|
إقتباس:
ذكرت اللاعبين الكبار من اجل ان اضرب مثل ان لاعبين عالميين لم يصلوا للكمال رغم ما يوجد لديهم من احتراف حقيقي وليس احتراف اعرج فهمت الفكره؟ وانا معك الهلال يحتاج الى مهاجم يفك الرقابه عن ناصر ولاعب وسط بمواصفات التايب ويكون بعلمك لااحب المقارنات ابدا بين اللاعبين لان ظروف الوقت وطرق اللعب تختلف بين الاجيال ولا يعقد المقارنات الى الفاضين ومن لايجدون بطولات تؤنسهم تاتى تقارن لاعب خلفه كوكبه من افضل جيل لاعبي الوسط بلاعب يدور للبحث عن فرصه او لاعب في نادى ضعيف امام نادى مدعوم جماهيرا كمثال اللاعب الموهوب فهد الحمدان يرحمه الله لاعب نادى الرياض لو كان خلفه مثل التايب او التيماوي والتمياط هل سيكون هذا وضعه رغم موهبته هناك ظروف تخدم لاعبين وتخذل اخرين لكن لا يمنع ان نقول انهم مواهب مثل شايع النفيسة صاحب هدف الفرح في اول كاس اسيوي للسعوديه هدف منسى وسط الاحتفاء بالهدف التعزيزي الثاني للمنتخب لان شايع لا يملك النادي والجماهير التي تخدمه وتطبل له اخيرا لم اقارن ناصر بغيره واتمنى ان يخدم الهلال والمنتخب بالأفضل وما يمكن ان يخدم ناصر انه لازال صغير ويمكن ان يقدم لعدة سنوات لذلك مهما قلنا المستقبل امامه ليستفيد من امكانات الأجهزة الفنية التي سيكون تحت مسؤوليتهم تطوير ادائه للأفضل ان شاء الله وفي الاخير ناصر لاعب هلالي اقل العشق ان لا نجرحه ونتركه يصلح ما ينقصه من اساسيات تخدم الفريق وفق الله الجميع |
بالتوفيق للزعيم تواصل معي أخوي على الخاص |
سبب التخبطات الادارية والضعف الاداري هو الحميداني خرب صفقة حسن معاذ بخثرقته والان موقف بسبب كلامه الغير مسئول وختمها باللعب بلوت بالبغيض مريسل نواف بن سعد ترك فراغ اداري رهيب وصار كل من بغى تكلم عن الهلال سوا من داخل الهلال او خارجه مهزلة ادارية برعاية ابن مساعد |
إقتباس:
ايضا اتمنى تواجد منصور الاحمد فهو محب للهلال وابن عائله لها تاريخ بعشق الهلال فهو قريب لفهودي حبيبنا نجم السبعينات ...ومنصور قلبه ع الهلال لذا لن تجد تهاون من اللاعبين او انانيه صدقوني لو لعب الفريق بدون مدرب ومعهم منصور الاحمد يجيبون بطولات ....نصيحه قبل لايكبر منصور ولايقدر على العمل استغلوه الان |
إقتباس:
ياسر حتى لو ماسجل يضع فرص في اي مباراه لزملائه هو والقول لكن ماعندك احد مباراة السد ماله دور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله انك ظالم ولا تبي شوفته ياناس حنا نبي نفع الفريق ........انا من مشجعي سميرسلطان كان تعرفه هالحين عمره فوق ال60 سنه (حب الهلال يجري في عروقي قبل ياسر وسامي وسميان ) واي لاعب نجم ويفيد الفريق ابغى اوقف معه وادافع عنه ضد اي من كان لكن تحاربون لاعب مفيد للفريق لا والله ماترككم يهالجيل انا اعرف اللاعب اناني والا يلعب للفريق من اول مااشوفه العابد يختلف عن الزوري والفرج يلعب للفريق ولاعب يعتمد عليه في الفريق عطه كره وازهلها يخترق للوصول للمرمى او يحصل على ضربة جزاء الفرج والله لو يترك الانانيه ليصير نجم الدوري الزوري خطواته واسعه يصل بسرعه للمرمى لكن يعتم بالتسجيل ولا يعرض كور بالاخص لياسر اتمنى اليوم قبل بكرا جلب مهاجم اجنبي وجلب موسى الشمري حقيقة لااعرف عن مستواه جيدا لكن مع فريق ضعيف كالعروبه وهداف اذا ماهو لاعب سهل |
اهم شي تطمنا بخصوص اللاعب الي دربته .. هل تم تسجيله أم لا ؟؟ |
إقتباس:
لكن المشكله اننا نرى لاعبين مواهب في الهلال سرعان ماينسقون ويضيعون بين الانديه لعدم وجود من يعرف الموهوب او ناس تتمصلح في الفريق وهذا مايضر بالهلال ...الان لاعب ظهير ومدافعين وسط مافيه غريبه |
يارجل ضيع اربع نهائيات ورى بعض وتقول لي هداف الدوري وكاس ولي العهد وبطولة الخليج مع المنتخب والاخيره امام سدني حتى امام سدني ضاعت ضربات جزاء بسبب مهارات لاعبي الوسط العابد والفرج ...وهو وش سوى ...حنا مانبغى الاهداف تنحصر في لاعب ويجيب هداف ونفلس نبغى الكل يهدف وهذا هو اللعب بروح الفريق ...اما يجيب اهداف اي واحد مكانه يستطيع يشوت اي كوره واللي تجي تكون برصيده لين يطلع الهداف ....لكن وين بعض كرات لازم يصلحهن لزميل له ولازم يساعد اللاعبين في التسجيل والا نخرج دايم بهداف بدون بطوله </B> (ابغى اوضحها لك لان اغلبكم مايفهم هو براسه يبغى الهداف اذا مصلحة الفريق تكون في المقام الثاني ...كيف طريقته؟ يشوت اي كوره حتى لو زميله افضل منه ياتصيب ياتخيب اذا هو يجمع اهداف له وتضيع البطوله ) ضيع 4 نهائيات!!! واللعيبه الباقين وش وظيفتهم يوصلهم لنهائي واذا ماسجل قلتو ضيع 4 نهائيات ناصر اخفاه المخرب ريجي والا العام الماضي في كل المباريات يسجل بعدين المهاجم اللي انت تبيه وتقول يصلح لنفسه ولغيره هذي موجوده فقط في سامي الجابر اسيويا لكنك بقدره قادر جعلته مفلس ووضعت هذه الصفه في ياسر وماجد مافيه مهاجم يقوم بكل الادوار(صناعه وتسجيل والضغط على وسط ودفاع الخصم) الا سامي الجابر اما البقيه فكثر خيرهم ان سجلو بستثناء ناصر اللي يسجل من انصاف الفرص لكن وين هالفرص</B> |
إقتباس:
ياسرالقحطاني مايغيب مبارتين ورا بعض بالتسجيل لاعب هداف لكنه يهمه الهلال بالمقام الاول فماهي معقوله يرى زميله بمكان افضل ولا يمررله هل تعلم انه مسجل 5 هاتريك في الدوري بعد ماجد 8 هاتريك ....هذا يدل على انه هداف لكن مشكلته يتوقف للاصابات دائما ...قبل انتقاله للعين بسنه كان متصدر بثلاثة عشرة هدف وتوقف لان الاصابه تفاقمت عليه سامي صار مايسجل وارجع لسجله في الدوري والهلاليين تذمروا واستقدموا الاجانب وهو صار يصنع اهداف واذا حصلت فرصه سجل ياسر هل شاهدت معه اجانب في الهجوم الا سنه ويسلي ولا كمل السنه فهو يقود الهجوم الهلال سنوات من 2005 الى 2013 سامي كل سنه مهاجم اجنبي يقود الهجوم وهو يصنع عدهم (نضاو وداين فاييه وبهجا وسيرجيو والكاتووبصير والهويدي وبشار ) وغيرهم هم من يقودوا الهجوم رغم وجود افضل صناع لعب عندك اربعة الى حمسة لاعبين يقشرون له كور يكفي وراه الثنيان والشلهوب والاظهره الدوخي والرشيد كلهم يصنعون له والله لو يلعب معهم ياسر ان يسجل 40 هدف بالدوري ياسر مهاجم ولايريد يرجع للوراء لكن الوسط مايصنع فيضطر للرجوع يصنع لهم اما سامي توقف عن التهديف صار عنده صعوبه بالتسجيل |
شف وانا اخوك تقول ناصر مهاجم ضعيف تبقى وجهت نظر خاصة فيك لكن مو شرط انك تقنعنا بالارقام ناصر افضل مهاجم سعودي في السنوات الاخيرة وبشهادة جميع الرياضيين ماعدا عاشق الكاسر وناصر وياسر عينان براس وجميعهم خدموا الهلال وهم هلاليين ونحبهم جميعا بلاش كلام فاضي عشان تقنعنا بان ماجد عبدالله افضل من ناصر >> طبعا وجهت نظري والكثير يوافقني الراي واذا كنت ترى بان ناصر لايخدم الفريق وليس بذاك اللاعب فاتمنى بان لا ينظر في لاعب المستقبل كما تدعي وان يذهب للفقر كي تدور الايام ويسجل في فريقه ناصر او ابنه علي ههههههههههه |
إقتباس:
لو كانت الارقام هي الفيصل مافيه اكثر من اهداف حمزه ادريس مسجل ارقام قياسيه بالدوري بلغت 30 هدف احيانا المهم الاهداف هل هي مفيده ام لا (عندما يكون المهاجم حاط براسه ان يكون هداف الدوري فقل عليه السلام ....لعلمك ان عندنا 10 فرق ضعيفه فقط اربعه عليهن القيمه هذولي الاربعه اهزمهن باهدافك لو كانت 6 اهداف فيهن جميعا وكثر الله خيرك ) اما تتشاطرلي على عشر فرق اثنان تجدهن هابطان والبقيه خلاص بالمكان الدافئ ماهي شطاره (عندما يكون المهاجم كل كوره تجيه يشوتها ولا يرقب زميل له في مكان افضل ويضعها له اكيد بنخسر نقاط كثيره ...وهو فقط اي مباراه يشوت جت قول صارت برصيده وكل مباراه على هالمنوال يصوب جت قول برصيده ماجت ولاصلحها لزميله حنا نخسر ثلاث نقاط وهو حضرته يخزن اهداف وينتهي الدوري وهو يلقط اهداف ليكون الهداف وحنا نطلع من المولد بلاحمص ) |
أول شي اشكرك اخوي عاشق الكاسر بخصوص الموهبة ارجو الاتصال على النادي وتبلغهم اوتطلب فهد المديد اوناصرالاحمد علما بأن هاتف النادي هو 0114312222 وارجو تبذل جهدك وطرق جميع الطرق لكسب الموهبة والله يكتب للزعيم وجميع محبيه كل خير وربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان آمين ياااااااااااااااااارب امين وتقبل مروري |
| الوقت المعتمد في المنتدى بتوقيت جرينتش +3.
الوقت الان » 01:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd