مملكة الحرف 8 >>>>>> الخلا .. ثم الخلا !!
============================
أحبة المملكة وحروفها .. اليوم تعتذر الزاوية عن الظهور المعهود .. وستكون معكم بمواضيعها في الاسابيع القادمه ... ورغم ذلك أحببت أن تكونوا معي في هذا الموقف الذي حدث لي صباح اليوم وانا في مشوار لقضاء حاجة لي .. في إحدى المكتبات .. في الطريق وجدت أحدهم يتابع سيارتي ولم أفهم ما يريد خاصة أنني ممن يلتزم بالاحتشام التام ولله الحمد >>>>> يعني ماله عذر ؟؟؟؟
المهم والسيارة تقف لمحته يرفع رقماً يبدو أنه لهاتفه .. مكتوب بخط عريض على ورقة كبيرة .. فحزنت لوضعه كثيراً ؟ وأشفقت على من سيكون نصيبها معه خاصة ونحن في خضم هذه الاحداث والهموم وهذا الخبل الصغير بفكره والكبير بجثته ؟؟ يبحث عن تسلية غير مشروعة ! ويهدر وقته في التجول في الطرقات ! ويصرف البنزين بلا أدنى مبرر ! أو هدف ؟؟ فقلت أشرككم معي بهذه الابيات التي ولدت الآن .. أما الموضوع الرئيسي فقد تأجل لمملكة الحرف 9 بحول الله ...

الخلا........... ثم الخلا !!
==================


أعذروني والسموحه ... لاختفت عنكم حروفي @ مع مواضيع الحياة ... كل حرفٍ له ظروفه

جيت ابكتب ... حيّرتني ... رغبتي وازداد خوفي @ كل شيٍّ بي تبعثر ... والفكر يبغا المروفه !

كل يومٍ هالحوادث .. تخـترق سـمعي .. وجوفي @ وين ما وجَّهتْ شوفي صاب عيني ماتشوفه

مــرني خبلٍ مسبّه ... في مرامــيه مْعَــروفي @ رافعٍ رقمه بلوحه ؟ والقوايل مـا تـحـوفه

فارغٍ عقله ... ووقته .. في شوارعها يطوفي @ كل هالعالم بوادي ! والاخو حاله ..كسوفه !

ما لقا غير المهونه .. من رزينات الوصـوفي @ الخلا .. ثم الخلا .. لك ياخبيثاتٍ وصوفه

مملكة حرف الزعيم .. تعـتذر .. بعـدين توفي @ الوعد قِدّام يامن شرّف الحرف .. بحروفه !!

============= المملكة 19/4/1424هـ ========================

والله العظيم ماهو أنا

إقتباس في الطريق وجدت أحدهم يتابع سيارتي

سيارتك وش تكون ؟ووش لونها ؟ والسواق وش يكون ؟ والبنزين بكم تعبين فل والا بعشره ؟

إقتباس المهم والسيارة تقف لمحته يرفع رقماً يبدو أنه لهاتفه

هذي كيفي كويتيه بالونيت حقها ترفعلك رقم اللوحه حق سيارتها

إقتباس وهذا الخبل الصغير بفكره والكبير بجثته

تسلم عليك جدتي ياشيخه وتقولك فري قود

إقتباس ما لقا غير المهونه .. من رزينات الوصـوفي

يعني لازم تخربينها ماعمري مدحت نفسي وانا اموت فيّ وهذي تمدح بنفسها

تسلمي يامملكتنا الرائعة على هذه المشاركة المميزة .. وإن كان سببها يحز في النفس كثيرا .

وهو شئ مشاهد في جميع الأماكن تقريبا سواء في الأسواق أو الشوارع . ولاحول ولاقوة إلا بالله

وكم رأيت من الشباب من يستعرض مواهبه وبعضهم يفرض نفسه فرضا والآخر يتميلح ويترزز

والهدف واحد وهو الإيقاع ببنات المسلمين ومحاربة الله ورسوله وهدم المبادئ وقد سمعت بعضهم

يقول إن البنات يحبون الشاب الجرئ والذي لا يخجل من شئ ولا يخاف !!

والمصيبة الأخرى أن تكون المعاكسة من الطرف الآخر

السؤال : ما هو موقفنا أمام من يرانا قدوة للمسلمين وكيف تكون نظرتهم عنا في هذه الحالة وبالذات

العاملين في المحلات التجارية وهم يرون المصائب أمامهم ؟

تحياتي للجميع ..

حنا بانتظار قدام الوعد يا الوافية بالوعدود ،،،

شيخة المنتدى حقوق اللقب للأخ الكريم ابو ريمان ... وقد صدق ...

إقتباس في الطريق وجدت أحدهم يتابع سيارتي ولم أفهم ما يريد خاصة أنني ممن يلتزم بالاحتشام التام ولله الحمد >>>>> يعني ماله عذر ؟؟؟؟

[ALIGN=JUSTIFY]حسناً ما أفهمه مما كتبت ، وعذراً على التطفل ، أنك كنت مع سائق ... فإن هذا ، اي وجود السائق ، سبب آخر لجذب الشباب اللاهث في الطرقات ...

بإنتظار ابداع حرفك القادم ... [/ALIGN]

لا عاد تطلعي من البيت الا بمحرم..

هذا ماأمرك به الله ورسوله..

يالمملكه انتي وراك على ثمانيتي :sad: كان اخذتي الثمانيه الثانيع والا اختها
بس مملكة الحرف تستمر

إقتباس وجدت أحدهم يتابع سيارتي ولم أفهم ما يريد خاصة أنني ممن يلتزم بالاحتشام التام

الا فاااااااااااااهمــه >> يمكن يبي يسرق السياره

إقتباس المهم والسيارة تقف

اهبي يا هالسياره اللي تقف لحالها

إقتباس لمحته يرفع رقماً يبدو أنه لهاتفه .. مكتوب بخط عريض على ورقة كبيرة .. فحزنت لوضعه كثيراً

هذا يسمونه معروض الله يكفينا شره

بس تصدقين يالمملكه لو اشوفك انتي وسيارتك وادري ان هذي المملكه
يمكن اتحرش في سيارتك
ويمكن امشي وراك واشغل الفلشر وازمر بالكلكس << حمايه

عمومآ اختي المملكه واضح ان الاحداث الاخيره ما اثرت عليك فقط وانما على الجميع
نأمل زوالها بأقرب فرصه لننعم بالامن والاستقرار ونتقوز ونخلف عيال ااااااااااد كدا

وخبل القوايل جاه حقه الله يكفينا شرك

تحياتي لك ولا خلا ولا عدم

[ALIGN=CENTER]الله لايخلينـــاوبس00,,[/ALIGN]

إقتباس مــرني خبلٍ مسبّه ... في مرامــيه مْعَــروفي @ رافعٍ رقمه بلوحه ؟ والقوايل مـا تـحـوفه

ياولد خف اللة وش لك فى الترقيم @ لآ تحسب كل بنت أشرلتلها بتاخذه

أحترم نفسك وخل عنك التنعيم @ بلاك اللة بمطاردة الحريم بسيراته

أنك لآتهدى من أحببة ولكن اللة يهدى من يشاء

تحياتى

الله يعطيك العافيه اختي الغاليه على القصيده التي تصور الواقع
لكن تبين نصيحتي احسن شيء ظللوا سيارتكم
من جد راااااحه ما بعدها راحه ولا احد يدري من إلي في السياره

المهم عيوني إحنا في انتظار القادم من مملكة حرف

صح لسانك مملكة


يسلموووووووووووو على الفعل الذي ينم عن انسانه واعيه وفاهمه

ومثل البزر هذا لايحرك فيك الاشعور التمسك والمحافظة

مشكووووووووووره


جررررررريح الشمال

الـحـاتـمـي .........


مــر مـــن هــــــنــــــــا ......


ويقول : صح لسانك يا شاعرة منتدانا ........

يامملكة ...ولايهون الاخوان ....

ارجو ان تسمحو لي ان اطلق على المملكة لقب ( صوت المملكة ) فهي به جديرة......




ثم هذا الموضوع لو استعرضناه لوجدنا انه ... بعد ان تكوني معي بلاانحياز للمرأة يامملكة....;)


المرأة في الاسواق لاتخلو من( 3 ) حالات ::::


1- اما ان تكون بنت مستترة تراعي الله في نظراتها للشباب ...وفي قضاء حاجتها بدون مايخل بالأدب...

فهذه الله يحفظها ولايجرؤ احد على مساسها وان تعرضت لشيئ ....وهذا يحصل فهي لاتظهر تجاوبا...


2- او تكون بنتا ...تلبس مايغري الشباب... ورائحة عطرها تشم من بعد 100 متر ..ونقاب يخرن نصف خدها ... ومشية كأنها عزف على ( الدنبك ) طبل يعني :p

فهذي كانها تدعو الشباب ............ والا لا

2- اوبنتا .... وهذه هي الخطرة جدا .... تلبس مايستر جسدها وتتوشح بالسواد........ ولكن مخادعة للطيبين واهلها ... فهي التي تبحث عن الشباب ....

ووالله اني اعرف احد من يطارد البنات في الاسواق يقول .... اننا صرنا نبحث عن البنت المستترة فهي اللي تركب معنا في السيارة ....مهو بس ترقيم ...

وهذي اللي اساءت لسمعة من هن مثلك ....



عموما فيما يلي ابيات خرجت من القلب... فاسمحوا لها ان تدخل القلب....

وهي على قافية ابيات المملكة ...................



يالمملكة اسمعي لمن لحالتكم يروفي @ يحب الخير واهل الخير ومقاصده معروفة!

قالوها من اول والأولين ابخص بشوفي @ عطاهم الله الحكمة والعلم طول عليهم وقوفه!

البنت تعرف من مشيها وعيونها وياخوفي@ من بنات اليوم الزمن يضرب عليهن كفوفة!

يابنيتي بسمة يابعد قلبي وحشى جوفي @ اسمعي نصيحة ابوك من التجربة قل شوفه!

ترى لبس المخصر والعبايا بالكتوفي @ يعمي شباب اليوم عن ربه وينسيه خوفة!

ياللملكة وياشباب انا مانيب ملقوفي @ لكنها حركت قلبي وهذي دموعي لكم مكشوفة!!!

وشكرا لك ياصوت المملكة .... ;);)


واعذرونا على رداءة الابيات ....

فانما هي حرقة في القلب ..... فبحت بها لكم ....