|
الاعب الاجنبي المغادر .. اقتنعت انه كواك بعد هالنقاط! السلام عليكم اكيد الاداره اتخذت قرارها وانتهى الموضوع من يوم بحثو عن لاعب اوربي بجنسيه اسيويه تاكدت ان كواك اللي بيغادر الا اذا حصلت امور اخرى .. بالنظر الى اهمية قلوب الدفاع الاجانب كواك وديقاو فهم مهمين جدآ وغلطان من يقول عكس هذا الكلام ... لكن اقنعت نفسي بعدة امور واتمنى احد يقتنع فيها اللي هي كالتالي: 1: الهلال بطبيعته فريق هجومي ، وجود اثنين مدافعين بهذا الحجم في الفريق ممكن يسوي اطمئنان وتخدير في الفريق خاصه ان بنتلي وكريري شبه مدافعين بعد. اعطيكم مثال بسيط ( اكيد الجميع يتذكر الشهر اللي انصاب فيه كواك ، ولعب الهلال بمدافع اخر سلطان الدعيع ،،، كم كانت نتيجة الهلال مع السد ، !! نتيجه كبيره يعني ماتاثر الفريق ولعب فريق الهلال عدة مباريات العام بدون كواك.. وكان يفوز ،، 2 : الهلال وصل مرتين الى دور الثمانيه في اسيا مع الاعب البرازيلي تياقو نيفيز ايام جريتس وايام سامي . فريق الهلال يفوز بالخمسه والاربعه على الكبار فقط ايام جريتس وايام سامي الرابط كان وجود نيفيز.. طبعا مع مدربين هجومين.. يعني هالاعب يعمل فرق ومن يعاتبه على انخفاض مستواه معه حق ولكن لاننسى ان خسارة لقب اسيا اثرت على الجميع وجوده مهم خاصه ان البديل لايصنع شي في الفريق وضعيف جدا . 3: كواك مرتبط مع منتخب بلاده بستمرار وهذا يؤثر على الفريق كلما غاب فالافضل نعطي مدافع سعودي الفرصه ويتأقلم مع ديقاو ويعيش جو المباريات من البدايه. 4: وجود لاعب اجنبي في كل خانه معناه عمود فقري صلب للهلال ديقاو،بنتللي،تياقو،ساماراس وهذا الصح والله نتمنى زيادة عدد الاجانب المحترفين الى خمسه ويبقى كواك لكن للاسف نظام الاحتراف لايسمح ومدري ليش مايتغير خاصه ان الدول المجاوره تجنس لاعبين وحققو انجازات والكوره السعوديه مكانك سر!! يعني المال موجود ايش اللي يمنع زيادة المحترفين !! وبختصرها مهما حاولو يعطون الاعب السعودي فرصه نقص الاحتراف عنده مايخليه يروح بعيد... فاالافضل التجنيس وتراها كوره يعني ماهي عسكريه:yes: |
انا معك واتوقع الهلال بهذا الاتجاه وفي حالة اقتناع الهلال بعرض العربي القطري لشراء نيفيز اذا الموضوع صحيح ارجو استبداله بلاعب مهاجم راس حربه من امريكا اللاتينية او اوروبا او افريقيا او بصانع لعب |
اعتقد كلامك فيه من الصحه الشيء الكثير ولاكن فيه بعض النقاط اخالفك فيها ظ،- اولا اعتقد ان الاعب الي يلعب بديل كواك هو الجحفلي ولاتعلم انت عزيزي هل ينجح ولا يجيب العيد خصوصا انه لاعب جديد على الكتيبه الزرقاء ولاكن دام الفريق استغناء عن كواك اتمنا يكون بديله الحافظ او شراحيلي وبديلهما الدعيع والجحفلي ظ¢-ثانيا ينقص الهلال صانع لعب وليس مهاجم ثاني كما هو نيفيز وهذا سبب من اسباب انخفاض مستواه والاسباب عديده لانخفاض فتى السامبا ومنها المكانه الي يحضا بها واعتقاده بانه نجم لايشق له غبار والاداره سبب في ذالك لانها اداره مثاليه ماتعترف بمبداء الثواب والعقاب وايضا من الاسباب زياده مداخيله وايضا المدرب له سبب كبير على نيفيز ولاكن دام ان الاداره هي المسؤله عن قراراتها فهي تحمل اختيارها للمحترفين الاجانب بشكل كبير ظ£- ثالثا بالعكس اذا كان الاعب دولي هذا ليس عيب بل ميزه ان عندك لاعب دولي يفرق مع منتخب بلاده ومع ناديك ويحمل من الخبره الشي الكثير وايضا انه محترف اسيوي يعني دائما مايروح الا اذا كان الدوري متوقف ولاعبين الدوليين الوطنيين يروحون المنتخب ظ¤- ررابعا اخالفك تماما ايام ماكان الانديه تعتمد اعتماد كلي على الاعب الوطني كنا مقدمين صوره جميله عن المنتخب امام العالم ولنا هيبه ولاكن الان الاحتراف ضعيف يتم احضار ولا يذهب محترفيين والله المستعان تكدس نجوم وعدم اعطائهم فرصه الا بعد سن متقدم بداعي ان الاعب ماعنده خبره وهم لايعلمون انه اذا وجدت الموهبه تتواجد الخبره ولاكن بعد اتاحت الفرصه ونتمنا اعطاء شبابنا الفرصه الكافيه |
إقتباس:
شكرا على مرورك لكن محمدجحفلي كان في الفيصلي والكل كان يمدحه .. لكن يحتاج الى مباريات قويه.. وفيه الحافظ والدعيع وماهو شرط كل لاعب دولي يعني جيد. عندك محمدعيد دولي:yes: بعدين انت تتكلم عن زمن الاعب السعودي اللي ايام كانت اليابان وكوريا والصين وقطر اهتمامتهم غير كرةالقدم.. الان الكل تطور الا الاعب السعودي والدليل ولا لاعب سعودي احترف خارجيا ونجح.. الحل الوحيد لعودة المنتخب التجنيس.. وقلتها تراها كوره يعني ماهو موضوع امني او شي، |
بعض من يكتب يتاثر بما يكتبه إعلام النصر وتجد كثير من جمهور الهلال يتابع المريسل والصرامي وطقتهم حتى الرئيس مقربيه الخليفة والخميس والصالح ومنيف وشلتهم بمعنى المؤثر في قرارات الهلال متلونين صفر عندما كتب المريسل ان ياسر سينتقل للنصر وجدنا معلقات تشيد فيه كتابها صفر وبعد التجديد للهلال رجعنا على مستواه هابط وما ينفع ورد عليهم بهدفين في مرماهم وايضاً العابد عندما قالوا انه لن يجدد قيل عنه انه افضل لاعب والكثير من المدح وعندما جدد للهلال سمعنا مغرور وغير مفيد وبقية ثرثرة الصفر الهلال يحتاج ظهير ايمن ومهاجم محليا ليكتمل والأفضل حتى لو رفض الرئيس مفاوضتهم برناوي الفيصلي للظهير والجهيم مهاجم الطائي ثم يتم التفاوض مع الشباب بطلب مقايضة معاذ بالمسلم والسالم والحمد والبيشي والقرني وعطيف الغير مقنعين للمدرب حيث نكسب لاعب أساسي ونتخلص من احتياط لا يمكنهم اللعب للهلال ويتم تصعيد شباب مميز من الأولمبي ويتم التفاهم مع المدرب بطريقة الزج بهم اما الأجانب فكنت أتمنى فقط تغيير وحيد بالتعاقد مع يوسف ناصر مهاجم الكويت بدل كواك وإذا تم إيجاد عقد لبنتلي يكون بديله محور الكويت فهد الأنصاري ونهاية الموسم يكون هناك تقييم للجميع ولكن ساماراس ليس سيئا والله يكتب مافيه الخير |
الله يعطيكم العافية بالتوفيق للزعيم الملكي |
والله كل الغط بقاء بنتلي لاعب للاسف فاااااااشل جدااا |
كلام جميل بس اعتقد الزعيم اكبر من النكبه سلطان الدعيع ياليت الادارة تشوف له صرفه او اعارة لان الهلال اكبر منه بصراحه لاعب سيء بالكنترول وقوفه بالدفاع غلط والشاهد هدف البايرن ميونخ الثاني الله يصبرنا عليه هالدعيع |
كواك بجوار ديقاو وحوش تبغى دفاع قوي وبالأخص قلوب الدفاع لابد يكون واحد يجيد الالتحام رجل لرجل مثل ديقاو ولاعب يجيد الكورات الهوائية مثل كواك لو نلاحظ أي فريق لايملك مثل هالمواصفات بقلوب الدفاع نشوف الدفاع شوارع اذا قابلو فريق يجيد الكور الهوائية والأرضية بالنسبة لي اتمنى بقاء ديقاو وكواك وتسريح نيفيز وبينتلي والتعاقد مع المهاجم ومحور دفاعي بحت وبداية الانتقالات القادمة تسريح جميع الأجانب والإبقاء على ديقاو وأعطاء الفرصة للجحفلي مع ديقاو اذا الجحفلي يجيد الكور الهوائية ومستواه مثل كواك أتمنى إعطائة الفرصة فالمباريات القادمة لاني لا أعرف مستواة اسمع انة لاعب ممتاز نحتاج لاعب بجوار ديقاو يجيد الكور الهوائية وبالنسبة للاعبين الأولمبي أتمنى تصعيد كعبي وعطيف والسواط |
لو اتكلم عن موضوع التجنيس اتوقع حسابي يتقفل بخصوص كواك سؤالي لك واتمنى انك ترد عليه هل انت راضي عن اداء مدافعين الهلال في الموسم الماضي |
إقتباس:
|
السلام عليكم ورحمة الله -- أخي الغالى إذا تم الأستغناء عن كواك فقل على دفاع الزعيم الملكي السلام لئن الوحش ديقاو لايكفى لوحده إلا فى حالة وجود من هم بمستواه أو مستوى كواك -- بنتلى برررررررررررررررررررررا على اول ليموزين |
زيادة المحترفين فاشله وافضل شي تطبيق النظام الاسيوي كانت الانديه القطريه تسمح ب5 او6 اجانب واذا لعبوا بدوري اسيا تورطوا ورجعوا الوطنيين ويلعب الفريق بدون تجانس بس طبقوا حل وهو التجنيس وهذا حل ممتاز والدعوه كلها جواز سفر |
ديقاو الجنسية السعودية افضل من الفلسطينية - ياااااااااااااااااااااااااليت |
يالغالي افضل دفاع للهلال المسوم الي فات من مباراة الاهلي الامراتي الاياب يعني اول مباراة لكواك من بعدها صار اقوى دفاع باسيا |
| الوقت المعتمد في المنتدى بتوقيت جرينتش +3.
الوقت الان » 09:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd