|
طرحك يذكرنا بطرح ربعنا في كل مجال الحديث عن الفساد تجد نزاهة حديثها موجه للمواطن فقط مع أن مهمتها ليست تثقيفية لكن ترى الفساد بالصغار وكذلك إعلامنا الرياضي قبل شهر جعل التعصب سببه الجمهور وطلع منها والآن تتحدث عن تقسيم وتنسب له الجماهير وتركت أن المشكلة هم اعضاء الشرف وتحسسهم إلى نهاية الخسارة الآسيوية كان الجمهور على قدر كبير من المسؤولية وكان يدعم النادي لكن بعد خسارة البطولة كل ما يحدث هو طبيعي محاسبة على أخطاء كثيرة أجل مدرب أغلب تدريبه لياقة والمناورات شبه معدومة !! ويطلع المدرج وقت التدريب ليدخن ويترك اللاعبين حتى اثار استيائهم وسيصل لتبلدهم والشوط الثاني شوط المدربين يفشل بقوة في التغييرات والتعامل مع المباراة ... ثم هل نسبة كبيرة تصل لـ 97 في احدى الإستفتاءات ببقاء سامي صار هذا جمهور سامي !! لو سامي طلع من الآسيوية كان لم يذكره أحد لكن سامي ورط البعض بالتميز الآسيوي وبتصدر أقوى مجموعة فهل ستسفسه رأيهم .......................... من أقالوا سامي بعد خسارتهم الآسيوية وبعد بهذه المستويات في الدوري !! رجعوا للتحذير من تذكر مرحلة سامي .............وكأن لسان حالهم يقول حتى لو عملك يا سامي يخدم الهلال لكن لا نريده ................ مكابرة وعناد لأجل كبرياء مزيف ورغبات شخصية هذا ما ضيع الهلال وليس الجمهور والتقسيم أتى من عندهم والموسم الماضي وأخره كشف حرب خفية فتوجه بكلامك لمن يفترض أنهم كبار وأعقل فقد خذلوا الجمهور وتجاهلوه |
ومابين عشاق سامي ومحاربيه ضاع الهلال !!!! من المستفيد من كل هذه المهاترات ؟؟ الى ترون انها تبعدنا عن التركيز عن امور اهم الى متى سنناقش ان سامي قدم مستوى جيد وأُبعد ؟؟ الى متى سنناقش نتائج العام الماضي واخطاء التحكيم ؟؟ اليس من الأولى التركيز على الحاضر والمستقبل لست ضد سامي بل انا من عشاقه ولكن الهلال عندي اهم رحل سامي بإيجابياته وسلبياته ومازلنا نناقشه نتائجة في الوقت الذي يفترض ان نناقش الإنقسام الشرفي والغياب الإداري و الضائقة المالية والتعاقدات اللازمة للفريق ومحاولة انتشال الفريق ودعمه معنوياً للعودة الى طريق الصواب يجب ان نركز على اوضاع النادي الحالية السيئة فبين رئيس غائب ونائب رئيس مبعد وبين رعاة كُثر كان نتاجهم ضاقة ماليه !!! وبين اعضاء شرف اختفوا فجأة وبين اعلام مُغيب ضاااااع الزعيم |
ياجماعة الخير أذكروا الله فيه ناس مستفيدة من الوضع والإنقسام اللي حاصل الآن .. يجب أولاً الهدوء وحل المشاكل المتراكمة من سنوات الهلال قلناها ونقولها مليون مرة أكبر من جميع الاشخاص كلهم بما فيهم الإدارة وأعضاء الشرف واللاعبين الحاليين أو القدامى . الهلال الآن يسير على خطى الإتحاد وسيصل لمرحلة الجار في سنواته العجاف .. يجب على الإدراة وأعضاء الشرف إحتواء المشكلة قبل أن تتفاقم . أما حل جذري أو إستقالة جماعية الآن . المسكنات لن تجدي نفعاً . تسريب أخبار مثل مفاوضات وغيره لن تجدي . أدعوا جميعاَ أن يكفي الله الهلال شر كل من فيه شر |
معليش سؤال من واحد عمره 43 سنه ويشجع الهلال من 38 سنة تقريبا بس للحين مايفهم كورة عناصر فريقك الموسم الماضي هي نفس العناصر ولا اعتزل احد او طار منهم احد يستاهل؟ اعتقد الجواب واضح --- الموسم الماضي الركنية تسجل منها هدف وهالموسم ماشاء الله تبارك الله فوق 100 ركنية حتى الان مردودها التهديفي صفر مكعب --- اين من تم تصعيدهم من الشباب ولماذا لم يتم تهيئتهم للحلول مكان احد قلبي الدفاع واقصد بالذات كواك وين سلطان الدعيع ليش مايجهز عشان تقدر تجيب مهاجم اجنبي ؟ --- انتم تحسبوننا مغفلين او كمخ مانفهم ونشوف؟ انتم اصحاب الذاكرة واحد ميجا مايمديك تلتفت وتنسى ارجع للاحصائيات وتفهم ان كنت تقدر تفهم اساسا وش معنى كورة طبلوا للداهية وطبلوا لبندر وطبلوا للادارة اللي جالسة تخدرنا كل سنة وعلى فكرة يامن تجهلون التاريخ القريب والبعيد من بعد جيرتس كان الهلال يحقق بطولة يتيمة وهي كأس ولي العهد وكانت لذر الرماد واسكات الجماهير جا سامي بنى الفريق غير جلدة ولم يحقق بطولة بسبب اسباب انتم بانفسكم رددتوها وهي الدفع الرباعي غير حرب بندر له احترمونا احترموا اننا لنا عقول نفهم وندرك فامثالكم هم العلة في الهلال خلوكم مع السباك وبندر بن محمد ونشوف اخرتها |
الإدارة ما راح تروح الا لازم ما نحضر المباريات الا بعد ما يستجيبون لنا وينفذون الي نبغى |
إقتباس:
بخصوص النقطهـ الأولى بخصوص خسارتنا من النصر مرتين ،، خسارهـ كأس ولي العهد من وجههـ نظري سببها الأول إحتساب ركلهـ جزاء غير صحيحهـ نهائيا وبشهادهـ الجميع ،، وكنت أقصد بعدم خسارهـ الهلال مرتين من نفس الفريق بنفس البطولهـ " مثل بطولهـ الدوري ولا حتى بآسيا واجهنا نفس الفريق وما فزنا عليهـ !! " ~ أما بخصوص النقطهـ الثانيهـ أستغرب صراحهـ من تقليلكـ لفوز الهلال ع هـ الفرق الصغيرهـ ع قولتكـ ،، وكأن هـ الفرق ما تغير طريقهـ لعبها بالكامل أمام الهلال وتتغير ١٨٠ درجهـ فـ الفوز عليها المفروض ما نقلل منهـ نهايئا ،، وللمعلومهـ نفسهـ الفرق فاز عليها ريجي وبنفس النتائج أو أقل حتى ،، ما أشوفكـ قلت فرق ضعيفهـ وعادي الفوز عليها ؟! ~ وأستغرب من اللي صدقوا كذبهـ إن الموسم الماضي ضعيف وما أخذنا حجهـ لتقلل من مستويات الهلال الموسم الماضي !! ~ دام إنهـ ضعيف ع قولتكم ليهـ النصر اللي استحق التصدر ع كلامكم ما فاز بنتائج كبيرهـ ع جميع الفرق الكبيرهـ مثل ما فاز الهلال عليهم ؟! ~ الهلال ع الأقل الموسم الماضي ما تغير ترتيبهـ بين الأول والثاني نفس جميع المواسم الماضيا " يعني بغض النظر من كان المدرب ،، سامي ولا لا " الهلال ظل ثابت والباقي متغيرين بعكس الآن الهلال لأول مرهـ من سنوات يكون بهالمركز ومهدد بغيابهـ عن البطولهـ الآسيويهـ الجايا !!!! ~ أنا معاكـ بجزئيهـ من الظلم تقيم المدرب الآن ومن حققهـ يأخذ فرصتهـ كاملهـ ع الأقل لين نهايهـ الموسم ،، ولا زلت متفائلهـ إن يعدل من أخطائهـ ويظهر الهلال بمستوى ونتيجهـ ثابتهـ بنهايهـ الموسم مثل ما حدث مع المدرب سامي الموسم الماضي !! ~ لكني بصراحهـ ضد من يقلل وينكر تحسن الهلال الموسم الماضي واكتمالهـ خصوصا في نهايهـ الموسم وكان المفروض هالموسم يكون موسم حصاد تعب وجهدنا للموسم الماضي وللآسف طار كل شيء بمهب الريح و بوجود هالإدارهـ ما أتوقع نهائيا استمرار المدرب ريجي لو نجح إن شاء اللهـ !! ~ لأني من وجههـ نظري هي إدارهـ بالإسم فقط وغيرها قاعد يعبث بالهلال وهي ساكتهـ ما تتحركـ !!! ~ فـ متى ما رحلت رح تعود هيبهـ الهلال وزعامتهـ ع جميع البطولات إن شاء اللهـ ~ ترا كلامي ودفاعي عن سامي المدرب ما يعتبر نهائيا إنني أفضلهـ ع الكيان الهلالي ~ لكن شيء يقهر ويرفع الضغط من يجي ويطالب بإنصاف المدرب الأجنبي وابن الوطن لا ؟! ~ وشيء يحز بالنفس لما تشوف حاطين أعذار للمدرب الأجنبي ونفس الأعذار ما يقبلونها مع ابن النادي ؟! ~ وشيء يقهر لما تشوف من يدافع ويبرر تكرار أخطاء المدرب ليس لأن همهـ الهلال بل فقط عشان كبريائهـ ما يسمح لهـ بأن رأيهـ بالمدرب الوطني غلط !! ،، وشيء يحز بالنفس لما يكون هالمدرب كان أحد أساطير النادي ويتم محاربتهـ ونقدهـ بنقد هدام كأنهـ غريب ويسعى لهدم وزعزعهـ الفريق " وأقرب دليل الرد اللي بعدكـ هذا :~ " ~ إقتباس:
ما أرضى نهائيا هالإتهامات تتوجهـ لشخص ساهم وقدم الكثير للنادي سواء كلاعب أو مدرب أو اداري ،، ما أقدر نهائيا آسكت عنها !!! ~ بالتوفيق إن شاء اللهـ ،، شكرًا لكـ ~ |
إقتباس:
الفرق الصغيره تتغير طريقة لعبها امام الانديه الكبيره دائما سامي بعدالمباريات الصغيره كان يقول الي ضدي يلعب بكل قوته ! عجيب اكيد بيلعب بكل قوته :yes: + النصر فاز على الانديه ذي 2و3و4 كيف تقول النصر ما فاز عليها بنتايج كبيره ! وبنسبه لريجي وفوزه بنفس النتيجه او اقل اختلف معك ريجي : العروبه 4-1 + الشعله 3-1 + الخليج 3-0 + الفتح 2-1 الرائد 3-1 +التعاون 3-1 سامي: العروبه 3-0 + الشعله 2-2(د84)+النهضه 2-1(د90)+ الفتح 2-0 + الرائد 2-1 خساره +التعاون 2-1 ضربة جزاء د 83. (هذ كله الدور الاول لانه ريجي بالدور الاول.) +نقاط ريجي حتى الجوله 11 اكثر من سامي. فـ ريجي قارئ جيد للفرق الصغيره والدليل النتائج عكس سامي ريجي يحتاج فرصه. اما بنسبه للفرق الكبيره انا ماقلت ضعيفه انا قلت انها مهيب نفس القوه الي عليها الان. وما انكر جهود سامي وانسفها سامي فاز غلى الشباب والاتحاد والنصر بمستوى عال العال وهذي تحسبله لكن كـ مجمل الموسم ماقدم المأمول.:rose: سامي اسطوره من اساطير الهلال لاكن مهوب شرط يكون مدرب للهلال.:rose: |
اللي يقارن بدايات الهلال مع سامي وبدايات الهلال مع ريجي مع احترامي لكم ما انصفتوا هل عناصر بدايات سامي هي نفسها اللي مع ريجي ؟ ولا ريجي جا ولقى فريق جاهز؟ تعبت اناقش عقليات ماتنظر لكامل الصورهوينظرون من خلال ثقب الابره |
يا اخي انت ليه حطيت هالعنوان؟؟؟ لازم تفهم ان كثيييرمن زوار المنتدى ما يهمه الموضوع يقرأ العنواون ويدخل مدرعم ويرد. طيب قرأتم كلام الاخ هذا إقتباس:
الحين لييه ما تقرأووون الموضوع وتفهمونه؟؟ ليه كل ما واحد كتب موضوع طرتم بوجهه كانه منتداكم ورثتموه ابا عن جد. طيب هو قال الساميون يقصد انصار سامي وكلنا انصار ومحبي سامي .. هناك سامي اللاعب وهناك سامي المدرب اذا عرفنا كيف نفرق بين الاثنين عرفنا كيف نحب الهلال وكيف نحب سامي. .. اخوي هدوء موضوعك بصراحه رائع وياليت لو ادارة المنتدى تعمل قانون عدم مدح وتمجيد الاشخاص في المنتدى ومن له موضع اما ان يكون في صالح الكيان او يتم ايقافه. |
الحقيقة نريد بطولات نريد فن نريد روح لاعبين مايحدث للزعيم محزن للغاية صراحة |
كنت منقطع عن الكتابه والردود ولكن موضوعك المنطقي والعقلاني الذي ينم عن ماتحمله من فكر متزن وتحليل بأسلوب راقي أجبرني على الدخول والرد فمثل هذه المواضيع هي التي يستفاد منها بدلامن المقارانات الصبيانيه التي لم تعرف في تاريخ الزعيم قط إلا من خلال أقلام أقل ما يقال عنها إنها أقلام لاتمثل الفكرالهلالي يعطيك ألف عافيه |
لا والله ما صدقت نتفق على بعض الأخطاء والتخبطات من المدرب ؟ بعد هالجملة اغسل يدي من كتابتك وكلامك ورأيك يا عزيزي كل شغلة تخبطات والفريق لا نتائج ولا انضباط تكتيكي ولا هوية ولاهمنا سامي ولا غيره نتكلم عن فريق كان في مستوى تصاعدي والمحترفين الأجانب انسجموا مع الفريق وكريري بدأ يتأقلم مع الفريق والنتائج عطينا الفرق الكبار بالاربعات والخمسات وآخرتها أجيب مدرب سمسار وأضحك على الجماهير ب بنتيلي مدري أكسنت واقول هذا خليفة رادوي وأتفرج على تخبطات المدرب وكل يوم أتعذر بنيشمورا وغيره معليش كفااااية تطبيل ولعب على الذقون واستغلال حب الجماهير لسامي |
طيب صحيح كلام الاخوان المفروض نبتعد عن المهاترات والتحيز لمدرب .. وكل المتواجدين هنا انتقدوا وردوا بدافع حبهم للهلال أكثر من حبهم لأي مدرب آخر السؤال لمتى نصبر على المدرب ؟ فيه ملامح تبين إنه في الطريق الصحيح ؟ لمتى ننتظر عشان نتأكد إذا كان ماشي صح .. أو فترة انتظارنا طارت ف الهوا ونطير المدرب معاها ونجيب غيرو ؟ مايهمني مين المدرب ، يهمني فريقي وش قاعد يسوي بالملعب نقطة عورت قلبي إقتباس:
|
لحظه اخوي شيلة سامي لانهم قالوا بيجيبون مدرب خبره وممتاز امنا بالله قلنا اوكي جاب مدرب حقق ارقام لم يحققها الهلال في تاريخه واسال خبراء الاحصائيات يعلمونك لو المدرب جيد شفت شي متغير في الفريق كان قلنا اوكي الوضع تمام لكن تشيل مدرب ماشي بمستوى تصاعدي وتقول بنجيب مدرب خبره خنفشاري وسي في ومادري ايش وبالاخير الف باء تدريب ماعنده لايجيني احد يقول وش عرفك بالتدريب انا من الجمهور يهمني فوز وتكتيك وتصليح اخطاء اما يجي فريقي 5 مباريات تعادل وكم مباراه خساره واذا جيت انتقد قالوا وش عرفك ماشفت تكتيك؟؟؟ يعني البطوله في نهايه الموسم يجيبون لجنه ويقولون اللي ياخذ البطوله مو اللي نقاطه كثيره لا اللي افضل تكتيك بياخذ بطوله؟؟!!! شيلوا سامي وجيبوا مدرب يصنع لي فارق مو مدرب طباخ لاعبينا معى المنتخب يجيبون اهداف معى الهلال لا واذا سالنا احد قالوا هذا تكتيك وش عرفك؟؟!! انا معى الهلال طبعا قلبا وقالبا لو يدربه الجوهر بس لايجي احد كل ما انتقد مدرب قالوا هاااااه؟؟؟ انت اكيد من حزب الساميين ماصارت ياجماعه مستوى الهلال دفاعي وفوق ذا هزايم واحد يجيني يقول انت ماشفت كيف مسيطرين على المباراه قدام سدني بس الحكم غشاش طيب وقدام الاتحاد اللي شقه التعاون باربع زي اللوز؟؟؟ يقول وش يعرفك هذا تكتيك حسبي الله على من علم بعض الناس كلمة تكتيك وصرتوا تحطونها عذر لاي تعادل او هزيمه للهلال اللحين صار فيه حزب سامي والكينونيين والتكتيكيين |
إقتباس:
عطني حل عقلاني ومنطقي الكلام المرسل ما يفيد مع احترامي لك الرئيس عبدالرحمن بن مساعد ما قصر وكثر الله خيره نعلم ما قدمه من جهد ومال وقبله على راسه لكنه يجب ان يرحل من اجل الهلال وليس من اجلنا الرئيس يبحث عن سلفه عرفتوا ليش اقال سامي اقاله من اجل اعضاء شرف دعموه ماديا وتكفلوا بريجي وغيره الرئيس الذي يريد ان يبقى لموسمين ويبحث عن سلفه لن يخدم الهلال وسيضره خصوصا اذا كان شخص ما يفهم بالكورة حسب كلامه وسمح للمتردية والنطيحة بالتدخل من اجل الدعم المادي اذا المشكلة ليست بين ساميون وحاميون المشكلة عند ضارب الدف اذا كان رب البيت للدف ضاربا * فشيمة اهل البيت كلهم الرقص |
| الوقت المعتمد في المنتدى بتوقيت جرينتش +3.
الوقت الان » 07:57 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd