|
ياجمهور الهلال : سنة2014 لنسيان...#ميزة جمهور الهلال!! السلام عليكم: احبابي جمهور الزعيم: في عام 2014 لم ولن يحقق فريق الهلال اي انجاز او اي بطوله.. فهو بنسبه للهلال اسوا عام مر على تاريخ الهلال .. بعد انتكاسة نهائي اسيا المشؤم ومرور الكره على خط المرمى دون ان تدخل للمرمى في اكثر من 32 فرصه محققه لتسجيل . رغم الفرق الشاسع في المستوى الفني بين الهلال وبين سيدني المتواضع.. تاكدت ان الامر "سنه كبيسه تمر على الهلال" والمفترض علينا نسيانها بكل مافيها من الم وقهر وننظر للمستقبل.. بكل مافيه من تفاؤل وعودة لزعيمنا كما كان.. فمن يتوقع ان هذا الحال سوف يدوم فهو مخطي. اكتشفت ان الهلال يملك جمهور شجاع لايرضى باالخساره ولا التخاذل وتعليق الفشل على اعذار ساذجه. كما كان يفعل غيرهم ! عند جمهور الهلال حرية الراي والنقد مسموحه ومرحب بها ولكن بدون التجريح الشخصي والاتهامات والاهانات.. هذه لم تكن اخلاق الهلاليين الشرفاء.. ولكن في النقد لمصلحة النادي.. لا احد فوق الهلال اعضاء شرف ، رئيس ، مدرب ، لاعبين فجميعهم محاسبون امام جمهور لايرحم وكل مطالبات الجمهور مشروعه ويجب ان تكون كلمتهم مسموعه. وعلى كل من يرى نفسه انه ساهم في الفشل ان يكون صادق مع نفسه ويكون شجاع ويترك مكانه لغيره.. واذكر كل مسؤل في النادي وكل الاعبين انهم مسؤلين امام الله سبحانه وتعالى على كل تقصير وكل تخاذل.. فأالهلال وجمهور الهلال امانه : يازمان العجائب وش بقى ماظهر.. بعد مااستخدم جمهور الهلال في العشرين سنه الماضيه كل انواع الطقطقه والتنكيت على النصر" جا اليوم اللي النصراوين يشمون نفسهم ويقالهم يطقطقون.. لكن : هاذي الكوره عشرين سنه عليك يانصر وسنه لك لاتفرح كثير.. معلومه : ارسنال النادي الانجليزي العريق لم يحقق دوري ابطال اوربا في تاريخه لكن يبقى من اهم اندية العالم ولم يقدر احد ان يقلل منه. والهلال زعيم اكبر قاره على وجه الارض بست بطولات والقاب اسيويه فلماذا بعض الجمهور تمشي عليه حيلة النصراوين والحاقدين ان الهلال ضعيف ولم يحقق شي!! اذا في كل مباريات الهلال والنصر وطوال التاريخ لم يقدر النصر ان يفوز على الهلال الا بضربة جزاء!! ولم يكن النصر في يوم من الايام ند قوي في الملعب وكما قال الشنيف تمنيت لو مره يفوز النصر على الهلال بجداره. ويكون هو الافضل في الملعب! ختاما رئيس الهلال كان يقول جمله دائما وهو يعنيها: لا اخاف على الهلال الا من الهلال.. وهذا ماحصل الهلال هو من يهزم نفسه امام انديه لاتعرف من كرة القدم الا الدفاع والتمثيل على الحكم لكسب هدف غير مشروع.. اتمنى من جمهور الهلال : ان لايسحبونكم الدجالين معهم وتصدقون اكاذيبهم وتضليلهم وتزويرهم فالهلال يمر بتعثر ولكن سيعود قريبا: لاتمكنون المندسين من تحقيق هدفهم وهو " اكراهكم في زعيمكم وكيانكم" وتشويه تاريخه.. بينما تاريخ انديتهم " لاشي" وانجازاتهم كلها وهميه"ومشبوهه" فمن شجع الهلال لن يندم ولن يطول انتظار عودة الافراح ومن شجع غيره انتظر عشرين سنه من اجل ان يفرح" بتحقيق بطوله مشبوهه" في الاستراحه: اتفقوا بعد اجتماع سري"ان كل يوم تزوير" كل يوم "اشاعه على الهلال" لايوقف وتوجيه ادواتهم والدمى المتحركه " للخروج والاساءه للهلال.. والكذب والتزوير ويخرج راس الافعى للاعلام وينتقد التعصب! عجبي.. |
موضوع مميز جداً وباذن الله ترجع المياه بمجاريها ويرجع الهلال يعطيك العافية |
طبيعي نخسر مباراة بطوله الاشياء هذي متعارف عليها بعالم كرة القدم ولكن ليس من الطبيعي ان تشاهد هذا البرود والجمود من الاداره ورئيس هيئة اعضاء الشرف وهم يشاهدون الفريق ينهار جوله خلف جولة هم سبب دمار الهلال هذه السنه والمفروض يتحلون بقمة الشجاعة ويتحملون المسؤوليه بعدها يفكون النادي من خيرهم وشرهم ولا نبي الا شي واحد ويفارقون و نبي ادارة جديده تحس بمعاناة الجماهير وتسعى لتلبية احتياجات الفريق ولاتكون بخيلة وبنفس الوقت مهايطية بالوعود |
المشكلة ان الجمهور بعد نهائي اسيا صفق كثير للفريق ودعمه في مبارياته الاخيرة لكن اللاعبين يردون هذه الوقفة بنكسه . والادارة تتفرج !!! |
سنة الهلال كبيسة وتعيسه من اول يوم استلم ابو فيصل الرئاسه الخلل واضح وان تم التشويش من قبل المنتفعين بالزج بأعضاء شرف وقصص وحكايات الرئيس فاقد صفة القياده والحكمه والكتمان والكثير ولا صرت فاقد شي وشلون تعطيه |
اخوي مهتم7 بالله عليك كم مرة نقول موسم للنسيان في عهد ادارة بن مساعد ؟ كفاية ضحك علينا |
إقتباس:
يمكنك قريت عنوان الموضوع فقط ياخي! ماقريت ماكتبت في الموضوع... عموما عام لنسيان ، واداره لنسيان، ومدرب لنسيان |
كلام سليم ونحن كجمهور هلالي عاشق ينتابنا شعور مشترك أن الهلال سيعود فقط ﻷنه الهلال يمرض لكن لا يمووت وسننتضر ما سيحصل في فتره التوقف وبتوفيق للهلال |
كفيت و وفييييت : كلي ثقه ان الهلال رااجع وبقوووه بعد يعطيك العافيه |
حسبي الله عليهم.... وعلى من كمم افهواهنا هنا بالمنتدى... اللهم سلط عليهم مثل ما سلطو علينا... يارب ياسميع يامجيب دعوه المظلوم.... |
بالبدايهـ أنا ضد كل من يقول الهلال ما حقق آي بطولهـ بـ سنهـ ٢٠١٤ !! ~ فاز ألمبي الهلال بـ الدوري ،، يعني باختصار الهلال ما شاء اللهـ مهما كانت ظروفهـ مستحيل ينهي الموسم من غير بطولهـ ع الأقل ~ ثانيا :~ جمهور الهلال كالعادهـ رافع شعار " إن لم أكن هلاليا وقت الإنكسار فـ لا أستحق أن أكون هلاليا وقت الانتصار " ~ بمعنى آخر الجمهور العاشق رح يقف مع الهلال ويعرف يفرق بين الصح والغلط ،، ويعرف كيف يوقف الشامتين عند حدهم !! ~ لكن من وجههـ نظري من حق الجمهور يطالب بسماع صوتهـ وأخذ رأيهـ !!! ،، لأن ما هو عدل نهائيا تهميشهـ ومطالبتهـ بنفس الوقت بمساند الفريق !!!!! ~ اللهـ يعين الهلال ويعدي هالموسم ع خير ،، شششكرا لكـ أخوي مهتم مواضيعكـ دائماً مميزهـ وبـ الصميم ~ |
الغضب الجماهيري هو من رؤية اناس المفروض انهم يعملون للكيان واذ بهم ينحرونه من الداخل وبالنسبة للفقر هم اقل من ان يلتفت لهم او يضرب لهم اي حساب فقاعة صابون ستنفجر في اي لحظة وتتلاشى في الهواء كما عهدناهم وسنستمتع بالدعس عليهم مجددا في حال نهوض الفريق من غيبوبته |
يمكن قصدك مواسم للنسيان جميعنا يعرف أن الهلال سيعود إن أراد الله ولكن متى ومن سيعيده وهل ستكون الإدارة شجاعة وتنسحب هذه المرة |
كلنا غضبنا وكلنا انتقدنا.. والجمهور قال كلمة الحق وطلباتنا لن تؤثر في الفريق بلعكس راح يحصل تغيير كامل للافضل.. لكن هل من مجيب !!!! |
سيظل الهلال ضعيفا مادام هذه الاداره تديره ... لم ارى الهلال في حياتي بهذا الضعف كم افتقدنا محمد بن فيصل ... الرجل الشجاع و البطل بارك الله فيك |
| الوقت المعتمد في المنتدى بتوقيت جرينتش +3.
الوقت الان » 10:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd