الرسالة الأصلية كتبت بواسطة a.raqeeb69 (مشاركة 21986622)

يا عزيزي ، النصر اخذ منك الدوري لان عنده مهاجمين ، رغم ضعف دفاعه ، والمباراة الاخيرة الهلال لعب وسيطير ، ومع انه اقوى دفاع الا ان النصر من خلال مهاجم نايم طول المباراة واول ما جته الفرصه سجل ، لان المهاجم هو اللي يفك الضغط عن الدفاع ، والدليل دفاع سدني طول المباراة ، وعلى باب واحد الذهاب ، وبالاخير فك الضغط عنهم مهاجم نزل الشوط الثاني وسجل هدف في اقوى دفاع في اسيا، لذلك الاستغناء عن كواك هو الحل ، لان الفريق يحتاج مهاجم ذو بنية جسمانيه قوية ويجيد ضربات الرأس ، وصدقني مستوى نيفيز بيرجع باذن الله ، لان الان الفريق فيه لاعب اجنبي اذا لعب جناح مثل ولي هامسون بيفك المراقبه عن نيفيز ، وبيلقى مساحات ، وكذلك بيتحرر الشمراني ، وفي حال عدم مشاركة الشمراني ممكن يلعب ساميراس كمهاجم ، او يبقى جناح والكعبي هجوم ، وشوف الهلال العام مافاز على النصر الا بالهجوم ، كان ياسر في يومه وايضا نيفيز ، ولاحظ النتيجه انتهت 4/3 للهلال ، وحتى لو كان فيها طرد ترى اللي انطرد منا لاعب وسط مو مدافع ، ومع ذلك النصر ، رجع للمباراة من خلال لعيبته المهاجمين الاجنبي والسهلاوي ، المبالغه بالدفاع ، على حساب الهجوم او الوسط تعطيك فريق قوي دفاعيا من الصعب هزيمته ولكنه ، لا يفوز امام الفرق اللي تنظم دفاعها ويكون عندها هجوم قوي ، واذكر اخرتها مباراة هجر ، وكيف تعادلنا مبكرا ولم نستطع تسجيل هدف الفوز ، الان باذن الله مع اي هجمة مرتده لنا حتكون خطيره وهجمة هدف ، تبداء من الدفاع الى ساميراس الى نيفيز ثم الشمراني ، لان اجاده هذا الثلاثي للهجمه المرتده عاليه جدا ، واذا بتبداء بهذه القوة الهجوميه في اي مباراة سجل ، وبعدها حافظ على هدفك ، من خلال عدم تقدم الاظهره وكريري وبنتلي ، ومساندة الاجنحه للدفاع ، وبكذا تقفل على اي فريق وتضطره يهاجم بعدد اكبر ، مما يجعله يترك مساحات في ملعبه ، يستغلها الهلال ويسجل من خلال الهجمات المرتده ، ام نظام سيطر واخر شي ماعندك مهاجم ينهي ، الدفاع بيتعب او بيسوي هفوه وتخسر مثل ما حصل امام سدني والنصر ، لكن الان اي هجمه للهلال ممكن انهاءها في المرمى بعدة طرق ، العرضيات لساميراس ، او الكور الساقطه خلف المدافعين واستغلال سرعه ناصر الشمراني ، او التسديد من خارج المنطقه لنيفيز وبنتلي وكريري والعابد وسالم ، او الاختراق عن طريق الون تو ، وفي حال تكتل الفرق دفاعيا بالامكان الاعتماد على الكور الطويله الي ترسل من منتصف ملعبنا على ملعب الخصم لساميراس وينزلها برأسه امام منطقة الخصم للشمراني او نيفيز او العابد ، وفي حال التكتل ممكن اللجوء لضربات الزاويه والكرات الثابته ، والكل يتذكر الكابتن سامي لجاء لها ، فقط لوجود لاعب جيد بضربات الرأس مثل كاستلوا .