|
سامي مدربا للوحده الاماراتي وهذا معناه انه سيواجهنا بدوري المجموعات الآسيوي في حالة تخطيه السد القطري !!!! بسم الله الرحمن الرحيم لقد سعدت وفرحت كثيرا عندما علمت بنبأ تعيين اسطورتنا الكبيره وفخرنا المدرب الوطني / سامي الجابر مدربا للوحده الاماراتي ( اصحاب السعاده ) كما يحلو لعشاقه وجماهيره بتسميته وهذا الشئ الذي لابد ان يحدث من ابو عبدالله إن أراد الاستمراريه في عالم التدريب لكي يصبح مدربا كبيرا يشار له بالبنان وكم حزنت عندما توجه للعربي القطري كمدير رياضي ولكن الذئب لم يهرول عبثا وربما هي استراحة المحارب منه لكي يلتقط الانفاس خاصةٍ بعد إقالته الظالمه والغير محسوبة العواقب من إدارتنا الموقره بمباركه شرفيه . لقد كانت ايام محزنه لنا كهلاليين تلك التي مضت حيث فقدنا الجابر إبننا البار ثم توالت الخسائر حتى فقدنا التتويج الآسيوي وهو الاقرب لدينا بسبب تخبطات السيد / ريجي وكلنا شاهدنا كيف كان لقاء سيدني سهلا وسهلا للغايه ولكن ذلك الروماني جعله صعبا وعسيرا علينا سواءٍ بالذهاب او الاياب ولو كان الجابر موجودا وهو الذي يضرب بالاربعات والخمسات موجودا لحسمنا اللقب والله اعلم منذ مباراة الذهاب بسيدني ولكن قدر الله وما شاء فعل ثم توالت الخسائر علينا حتى فقدنا المنافسه على بطولة الدوري واصبح بيننا وبين المتصدر تسعة نقاط كامله . الآن سامي سيواجهنا في مجموعتنا إذا ماتأهل فريقه الى المجموعه الثالثه والتي تضم بالاضافه لنا فرق لوموكوتيف الاوزبكي وفولاذ الايراني والفائز من الوحده الاماراتي والسد القطري وكلي أمل ان يتأهل اصحاب السعاده لملاقاتنا في مجموعتنا حبا وتقديرا لسامي فهذا الرجل يستحق كل خير وتشجيع ومسانده مننا كيف لا ؟ وهو الابن البار للنادي الذي قدم له خدمات جليله لم ولن يسنساها الا الجاحد الناكر للجميل . لنرى ماسيقدم لنا ريجي في حالة ملاقاته للجابر وهل يصمد دفاعيا امامه حيث اننا نعرف ان سامي يحب اللعب الهجومي وما خمسة الاتحاد واربعة النصر الا خير دليل ولكن عليك ياريجي ان تقوم بدراسة اسلوب الجابر وترسل مندوبك الى موقعة الفريقان لمعاينة اسلوبه وطريقة لعبه قبل المواجهتين المرتقبتين في رسم المجموعه الثالثه في البطوله الآسيويه والتي اضعتها مننا بكل رعونه ربما لن تتكرر مرة اخرى . سامي تستحق قيادة اصحاب السعاده ذلك الفريق الذي لم يفصله عن المتصدر في دوري بلاده سوى اربعة نقاط ونتمنى ان نراك تتوجه باللقب لتكون باكورة بطولاتك وانت الذي حققت البطولات عندما كنت لاعبا وجمعت المجد من كل اطرافه يازعيم . تحيــــــــــــــــــاتي وتقديري لكم ,,,, |
بكرة عندنا نهائي وانتوا تتكلمون في سامي واسيا !!! |
الله يستر لايحط حرته فينا وبذاك المتدرب ريجي سامي يلعب بمحور واحد وثلاث مهاجمين ويساندهم الظهيرين يعني يهاجم بخمسه وهنا مربط الفرس جاك الموت ياتارك الصلاه واذا واجهناهم اتوقع نهاية ريجي على يد سامي |
الله يستر لايحط حرته فينا وبذاك المتدرب ريجي سامي يلعب بمحور واحد وثلاث مهاجمين ويساندهم الظهيرين يعني يهاجم بخمسه وهنا مربط الفرس جاك الموت ياتارك الصلاه واذا واجهناهم اتوقع نهاية ريجي على يد سامي / اي والله صدقت ههههههههه وبنشوف مين الأفضل |
هل سيأتي ذلك اليوم/ لورينت ريجيكامف Vs سامي الجابر الهلال السعودي Vs الوحدة الإماراتي |
الله يوفقه ان شاء الله واتمنى في حال تاهل الوحدة الاماراتي الى دور المجموعات ان يرافق الهلال باذن الله الى دور ال 16في الاسيوية ولكن هل سنصل مع ريجي!!!!! |
انا من سمعت وشاهدت الخبر رسميا بقناة بي إن سبورت القطريه طرت من الفرحه سامي يستاهل كل خير ومو بس الوحده وعقبال مايوصل لتدريب انديه اوروبيه وهو قدها وقدود هذا ولدنا حبيبنا اسطورتنا ومن راح مننا وحنا من جرف لدحديره والله يسامح اللي كان السبب تعالو شوفو ريجي وش قاعد يسوي بزعيمنا مع سامي كنا نضرب بالتاريخيات الفرق الكبيره ومع ريجي يادوب نفوز على الفرق الصغيره مبروك ياسامي وعقبالك البطولات واذا قابلنا مع فريقه الجديد اقول الله يستر وهو المعروف باللعب الهجومي ونشوفك عااد ياريجي وش تسوي !! |
ان جت هذه المباراة ان شاء الله الوحدة بينهزم رايح جاي وبنكمل للبطولة احنا عشاق الهلال مو عشاق شخص بعينه بالتوفيق لسامي بعيدا عن الهلال |
إقتباس:
احنا عشاااق الهلال والكيان ولكل من ينتمي له وسامي جزء لايتجزأ منه والجاحد هو اللي ينكر هذا ان شاءالله فريق سامي يرافقنا لدور الـ 16 |
بالنهاية سامي مسلم وله وحوبه وجاك الوقت الي يدق دق اجل يجهز فريق ويتعب واخرتها تبون هالسباك ياخذ بطوله اسيا لا وأقاله سامي ليست فنيه السبب الاول كبير الهلالين بندر بن محد زعل علشان قال الفئات السنيه سيه وهو صادق سامي ليش يكبر بالخطأ. بندر والثاني يوم يقول اطلب محمد بن فيصل فلوس. خلاص سلو سيوفهم وإقالوه لاكن الأيام دوره والحين سامي يدرب الوحده وحنا بالسباك |
رسالة للزعماء: أنا عشت في الامارات لأكثر 15 سنة وملعب نادي الوحدة كان على بعد شارعين من بيتنا وايس فقط ذلك فأنا مشجع لاصحاب السعادة في الامارات ... بس صدقوني لو النعيمة رئيس النادي والثنيان النائب وأبو ثنبن مديرة الكورة وسامي الجابر المدرب ولعب مع الهلال راح اشجع الهلال وان شاء الله يتأهل الوحدة ونستمتع في مباراتين على مستوى عالي ويتاهلوا معاً الى دور 16 والهلال الى النهائي مع ريجي او حتى مدرب من جزر الواق وأق |
سامي يبي يقول مثل الواكد ... ابي الهلال يشوفوني ابيهم يعرفون قدري .. هالادارة قاعده تطفش الي يحب الهلال ومخلص له وتقرب النصراويه والكارهين .. ليه بس ودي افهم .. مافي امل احد يوقف الهلال عن حصد البطولات الا رئيس لا يفهم من الكره الا استثمار ولا من الحوار الا المساجله والشعر تاليف الاغاني ... |
انا اتوقع صاحب الموضوع مندس والله اعلم الحين عندنا مباراة نهائي ويتكلم بموضوع زي كذا عشان يتشتت الجمهو ويشن حمله على خزان الماء المهم بالتوفيق لهلال وشجعو الفريق واتركو سامي عنكم حنا شجعنا الهلال وسامي فرد ضمن مجموعه بالتوفيق لابوعبدالله وان شاء الله بالمستقبل نشوفه مدرب للهلال اذا قويت عضامه الحين اتمنى من الجمهور الاهتمام بفريقهم هاجمو المدرب هاجمو الاعبين اهاجمو الاداره بيننا وبينكم حنا اسره واحده ومشاكلنا نحله بيننا لاحد يتدخل بيننا وهو من برى البيت انتبهو من الي يدسون السم بالعسل خلوكم اذكاء من انه يلعب عليكم واحد مندس يالمخفات |
بالتوفيق لسامي في حياته التدريبيه بعيدا عن (الهلال) |
بيكون موقف سامي صعب يقابل فريقه وانا متاكد مايبي مقابلة الهلال وضعه بيكون حساس وصعب وفي نفس الوقت مدربنا دلخ والله من جنبها ويمكن سامي يفوز علينا |
| الوقت المعتمد في المنتدى بتوقيت جرينتش +3.
الوقت الان » 02:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd