|
يحق لهم تسجيل لاعبين قبل بداية البطولة بإسبوع هذا النظام |
إقتباس:
ما أنكر نهائيا جهدها سواء الموسم الماضي ولا حتى المواسم اللي قبلهـ ،، أنا أنتقدت أخطائها المتكررهـ نفسها كل موسم والنتيجهـ وحدهـ في كل موسم تضيع تعبها وصبرنا ع الفاضي ،، تجي نهايهـ الموسم وتمتص غضبنا بكم تصريح وتهديد ووعود وبعد كم يوم ترجع ديما لعادتها القديمهـ ولا كأنها وعدتنا بشيء !!!!! أبسطها مهازل التحكيم مب هي نهايهـ الموسم الماضي طلعت وصرحت ووعدتنا إنها ما رح تسمح لتكرار مهازل هالموسم وخصوصا التحكيم ولا تسمح لمين ما كان يظلم الهلال وإن تكررت ما رح تسكت ورح تأخذ حق الهلال منهـ بإي طريقهـ !!! ~ هذا الهلال إنظلم بالآسويهـ من الياباني وسلبت الكأس بين أرضنا وجمهورنا ،، وأمهـ محمد كلها تكلمت وحتى الإستراليين نفسهم معترفين إن الهلال هو اللي يستحق الفوز ،، والحكم بنفسهـ إعترف إنهـ ظلم الهلال ،، وإدارتنا وش كانت رد فعلها ؟!!!!!!!!!! ،، سمعنا إنها قدمت شكوى للإتحاد الآسوي ولين الحين ما سمعنا آي خبر عن هـ الشكوى ؟! هل هو كلام مثل العادهـ لإمتصاص الغضب الجماهيري فقط ؟!!!!!!! ولا إيش تفسرها ذي وغيرها من الشكاوي اللي نسمع فيها ولا ندري وش نتيجتها وآخرها الشكوى اللي رفعتها ع الإعلامي المتعصب بن صفوان ؟!!!! ~ وبخصوص التوقيع مع اللاعبين ،، أنا أتفق معاكـ بأن الموضوع ما هو سهل ولها العذر لو تأخرت فيهـ ! ،، وضد من يتهمها بالتخاذل والتهاون لانها تأخرت بالتوقيع ~ لكن هي من وجههـ نظري تتحمل مسؤوليهـ ضغط الجمهور عليها لعدهـ أسباب أبرزها ،، الجمهور اللي قاعد يضغط عليها فقد الثقهـ بكلامها والسبب غلطتها المتكرر في كل موسم التصريحات والوعود وتأميل الجماهير بأنها رح تلبي جميع مطالبهم بـ جلب اللاعبين ع مستويات عاليهـ جدا ،، وبالآخير تجي وتعطيهم عذر بـ عدم جلب لاعب يستحق لبس شعار الهلال لأن الوقت لم يسعفها أو لا تملكـ المال أو ...... الخ أعذار من وجههـ نظري ما تدخل الرأس نهائيا ! كان بـ إمكانها وبكل بساطهـ إما إنها من البدايهـ تقول لنا هالأعذار و تسوي اللي عليها وكل شيء بدين رب العالمين !! ~ أو إنها تفضح من يسرب أخبار تعاقدات الهلال للعالم ،، وتعمل بصمت وتوقع مع اللاعب اللي هي تشوفهـ مناسب للهلال والهلال محتاجهـ وقتها بتشوف الجميع واقف معاها ومساند اللاعب سواء كان مقتنع فيهـ ولا لا ،، وبكذا تكون فكت نفسها من هالضغط !!! ~ ههههههـ وش أصبر اللهـ يهديكـ !!!!!!! ،، من كم سنهـ وحنا صابرين والحال هو نفس الحال !!!!!! ~ أبغي أفهم لين متى رح نظل صابرين ؟! واللهـ كل اللي خافيهـ منهـ لا يتم تجديد فترهـ رئاسهـ هالإدراهـ بنجلط منهاااااا قسسسم ومن بردودهـ أعصابها ومن جلها بالأمور الفنيهـ للفريق :s3s: :d ~ ماني ضد الإدارهـ واللهـ ،، لكن ضد أسلوبها وطريقهـ تفكيرها وتعاملها مع الأحداث والفريق !!! ~ ختاما :~ اختلاف الرأي لا يفسد في الود قضية ،، وإختلاف الرأي من وجههـ نظري في مصلحهـ الهلال وأكيد بالآخير رح نتفق ع اللي فيهـ مصلحهـ الهلال ~ بالتوفيق إن شاء اللهـ ،، وشكرا لكـ ع أسلوب الراقي بالحوار ~ |
إقتباس:
معاهـ مضيعهـ للوقت لأنهـ من الأساس لو فعلا يبي مصلحهـ الفريق رح يتقبل ذكر سلبياتهـ وإيجابياتهـ ورح يحاول يوصل وجههـ نظرهـ بطريقهـ محترمهـ وبعيدا عن التقليل من ممن يختلف معاهـ بـ رأيهـ !!! ~ أما بخصوص الإدارهـ فـ أنا لازلت عند رأيي أخطاها لازلت قاعدهـ تكررها وإذا قعدت ع هالحال رح تكرر نتيجهـ كل موسم ،، عموما أتمنى يخيب ظني وتكون تعلمت من أخطاها وتصححها ،، بالتوفيق لها ولجميع عشاق الهلال إن شاء اللهـ ،، شكرًا لكـ ~ |
اشكر لكم تفاعلكم وطرحكم القيم مهما يكن والاختلاف بالرأي لايفسد للود قضيه اما بخصوص باقي وباقي اي والله باقي الانديه سجلت وسددت ديونها وخلصت وحنا على باقي واخرتها مفاوضات الله بالخير وبالنسبه للي يقول اني جالس معهم انا ماني جالس ولاشي وياليت تركز على كلامي انا قلت لدينا علم بما يحصل اذا النصراويه يعلنون الخبر قبل اعلانه من الاداره ومزهريتهم بتال شاطح بقناة العربيه ويعطينا اخبار الهلال اول باول اجل شرايك بتال جالس معهم المهم ماعلينا اعتقد ست سنوات صبر وضياع بطولات كانت بين ايدينا وكنا ومازلنا نطالب بظهير ايمن وهجوم واخرتها تصريح يقص الظهر قال ايش قال لسنا برغد من العيش اجل وين العشر شركات الراعيه ووين فلوسها ووين مداخيل التذاكر والنقل التلفزيوني راحت باقامة حفلات العشاء واستقبال الانديه ولعب مباريات في وقت لم يوجد اكثر من ثمانية من الفريق الاساسي بالفريق اليس هذا هدر للمال . من قال لك تتعاقد مع الجحفلي ودرويش واخرتها ركهم المدرب بالاحتياط قدام بايرن ميونخ ليه ماوفرت فلوسهم للمهاجم والظهير والاانت بس الفاهم ياعبدالرحمن بن مساعد واحنا مانفهم . للاسف بعض الاخوه يريدون ان نطبل ونتغنى بالاداره والله ثم والله اني احب عبدالرحمن بن مساعد لكن اشفق عليه في كثيرا من المواقف اللي تخليه بموقف محرج جدا واقولها بكل صراحه يابن مساعد يكفي تصاريح وتخدير نبي فعل مانبي تصاريح ومبررات |
وانتم مصدقين فيه صفقه للاعب اجنبي ..؟؟ كلها ضحك ولعب ع الدقون هي وقتها الناس زعلانه وسكتكم والسلام |
فرق كثيره تعاقدت مع محترفين في خانة رأس الحربه وطارت الطيور بأرزاقها ... الهلال هو أكثر نادي محتاج لملء هذه الخانه ومع ذلك لم نرى ناراً ولادخاناً ...!! الوقت ليس في صالحنا وأخشى من صفقات الساعات الأخيره .. |
عموري بديل نيفيز وبديل كواك مهاجم |
الله يعين الامير عبدالرحمن بن مساعد علينا وعلى طلباتنا اللي ماتنتهي ؟ طيب يالحبيب وش قدمت للنادي من دعم انا وياك ماعندنا الا البربسة واذا قالوا لنا ادعموا النادي بمائة ريال توارينا ولم ندخل الموقع لمدة شهر على بالهم انا مسافرين الله يعين الهلال ورئيس النادي ترى الدعوة ملايين ماهي ميلامين |
آخر الأخبار ان ابوفيصل سدد التزامات النادي من جيبه الخاص واصبح قادر على التسجيل والمبلغ 27 مليون موزعه على الشباب والقادسية والتعاون ( ناصر وياسر و الثنيان ) الخبر مفرح لي وهو دليل تقدم حتى لو كان بسيط اعترف اني اتخوف كثير بسبب مواقف سابقة من وعود الإدارة لكن من باب الإنصاف لها مواقف بالمقابل حققت فيه طموحات الجمهور بالتعاقدات لذلك مدام الوقت موجود وفترة الإنتقالات لم تقفل وماشفت عطاء المهاجم ( على ارض الملعب ) ماراح احكم بالسلب ولا الإيجاب على الإدارة خصوصاً كل الأندية تقريباً لم تنهي تعاقداتها اذا ليست المشكلة في إدارتنا فحسب راح اكتفي بالدعاء ان الفريق يتوفق بلاعب قد الطموح وزيادة والأهم الاعب يتوفق ويتأقلم بسرعة مع الفريق لأن هالنقطة تقلقلني اكثر من مستوى او سي في الاعب ومااتوقع احد نسى تجربة ايمانا اللي كان مطلب ملح للجمهور والإدارة استجابت لنا وبالأخير خذل الجميع من التعقل عدم التسرع بالحكم لتكون الأحكام منصفه لانهاجم الإدارة قبل نشوف عملها بناء على اخطاء سابقة واذا كان التعاقدات دون الطموح اكيد كلنا راح نكتب ونتكلم وننتقد بس بيكون معنا حق وقتها |
إقتباس:
يوم الرجال يقولون اترك النادي رفض واللحين يقول تحسبونها بنده ان شاء الله تخلص السنة ونص الجاية ويعتق النادي من هالنوعية من الرؤساء |
ينتظرون لين يخلص الوقت ويجيبون واحد مثل المصري احمد علي |
............................ |
وشكرا ............. ...................... |
إقتباس:
كلامك غير سليم ومبالغ فيه وش الي شوفو الرجال هذول صارو قدوتك وتقارن عبد الرحمن بن مساعد بهذا الشخص لأمير عبد الرحمن بن مساعد حقق 7 انجازات وكاد ان يحقق الثامنة وهي الاسيوية الرجل مجتهد وناجح والنجاح لاياتي بيوم وليله وكل الأندية تخفق ويحصل انخفاض في مستوياتها مو معناه اننا نتهجم على الرئيس ونتكلم بكلام سيئ كوك من اين اتى وديجاو وناصر الشمراني وريجي وبنتلي وكريري وسامي والحمد وسالم والتجديد مع اللاعبين هذا كله من وين مافكرت :ranting: تكلم بالمنطق والواقع واذا انت فعلا تحب النادي خلك مساند وخلك عون مو فرعون |
بقولك شي هالارة لاتنتظر منهم شي يبرد قلبك لذلك انتظر للسنه الجايه لان الجمهور وصل حده من الصبر واخر الموسم بيقيل الرئيس بالطيب او بالقوه يعطيك العافية |
| الوقت المعتمد في المنتدى بتوقيت جرينتش +3.
الوقت الان » 11:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd