|
مبروك قناة الهلال يازعماء..( اقتراحات لمسؤلين القناه)! السلام عليكم: يحق لنا كاجمهور الهلال ان نفتخر بهذا الانجاز كما سمعنا هي قناة تليق بأسم وفخامة زعيم اسيا ... في انتظار اطلالتها ، وشي طبيعي ان لايتم الحكم عليها من اول عام... فلا شي يكتمل .. ولكن الاقتراحات اللي نتمنا تصل الى مسؤلين قناة الهلال تجعل منها بأذن لله قناه تحقق رغبات جمهور الهلال الذي عانى من ظلم كبير من قنوات الوطن في برامجهم المسيئه التي تستهدف الهلال بسبب ميول معدين او مخرجين او مقدمين.. لكن ان شاءالله يحصل زعيمنا على حقوقه في قناته الخاصه ولولاء جمهور الهلال لما كانت هذه القناه.. فلماذ لايشارك الجمهور في افكار البرامج المقدمه في القناه! نريد المشاركه منكم يازعماء بوضع اقتراحات تساهم في اسعاد الجمهور الهلالي .. اقتراحات : 1برنامج تفاعلي بين جمهور الهلال في تويتر وبين القناه وقراة تغريدات اعلامين الهلال وجمهور الهلال فقط. ومعرفة طلباتهم! 2نبي نشوف الاعلامين الكبار امثال تركي السديري، وصالح الهويريني، وحمود البقمي وكل اعلامين الهلال اللي انحرموا من الظهور بقنوات الوطن. 3انشاء اكاديميه يشترك فيها مجموعة لاعبين موهبين تدار عن طريق لاعبين معتزلين كالجنة. والبقاء للاعب الافضل في الاكاديميه عن طريق تصويت الجمهور واختيارهم. 4تكون القناة هي المصدر الوحيد لاخبار الهلال وبكذا تلقى متابعه كبيره جدا من الجمهور ومن وسائل الاعلام. 5برنامج شبيه بالمجلس وسوالف وسعة صدر بدون الاساءه الى اي نادي يجمع هلالين فقط يتكلمون عن ذكرياتهم مع الهلال. 6برنامج عن الاعب الاجنبي يقدم كل اسبوع ، يتكلم عن حياة لاعبين الهلال الاجانب بلغاتهم. 7نقل لاذان الصلوات من مكه المكرمه" وكلمات طيبه من المشائخ الكرام نصح وتوعيه لشباب. 8عدم استغلال قناة الهلال لنشر اي توجهات سياسيه او اجتماعيه. واخيرا لاننسى نشكر من عمل على هذه القناه ودفع من ماله .. رئيس الهلال ونائبه محمد الحميداني بالفعل كنا في حاجة هذا المنجز وخصوصا في هذا الوقت.. وسلامتكم ،،، s13s |
فيه مقترحات كثيرة للقناة انا عن نفسي اتمنى ان تكون باشتراك سنوي ومثلا يكون بقيمة 500 او 1000 ريال بحسبة بسيطة هالاشتراك سيوفر مداخيل للنادي تفوق مايدفعه الرعاة واعضاء الشرف مجتمعين فلو كان الاشتراك 1000 ريال واشترك فقط مليون مشترك وانا اعتقد بأن المشتركين سيفوقون هذا العدد بأضعاف سيكون الدخل السنوي مليار ريال ان تم الاهتمام بالقناة وتميزت بالحصريات وان تكون طريق للتواصل وايصال صوت الداعم الحقيقي وهو الجمهور للادارة وللاعبين بحيث يتم عمل لقاءات اسبوعية مع الادارة والجماهير ومحاسبة الادارة على اي تقصير او الثناء عليهم عند العمل الصحيح وكذلك اللاعبين فمن حقنا كجماهير ان يكون صوتنا مسموع لدى من يتولى ادارة نادينا |
أنا أول مشترك في القناة بإذن الله واتمنى نقل مباريات الهلال مباشرة وإعادتها ونقل المباريات العالمية المهمة للفرق والمنتخبات وبالتوفيق للزعيم الملكي شــــــــــعارنا دائماً :ba::ba1::ba:( يدا بيد من أجل الزعيم ):ba::ba1::ba: :ba::ba1::ba: اللهم وفق الهلال فوق كل ارض وتحت كل سماء :ba::ba1::ba: |
ابومشعل ترا مو كل الناس عندهم فلوس انا بالقوى اشتركت بـ بي ان سبورت وكان في يوم مباراه الهلال والسد ووالله اشتركت لعيون اشوف الزعيم بأسيا ولا اشوف الدوريات الاوروبيه ماعدا دوري ابطال اوروبا واسيا فقط قناه الزعيم لازم تكون مجانيه او بإشتراك مادي قليل مثلا 200 او 300 بالسنه |
تبي اشتراك القناة بـ 500 او الف !! الحمدلله انك منت مسؤول ولا كان طفرنا اذا بـ 1000 اقدر احط هالمبلغ في قنوات BEIN SPORT وتكون عندي كل الدوريات بدل من قناة وحدة فقط وبملبغ 1000 ريال !! اتمنى ان كانت مشفرة يكون سعر الاشتراك مايتعدى 400 ريال وبعدين لاتخاف يبو مشعل الدخل راح يجيك دبل مو شرط تحط لي سعر مبالغ فيه وفالاخير المشتركين يكون عددهم قليل !! عكس لو حطيته بسعر بسيط شف كيف الاشتراكات تنهال عليك ومو شرط بس الهلاليين اللي راح يشتركون فيه من انديه اخرى فلا تخاف من ناحية الدخل :naughty: وترا مو كل الشعب قادر يدفع هالمبالغ وشكراً |
خطوة مرحب فيها جدا فالهلال يملك شعبية جارفه في المملكة اتمنى اتمنى اتمنى ان تظهر بمظهر شبابي من ناحية التقديم والافكار والبرامج نجوم اليوتيوب الشباب لهم شعبية كبيرة اتمنى الاستفاد من الهلاليين منهم في دعم القناة القناة لا بد ان ترضي جميع المشجعين الهلاليين من شباب وشباب كبار وشياب وإناث هذه الامور بالتأكيد لاتخفى عن الاستاذ سلمان المطيويع وادارة النادي لكن يجب أن تكون قناة متكاملة للمشجع الهلالي وبعيييييييييييييييده كل البعد عن الإساءة من الأندية الاخرى وتبعد كل البعد عن التعصب الأعمى استنى القناة بفارغ الصبر واتمنى المساهمه بهذه القناة بأي شكل من الأشكال دمتم زعماء |
اتفق مع الاخوان ان المبلغ الكبير للاشتراك يحد من انتشار القناه خاصه انها قناه وحده وماراح تنقل مباريات كثير. اذا كان قيمة الاشتراك اقل حدود 400 ريال صدقني بتكون الاشتراكات بالهبل وراح تسفيد القناه.. واتفق مع الهلالي .. القناه لابد ان تدار بفكر شبابي محترف بيعيطها شكل جديد ومختلف ... واهم شي الديكورات اللي يطغى عليها اللون الازرق... |
من وجهت نظري أنو القناه أول سنه تكون مجاناومن دون أشتراك وبعدين يسوها بأشتراك وقيمه مناسبه وبتوفيق للهلال وجمهوووره |
قنوات بي ان سبورت مع كاس العالم ماوصلت الف غير كذا المباريات الي فيها معاده ميه او ميه وخمسين اشوفها معقوله واول سنه مجانيه |
هههههههههههههههههههههههههههههههههههههههههههههههههههه اشتراك وبألف ريال ؟؟؟؟؟؟؟؟؟؟؟؟ وش يقرب لك صالح كامل ياخوووي ؟؟؟ اقول خلها مجانيه ومن حق اي هلالي يشوفها وبدون اي مقابل |
نتمنا لها التوفيق وان تكون مزيج بين الرياضة والثقافة حتى ينتفع بها كافت شراىح المجتمع |
والله لو يوصل مبلغ الاشتراك لخمسه الاف راح ادفعها مو خسارة بالزعيم يا جمهور الرياض مو كثيره عليكم انتوا تدفعوا في المقاهي اكثر من الف طول السنه |
إقتباس:
انا ذكرت المبلغ لأني تخيلت الدخل لو مليون مشترك بيطلع الدخل مليار يعني نفتك من شيء اسمه مجلس اعضاء الشرف اللي يتحكمون بالنادي ونصبح نحن الجماهير الداعم البارز ولنا كلمتنا المسموعه في النادي والله يرزقنا وياك الخير يالغالي |
ههههههههههههههههه ياحبي لكم الحين مسكتوا على المبلغ اللي انا حطيته اولا ماني مسؤول بالقناة لكن وضعت تصور عن المبلغ الي بيدخل للنادي وانا يمكن كنت افكر واتكلم عن نفسي لكن بصوت مسموع انا لو علي اسوي استقطاع من راتبي عشان الهلال مو بس الف ريال كل اللي فكرت فيه ان هالمبلغ فرضي وتصورت كم الدخل بمليون مشترك بيكون مليار ريال من فيه نادي يجي دخلة مليار بالسنة هذا اذا قلنا اصلا مليون مشترك واذا على بي ان سبورت اشتراكها غالي والعالم تشترك وماضرهم انا عن نفسي ماشتركت في بي ان سبورت لأني بكل صراحة ماتابع غير الهلال والهلال فقط اما اللي مشترك في بي ان الله يعينه مغالاة في الاشتراكات واستغلال وترا يالغاليين حتى الف ريال على الهلال مو كثيرة ولا هي حسوفة |
والله لو يوصل مبلغ الاشتراك لخمسه الاف راح ادفعها مو خسارة بالزعيم يا جمهور الرياض مو كثيره عليكم انتوا تدفعوا في المقاهي اكثر من الف طول السنه |
مقترحات جميلة اخي مهتم 7 ،، و بالنسبة لموضوع التشفير انا ضده تماما في بداية القناة ،، ممكن بعد ان تدخل القناة الى قلوب وعقول المشاهدين و تثبت جدارتها ممكن تتحدث عن التشفير و مبالغ التشفير و تكون من ضمن باقة قنوات ﻹنه من غير المعقول الاشتراك بقناة واحدة فقط . وما يترتب على ذلك من امور. بالفعل نتمنى ان يكون في القناة متنفس للجماهير الهلالية ،، و فرصة لظهور بعض الاعلاميين الهلاليين المبتعدين عن الاعلام بفعل فاعل ، و برامج تفاعلية عن نبض الشارع الهلالي و أصداء مدرجات الزعيم . |
الله يعطيكم العافية وبالتوفيق للزعيم الملكي |
يعطيكم العافية وبالتوفيق للزعيم بإذن الله تعالى |
اشكر مروركم يا اخوان على الموضوع . والله نبي نرتاح من التعصب ملينا . قناة الهلال تحمي حقوقه فقط بدون الاساءه الى احد هذا المطلوب نبي متعه وفايده.. ملينا من برامج من فك وافك اللي تصير في البرامج المثيره لتعصب..، |
اعجبتني جدا : كان رسول الله صلى الله عليه وسلم يريد الصلاة عند الكعبة فقال له ابو جهل : يا محمد اذا سجدت عند الكعبة فسوف ادوس على رأسك فلم يطعه رسول الله عليه الصلاة والسلام فتوجه الرسول الى الكعبة ليصلّي فقال ابا جهل مرّة اخرى: يا محمد اذا سجدت عند الكعبة فسوف ادعوا جميع اهل قريش ليروا كيف سأدوس على راسك ولم يطعه الرسول وبدء بالصلاة فدعا ابا جهل اهل قريش فعندما سجد رسول الله ذهب اليه ابا جهل فعندما اقترب ابا جهل من الرسول وقف صامتا ساكنا لا يتحرك ثم بدأ بالرجوع فقالوا اهل قريش يا ابا جهل ها هو الرسول لم لم تدس على راسه وتراجعت؟؟ قال ابا جهل: لو رأيتم ما رأيته انا لبكيتم دماً قالوا: وما رأيت يا ابا جهل؟؟ قال: إن بيني وبينه خندقاً من نار وهولاً وأجنحة، قال رسول الله صلى عليه وسلم : " لو فعل لأخذته الملائكة عياناً " .. تفسير الايات : امر ابا جهل بدعوة قريش بقوله تعالى" فليدع نادية" فرد عليه رب العالمين اذا جمعت اهل قريش فسوف اجمع ملائكة العذاب ليمنعوك بقوله تعالى "سندع الزبانيه" فقال الله لرسوله اسجد ولا تطعه وسوف احميك بقوله تعالى "كلا لا تطعه واسجد واقترب ï؟½ï؟½. لا تؤجل قراءتها ، وبآذن الله سوف ترسلها لاحبائك ï؟½ï؟½كان إدريس عليه السلام خياطاً وكان لايدخل الإبرة ويخرجها الا ويقول اربع كلمات : سبحان الله و الحمدلله و لا إله إلا الله و الله أكبر حتى قال الله له : يا إدريس أما تدري لماذا رفعتك مكاناً علياً ؟ لقوله تعالى: (ورفعناه مكاناً علياً) قال : لا أدري يارب قال : يرتفع إلي من عملك كل يوم مثل نصف أعمال أهل الدنيا من كثرة الذكر (إليه يصعد الكلم الطيب والعمل الصالح يرفعه) جعلني الله و إياكم من الذاكرين لله كثيراً كلما أكثرت من الكلام كثرت أخطاؤك ! إلا " ذكر الله " فكلما أكثرت منه مُسحت أخطاؤك .. ذكر من حولك بالله .... كتلة قلوب ... تقودها قيم |
إقتباس:
والله انك صادق الله يكثر من امثالك |
بادرة جيده من ادارة الهلال والقناه سوف تتيح المجال لجماهير الهلال وبالنسبه لدخل القناه ليس متوقف على اشتراكات فقط هناك اعلانات دعائيه ولابد من التسويق الجيد للقناه وتكون البرامج هادفه لكسب الجمهور والمشاهدين لزيادة الدخل واذا هناك تشفير يكوت الاشتراك رمزي 200 الى 300 ريال بالسنه وشكر للادره ومبروك عليكم القناه |
الله يجزاك خير يبو مشعل عارفين انك ماقلت هالكلام الا من باب حرصك وحبك للهلال والاختلاف في الرأي امر طبيعي ، واذا على بي ان سبورت العالم انجبرت على الإشتراك لإنها الناقل الحصري لأهم البطولات الآسيوية وكذلك الآوربية ومقصدي من أن السعر يكون بسيط عشان يكون سعر الإشتراك في القناة في متناول الجميع ولا أحد ينحرم من قناة ناديه بسبب مبلغ مبالغ فيه لإن اعتقد يبو مشعل الكل مو قادر على دفع هالمبالغ وانت عارف الحال واذا على الدخل اعتقد ان جماهيرية الهلال طاغيية جداً ولو بتضرب 400 او 300 في مليون او 2 مليون وربما اكثر واكثر لإن حتى الاشتراك ما اتوقع راح يقتصر على الهلاليين فقط اعتقد راح يشترك كل محبين الكرة السعودية في القناة يعني نقول مشتركين القناة 4 مليون عاد احسب شف كم بيطلع الدخل والمقهى سالفته تختلف تماماً عن الاشتراك لان المقهى هو وسيلة التسلية الوحيدة في هالبلد :s2: فـ الأغلب ان لم يكن الكل انجبر للذهاب لها سواء لوحدة او مع اخوياه |
هذا المهم 7نقل لاذان الصلوات من مكه المكرمه" وكلمات طيبه من المشائخ الكرام نصح وتوعيه لشباب. هذا المهم |
الحمدللهـ وربي يتمم ع خير ~ أقترح أن لا يكونون جميع المحليين فيها هلاليين فقط ،، والمقدم فقط هو اللي شرط يكون هلالي ~ لأن لو جميعهم هلاليين ما أتوقع الهلال رح يستفيد !!! وحتى المتابعين رح يفتقدون لجو المنافسهـ ! ~ مثالا برنامج المجلس ع الكأس ،، ما شاء اللهـ برنامج ناجح وبشكل كبير والسبب وجود أكثر من شخص لهـ ميولهـ المختلف ،، وبنفس الوقت الجميع محترم رأي بعض ونقاشهم بحدود المعقول ،، والمذيع معطي الجميع فرصهـ للكلام وقول رأيهـ ،، فـ عشان كذا أتمنى أشوف قناهـ الزعيم ناحجهـ بجذب الجميع لها ويستفيد الفريق منها ~ وللأمانهـ أنا عن نفسي ما رح أقدر أتابع مباريات الهلال فيها لأن معظم وقتي خارج المملكهـ لدراسهـ والتلفزيون ما أضمنهـ ،، سبحان اللهـ وقت مباريات الزعيم فجأهـ ألقى أمهـ محمد كلها محتلتهـ فـ أتابع المباراهـ من النت :s3s: :d ~ لكن خبر فتحها أسعدني كثييير لعلمي بمعانات الزعماء مع القنوات الناقلهـ ،، بالتوفيق إن شاء اللهـ ،، وشكرا لكـ أخوي مهتم ع الخبر المميز ~ |
المهم ان شاء الله تكون مو مشفرة كذا راح يستمتع فيها الكل والي يقول نبي يصير اشتراكها ب ظ،ظظظ ريال الحين ترا ماهو كل الناس لها ميزانية راتب كبيرة نبيها تكون قناة مفتوحة ومجانية افضل من وجهة نضري |
طررررب جمهورنا في المبارايات السابقة. نقل مباريات الهلال في اسيا . لو باشتراك كان تشوف النصراويين يشتركون من اجل الزعيم الملكي |
اجمل خبر ... ننتظر التدشين على احر من جمر .. نسأل الله لها التوفيق والنجاح |
الله يعطيكم العافية.. وبالتوفيق للهلال. |
بعد يبون يجيبون لنا ناس ميولهم غير هلالي في قناة الهلال! الخلا بس لاعبين الهلال المعتزلين اولى من غيرهم يادارة الهلال بعضهم يحتاج منا نتذكره فقط.. ريفالينو ، خالد الدايل. فهودي. منصور الاحمد.عبدالله الدعيع. النعيمه. . سامي الجابر. الثنيان. محمد الدعيع. يوسف جازع.خالدالتيماوي. المصيبيح. ليتانا، موسى نداو. احمد اشرف.سيرجو. كماتشو.حسين المسعري. الخثران.تركي الصويلح.صفوق ومحمد ونواف التمياط. الحبشي. البيشي. الشريده. سعود الحماد.الموينع.التخيفي.حسين العلي.ابو اثنين.التايب..وليهامسىون. احمدبهجا.شويش الثنيان. بشار عبدالله . الهويدي.السلومي.الرشيد. سعد مبارك.محمدالنزهان.العنقري.حسن العتيبي.ولي. سعدالحارثي.عبدالله الجمعان.تركي العواد.الدوخي. عبدالله سليمان.لطف.الرشودي.محمدنامي.خالدعزيز.احمدالصويلح. وغيرهم كثير بعضهم قادر ان يصبح محلل في القناه.. |
إقتباس:
فاجئتيني بهالخبريه يازعيمه:rose: |
إقتباس:
كلمه الخلاأعجبتني للرياضيين الي ماعندهم أخلاق الرياضه وماعندهم غيرسب الناس وعدم احترام الرياضه بمسماها الحقيقي فالكلمه هذي يستحقونها |
انا اقترح تكون غير مشفره ويستقطب ابرز المذيعين وتكون برامجها متنوعه مباريات في ذاكره وكذلك لقاءات مع روساء الهلال والاعبين السابقين لكي يعرف هذا الجيل الاعبين السابقين وكذلك لقاء مع الاعبين الحالين ومقابلتهم في منازلهم ويكون برنامج اسمه (ساعة في بيت الضيف) بخصوص الدعم يكون من الجماهير برسائل اس ام اس يعني بعد كل مباراة يتم وضع من ترشح افضل لاعب من الهلال وتم الارسال ...... وايضاً يستفاد من الاعلانات التي راح تبثها القناة خاصة انها موجه لشريحة كبيرة من الشباب وبعدكل مبارة يكون فيه برنامج لمدة ساعتين يكون فيها تحليل للمبارة وكذلك استماع للجمهورواخذ ارئهم ويكون فيه شريط اسفل الشاشة يرسل الجماهير كل ارئهم بختصار ... وتنقل القناة ابرز المباريات العالمية مع الاتفاق مع القنوات الاخرى... |
اتمنى ان تكون القناة غير مشفرة وتكون متاحه للجميع مجاناً . فهناك الكثير من الزعماء المحبين لم يستطيع لم يستطيع شراء جوال جديد لعدم توفر المال لديه . أما الدخل المادي من القناة فأنا متأكد تماما أن الشركات الكبرى ستضع اعلاناتها ودعاياتها في قناة الزعيم . ومن هنا سيكون الدخل الكافي . مجرد رأي |
| الوقت المعتمد في المنتدى بتوقيت جرينتش +3.
الوقت الان » 02:45 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd