الله يخارج الزعيم هذه الليلة ويخارجنا كمحبين له من النكد اللي إحنا فيه ..
حتى لو فاز الزعيم ... ليس مقنع تخبط في تخبط... والله يستر ون الفيصلي ... هذا ما كنت أخشاه .
والقنبله ستنفجر في القريب العاجل ..
هنيئا لمن فهم مغزى موضوعي.
اللهم أعد للزعيم هيبته ووفقه فوق كل أرض وتحت كل سماء.

لك الله يا هلال.

لو المدرب ذكي كان اشتغل على السالم من البداية وعارف ان الظروف تأتي في أي لحظة مو ألحين يوهق نفسه واللاعب أنا ما أفهم كورة كيف تبي اللاعب يعطيك وهو أسير الدكة ما عنده حس للمباريات حسبي الله ونعم الوكيل.

إلا شباب بسألكم عن الفيلا اللي في رومانيا على الجزيرة لريجي خلصت والا بعد ..

نسيت بخاطري شيء كبير ودي أقوله .. لا وبالفم المليان :
( وضع الهلال ما يطمن )

وسلامتكم

الصبر الصبر الصبر هناك سؤ طالع هناك عدم توفيق من العام الماضي تذكرون مباراة الهلال والنصر في كاس ولي العهد سؤطالع بكل ماتعنيه الكلمه الدوري العام الماضي فيه عدم توفيق للهلال حسبنا الله ونعم الوكيل

تشمتوا المنافسين .. يا فرحتهم .. فرحتين.

الله يستر على الزعيم من الاتحاد والفيصلي.

الله يعطيك العافية وبالتوفيق للزعيم الملكي

الحمد لله على كل حال .. لعل في الأمر خير
يا رب توفق زعيمنا قولوا يا رب.

قوموا صلوا يا زعماء واذكروا الله وادعوه وصلوا على رسوله الكريم تنعموا بيومكم هذا وتكونوا في ذمة الله تعالى.

فديتكم

إقتباس الرسالة الأصلية كتبت بواسطة كريزي انت تحسب التشدد يجيب نتيجه الي الله مصلحه لوهو ساكن عند بيوت الخراب والي يبي الخراب لوفراشه عند الكعبه الزبده الي فهمته من تهجمك على بنات الناس انك انسان معقد نفسيا ومن يضحك بالثرمان بكرى يضحك بدون سنون انتبه لبيتك واترك بيوت الناس عنك حنا بمنتدا عام وكله عن اخبار ومواضيع كوره ماتعداهن ولاتنسا اننا بعالم الانترنت وانت منت برج مراقبه فانصحك بالين والتعامل الحسن والله يصلحنا ويصلح ذرياتنا

انا ابغى انبههن نه عيب حتى متابعة الكوره للبنات عيب ماعمري شفت بنات اعرفهن يتابعن كوره ولاقلت ان هذولي البنيات فيهن شئ لكن صراحة استغرب دخولهن وش معرفهن للكوره خبري بالبنيات يلعبن مع بعضهن حبله او زقطه زمان يافن لاشافن ولد قالن كش عمى بهالوجه ههههههه اين الحياء ....اذا لم تستح فاصنع ماشئت

إقتباس الرسالة الأصلية كتبت بواسطة شبيه الريح* تدرين لو تدخل بنتي او اختي منتدى وتكتب سانحرها تسمعين ياأسوله ورهوفه سامي اصلا ضاع يوم درب الهلال ولابدا يجيب نتائج الا بعد اشراك لاعب يكرهه هو ياسر فالنتائج الجيده بعد اشراك ياسر ...هو تعاقد مع الشمراني ع باله انه بيحصل ع بطولات من دون ياسر لكن ماقدر المسكين ...وهومن يوعز للاعبين بوضع كورللشمراني ترين احتفاله بناصر كهداف للبطوله ماهو حب بالشمراني لكن كرها بياسر

لو انا اختك ولابنتك كان انا نحرت نفسي وش هالتخلف اللي انت عايش فيه
سامي اللي ضاع يوم درب الهلال ههههههههه حالك يرثى له عزيزي الفقراوي
ياسر وناصر عينان برأس بالنسبه لسامي طيب انت شفت فرحة سامي وماشفت فرحة سامي عندما يسجل ياسر او عندما يبدع ببعض المباريات سامي صريح صراحته هي من وضعته بالعربي يعني لو بينه شي مع ياسر تحدث
وبعدين اكيد بيضعون كور للشمراني
أخيرا كلامك طالع من قلب واحد كاره للهلال

إقتباس الرسالة الأصلية كتبت بواسطة كريزي ان كيدهن عظيم كلامك لو يشوفه عبدالرحمن بن مساعد قدم استقالته بدون تردد صراحه كلامك من ذهب ولاكن اتمنى انك تهدين على نفسك لاينقطع بك عرق الفريق مستحيل يتعدل الا بعد استقالة الاستثماري عبدالرحمن بن مساعد لو يحطون جيش هتلر قدام بوابات النادي عبدالرحمن بن مساعد هو الرئيس الوحيد الي مهمش الجماهير ولا ياخذ منهم حق ولا باطل اهم شي عنده عيال عمه اعضاء الشرف وكان نادي الهلال ملك لهم وهذا الي دهوره وخلا فريق الهلال بهذا المستوى وبالنهايه اتمنى منك انك تهتمين بيتك اكثر وتنتبهين لعيالك ان كانك معرسه وان كانك ماعرستي الله يرزقك بالرجل الصالح والذريه الصالحه والله ويوفقك لما تحبين وترضين

اخوي كلامي مافيه من الكيد شيء
كلام عاشقه متيمه بهذا الكيان والان تحترق على مايحصل بهلالها
ابن مساعد أرسلت له من هالكلام واكثر بتويتر والنتيجه بلوك
والحميداني ساالته عن البالوت اللي طلع فيه مع المريسيل وأيضا بلوك
والناقور سالته عن ابتعاده عن الهلال وانشغاله بتشيلسي وأيضا بلوك
صحيح لن بعود الهلال الا بعد رحيله هو واللي يترززون امام الفلاشات
واذا على جمهور الهلال باستطاعته طرد الجبان بس لو يتعلم بعض مافعله جمهور الاتحاد
تهميش الجمهور هو من ضيع الهلال الله يرحمك يا ابن سعيد وعبد الله بن سعد
كان الجمهور هو الأول بكل شيء وكان من المستحيل تهميش رأيه
شكلهم يحسبون الهلال ارض ياخذون عليه صك ملكيه ويحطونه من املاكهم الخاصه
حسبنا الله ونعم الوكيل

إقتباس الرسالة الأصلية كتبت بواسطة شبيه الريح* انا ابغى انبههن نه عيب حتى متابعة الكوره للبنات عيب ماعمري شفت بنات اعرفهن يتابعن كوره ولاقلت ان هذولي البنيات فيهن شئ لكن صراحة استغرب دخولهن وش معرفهن للكوره خبري بالبنيات يلعبن مع بعضهن حبله او زقطه زمان يافن لاشافن ولد قالن كش عمى بهالوجه ههههههه اين الحياء ....اذا لم تستح فاصنع ماشئت

استغرب فيك تناقضك العجيب أولا تقول لو انهم قريبات لي لانحرتهن
والان تقول ماقلت فيهم شيء
اللي اعرفه ان البنت لاتنحر الا اذا جلبت عار للاهل او للقبيله
تنبهني انه عيب ومتابعة الكوره للبنات عيب أيضا
كورة القدم متعه وهي للجنسين
واذا وش معرفني بالكورة عرفتها من كان عمري 8 سنوات ومارستها في شوارع حارتنا
ومن عمري 10 سنواات عشقت الهلال وعشقت الساحرة المستديرة
فلا تسأل وش معرفهم بالكوره
اللي فهمته ان البنت المتربيه عندك هي اللي تقول للولد كش عمى بهالوجه
وانا الان لاثبت تربتي أقول كش وعمى بهالوجه يا أيها الفقراوي الصغير
ماكنت أتمنى نوصل الا هذا المسار بس الشكوى لله

إقتباس الرسالة الأصلية كتبت بواسطة شبيه الريح* انا ابغى انبههن نه عيب حتى متابعة الكوره للبنات عيب ماعمري شفت بنات اعرفهن يتابعن كوره ولاقلت ان هذولي البنيات فيهن شئ لكن صراحة استغرب دخولهن وش معرفهن للكوره خبري بالبنيات يلعبن مع بعضهن حبله او زقطه زمان يافن لاشافن ولد قالن كش عمى بهالوجه ههههههه اين الحياء ....اذا لم تستح فاصنع ماشئت

يااخوي احناماطلعنا للمدرجات وتبرجنا ولاشي
احنانشجع بااحترام ببيوتنا
امادخولنا لمنتدى كوره فهورد ع المواضيع بكل احترام
امايوم تقول اين الحياء
الحمدلله متربيات ع ماقال الله ورسوله ماعصيناالله
البنت مدامت محترمه نفسها وبيئتها الي عايشه فيها
ماحد راح يمنعها من هالشي سواء دخول منتدى كوره اوغيره
اوحتئ تشجيع