يااخوان بسكم هذا ماهو من جمهور ياسر ....ينتقد الشمراني خلاص من جمهور ياسر ...اركدوا يمكن مندس ماجاب طاري ياسر

السديري يوم قام يخبص ركنه سامي .. العابد يوم حب يلعب بذيله ما شاف دكة الاحتياط .

الله يهدينا وياك فيه فرق بين لاعب نجم يفرق عن غيره (وعنصر قوه للفريق حتى على مستوى القاره) وبين لعيبه كماله عدد كان للواسطه والمحسوبيات والمجاملات سبب لممارستهم للكره ووجودهم بنادي
فالسديري والعابد ليسو بالاعبين مؤهلين لتمثيل نادي بطولات ولو شاركو 100 سنه لن ينجحو بالمساهمه في أي بطوله مساهمه فعليه حتى لو دوري مناطق

تهاونو ام لم يتهاونو اصلا وجودهم اساسيون تهاون وغلطه



كيف تقارن وضعهم بلااعب متمرس ومتمكن وعالمي مثل افضل لاعب في اسيا ناصر

هههههههههههههههههههه اجل ناصر هو السبب !!!

ناصر افضل مهاجم رقميا منذ سنوات طووويله
ناصر هداف الدوري واسيا وافضل لاعب في اسيا

امثالكم يريدون لاعبينا من عينة الغنام والمفرج .... اهم شي خلووق
روح شجع المخيمات الشبابيه بتلاقي كثير من عينة خلوق

لحد ينبرش ويدرعم ... ترا خلوق مو يعني مطوع !!

الغنام والمفرج

يعني اذا فشل اللاعب صرفتوه بكلمه خلوق

مافي الغنام ولا المفرج زياده اخلاق عن غيرهم بالعكس الخلوق هو اللي يكون صريح مع نفسه قبل غيره
المصيبيح اعتزل وهو في 30 من عمره والجماهير كانت تبيه يواصل لدرجه انها طالبت ان يوضح الاسباب في مؤتمر بالنادي وحضر مالايقل عن 5000 مشجع لثنيه لكنه اصر بحجه ان هناك لاعبين شباب جاهزين(فيصل ابو ثنين وسلمان العمران) وان هذي فرصتهم وانه يثق بنجوميتهم ولمصلحه الفريق وتقديرا للجمهور اعتزل قبل ان تطالبوني بالاعتزال

المفرج كم نكب الفريق وكم ورطه وبالاخير تحصله مع المذيع النصراوي العرفج يصف من ينتقده بانهم اطفال

الغنام سنوات ومستواه الفني وامكانياته لاتؤهله ان يكون محترف رياضي
لو كان خلوق (يفرق عن غيره من اللاعبين بالاخلاق) كان ابتعد خصوصا وان الجماهير يهمها ان يحقق الفريق الانتصارات

المهم من شروط التصحيح ابعاد المفرج عن النادي نهائيا لا اداري ولاشئون اجتماعيه او غيرها (كفايه محسوبيه)
والغنام ياليت مستقبلا يقال لكل لاعب هلالي ناشئي يبغى ينجح شد حيلك ولاتكون مثل الغنام

انت تتكلم عن افضل لاعب باسيا.

صح ابتعد عن التهديف شوي .. بس مو معناه ننسى تاريخه

بكل صراحه اتفق معك احنا ك هلاليين ماتعودنا من لاعبيننا هلتمرد، وناصر الشمراني لاعب غير محترف لان المحترف يقدر يمسك اعصابه مو يتهاوش مع المدربين! صدمني بصراحه وقهرني

يارجال هذا مندس فقراوي يبغاء يفعل زعزعة بين الجماهير والاعبين

فقراوي ناصر جلد مرماكم

اخوي الغالي فيه شي اسمه مدرب ،، والمدرب انواع فيه منهم من يصنع الاعب ويبرزه في الملعب
وفيه مدربين يوظف الاعب بالمكان الي يحبه والي يعرف يلعب فيه الاعب .. وفيه المدرب الي يقتل الاعب قتل ويحطه بغير مكانه
او ما يآسس الخطه على نمط المهاجم الوحيد الي عنندك بالصنوق .. بالنسبه للانضباطيه انا كل يوم اتابع تمارين الهلال هنا عن الطريق
الصور دايما ناصر في المقدمه ومتواجد طال عمرك ..
كل الكلام ان ريجيكامب ما عرف يلعب بالهلال زين ولا عنده التكتيك المناسب !! فالحمد لله على خروجه من نادي الهلال !!

ولاننسى ان اغلب الاعبين متضايقين من المدرب مو مرتاحين له !!

ناصر الشمرانى هو هداف الهلال حاليا الاول وافضل لاعب فى اسيا
ناصر الشمرانى من الاعبين اللى يلعب بروح عالية
ومشكلة ناصر الشمرانى عدم توظيف المدرب له بشكل صحيح
ووين اللى يصنع له كور امام المرمى !

ماجد

وبعدين معاكم طيب امدحوا الشمراني لكن لاتسيئون للعابد والسديري هؤلاء نجوم سنستفيد منهم سنوات طويله

مشكلتكم لاحبيتوا رفعتوا المحبوب لعنان الشماء وهذا الرويسي واسلوبه
ولا كرهتوا سفلت باللاعب صار مابسوى شئ
اخوي ترى نوعيتك عاله على الجمهور انت حاط الثنيان عاله على الهلال هههههههههه ماادري من بيصدقك اتصور حتى ارضية لملاعب حتتكلم وتقول لك تكفى اترك متابعة الكره

إقتباس الرسالة الأصلية كتبت بواسطة هلالى وكلى ذوق ناصر الشمرانى هو هداف الهلال حاليا الاول وافضل لاعب فى اسيا ناصر الشمرانى من الاعبين اللى يلعب بروح عالية ومشكلة ناصر الشمرانى عدم توظيف المدرب له بشكل صحيح ووين اللى يصنع له كور امام المرمى ! ماجد

عدم توظيف المدرب له بالشكل الصحيح ؟؟
اخوي هو راس حربه ماهو لاعب وسط هو منهي للهجمه
الشمراني كامكانات لاعب ضعيف ولكن فيه ميزات تعوضه السرعه والارتماء على الكرات العرضيه بقوه
البلنتي لايجيده فلا يعتبر هداف متمكن
اربع نهائيات لم يسجل لامع سامي بولي العهد ولامع ريجي بولي العهد واسيا ولامع لوبيز بنهائي الخليج
نحن نتمنى له التوفيق وان يكون لاعب لمباريات معينه مثل تقدم الفريق نزله جيد بالمرتدات اما كل مباراه اساسي فخطا كبير
يوسف الثنيان لعب مع ثلاثين مدرب مع كل مدرب يبدع وهو لاعب وسط مااثر عليه تغيير المدربين فما بالك براس حربه راس الحربه ماعنده الا يتحمى للكوره وبالقول ماله دخل المدرب بضعف مستواه هذي قلة امكانات
الفرج مااتر عليه المدربين مع كل مدرب نجم وهو يغير مركزه بكل مباراه لاتقعدون تدورون اعذار واهيه

إقتباس الرسالة الأصلية كتبت بواسطة مهتم7 ههههههههههههههه ومازال السوس الاصفر شاد حيله في حملتهم ضد الشمراني!! اجل ناصر السبب!!!! امس اتصل في فقراوي بدوي مايشوف مباريات ابد يقول السبب في انخفاض الهلال الشمراني! الحمله الوصخه ضد الزلزال وصلته حتى في الصحرا اعلام نصراوي وسوس اصفر شغال ضد الشمراني لكن جايكم الموت انتظرو

والحين البدو اللي هم اصول اهل الجزيرة العربية
من قبائل اصيله تجي تتهكم عليها وتسخر
عيب عليك لا تصير مثل الهريفي يوم قال بدو
وتمسخر ان وسط شعب كامل اغلبهم اصولهم
بدوية وانا منهم فلذلك يجب انت تعتذر ؟؟

إقتباس الرسالة الأصلية كتبت بواسطة وجيه الهلال السلام عليكم ورحمه الله اسعد الله مسائكم جميعاً كثير من الجماهير الهلالية طالبت بابتعاد رئيس النادي والمدرب ولكن الكثير منا تناسى دور اللاعبين المتخاذلين وأولهم ناصر الشمراني. الشمراني اتى لفريق يحلم كل لاعب في العالم العربي الانضمام له وبعقد مالي خيالي ومع ذلك عاد ناصر لممارسة هوايته المفضلة بالتمرد وعدم الانضباطية. المتمرد ناصر تسبب بابعاد مدرب الشباب السابق البلجيكي الناجح الصارم بعد تصادمة معه وافتعل مشكلة في استراليا وتصرفاته التي ظهرت امام سيدني والتي لم تعهد من لاعب هلالي. تمرد ناصر وعدم لجمه ووقفه عند حده اغرى غيره من اللاعبين على التمرد وممارسة الاستهتار داخل الملعب واللا مبالاة (السديري ،سالم،العابد،نيفيز،الزوري،الشمراني) هولاء هم مصدر الخلل في بنية الفريق. ختاماً الامير عبدالرحمن بن مساعد شخص خلوق ومحبوب وبشوش ومن احب الشخصيات الرياضية لدي ولكن ادارة النادي تحتاج لشخص قيادي وحازم مع اللاعبين والاعلام والاندية الاخرى القيادة موهبة من الله واعتقد ان الامير عبدالرحمن لايملكها.

من العيب الرد على هذه الاشكال , والله عيب , أنا انصح كل هلالي وفي , تجاهل هالمواضيع . لا أحد يتعب نفسه ويشرح ويوضح أهمية اللاعبين المميزين علشان نقنع هذه الاشكال السخيفه

صدقوني كأني أشوف هالنماذج من البشر تضحك علينا وحنا نجاريهم ونجادلهم !! تكفون أتركوهم والله وااااااااااضح قصدهم الخسيس.

اللهم أكشف سترهم ورد كيدهم في نحرهم وأحمي الهلال من شرورهم ...اللهم آمين

إقتباس الرسالة الأصلية كتبت بواسطة روحي الوجله والحين البدو اللي هم اصول اهل الجزيرة العربية من قبائل اصيله تجي تتهكم عليها وتسخر عيب عليك لا تصير مثل الهريفي يوم قال بدو وتمسخر ان وسط شعب كامل اغلبهم اصولهم بدوية وانا منهم فلذلك يجب انت تعتذر ؟؟

أخي الكريم أولا والنعم في البدو الشرفاء الكرماء .
ثانيا الرجل ما غلط !! قال فقراوي بدوي وهذا وصف لاصل الشخص , مثل ما نقول فقراوي قصيمي أو فقراوي سديراوي أو فقراوي حضرمي أو مكاوي أو دمامي ...الخ . والنعم بالجميع كلهم مسلمين بالمقام الاول

لا تتحسس من كلمة بدوي أن كنت تفتخر بأصلك , والشيئ الاهم ومع كل أحترامي لك , أصول الجزيره العربيه ليست بداوه بل هناك حاضره قديمه وأنت تعرف أن الرسول الكريم صل الله عليه وسلم من أصول الجزيره العربيه وهو ليس بدوي والخلفاء ليسوا بدو والغالبيه العظمى من الصحابه ليسوا بدو مع جل أحترامي وتقديري لأهل الباديه .

أرجو أن نبتعد عن الحساسيه بهالامور ونلتمس العذر لبعض ..وشكرا