صاحب الموضوع كلامك.جدا جميل التيفو القادم لازم يكون هديه بسيطه
للرئيس عبدالرحمن بن مساعد واقتراحك في محله واستغرب من ردود
اعضاء المنتدي هنا مو وقت تصحيح املاء هنا موضوع مهم واقتراح يستاهل ان نقف معاه والمباره القادمه لازم يكون تيفو مميز ونرفع روح الفريق المهزوز اشكرك اخووي واقتراحك ع العين والراس اتمني يؤخذ بيه

ابو فيصل يساهل اكثر
بس ماهي زينه بحقه اللي صار من الجماهير الجاحدة

ياليت ابو فيصل يعرف ان الجماهير الجاحدة لاتمثل جماهير الهلال
وخاصة بعض الردود هنا تنم عن فكر عقيم ونكران جميل
مغرر بهم بقوة

لا تتوهم ما فيه أحد غرر الجماهير لأن الجماهير استندت رأيها على ما تشاهده على أرض الواقع سواء داخل النادي أو نتائج مباريات الفريق.
(ربما لو استبدلت مغرر بهم بـــ عاطفية كان ممكن تكون أكثر اقناعا)

يستاهل ولا تكونوا جاحدين اخطاء هالسنة ما تلغي جهود سنوات راحت

هذا اذا حضر الجمهور !



_________________

اوافقك بالراي وهي فكره جيده

انا مع المطالبة بإستقالته وإن كنت اتمناها آخر الموسم علشان الفريق ما يضيع اكثر ماهو ضايع
لكن البعض زودها بشكل لا يطاق
سب وإهانة وتطاول بل ودخول في الذمم واتهمه بغسيل الأموال عن طريق النادي
والبعض يرى انه سرق اموال النادي !!!!
من متى والأندية عندنا تدر أموال !!
علشان كم عقد يادوب يغطي التعاقدات !!
من حق الجميع انتقاد اخطاء التعاقدات او الفراغ الإداري او اعضاء ادارته او سياسته الإعلامية
لكن الإسائة لشخصه وترديد القاب يرددها النصراويه لا معليش !!!!

واللي يساوي عبدالرحمن بن مساعد اللي خدم الهلال عضو شرف ورئيس لسنين بريجي وزوجته
مع احترامي يا انه ماعرف الهلال الا هالسنه او انه جاحد
ابو فيصل خدم الهلال لسنين ربما اكبر من اعمار بعض من تطاولوا عليه