ليس لأجل الإدارة وليس لأجل اللاعبين ولكن لـــ .... - نادي الهلال السعودي - شبكة الزعيم

إيهاب زكري · #1 13/02/2015, 02:36 AM

السلام عليكم ورحمة الله وبركاتة

ليتني اقدر احضر للملعب .. ولو اني في السعودية بأحضر لو كعابي

مو علشان احمس اللاعبين ... ولا علشان ادعم الادارة .. هذولا راحلين راحلين طال الزمن او قصر ... لكن احضر واشجع لأجل الكيان "الهـــلال" لأجل اللون الازرق اللي حبيته وهو مقترن باسم الهلال

اقلها بأحضر لأجل التيفو اللي وضعه مجلس الجمهور الهلال مشكورين

لأجل ابو متعب رحمة الله عليه .. لأجل ابو فهد ... علشان تطلع صورهم بشكل حلو

بأحضر وحاط في بالي شي واحد فقط هو (( الهلال )) كإسم , كشعار

اللاعبين مهمتهم بالمستطيل
الادارة مهمتها بالمكاتب والتخطيط

انا مهمتي المدرج ووالشال على صدري وصوتي يقول هلال ويدي تصفق لاجل الهلال

تكفون يا أهل الرياض احضرو علشان اسم الهلال

ما الومكم ابدا .. اللاعبين مقصرين .. الادارة مقصرة .. المركز الاعلامي مقصر

مجلس الجمهور عنده شوية تقصير ... لكن اسم الهلال في ايش قصر معنا ؟؟

تمشي وتفتخر بانك تشجع (الهلال) وتحمل شعاره وتعلقه بالبيت بالسيارة بالمكتب وبالجوال وبكل مكان معاك

طلبناكم يالشقردية احضرو ...

لو خذنا الكاس فعادي حنا الهلال اتخمنا بهذا الكاس

لا سمح الله خسرناه .. لا تزعلون قد راح الدوري قبله لكن اسم الهلال ما يروح كيان الهلال ما ينهز بوجودكم وحضوركم يبقى اسم الهلال

الهلال اقترن بجمهوره .. مثال الشباب نادي كبير لكن جمهوره قليل وصوته خافت حتى وهو يحقق البطولات اعلاميا وجماهيريا ضعيف

لكن انتو جماهير الهلال ... مجرد ما يقولون الاسم نجد الاعلام والاعلام المضاد موجود ... مجرد ما ينذكر جمهور الهلال نجد الشركات ورجال الاعمال يسيل لعابهم لشكلكم في الملاعب

الهلال في عز مستوياته السيئة يصل للنهائي كيف ما احضر له قولو لي كيييييف ما احضر !!!

تكفوووووووون تكفون يا جمهور الرياض بيضو وجه الهلال واحضر ودقوها سوالف مو مشكلة طقطقو بالجوال مو مشكلة لا تهتفون زعلانين على اللاعبين والادارة ومالكم خلق تشجيع مو مشكلة لكن احضرو وانتو في قلوبكم الشعار فقط

طيب احضرو لاجل التيفو زبطوه وبعدها روحو بيوتكم موافق

انا عارف ومتأكد انو كثير منكم بيحضر لاجل التيفو فقط واسم الهلال اللي بيشجع ويحترق بالمدرج ممتاز ليش لا

هذا اللي عندي انا حاضر بقلبي وعقلي وقدام الشاشة باتسمر قبل المباراه بساعه فقط لأجل الهلال ولا غيره

تحياتي

(أتاري) · #2 13/02/2015, 02:42 AM

دائما جمهور الرياض مايجملنا

لكن ان شاء الله نشوف حضور هلالي طاغي مثل نهائي اسيا

جمهور بن أزرق · #3 13/02/2015, 02:45 AM

إقتباس

الرسالة الأصلية كتبت بواسطة (أتاري)


	دائما جمهور الرياض مايجملنا لكن ان شاء الله نشوف حضور هلالي طاغي مثل نهائي اسيا

تشوفه بكره تارس الملعب ترس

عذب السجايا · #4 13/02/2015, 02:46 AM

اسأل الله ان ينصر الهلال
موضوع رائع ومميز
الهلال ولاشيء غيره في الرياضة
اذا احببنا لاعب او مدرب او اداري فلأجل الهلال والهلال هو صاحب الفضل في ابرازهم
واذا انتقدنا لاعب فلأجل الهلال فتاريخ الزعيم وانجازاته اكبر من ان نجامل احد فيها

الفوز لاشك فرحة عظيمة لكن لو لاقدر الله وخسرنا فالهلال لن يهتز في قلوبنا وسنتحمل فلا وقت للتغيير فلا فترة تسجيل قبل نهاية الموسم ولا تغييرات فنية وادارية ستفيد
الدعم مطلوب للهلال وليس للاسماء

إيهاب زكري · #5 13/02/2015, 02:53 AM

لا ان شاء الله بيحضرون وبيجملونها .. اهل الرياض يحبون الهلال وبيجون لاجل الهلال

بومريم الخالدى · #6 13/02/2015, 03:30 AM

حنا بعاد عن الرياض وعن السعوديه بس قلبنا هناك فى ملعب الدرة
للاسف ما سمعنا عن التفاف اعضاء الشرف مع الفريق ليش شلى صاير هذا الزعيم بستاهل ويستاهل الكثير اليوم منعطف خطير فوز الهلال معناه تعود روخ الهلال وخسارته لا قدر الله بتأثر كثير بمسيرته
ما بقى للزعيم الا الشقرديه هذا يومهم