يازعماء نبي تفاعلكم مع هالهشتاق

https://twitter.com/0011saad/status/544039142376488960

نبيه يصل الى ابن مساعد عساه يحس ع دمه امير الاستثمار ويستقيل. الزعيم يموت قدام اعينكم وانتو تنظرون

يارجل بلا تطبيل
الفريق يصل للهجوم لكن بدون فائدة ما فيه تكتيك هجومي

الهلال في خطر حقيقي والجماهير على موعد مع القهر المستمر
يا أعضاء الشرف بالهلال انقذو الهلال والا لا تلمون الجماهير بعد اليوم

انا مع رحيل ريجي في اسرع وقت وعوده سامي حتى يعود الهلال اقوى مثل اول

اليوم يقول وليد الفراج ان الامير عبدالرحمن بن مساعد يتسلف 11 مليون من الوليد بن طلال فان صدق هالكلام فهذي مصيبة

بصراحة بعد مارحل سامي الجابر اصبح فيه تفكك بين اعضاء الشرف

واما المدرب ريجي بالعكس انا اشوف انه كويس والتبديلات اللي يعملها في المبارة مرره كويسه وصحيحه بوجهة نظري

انا ضد عودة سامي الجابر مرة أخرى مدام ماخليته يكمل السنه الماضيه انا الحين ضد عودته

انا اشوف الموضوع ابسط ممما تتصورن ويرجع لنا الهلال المرعب بس محتاجين :

1- مدافع محلي بدال كواك
2- لاعب وسط اجنبي مكان نيفيز تكون تمريراته مثل تمريرات كماتشو
3- الان الجمهور الاتحادي يطالب برحيل مختار فلاته اتمنى استقطابه اذا لم يستطع الهلال جلب نايف هزازي عشان يكون بجانب الشمراني

4- جلب لاعب ظهير ايمن مكان الشهراني ونقل الشهراني للخانة اليمنى بدال الزوري

5- بيع عقد الغنام وجلب لاعب الاتفاق عكاش

6- بيع عقد يوسف السالم للاتحاد وشراء عقد مختار فلاته




شاكر لكم مروركم وتحياتي للجميع ,,,

الرئيس نحر الفريق وفرغه من نجومه
الرئيس ماحد يحترمه بالوسط الرياضي واعتقد انه مكروه من الامراء
امير الاهلي ما احترمه .. ولا اسامه هوساوي احترمه .. وراح من الهلال
الفريدي ... حتى لو انه سيء .. ولكن بتصريحاته ما يحترم الامير

الرئيس مايفهم كوره ومجمع ناس حوله مايفهمون كوره .. وماشي بالهلال على النيه
دامك تدري انك بتجيب سعود كريري ومحور اجنبي .. هذا يكفي لردم الصدع الخلفي
ليش تبيع المرشدي ؟ او بتبيعه جيب محلي احسن منه مب قاعد تتفرج وتبربر في اكشن يا دوري
وبالاخير حاط لي 2 اجانب قلوب دفاع
ومخلي هالبزران قدام

الخلطه
اجانب الهلال كذا
مدافع
محور
وسط
مهاجم
والمشكله الرئيس عقود رعايه قويه وطفران واعضاء الشرف ساحبين عليه .. شكله مكروه .. ياخي اطلع من الهلال خل هلالنا يرجع

مشكلة الرئيس حتى سامي لما جلبه عشان يسكت الجماهير
من مطالبته بالابتعاد عن النادي
اسوي اللي يبغون عشان يسكتون
الاداره ليست متفرغه للنادي

انا معاكم الرئيس قام يخبط وللاسف تغريداته اكثر من افعاله

وللاسف دايم كلامه يستفز الاخرين ويضر بمصلحه الهلال

للاسف هو من صعب كاس اسيا في نفوس الاعبين لانه دايم يصرح ويغرد ويطالب بالاسيوية

بس انا اشوف هذا مو وقت يترك فيه الرئيس الادارة لاننا في منتصف الموسم وأفضل يكون في نهاية الموسم


الآن اتمنى التغير يكون في اللاعبين فقط


تحياتي للجميع

إقتباس الرسالة الأصلية كتبت بواسطة سوبر الازرق عبداللطيف الغنام يوسف السالم محمد القرني عبدالعزيز الدوسري سلطان البيشي من العام الماضي والهلال لم يستفد منهم وماعمرهم دخلو في مباراة وعكسو النتيجه للهلال يكفي مجامله نسقوهم واجلبو افضل منهم

اسوي حفلة لو اشوف هالاسماء برى الهلال الغنام زودها زودها يايلعب ويكسر وينكبنا او بالعياده والدوسري رجله وسوو له عمليه ماشفنا شيء بالعكس مستواه تراجع اكثر كل ماتذكر البلنتي يفشل يارب يطلعون من الهلال ونفتك من اشباه اللاعبين والله العظيم ان لاعبين الاولمبي افضل منهم.......

إقتباس الرسالة الأصلية كتبت بواسطة kddoosh الزبدة شيل كواك و بينتلي و اعطي نيفيز فرصة اخيرة لنهاية الموسم استقطب محور اسيوي قوي و مهاجم جلاااااااااد لاتيني مثل فيكتور سيموس استقطب ظهير ايمن محلي و رجع الشهراني يسار اعطي فرصة للدعيع و الحافظ بجانب ديقاو فهم صغار ف السن و يجب الاعتماد عليهم لانهم نجوم الهلال القادمين

ما شاءالله عليك هذا الكلام الصحيح
بالاضافة استقطاب موسى الشمري هداف العروبة و مشعل العنزي لاعب الرائد
وتسريح السالم واالغنام و سلطان البيشي و عبدالعزيز الدوسري ....

الفريق يعاني فنياً وادارياً
لكن نقول الله يفرجها من عنده

هههههههههههههههههههههههههههههه



لا صدق صدق انت تتكلم جد؟

العلة مو في المدرب؟


انتم تشوفون وضع الهلال المعفن اللي من جرف لدحديره بالمستوى والنتايج ولا حنا جالسين نشوف هلال ثاني غير اللي تشوفونه انتم؟


انت تشوف مدرب السباكة الداهيه يدخل حمد الحمد الدقيقة عشرين ويطلعه الدقيقة ستين ويخسر بهذا تغييرين من غباءه؟

انت شايفه يطلع ناصر ويدخل عزوز اللي مايعرف حتى يرمي اوت؟ لا ومن شين الطبايع يوميته 15 الف على ايشششششششششششش

انت شايفه حط الثقة بالشباب اللي وثق فيهم سامي الموسم الماضي؟

انت شايفه اضاف شي غير بنتلي عشان حرمته تاخذ سمسرة الصفقة؟

انت شايفه غير احد غير اللي جابهم سامي؟

انتم تفهمون كورة ولا كيف؟

عيب استحوا احترموا عقولنا ترانا مو بزارين لا تصيرون انتم مثل رئيسنا اللي كل سنه يكذب ويكذب

طيب تقول العلة باللاعبين شف هالمقطع وكلام رئيسنا بنفسه وش يقول

http://www.youtube.com/watch?v=wch84p7phJs

مشاهدة ممتعه


ايه صح اكلنا الاخضر واليابس مع مدرب الغفلة شكرا يا بندر دمرت ماتم بناءه في الموسم الماضي انبسط الحين

ايه العله ماهي بالمدرب

العله في الرئيس فقط للاسف ماعرف يومن دفاعه بلاعبين محليين

لنا اكثر من 5 سنوات نعاني من الدفاع والمحور

لنا اكثر من 3 سنوات لم نحقق الدوري

لنا اكثر من خمس سنوات نحاول نحقق الاسيوية

صدقوني مشكلة الهلال في الرئيس وعدم اهتمامه في تقوية الدفاع والمحو بلاعبين محليين وشوفوا النتيجة لنا كم سنة نعاني من مشاكل بالدفاع ونستقطب لاعبين اجانب في الدفاع والمحور على حساب الوسط والهجوم


صدقوني لو المدرب ريجي جاء ولقاء دفاع محلي ومحور محلي ولاعبين اجانب في السوط والهجوم راح يحقق الاسيوية وهو مرتاح

هل يعقل لاعب كمثل الغنام والقرني والبيشي في صفوف الهلال لهم كم سنه ولم نعرف عنهم شي ؟؟

هل يعقل نادي يريد يحقق الدوري والاسيوية ماعنده مدافعين محليين ومحور يعتمد عليهم ؟؟




تحياتي لكم