#1  
قديم 26/06/2003, 12:37 PM
زعيــم مميــز
تاريخ التسجيل: 21/09/2001
المكان: السعودية احلى بلد
مشاركات: 2,667
Talking الثنيان يعترف..لايعجبني خالد مسعد..

بسم الله الرحمن الرحيم..
السلام عليكم والرحمة..

المنتدى كم هاليومين ناروالكل معصب..
اللي خايف من انتقال نواف واللي خايف من بطولة الصداقة واللي لسة يحلم بثمانية المانيا
قلنا نخفف عنكم شوي===> تتظيرف..

اهم شي في كذا مجموعة مواقف مو بس تجنن الا تمووووووووت ضحك..
لابويعقوب محبوب القلوب..
اتمنى انها ماتكون معادة..
ولو معادة في الاعادة الافادة..

ههههههههههههه
هههههه لا تفوتكم خفه دم هذا اللاعب


هههههههههههههههه وربي خفيف دم هالرجال .. وكله عفويه

لاتفووووووووووتكم مواقفه

فقط من اجل التذكير بخفة دم الدكتوووووور يوسف


الموقف الأول
المعروف عن الثنيان عدم مقدرته على حفظ أسماء زملائه اللاعبين بسهولة
وفي البداية ظن زملائه أنه كان ( يستهبل ) لكن مع مرور الوقت أقتنع
اللاعبون بأن هذه المسألة حقيقية ولا تقبل الشك .. حتى أثناء
المباريات عندما يريد الكرة يضطر أن ينادي زميله بغير اسمه ولم يصدف
أن تمر المباراة دون أن ينادي يوسف نصف زملائه بأسماء من بنات أفكاره
والمعروف عن النمر الآسيوي أنه إذا تضايق ولم يتذكر اسم اللاعب ناداه
باسم (( أبو عبد المجيد ))



الموقف الثاني
هذا الموقف وقعت مع لاعب نصراوي لأول مره يلعب أساسيا.. ومن سوء حظه أن
مدربه كلفه بمراقبة الثنيان ( وأنتم تعرفون حوسة أي واحد يكلف بمراقبة
يوسف الثنيان )المهم حاول هذا اللاعب بشتى الطرق القانونية
واللاقانونية الحد من خطورة النمر لكن بلا فائدة وأخذ يتفلت منه يوسف
كما الشعر من العجين والجماهير تزداد هياجا.. حاول يوسف أن يهدئ من
روع اللاعب ونصحه بعدم استخدام الخشونة ..لكن لا فائدة
وفي أحد المرات تجاوز الثنيان هذا اللاعب بحركة ماهرة لا تخطر على البال
مما سبب سقوط اللاعب فقام يوسف بتمرير الكرة للاعب هلالي آخر وعاد إلى
اللاعب وهو ساقط على الأرض فقال له أقول أخوي الظاهر إنك أول مرة
تشوف الثنيان على الطبيعة



الموقف الثالث
يوسف يكره محاضرات المدربين ويكره أن يعسكر وخصوصا إذا كان المعسكر
في مدينة الرياض لأن ( الأهل جنب النادي ) ويوسف لم يقتنع تماما بمسألة
الانضباط المفروض بل يجب أن ينضبط اللاعب من شعوره الداخلي وقناعته.
المهم الذي حصل أن أبو يعقوب أستغل انشغال النادي بمحاضره المدرب
فتسلل هاربا إلى منزله .. ولكن القدر لم يمهله .. ولم يتمكن من
الابتعاد عن جدران النادي وبينما هو في طريقه إلى البيت إذا بأحد
المتهورين يصدم سيارته فأضطر يوسف للعودة إلى زملائه اللاعبين لطلب
الإسعاف ... سلامتك من الآه



الموقف الرابع
في أحد مباريات الهلال ضد التعاون كان الظهير الأيسر للتعاون متحمس
مررررررررررة وفي إحدى الكور الثنيانية الشهيرة قام الثنيان بتجاوز اللاعب زي السلام عليكم ، وأخينا بالله الظهير الأيسر انسدح على الأرض ورفض القيام.
تدرون ليش ؟

أنشق سرواله
الموقف الخامس
في احد معسكرات المنتخب ( منذ مبطي) كتب يوسف لوحة على باب غرفته يقول فيها ممنوع دخول العبيد.. جاه احمد جميل وقال له : ما يصير يا أبو يعقوب الكلام اللي أنت كاتبه وحنا كلنا عبيد لله .. حس أبو يعقوب إن أبو جميل زعل .. وطبعا يوسف حساااااس قام شال اللوحة وحط بدالها
ممنوع دخول العبيد إلا احمد جميل

