر والتهاون فيه!! وهذا السم الذي يدس في العسل ماهو فهد الروقي اللي جاب الخبر لعلمك فيه ناس متخصصين في تويتر اكتشفو موضوع الحسابات الخبيثه اللي تغرد بأسماء هلالين... |
يا رب اي انسان يبى يضر الهلال سلط عليه المصايب من كل جهه وسلط عليه الامراض الي تشغله عن اذية الهلال |
طيب اخوي مهتم ليه هذولي المختصين والخبراء ما يعطلون حساباتهم وبكذا نرتاح منهم لان والله في هذا المنتدى مو بعيد ما عاد تدري من هو الهلالي من غير الهلالي فيه ناس معارضه وناس مؤيدة وهذا الطبيعي الاختلاف في الاراء ليت المشكلة كيف نعرف بعض كهلاليين عشان نكون يد وحدة والله يا وضع الفريق ما يسرنا تعودنا على العلالي وعلى البطولات كيف نرجع هلالنا كيف؟؟؟؟؟ أرجوكم يا شباب خلونا نتكاتف والله لنعمل المستحيل وانا الاول مستعد باللي تشوفوه مناسب بس كيف نثق اننا كلنا هلالين |
اخوي كاتب الموضوع مصدقك وفعلا الفقراويين خبثاء ولكن احنا بالوقت الحالي كهلاليين نوقف مع من مع لاعب مثل ابو اساور المتغطرس العابد ولا نيفيز الفاشل ولا سالم الاستعراضي ولا حميداني ابو صكة بلوت ولا الجاسر ابو جحا خلونا واقعيين الهلال يحتاج غربله شامله ولا مجال للوقوف مع فاشلين اذا جاء رئيس جديد وجاب اجانب فنانين ومدرب عالمي وادارة قوية واعلام قوي هذيك اللحظة نوقف اما حاليآ لايوجد شي تقف من اجل سوى اسم الهلال اسم فقط |
حدث العاقل بما لا يعقل فإن صدق فلا عقل له !! في حي واحد (2000) نصراوي هؤلاء فقط الذين عندهم حسابات في تويتر بأسماء هلاليين !! اذاً كم عدد النصراويين في هذا الحي ؟!! أعتقد والله أعلم بأن جميع سكان هذا الحي نصراويين !! ثم كيف لأي من كان أن يعرف بأن هذا الشخص هلالي أو نصراوي إذا لم يكن يعرفه أو يشاهده في مدرجهم ؟!! الأن أنت تجلس مع شخص وتتحدث معه , ومع ذلك تسأله عن ميوله , فكيف لم تعرف ميوله وأنت جالس معه ! فمابالك بمن لم تشاهده ولم تتحدث معه مباشرة !! ولكن أنا أظن أن هذا الموضوع دعوة غير مباشرة للتطبيل , يعني اللي ما يمدح الإدارة , قاطعوه فهو نصراوي !! أرجو أن أكون مخطئ في ذلك . |
تركيز الهجمة على نواف العابد وسالم الدوسري ماهو الا خبث أصفر تغلغل في كل مكان هم كالسرطان ويجب ان نلتف حول زعيمنا ان اردنا له الاستمرار |
طيب اخوي (((روحي الوجلة))) والله انا مؤيدك في كلامك على بعض اللاعبين طيب عندك حل والله نبغى حل يوصل لهم اننا غير راضين عم انت فيه حتى نشوف انه هم عندهم النية انهم يتغيروا ويرجعوا كما كانوا او انهم (((مقتنعين)) انهم كويسين وما عليهم خلاف وانا أشك ان فيه ناس جالسه تقنعهم انهم كويسين بس الجمهور عاطفي اذا عندك حل او اي احد من الزعماء المخلصين وانا اعرف ما فيه اخد يشجع للهلال ما هو مخلص فكر في حل او عنده حل يقدمه ونتناقش لان كما يقول المثل ما يحك جلدك غير ظفرك خلونا احنا اللي نعود بهلالنا الى مكانه الطبيعي |
إقتباس:
الموضوع اكبر من الفين حساب حتى.. حسابات معروفه ومشهوره وبدون تحديد اسمها لكن مثال فيه " حساب شهير " متخصص في نشر الهشتاقات ... من يديره نصراوين وللاسف هذا الهشتاق يتابعه 80% من المجتمع السعودي يظهر اي مشكله على الهلال ويضخمها ويشهر في مشاكل الهلال ويدفن راسه في مشاكل النصر واخرها فضيحة تهديد خبيلان للخوي عيد وشغب جمهور النصر ضد الحكام ' تم اخفاء الخبر نهائيآ وحساب " صحيفة سبق يتواطى مع النصر ولايظهر الا مشاكل الهلال! وحسابات كبيره جدآ استغلت تويتر وتجمع متابعين بشكل كبير جدا يصلون الى مئات الاف وكلهم من الناس البسطاء واللي مالهم في الرياضه وتنشر تغريدات الفتنه واستحقار الهلال وتظهر ان النصر هو البطل وقبل تويتر مايدرون هالناس ان الهلال داعس على النصر عشرين سنه . لكن في زمن تويتر سهل خداع الناس وللمعلوميه شراء ذمة اصحاب الحسابات الكبيره عمل منظم بقيادة راس الافعى خبيلان لكن ربك يمهل ولايهمل لكن اسهل طريقه للي يسال كيف تعرفهم اي حساب يغرد ضد الهلال عطه انفلو والغ متابعتهم فورآ .. الحل هذا اللي بيدمر هذا المخطط .. |
يا شباب خلونا نكون واقعين نواف العابد لا يختلف اثنين على موهبته بس وانا ما عليه من لبسه وشكله هو حر بس يكون اكثر اخلاص وأكثر حرقه لانه هو او غيره من المشاهير والله ولا حاجة من غير الجمهور نواف ما هو مقدر انه يلعب للهلال يعني الأنظار كلها مسلطه عليه يحترق في الملعب وينضبط اقدر في التمارين والله ليكون النجم الاول في السعودية وسالم بالمثل وناصر باقي ما هو مستوعب انه خرج من الشباب اللي ما هو مركز عليه ولا على لاعبيه إعلامياً مثل الهلال لابد له ان يعلم ويعي ذلك وان يضبط أعصابه اذا ما سجل خلاص ما عاد يعرف يلعب احنا ما لنا هدف غير عودة الهلال الى مكانه الطبيعي والله العظيم ما لنا اي مشاكل شخصية معاهم ولا عرفناهم الا عن طريق الكيان الهلال فلابد لهم ان يردوا للهلال شي من الجميل وان قدمهم للأنظار ويكونوا اكثر حرص |
إقتباس:
مشكلة انك مافهمت ... الفين حساب مندس يديرها مجموعة اشخاص في مكان واحد ماقلت اهل الحي اللي يغردون ياذهين بس الظاهر طبيعي ومتاكد بيكون فيه ردود زي هذي اخماد الخبر وتهميشه واخراج من يحذر الهلالين انه مايفهم لكن انفضح امرهم خلاص والجمهور الهلالي واعي ولن تخدعه هذه الحسابات الجبانه المختفيه ورى شعار الهلال لان النصراوي لايقدر ان ينشر الفتن الا بهذه الطريقه لان وضع شعار ناديه لايشرفه !! |
| الوقت المعتمد في المنتدى بتوقيت جرينتش +3.
الوقت الان » 01:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd