نيفيز مطلب في الفترة القادمة
 

السلام عليكم ورحمة الله وبركاته ..



أولاً حظ أوفر الخسارة من النصر والجايات أفضل إن شاء الله



غالبية الجمهور الهلالي بل وأنا منهم يعتقد أن رحيل نيفيز في الانتقالات الشتوية أول الأولويات ..


لكن من فكر هذا التفكير .. هل فكر بالبديل ؟؟؟

الآن خانة صانع اللعب تشتكي فلا الشلهوب يغطي الخانة ولا الدوسري ذو المستوى الهابط

هل الإدارة قادرة تجيب بديل يغطي نيفيز بمبلغ وقدره في ظل الديون اللي عليها .. ؟


بل ولو فرضاً جدلاً أن الإدارة قادرة هل تعتقدون أنه سيتأقلم مع الفريق في فترة قصيرة ..؟


أجزم أنه سيأخذ فترة إلى نهاية الموسم إلى أن يتأقلم ..


حالياً أرى أننا نبقي على نيفيز والكل لاحظ على الرغم من أنه قادم من إصابة ويلعب برجل وحدة وصلنا للمرمى كثير بنهاية الوقت ..

مع الوقت بيرتفع مستواه مع أرتفاع اللياقة
وبالمقابل نجيب مهاجم ممتاز يغطي مكان أبو عبد العزيز

الله يكتب الي فيه الخيرللزعيم
بالتوفيق للجنيع بإذن الله تعالى
يعطيك العافية

نيفيز لاعب يتمناه اي فريق والشيء الثاني مستحيل فترة الانتقالات الشتويه فريق يتنازل عن لاعب فايف ستار بوسط الموسم والشي الثالث الهلال لم يسجل في المباريات القويه النصر والاهلي والاتحاد والشباب وسيدني مرتين يعني نقطة ضعفنا في الهجوم والوسط عشان كذا لازم نضحي علی الاقل ببنتلي ولو انه شايل الوسط مع كريري ونجيب مهاجم لو بالاعارة 6 اشهر فايف ستار ونجيب محور محلي مكانه من احد الاندية .

الي اشوفه نجيب مهاجم محلي من طراز نايف هزازي او مختار فلاته والإبقاء على الأجانب ونحتاج لاعب وسط محلي من طينت الكبار يصنع فارق لكن من!!!!!!!!!!

العله هي الهجوم لازم انجيب لاعب مهجن و نتخلص من لاعبين الحواري و النفسيه ناصر

ونصعد شباب من الفريق الاولومبي حرام شباب النادي ينحرمون وهم اهل لها

وسامي لازم يرجع

نيفيز يبيله وقت ويرجع افظل من قبل بس يبي فرصه لكن هناك عالات بالفريق وخساره وجودهم اذا لم يتطور مستواهم
سالم لم ولن ولايزال ولا يمكن ان يتطورر ما ادري وش مشكلته

تقولون محتاجين نجم فايف ستار؟؟؟ طيب انا اقترح ابراهيموفيتش والا روني والا خلونا نفكر في سواريز. :)
اجل فايف ستار الله يهديكم ..
...
الحين عطوني كم فرصه صنعها نيفيز من بدااااية الموسم..؟
اتحدى انها ما تتعدى 6 فرص بالكثير.
تدرون ان حسن الطير لاعب الرائد صنع لفريقه 24 فرصه محققه للتسجيل. ولو عند الرائد لاعب نص هداف اصبح هداف الدوري بسببه وكان الرائد متصدر الدوري.
احنا كذا عندنا عقدة الخواجه ولازم اوروبي او برازيلي عشن ينقال عنا فريق كبير.
اللاعب يا اخوان يتم اختياره عند الغرب بناءا على الارقام اللي يسجلها ما عنده ارقام يعني ما عنده سالفه. ونيفيز ما قدم للحين اللي يعادل قيمة عقده. تصرف له الملايين عشن يصنع ست فرص. والا احيب لاعب بربع عقده يصنع 24 فرصه في 11 مباراه
حسن الطير اثبت قوته في ناديين تصدر فيهم قائمة صناع اللعب في الدوري السعودي. ولاعب عربي يفهمك وتفهمه ويريد ان يثبت وجوده. ولا تجيب لاعب فايف ستار على قولتكم يلهف كم مليون من النادي ويسوي نفسه مصاب وطاح مستواه ومن هالكلام واخرتها يضطرك تدفع الشرط الجزائي. ويرحل.
والله لو ادارة الهلال تفكر صح مالها الا ايفولو مكان بنيتلي والطير مكان نيفيز .. وخذ هجوووم وجلد حراس.

بعدين لاحظوا من متى طااح مستوى نيفيز ؟؟ من بعد ما صرح نادي فلومنزا انه ناوي يتفاوض مع الهلال ليلعب لهم.
السالفه يا نيفيز طيح مستواك عشن يطردك الهلال وبنتعاقد معاك وانت تطير بالشرط الجزائي ومؤخر العقد واذا ما شالوك نتفاوض معاهم على انك طايح حظ في هالنادي ..
لا تفكروون ان نيفيز بيرجع مستواه وفيه انديه برازيليه تبي تتفاوض معااه.. الربع لاعبييينها..

والله حالنا ينرحم


جالسين نقترح ونقول ونتكلم وعلى بالنا ان هالادارة بتسمع لنا

ياخواني اللي ماسمعوا لنا بعد ماقلنا سامي يبقى تبونهم يسمعون لنا الحين؟


الهلال ماصار ملك جماهيره الهلال صاير ملك نخبة معينه

اقول فكونا من نيفز الفاشل نبي مهاااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااااااااااااااااااااااااااااااااجم بدل نيفيز

الله يعطيك العافية وبالتوفيق للزعيم الملكي

نفيز هو الفالح في الفريق حتى لو هبط مستواه

شل كواك وجب مهاجم .. كواك مهزوز

نيفيز افضل لاعب في قارة اسيا بس مافي قدامه مهاجمين فايف ستار بنفس قدرات نيفيز .. وفكرة التخلي عنه جهل وجنون وتخلف .