الموقف السادس
في احد معسكرات المنتخب كان فهد الهريفي من الملتزمين في تلك الفترة .. وكان يحرص على انه ( يصحي ) المعسكر كله لصلاة الفجر .. وفي إحدى المرات أتى الهريفي عشان ( يقوم) أبو يعقوب .. ويوسف الظاهر انه ما نام إلا متأخر .. فلما بدء فهد يقوم الشباب للصلاة .. ووصل إلى أبو يعقوب .. وأبو يعقوب مطنش.. وفهد مصر على انه يقوم .. قام أبو يعقوب وقاله يا فهد ما بزيناك وأنت ....!!! نبزاك وأنت مطوع



الموقف السابع
يوسف الثنيان له صديق قريب غلى قلبه أسمه إبراهيم القصيمي (إداري نادي الرياض السابق ) إبراهيم يحب أبو يعقوب حبا جما.. قام الأستاذ الحكير بوضع إبراهيم القصيمي ضمن الجهاز الإداري لنادي الرياض .. وفي
أحد مباريات الهلال والرياض مررت كرة ماكرة للثنيان فأحرز منها هدفا جميلا فأنطلق يجري بأتجاه إحتياطي الرياض وبالضبط في أتجاه القصيمي ولم يكذب إبراهيم خبرا.إذ قفز فرحا وأحتضن الثنيان ومن يومهاوإبراهيم
القصيمي خارج نادي الرياض ........



_موقف اخر للثنيان:

كان في مباراة مهمة للمنتخب ولابد من الفوز ولا الخروج من البطولة وللأسف إنهزم المنتخب , وفي غرفة الملابس شاف أبويعقوب خالد مسعد وهو يصيح , قاله قم قم يا خالد حنا السعوديين ما صحنا علشان تصيح أنت وجهك


_مواقف اخرى لابو يعقوب المهستر:



مره كانوا في المنتخب وكان حاتم خيمي معهم والرجال مشتري له ملابس جديده بدل وحركات(اللي هو حاتم خيمي) المهم قبل لا يلبسهم المسكين
طلع من الغرفه و دخل الثنيان ولبسهم وطلع للاعبين وشكله يموت من الضحك لانها كبيره عليه كثير.. يوم شافهم يضحكون الا حاتم خيمي
مولع من القهر والغضب ضحك الثنيان وقال: هذي الملابس اشتريتها وطلعت
وسيعة وكبيره لذلك قررت اعطيها حاتم خيمي
*-*-*-*-*-*
مباراة الهلال مع النصر ..
كان في فاول للهلال على لاعب النصر خالد الفرحان.. ولما حسب الحكم
الفاول كان الفرحان يبحلق في يوسف وقاله يوسف..
وش تناظر اول مره تشوفني على الطبيعه!!!!!
*-*-*-*-*-*
طلع الثنيان من المعسكر ويوم بغى يركب سيارته لقى سيارة الطرير مفتوحة والمفتاح داخلها..المهم اخونا في الله ما صدق خبر..خذ السياره
وراح يقضي اشغاله الخاصه..يوم طلع الطرير ما لقا السياره فعرف ان
الثنيان هو اللي خذها..ويوم شاف الرجال طول ما جا راح الطرير وبنشر
سيارة الثنيان
المهم رجع النمر اخر الليل لقا السيارة مبنشره..اول ما دخل لقا
الطرير وباقي اللعيبه يستنونه...و الشرار يتطاير من عيون الطرير
وصاح في الثنيان :ليش خذت سيارتي؟؟
فجاوبه الثنيان بسرعة بديهة: والله لقيت سيارتي مبنشره قلت
اروح في سيارتك
*-*-*-*-*-*


( يقولون )
في احد معسكرات المنتحب في الملز ... كان الثنيان اذا أذن الفجر يقّوم اللاعبين لصلاة الفجر ويقولهم : قوموا صلوا ... لا يغضب الله عليكم ويخلي أشكالكم مثل شكل خالد مسعد
*-*-*-*-*-*
مره كان في مباراة للهلال والنصر على ايام خالد الفرحان ومصطفى ادريس والشله المهم كان ابويعقوب معه الكوره وخالدالفرحان مراقبه ابويعقوب وقف ويناظر خالدالفرحان وقال لخالد الفرحان صك افمك لايدخل جراد
*-*-*-*-*-*


