28/06/2003, 04:08 PM
|
| زعيــم نشيــط | | تاريخ التسجيل: 27/03/2003
مشاركات: 725
| |
حيـــــــاة العزوبي المقورد ...
تعريف العزوبيه/هي المرحله العمريه اللي يكون فيها الشاب منبوذ من جميع فئات المجتمع
تعريف الأعزب/ شاب// وبعض الأحيان بنت//
1/ مسكين
2/مطفر
3/جائع
4/مديون من جميع الناس الهندي راعي البقاله ,مغسلة الملابس,راعي المطعم لو يشوفه يقلبه دجاج شوايه
5/مضطهد
6/مريض
7/الملابس000الله لا يوريك
8/الريحه0000لاتسألون عن هذي
شقة العزوبي/
1-الصاله0000تلفزيون,6000طفاية زقاير,3رووس معسل,ترمس شاهي,سطعش بياله منكبه,22جريده,5000دفتر (ماهي للدراسه لاااااااااااااا)كلها--- لنا لهم ((بلوت))---رمز مشفر للعزاب فقط
2-غرفة النوم0000مطرحة نوم----يسمعون عن السرير بس مايشوفونه الا في التلفزيون,فنايل مرميه,ثياب وصخه,مسجل و200شريط ثلاث أرباعها جلسات,10055معلاق ملابس ,بقايا أكياس شورما,فيه باقي أشياء أخاف أقولها وما أدري الا انا مشوت
3-المطبخ0000خمسة الاف كيس مندي,8889قوطي تونه,ومره خربوها وشرو كورن فليكس , عاد كله كووووم وأكياس اللبتون كوم ثاني . يعني احيانا تلقاها ملصقة في الجدران . بس نصيحة لا تناظر للسقف .
__________________________________________________
وبعد ما أخذنا جوله في شقة العزوبي ننتقل الى آخر الدراسات عن العزوبي
1- اخر دراسه أجريت في لندن عن العزوبيه ////ذالانقليز ماخلو شي حتى حنا درسونا
المهم يقول الدراسه ان العزوبيين يتعرضون للامراض والوفياة أكثر من المدخنين
يعني عزوبي مايدخن أضعف من متزوج مدخن/// الله لهم بس0000
ويعتقدون أن السبب في ضعف العزوبيين أنهم لا يلقون الاهتمام العاطفي والاجتماعي والبدني يعني محد يعطيهم وجه
لاحظو أن الدراسه هذي في لندن والفرق هناك بين الاعزب والمتزوج بسيييييييييييط (أجل وش نقول حنا)
__________________________________________________
الحيين عاد أوريكم مشاكل العزاب
أكثر كلمه يسمعها العزوبي هنا هي (((((((((((((ممنووووووووووع))))))))))))
((((((((((((((((ممنوووووووووووووع )))))))))))))الكلمه هذي بعلق عليها شوي
1/إحتفالات العيد/((((((((ممنوووووووووع)))))))))مافيه احتفالات يعني طول السنه نفس الوضع واذا تبي تحتفل رح للبر لحالك والا طق راسك بأكبر جدار
2/ دخول الملاهي/((((((ممنوووووووع))))) طيب ليه يعني حنا اللي نبي نكسر الصحن الدوار والا حاطينه للعوايل بس
3/استئجار الشقق/(((((ممنووووووع)))))))ماراح أعلق على الموضوع هذا بس أبقول شوفو مساجد محطات الشرقيه في عطلة الحج الجايه
4/دخول الأسواق/((((((ممنوووووووووع)))))))))) وهذي اللي قاهرتني من جد طيب ليييييييه يعني حنا اللي نبي نكسر المحلات والا نبي نقضي البضاعه عن العوايل -----تقولون انكم مزعجين داخل السوق------فيه رجال أمن داخل السوق وأي واحد يحاول يزعج يطردونه برا----- يعني حلها سهل
وودي أقص لكم قصة عزابي مع السوق0000000قبل شهر تقريبا راح للفيصليه بيشتري لأخته هديه المهم يوم وصل عند الباب ويجي السكورتي وقالي يبو الشباب عوايل بس,قال له طيب وش أسوي الحين ,قال السكورتي تعال بكرا الصبح واذا ماكان فيه زحمة عوايل يمكن ندخلك////صارت دائره حكوميه ماهيب سوق////المهم قال في نفسيه رح ياولد شف لك سوق ثاني يمكن يدخلونك
وتوه بيمشي الا يجي ذاك اللبناني الحمر بعمر العزوبي ( صار لقب ) تقريبا ويدخل ولا قاله السكورتي شي ,راح صاحبنا للسكورتي وقاله هذا يشتغل هنا ,قال لا , قال طيب ليه دخل ,قال هذا لبناني,قال يعني واللبناني مهوب رجال ,قال بس ذا إذا دخل يمشي باحترام لكن انتم لااااااا
عاد طلع الرجال محترق وهو يقول في نفسه/
أرفع راسك أنت سعودي ------------غيرك يدخل وانت تنطق برا في البرد ويلعن ابو خامس اللي خلفوك
المشكله حتى أسواقهم اللي يسمعهم يقول مجمع السييييف والا الستي سنتر
فرحو بالفيصليه والمملكه وتخب عليهم بعد00
ويقولون لنا لاتسافرووووووووووووووون برا
برا يحبون يديك ورجليك عشان تدخل السوق 000وأسواق برا مهيب زينا نصها سكورتيه والباقي يدورون0000برا تروح للسوق كنك رايح لطلعه سينما,ومطاعم,وماركات,وأسعاااااااااار معقوله,وكله كوووم واذا كان فيه مهرجانات كوم ثاني0000جوائز واستعراضات وأشياء تاخذ العقل000
المهم نرجع لموضوعنا----أكثر عباره تهستر في العزوبي هي:
للعواااااااااااااااااااااااااااااااااااااااائل فقط
العباره هذي تسبب لهم حساسيه في المعده مع حاله من فقدان الذاكره المؤقت مع صداع نصفي متقدم وبالاضافه الى روماتيزم في الشفه السفلى (من كثر ما يعض عليها من القهر)
__________________________________________________
العزوبي والقطه(القطه بفتح القاف وهذا مصطلح في معجم العزوبيين يعني رسوم الاشتراك)-------
القطه هي كلمه تسبب الحساسيه للشاب الاعزب وهناك أنواع متعدده من القطه منها:
1/قطة الشقه (وهذ غالبا ماتكون قاصمه للظهر)يعني يبيع سراويله عشان يكمل المبلغ
2/قطة الاكل (وهذي لايسمح لك بتناول اي طعام أوشراب الا بعد دفع قطتك فيها
****كل حياة العزوبيين قائمه أساسا على القطه*****
أكل,شرب, نوم, ملابس,كتب ,طواقي,شمغ,حتى السراوييل
__________________________________________________
________
العزوبي والسفر/ السنه فيها 365 يوم لا يعيش الاعزب مبسوط فيها سوى 20يوم
بالعربي يعني345يوم وهو يجمع الريال فوق الريال عشان اذا جاء الصيف يقدر يسافر للخارج
عاد العزوبي هنا منقطع مايشوف الا الديانه والا الدكاتره اللي مضطهدينه والامديره في الشغل اللي حايس مريره ,,,ولو يكح جمب عايله قالوله أنت تغازل بناتنا ,,,,,,,,,,,ولا يدري عن شي أسمه حنااااااااان
وأول مايوصل برا ويشوف العيشه ما يصدق وتضيع علومه واي وحده تقوله أحبك يصدقها ويأمنها على كل شي ومايدري من بكرا الا وهو مطفر عالحدييييييييييييده وضاعت فلوس 345يوم ولا معه حق التكسي للمطار وذالحاله صادفتهم كثييييييييييييييييييييييييييييييييييييييييييييير
في الاخير عسى ما طولت عليكم . واتمنى انكم استحملتموني . وما غلطت في الكلام
وانا داري ان في واحد يبي ينقز ويقول انه منقول بس علي الحرام
والطلاق ان كانه نقز وقالها لأركبه الـ BMW اللي تحت  |
الوضع الشجري
