راح واحد وباقي اثنين !! بكل صراحة
 

بسم الله الرحمن الرحيم
السلام عليكم ورحمة الله وبركاته

أولا : الف الف مبروك فوز بمثابة اعادة الروح وبث المعنوية من جديد

الهلال كان جيد اليوم بس لا ننسى ان الاتحاد جريح و نحن الزعماء كنا لا نهاب الاتحاد في ايام عز الاتحاد واليوم كل هلالي حاط يدة على قلبة ويقول الله يستر

الحمدلله عدة على خير

ثانيا : راح بندر بن محمد واقول له من القلب الف شكر يا امير على ما قدمت للهلال وعلى المسيرة المرصعة بالإنجازات ولكن ترك المكان شجاعة لكي تعطى احد الفرصة ليبدع من جديد
باقي اثنين نعم باقي اثنين وبكل صراحة وبكل وضوح باقي عبدالرحمن بن مساعد وريجي كامب اتمنى مع نهاية الموسم يترك عبدالرحمن بن مساعد الفرصة لغيرة عشان يعطي وتكون عصفورين بحجر واحد

عبدالرحمن بن مساعد استثماري بحت ولا يخفى على الجميع هذا الشي

ضعيف جدا في المفاوضات وفي الصفقات اي احتكاك مع خبيلان خبيلان ينجح ليش لان عبدالرحمن بن مساعد ما يبي يدفع
راح هوساوي ليش لأن عبدالرحمن بن مساعد ما يبي يدفع
راح الفريدي ليش لنفس السبب
زمان كان النادي الجار يقول نبي لاعب رخيص وكويس وكان حالهم البعد عن الذهب 20 عام

الخلاصة الادارة محتاجة واحد كاش يدفع ايه يدفع نبي محترفين كبار امثال ( رادوي - ولي هامسون - التائب _ لي يونق الكوري _ تفاريس - كامتشو - ديقاو - نيفيز )

اما صفقات المصري احمد علي ويوسف العربي وهرماش وليلو والكوري سول والكوري بيونغ سو وكاستلو واكيلي ايمانا ووسلي لوبيز وحاليا كواك وبنتلي هذي اسمه صفقات تسكيت شوفوا جبنا لكم اجنبي أجنبي ضعيف وداج ما نبي

الصفقات المحلية الجار لان لديهم كاش ما بقي ولا لاعب جاب الأخضر واليابس

باقي عندنا هزازي وشهيل وحسن معاذ ان نجحنا في خطف احدهم فهو اضافة غير كذا كل الاعبين الكبار اخذهم نادي الفقر سابقا

( شبية الريح يطلب الوليد سلف ) ترى عيب مثل هذا الخطاب يطلع للاعلام طال عمرك يعني انك مطفر وماعندك قروش طيب وين أعضاء الشرف وين عيال سلمان اللي ضاع دعمهم من وراء التخبط والقرارات الارتجالية
نجي للمدرب الجبان اما هذا المدرب فاقع مرارتي فقع ياخي خواف والهلال فريق ما يعرف الخوف

الهلال يبي مدرب هجومي بحت

نجي للطاقم الاداري المفرج والله اني احب هالانسان بس هذا المكان يبي واحد قوي الشخصية

بختصار الهلال عشان ينهض ويقوم ويعود مرعب للخصوم محتاج كاش دفع صفقات تتحدث عنها الصحف العالمية لاعبين يوم يدخل الملعب يرعب الخصم
مدرب هجومي قوي مو مدري جبان


اللي معندهوش ما يلزمهوش هذا مثل مصري يا شبية الريح


الكورة تبي كاش تبي واحد يدفع اعطيها تعطيك ام شغل رخيص وكويس ترى ما ينفع

اتمنى اسمع خبر ابعاد ريجي وبعدها استقالة ابن مساعد عشان يجي شخص يعيد ترتيب البيت الازرق ويعيد اعضاء الشرف ويعيد هيبة الهلال لما هو معروف عن زعيم اسياء


تحياتي relax

كلامك صحيح و لكن لن يتغير شكل الهلال و لن يعود الا بعد انتهاء الموسم

ريجي باقي و الرئيس و احتمال يجي اجنبي واحد يعني مب ذاك التغيير اللي بنحس فيه

انا اريد الاستقالة نهاية الموسم أساسا ابن مساعد باقي له موسم ونص وتنتهي فترته بس لو استقال نهاية الموسم راح يكون فاد الهلال بموسم متبقي من فترتة

اما السباك ريجي لا تعليق

الاعب اللي بيجي رخيص وكويس لا جديد

مع كل الشكر والتقدير لبندر بن محمد هذى اول بشائر الخير للتغيير القادم ان شاء الله بس ان شاء الله يخفون على الهلاليين فى المنتخب وياخذون نفس لعيبتنا ويرحون للى يقول متصدر لا تكلمنى والا لاعبينهم عليهم خط احمر مدللين ما يبون يتعبونهم

عاد الاصفر مدلل وشبية الريح حتى ردة فعل لو بتصريح ما عندة

مثالية وكلام انشائي لا يودي ولا يجيب

نبي محمد بن فيصل ياخي ايام هذا الامير كانت جميلة

هرماش
 

اوافقك الرأي لكن هرماش معليش افضل محور جابه الهلال بعد رادوي تمريراته دقيقه ومتقنه وحماسي ولكن كان ينقصه محور مثل سعود كريري يعني لو تقارنه في بنتلي الان هرماش افضل بمراحل :alzaeem::alzaeem:
تقبل تحياتي

انت تتكلم بعد نهاية الموسم وحنا نتكلم الحين وش المطلوب !
عطنا اقتراحاتك الحين وش نبي بها بعد الموسم ,,اصلا عبدالرحمن بن مساعد قال هذي اخر فترة لي وما راح ارشح نفسي يعني باقي له سنة ونصف تقريبا وممكن يمشي نهاية هالموسم لو ما حقق شي.
ريجي اتوقع يروح مع روحة ابن مساعد,,
المطلوب الان هو جلب مهاجم اجنبي وظهير ايمن محلي زي حسن معاذ واللي اسمعه انه فيه محاولات جادة بهالخصوص مع ادارة الشباب ,,
يصير ياسر ظهير ايسر اللي هو مركزه الاصلي.
برضو تقييم البقية وتسريح اللي ما لنا فيه حاجة.

الله يعطيكم العافية
وبالتوفيق للزعيم الملكي

مدرب هجومي بحت وينه هذا وش اسمه ....

كل هالهجوم وضياع الفرص السهله وضغط الفرق في نص ملعبها وخواف !!!!

اذا ما عندك خبر الهلال من 2001 وهو يلعب بمهاجم واحد ...

للمعلومية

كماتشو و تفاريس
برخص التراب وانتم بكرامة

ما يوصلون لـ 400 الف دولار




اما بالنسبة لـ
هرماش جيد جدا افضل من بينتلي

العربي جابوه يبون فيه فلوس وفعلا ربحوا فيه


اما ايمانا

نحن من طالب به ولكنه كان متعالي على الفريق والمدرب ما يبغاه

فعلا عندنا جمهور ما عندهم ذاكرة او فيهم زهايمر

ريجيكامب من اذكى المدربين اللي مرو عالهلال
قدام سيدني والشباب والنصر الهلال كان افضل تكتيكيا بسبب خطة المدرب
رغم نقص لاعبين عنده وفوق ذلك تقول مدربنا خواف
اللاعبين يضيعون هجمات تبي المدرب ينزل يسجل لهم بعد
واكبر دليل على كلامي شوف مباراة الاتحاد بالامس ومباراتنا مع الاهلي راح تشوف ان المدرب يقرأ المباراه ويلعب بواقعيه وتركيز
ذبحتونا بإنتقاداتكم المحبطه للجمهور
دعمنا سامي رغم تخبطاته في البدايه ليش ما ندعم هالمدرب اللي حط بصمه للهلال

لانحكم على المدرب الا بنهاية الموسم
امااللاعبين المحليين فلايوجدإلا نايف هزازي وحسن معاذ هم اللي يجي منهم اماشهيل لايستحق اللعب في الزعيم والموجودين افضل منه بمراحل

آختلف معآكـ آخوي

مآ فيه آحد يفهم كورهـ و يتمنى آن ريجي يتركـ تدريب آلزعيم



شف آلزعيم قبل و بعد آلآسيوية

آللي صآير من ضعف في آلمستوى كله من تآثيرآت آلآسيوية

اولا
استغرب توقيت طرح هذا الموضوع..
الفريق فائز بالامس وعلى كبير جده الاتحاد بالرغم من كل الظروف المضاده للهلال..وبداية العودة للاسد الجريح..فمن المفترض اغلاق اي مطالبات باستقالات او ماشابه..ولم الشمل للكيان فقط..
ثانيا
كنت من المنتقدين لبعض اخطاء ريجي ولازلت..ولايوجد مدرب ليس له اخطاء..ولكن هذا المدرب بالذات تكتيكيا جيد جدا..بالامس مثلا..لولا رعونة سالم الدوسري تحديدا لخرج الهلال بنتيجة تاريخيه وحتى ببقية المباريات السابقه الهلال كان الافضل والاكثر فرصا..امام سدني والنصر والشباب..لذلك انا لم اطالب ولن اطالب باقالة ريجي..ولكن اطالب بمهاجم اجنبي فذ يساعد الزلزال..فكلنا راءينا عندما خرج ناصر لم يعد عندنا اي مهاجم وانفرادات سالم لا تفيد..
انا مع الاستقرار..والهدوء..وطالبت اكثر من مره بذلك ومع اسداء النصح للرئيس ببعض النقاط كتصعيد بعض لاعبي الاولمبي وتدعيم الدكه ببدلاء عليهم الكلام وجلب مهاجم اجنبي فذ وتقريب هلاليين فنيين على مستوى عالي لاختيار اللاعبين المحليين عندما تنوي الادارة جلب لاعبين محليين..