يوسف مرة ...
كانت السعوديه فايزه ببطوله وقفهم المذيع هو وماجد .
قال المذيع طبعا بعد ماانتهو من الكلام لمن تهدي هذا الانتصار قال ماجد اهديه لامي
رجع المذيع ليوسف قال لمن تهديه يايوسف قال يوسف اهديه لام ماجد
*-*-*-*-*-*
حضرت أحد التمارين انا وقريب لي وعندما صلينا كان قريبي يصلي بجنب الثنيان يوم سلم الامام:
ألتفت الثنيان على قريبي وقال له:
أحلى صلى بجنب الثنيان
*-*-*-*-*-*-*
في تصفيات مربع غرب اسيا والي اقيمت في لبنان..
كان تذكرون الملعب الي اقيمت علي التصفيات كان سيء جدا وكله حفر
وحالته حاله وزراعته الله بالخير ... عاد بعد حدى المباريات سأل احد المراسلين ابو يعقوب عن رايه بالملعب ؟
قال ابو يعقوب الصراحه انا اول مره اشوف ملعب مزروع نعناع !!!!!!
*-*-*-*-*-*-*
كانت فيه مباراة الهلال والنصر وكانت هجمه للهلال ولاعب من لعيبة النصر يقول لاحمد جهوي امسك الثنيان وقال ابو يعقوب( الله ياااااااااااوكككككك )<< يعني العطه


_ههههههه قوية والله اللاعب الثور يقوله (فضيخ)


.... كانت مباراه للهلال والنصر..
جا فاول للهلال واخذ ابن نصيب الكورة قاله الثنيان..(هات الكوره انت وراسك الي كنة مرتبة سيكل) هههههههههههههههههههههههههههههههههههه





__خذوا الموقف هذا من الثنيان .. في كأس آسيا في الأمارات 1996 الي فازفيها المنتخب .. في النهائي مع الأمارات .. بعد ماأنطرد حسين عبدالغني .. جاك اللاعب الي تسبب في طرد حسين .. مسكين ضعيف هذا اللاعب الأماراتي راح لثنيان وقاله ( على باله بيستفزه علشان ينطرد الثنيان ) قال هذا كبرك شايب وتلعب إلى الحين ( الثنيان كان عمره 33 ) المهم قاله الثنيان أحمد ربك أنك شفتني على الطبيعة قبل ماأعتزل .. المهم الضعيف ذاك طاح وجهه معد قرب من يوسف ..



___هذا موقف قاله يوسف بنفسه في مقابله مع مجلة اليمامة في احد ايام العيد , وطلبوا منه ان يذكر لهم موقف يرتبط بالعيد, وقال انه راح يصلي العيد وكان فيه نوم المهم انه قعد يتثاوب بالصلاة وبغى انه يغطي فمه بشماغه فحاول انه ياخذ شماغه ويحطه على فمه لكن لقى شماغه مهوب راضي يجي معه(كنه عالق بشي) ومير يجر الشماغ بقوه ويطيح شماغ اللي بجنبه وعقاله, المهم يوسف يقول انه انحرج وخلصت الصلاه وبدت الخطبه ويوسف مالتفت على اللي جنبه.


وفي الختام..
فعلاي وسف لاعب كبير بفنة وبخفة دم راح نفتقدة اذا اعتزل..
تحياتي للكل..
  #2  
قديم 26/06/2003, 02:36 PM
موقوف
تاريخ التسجيل: 21/06/2003
مشاركات: 23
redheart

شكراً لك من القلب ...

انه يوسف ... صاحب كتاب .. المتعة للجميع

كل الشكر على عرض المواقف الطريفه لابو ناصر ...

ولك مني اجمل تحية
  #3  
قديم 26/06/2003, 03:55 PM
زعيــم مميــز
تاريخ التسجيل: 21/09/2001
المكان: السعودية احلى بلد
مشاركات: 2,667
مشكور اخوي الابداع للثنيان فقط..
ومثل ماقلت الثنيان مبدع بكل معنى الكلمة..
العفو اخوي..
واهلا وسهلا فيك بالمنتدى باين عليك زعيم جديد..
وتحياتي..
  #4  
قديم 26/06/2003, 04:02 PM
زعيــم متواصــل
تاريخ التسجيل: 19/09/2002
المكان: قلب حبيبتي
مشاركات: 131
رااااااااااااااااااااااااااااااااااااااااااااااااااااايق





في كل شي








رااااااااااااااااااااااااااااااااااااااااااااااااايق



مشكور اخوي
  #5  
قديم 26/06/2003, 04:48 PM
زعيــم متواصــل
تاريخ التسجيل: 02/04/2003
مشاركات: 104
والله بويعقوب فلم خفة دم متناهيه
  #6  
قديم 26/06/2003, 05:19 PM
زعيــم متألــق
تاريخ التسجيل: 06/08/2002
المكان: تورابورا
مشاركات: 1,043
هههههههه حلووووووووووووين مرة تسلم وكثر من هالاشياء(ماصدقت تجي العطلة)
  #7  
قديم 26/06/2003, 05:24 PM
زعيــم متألــق
تاريخ التسجيل: 23/03/2002
المكان: في أعماق القاع
مشاركات: 1,323
احسن مافيها موقفه مع احمد حميل

وكلها حلوة مشكور على هذي الطرائف موتنا من الضحك
  #8  
قديم 26/06/2003, 06:51 PM
موقوف
تاريخ التسجيل: 25/03/2002
المكان: جده ..... ياهوى الولهان
مشاركات: 732
مكرر للمرة الخمس مئة بعد الألف...
  #9  
قديم 26/06/2003, 07:20 PM
زعيــم فعــال
تاريخ التسجيل: 24/11/2002
مشاركات: 324
شكراً يالغالي ..

والله قاريها أكثر من (( عشر )) مرات ..


بس ما فيه أحد يمّل سواليف أبويعقوب ..
  #10  
قديم 26/06/2003, 09:17 PM
زعيــم فعــال
تاريخ التسجيل: 02/05/2003
المكان: الرياض
مشاركات: 300
redheart هههههههههههههههه مشكور يا زعيم على هالنكت الحلووووووووه
أزيدك من الشعر بيت في إحدى المباريات مع المنتخب السعودي خسر المنتخب وقتها وقام الأمير سلطان بن فهد يهزء اللاعبين وكان زعلان مرررررره المهم الثنيان دخل مايدري عن السالفه وكانو على العشا واللاعبين ساكتين والأمير زعلان. شاف أبو يعقوب صحن فيه زيتون قام نادى خالد مسعد وقال شف أخوانك وبعدها تسدحو اللاعبين من الضحك والأمير موجود ومن زود رفعة الظغط طلع وأصدر أمر إيقاف للثنيان .
  #11  
قديم 26/06/2003, 10:33 PM
زعيــم فعــال
تاريخ التسجيل: 11/08/2001
المكان: الرياض
مشاركات: 289
و الله الموضوع حلو بس قديم
  #12  
قديم 26/06/2003, 11:52 PM
موقوف
تاريخ التسجيل: 05/08/2002
المكان: قلب الثنيان
مشاركات: 1,737
[ALIGN=CENTER][ALIGN=CENTER]
إقتباس
إقتباس من مشاركة الابداع للثنيان فقط

redheart

شكراً لك من القلب ...

انه يوسف ... صاحب كتاب .. المتعة للجميع

كل الشكر على عرض المواقف الطريفه لابو ناصر ...

ولك مني اجمل تحية

[/ALIGN][/ALIGN]
  #13  
قديم 27/06/2003, 12:09 AM
موقوف
تاريخ التسجيل: 21/06/2003
مشاركات: 23
يا ليت تكررها كل اسبوع يا رد هارت

مثل هالمواضيع لها فوائد اكثر من الضحك

تقبل مني اجمل تحية
  #14  
قديم 27/06/2003, 04:31 AM
زعيــم مميــز
تاريخ التسجيل: 31/12/2000
المكان: سارية المفعول
مشاركات: 1,998
ندري أنها مكرره

بس على القلب أحلى من العسل
  #15  
قديم 27/06/2003, 04:50 AM
زعيــم فعــال
تاريخ التسجيل: 15/03/2002
مشاركات: 229
موضوع رهيب حتى لو اعيد بعض مواقفه وللتصحيح
الذي اهدى الفوز لامه وبدوره يوسف اهداه لام هذا اللاعب هو صالح النعيمه مهوب ماجد وشكرا
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:39 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube