|
فضفضه بعد خساره المنتخب .. مالذي ينقصنا ؟؟ حقيقه لاافهم مالذي يحصل هل اصبحنا اضعف ؟؟ ام الخصوم اصبحوا اقوى ؟؟ ام حجم وقوه الكوره اختلفت عن كوره الثمانينات و التسعينات ؟؟ مالذي يحدث للكره السعوديه ( انديه + ومنتخبات ) خساره + خساره + خساره + خساره صراحه انا عن نفسي كرهت الكوره ومليت واحنا فقط نتنافس فيما بيننا نبغى شي جديد نبغى بطوله جديده او اي شي نفتخر فيه امام العالم في جميع الالعاب المختلفه اصبت بتبلد الاحساس واصبح الوضع عندي شي طبيعي وفي كل مره يخفق الهلال او المنتخب السعودي اقول خلاص الى هنا وبس راح اترك الكوره ووجع الرآس .. لكن سرعان ما ارجع اصبنا بالاحباط من كثر الهزائم من بقي ماهزم المنتخب السعودي ؟؟ نتغنى بدوري قوي !! لكن السؤال هنا ماذا انتج هذا الدوري ؟؟ انا اقول نرجع لدوري الهواه والى العقود البسيطه والمبالغ القليله على الاقل يمكن اللاعب مايصيبه تغطرس او شبع الله المستعان .. والله يعين الجمهور السعودي |
يجب اخذ السماح من محمد نوور ويعمل له حفل خاص وبعدها راح يرجع المنتخب لسابق عهده شوفو من اللعيبه الي انظلم وصالح النعيمه كابتن منتخب العرب تذكرو وش صار معه |
لديك منتخب قيمة لاعبيه اكثر من 150 مليون وتتسأل عن حال المنتخب ؟ |
اول مره اشوف المنتخب عاجز لا يحمي لعيبته ولا يقدم اي شي لازم الجماهير والاعلام يصيرون عرب فعلهم هذا مهوب لا فعلنا ولا اسلوبنا زمان كان اي لاعب مميز يضم للمنتخب تتذكرون الموسئ لاعب النجمه كان احتياط وكان ورقه رابحه في كل مباراه للمنتخب وش يمنع الان بس لعيبة الهلال وشوي من هذا وذاك المفروض كل فريق يوخذ منه دفاع اثنين ووسط اثنين وهجوم اثنين والمحاور افضل الموجودين ليسو في الحسبه والحراسه تكون بعدد صدات الحراس للكور مهوب الدفاع قوي والحارس مرتاح ويطلع الافضل ياعالم ركزو شوي مايبي لها والله |
قبل يومين يقولون افضل هجوم واخطر هجوم السهلاوي وهزازي واليوم يقولون منتخب الهلال طزززززززززززززززززززززفيهم بالنسبة لي الهلال اهم |
أخي الكريم اللي حصل متوقع بسبب التخبطات الواضحه من اللاتحاد السعودي . ثانيا اللاعبين البعض منهم غير متحمسين للعب في المنتخب ويوجد لديهم تعالي بدون تحديد اسماء , ويوجد لاعبين غير مؤهلين للعب اصلا بالمنتخب والكل لاحظ الاخطاء الفادحه المرتكبه منهم وأخص في البدايه الحارس العملاق فقط بقامته (وليد عبدالله )!!!!! بصدق وأمانه المنتخب يلعب بدون حارس . اللاعب المهاري سالم الدوسري وماااااا أدراك ما سالم !!! مجهود ومهارات ضائعه بالهواء ولا يستفيد منها زملائه في كثير من اوقات المباراة ولايهون نواف في بعض فترات المباراة !!!!!. دفاع منتخبنا لا ينفع باللعب في بطولات دوليه ضعيف جدا وسريع كسره واختراقه !!! يجب ترميمه او أعادة تشكيله بالكامل . وبالنهايه يجب أن يكون لدينا مدرب ذكي وقوي شخصيه ويعطى فتره كافيه وحريه بالعمل لكي ينجز . كلنا محبطون يا صاحب الموضوع هاردلك الان كما كانت هار لك في مرات سابقه كثييييره يااااللاسف تقبل مروري |
نحن اصبحنا أضعف ومن لازم ذلك أن غيرك سيصبح أقوى منك من الأسباب التي أدت الى هذا الوضع غياب التخطيط السليم يعني نمشي على البركة كذالك من الأسباب الانفاق الباذخ على اللاعبين فاللاعب الجيد حينما يصل عمره عشرين سنه أو تسعة عشرا ويجدد عقده وينزل في حسابه مثلاً كم مليون بالله وش ترتجي منه أغلب اللاعبين السعوديين هكذا الا من رحم الله منهم الحل بالنسبة للنقطة الأخيرة أن يصرف راتب شهري للاعب فقط يعني عند تجديد العقد نقول للاعب جدد العقد ونعطيك راتب شهري فقط يعني كأنه يداوم دوام حكومي وأي تهاون أو تكاسل أو عدم انضباط يخصم من راتبك حينها بينضبط |
اتعتقد ان كوزمين مدرب فاشل في الطرق الهجومية مدرب دفاعي فقط لا يجيدالتصرف في النواحي الهجومية مباراة اليوم كان ينقصها تيسير وغالب ويحي وباخشوين وحسن معاذ هولاء اللاعبين يجب ان يبداء بهم المباراة لكن للاسف المشكلة من المدرب في عدم توظيف اللاعبين في اماكنهم الصحيحة خيرها في غيرها |
اسئل جيرانك الإماراتيين هذا هم بجنبك قلهم شلون صرنا حنا مهزله و مسخره للي يسوى واللي ما يسوى من المنتخبات وأنتم عندكم منتخب يشرف و يرفع الرأس من دون حسد لكم. مع العلم إني رحت لدول أبعد من الإمارات وعرفت الأجوبه الشافيه لهذا السؤال. |
إنا لله وإنا إليه رآجعون .. السنه المآضية منو كآن يلعب على النهائي آسيا ..؟!! منو اللي كآن يستحقها "نيشمورا" وش سوى ... اذا انت تشوف الهلال خسر انت مريض نفسي ... ادارة المنتخب , كابرو على لوبيز .. طيب ليييه ما جابو كوزمين من قبل الخليجية .. مدرب مسك المنتخب أقل من اسبوعين .. وش تبيه يسوي ..؟؟ يَ خي فكر قبل لا تتفلسف .. المشكله وآضحه "فسسآد إدارة المنتخب" .. |
فرج ضعيف جسديا وضعيف في رؤوس ياسر الشهراني ضعيف جسديا وضعيف في رؤوس <<<<<<عبدالله الزوري?>>>>> كل واحد يعرف السعودية لم لم تختر اللاعبين ارتكاز الصحيح باجندوح، بو سابان، طلال الخبيرى - افضل في السعودية اليوم التشكيلة خاطئة ---- 100% سالم الدوسري + تيسير الجاسم وليد + كريري + العابد + مصطفى البصاص حسن معاذ - أسامة - عمر - سعيد آل المولد |
المنتخب من الصقور الخضر الى الدجاج الخضر يارجل يلعبون بلا هوية ولا نكهه ولا رائحه كان الامر لا يعنيهم انا اشوف يجب مراجعة العقود وابعاد كم شخصية عن الرياضة السعودية وانا اوافق ان الظلم لا يولد نجاح |
إقتباس:
كلن يرى الناس بعين طبعه بعدين انا لم اعاتب كوزمين لاني عارف ان الوقت قصير ولايمديه عمل اي شي واتحداك تستخرج اسم المدرب من ضمن الموضوع اما بالنسبه للنهائي الاسيوي الهلال تفنن في اهدار الفرص قبل ان يرتكب نيشيمورا الجريمه بحق الهلال ،، اذآ الخطآ مشترك |
لن تتطور كرتنا لأن المشكلة إدارة !!!! وهذا نتاجنا !! كل الدول تطور كروياً مثل قطر والإمارات ما زالوا في مرحلة بناء مميز وما يزالو يصنعوا للمستقبل وقبلهم اليابان يابان التسعينيات والثمانينات كان ضعيف لكن عملوا عمل جبار وخطوات جبارة لترويج لعبة كرة القدم في اليابان استضافوا بطولات موسمية ارسلوا لاعبين لأوروبا والبرازيل من سن مبكرة استقطاب الخبرات هذا ما تفعله قطر حالياً ولو استمرت ستصل لقريب من نتائج اليابان وببساطة لأن من يديرون الرياضة قلوبهم على البلد وهم سمعة بلدهم !! هنا الوضع مختلف ومن يقارن منتخب الثمانينات والتسعينيات حتى لو أتيت به بهذا الزمان فلن ينجح لأن كل شيء تطور كروياً المشكلة أننا لم نتطور أبداً - الكرة والرياضة عموماً تعاني من وجود شخصيات تبحث عن الشهرة والحضور المجتمعي !! وليس لها تخصص !! لا تتعبون أنفسكم بكلامكم عن اللاعبين الشيء الوحيد الذي مسموح لكم تنتقدون اللاعبين فيه هي العقود والرواتب الضخمة !! ونرجع ونقول سوء تطبيق الإحتراف !! أوصلهم لهذه المرحلة !! ولا ننسى من دمرنا اتحادنا الكرة بسوء تعاقداته وكذلك بإدارته لإتحاد الدمية من خلف الكواليس !!! تهرب من تنظيم بطولة الخليج حتى يحرج الرئيس الجديد وكان يعرف أن المدرب لوبيز لابد من تغييره قبل الخليجية لكن تركه وتأخر في تغييره حتى يحرج الرئيس العام وتسجل ضده أن المنتخب سيذهب لآسيا بدون منتخب !! هو سوسه الرياضة السعودية بالقرن 21 أسير المخدة |
هذه هي النتيجة الطبيعية لنخر سوس الرياضة الاصفرين واعلامييهم في جسد الرياضة السعودية اليوم يتحمل الخسارة الدفاع والهجوم والحارس وسبحان الله بدأ اعلامهم الاصفر الخبيث يحمل الوسط الخسارة لا لشيء ولكن لان اغلبه هلاليين الهدف الاول كبري كعادة وليد عبدالله وعجز الثنائي هوساوي والاعلام الاصفر قلبها على الوسط خرج كريري فاصبح الدفاع شوارع حتى ان سالم والعابد اصبحو يعودون للتغطية ويقولون ويكذبون ان السبب الوسط الهجوم ظل ابوجلمبو واعلامه المأجور يختلقون للزلزال المشاكل حتى أُبعد لضمان خانه للبلنتاوي فاصبح هجومنا واحد لا يجيد الا ضربات الرأس وكأنه لا يملك اقدام والآخر جُل وقته يطيح يبي بلنتيات ومع ذلك سيلصقونها بالوسط ليس حباً في المنتخب بل كرهاً بالهلال |
| الوقت المعتمد في المنتدى بتوقيت جرينتش +3.
الوقت الان » 03:20 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd