|
ريجي لا يعرف نوعية لاعبيه جيداً .. يجب إعادة سامي السلام عليكم ورحمة الله وبركاته يا اخواني والله العظيم اني كنت من اكثر المؤيدين لجلب مدرب اجنبي بديلاً لسامي بس من طحنا في هالعله واحنا ما شفنا الخير وتذكرت اننا ظلمنا سامي كثير وان سبب اخفاقه عدم امتلاكه للعناصر اللي يمتلكها ريجي حالياً .. اسألكم بالله قارنوا بين الهجوم في عهد سامي وفي عهد ريجي وتذكروا طرق سامي المبتكرة لصناعة الهجوم القوي والمرعب خصوصاً في آسيا ... مباراة الإتحاد ياسر تحرك كثير وصنع اربع فرص كانت محققه تقريباً يجي يطلعه ويدخل السالم ؟؟؟؟؟؟؟؟؟؟؟؟؟؟؟؟؟؟؟؟؟ سلامات وش ذا الفكر العقيم ؟؟؟ اقلها حسسنا انك متحمس والعب بمهاجمين .. الآن والله اني اقتنعت ان ريجي جاء ومسك فريق كامل ومتكامل من جميع النواحي وكلها من جهود سامي واحنا يالجمهور صدقنا انه داهيه وقمنا ننفخ فيه لين ما طار وصار ما يشوف احد تحته لا الجمهور ولا اللاعبين ولا حتى الإدارة ... انا عارف كثير يقولون ضغط مباريات وارهاق لاعبين بس ارجع لمباريات الهلال في آسيا وبتعرف ان الدفاع اللي صنعه سامي هو من ابقانا في المنافسه ,, وان ناصر الشمراني اللي جلبه سامي هو من اوصلنا للنهائي ... في النهايه اتمنى نتدارك هلالنا قبل نخسر الدوري لأن للأمانه هالموسم جداً صعب علينا كهلاليين وقبلنا اللاعبين مساكين يبذلون جهد ويحرقون الملعب بس للأسف كلها من غير فايدة لأن مافيه توظيف جيد لهم يترجم جهودهم إلى اهداف وتضيع جهودهم هدر ... يا ادارتنا والله لو كان سامي اللي خنبق هالخمبقه كان طيرتوه وهو باقي في الملعب , ارجوكم ردوا لنا سامينا ردوا لنا من يحترق لأجل الهلال .. والسلآم ختآام ... |
غبي سامي لو رجع بعد ما رآه الموسم الماضي من حرب داخلية خاصة من المراسلين والمصورين وبزارين الأمراء الباحثين عن تمشيات ما بعد التدريب !! وإعلاميي عضو الشرف وكل الهجوم عليه كان لأجل رغبات الشخصية وغرورهم ومع ذلك نجح وبصعوبة في تحقيق استقرار فني وانضباطي وذهني للاعب في النادي عموماً يبقى في قطر أفضل له فدولة في المجال الرياضي وفي أقل من عقد تطورت الرياضة القطرية بسرعة !! ونحن مكانك سر |
هل تريد طريقة سيناريو ناصر الجوهر مع المنتخب وكأن مافي البلد الا هذا الولد سامي كان الدفاع شوارع واهداف بالكوم ريجي مايزال وضعه عادي خساره من فريق منافس وتعادل مع فريق منافس وعلى ارضه والاهلي كان لها ظروفها لو استثمرت الفرص يوم امس لكان كلامك تغير سامي انتهى ولن يعود مرة اخرى لان جلبه من الاساس كان خطأ في حق الهلال وحقه قارن بين بداية سامي وريجي مع الفرق الصغيره وحتى الكبيره ثلاث مباريات مع فرق الصداره لم يستقبل الهلال فيها الاهدف واحد |
إقالة سامي الجابر من تدريب الهلال كانت في مصلحة سامي أولا ومن مصلحة الهلال أيضاً ولكن أنا أؤيد كلامك بأن مدربنا إلا الآن لم يغير شي في الهلال عدا الاحتفاظ بالكورة دون خطورة .. من يوم حضر ريجي وهجوم الهلال عقييييييييييييييييييييييم لأنه مدرب جبان بمعنى الكلمة أمام سدني وعلى أرضه وبين جماهيره الغفيرة يلعب بمهاجم واحد رغم أن سدني مسلم المباراة للهلال من ناحية الهجوم ويقوم مدربنا ويلعب بخطة دفاعية على الإدارة الجلوس مع المدرب وإقناعه بأن الهلال لديه نص حريقة وعليه أن يتراجع عن بعض قناعته ويلعب بخطة 4-4-2 بالتوفيق للجميع |
الي يقول كان اهدف بالكوم من الي جاب ديقاو وكواك وكريري يا ابله والله ماتاخذ وريجي المدرب الله لا يفق الدب بندر بن محمد ومحمد بن فيصل البزر حسبي الله عليهم |
ماتاخذ اسيا وريجي مدرب ريجي جبان جدا واحمق |
إقتباس:
أنت لو تبلغ الهيئة عن ساحر على طول الهيئة تروح تتأكد وأي سحر معه يبطل بعون الله إن كنت صادق سوى خير وبلغ عنه كم من ساحر تم القبض عليه وبطل السحر الذي معه لأناس كثر !! من دون معرفة الضحايا للساحر !! إن كنت صادق افعلها من دون تقول رحت للنادي وكلمت فلان وعلان !! والله أعلم بحالك وبما تقول |
إقتباس:
|
طبعاً أنا ضد عودة سامي بهالوقت لكني ... مع تغيير ريجي سريعاً .... ممكن يكون ريجي مدرب كبير ... أقول ممكن لكن ـ على الأقل ـ واضح طريقته ماتنفع مع الهلال .... وعموما .. مباراته الجاية مع النصر لأتقول بتكون آخر مباراة له مع الزعيم إلا إذا نجوم الزعيم لهم كلمة ثانية ـ بعد توفيق الله |
إقتباس:
إقتباس:
كبرو عقولكم وخلو عنا هالتفاهات واشكك في هلالية الي يقول هالكلام |
إقتباس:
وش تاريخ سامي عشان يدرب الهلال مافزع معه الا الاعلام الاصفر وللاسف صدقوهم بعض جماهير الهلال من صغار السن و قليلي الخبره |
المدرب وظيفته انه يوصلك للمرمى باسهل طريقه اما اذا تبيه يسجل بدال الاعبين امس الهلال ضيع انفرادات وقدام سدني نلعب على باب واحد المدرب عارف وش يسوي حنا نصبر عليه حنا مستعجلين بعد اي مباراه لازم نقارن بين ريجي وسامي وسامي مرحله وانتهت لازم ندعم المدرب الاعبين نصبر عليهم |
طريقة تغيير المدرب عذر البليد ريجي له اخطاء ولكن بالتاكيد مدرب لعب بدوري ابطال اوروبا سيكون جيدا الكارثه الرئيس السائح في ربوع اوروبا ينقل عنه اﻻعلام المنافق انه سيجتمع مع المدرب اذا انتهت اجازته !!! ويناقشه في التشكيله والطريقه ! الف ... با .... كوره راح يقول احضر ظهير ايمن ومهاجم وصانع العاب وحاليا قبل فترة التسجيل تستطيع اشراك البريك والبقعاوي والحوطي والنغيميش للظهير اﻻيمن وعبدالكريم القحطاني للصناعة اللعب والبقعاوي او المنيع او اليامي او الجمعان او السواط او هزازي للهجوم وكعبي للوسط اﻻيمن والغاء عقود البيشي والسالم والمسلم والسبيعي وعطيف والغنام والشلهوب او مقايضتهم مع معاذ او شهيل او قميزي الشباب التعاقد مع شمري الطائي المعار للعروبه او برناوي الفيصلي للانتهاء من مشكلة الظهير الايمن والجهيم الطائي او مدخلي الوحده للهجوم ليكتمل توازن خطوط الفريق محليا استبدال كواك وبنتلي ونفيز بجيان او دومبيا ومونتيري ليكون اﻻجانب قلب دفاع وصانع لعب ومهاجم والمحترف الرابع مانبيه ! هذا لو كان لدينا رئيس ولكن كان الله بعون ﻻعبي الهلال |
والله ياريجي انه يدربيها عطني مباراه وحده له قلبها في الشوط الثاني غير مباراة العين الي كان بطلها ناصر وروح ناصر وحماسه هي الي جابت الانتصار بعد اذن الله سبحانه وتعالى وكل الاهداف كانت بدون ماتكون هجمه مرتبه او مرتده اجتهد فيها الاعب انت تملك افضل لاعبين في اسيا والله اقولها صادق وهذا مستواك نص المنتخب الهلال وهم افضل لعيبه في السعوديه وهذا مستواك لحد يقول تخاذل لاعبين لاعبين الهلال بدعو في المنتخب نواف سجل وناصر سجل وسالم سجل مع هذا المدرب من شهرين ماسجلو ولا هدف هل هذا معقول الي يقول نبي مهاجم اجنبي والي يقول نبي مدري ايش ترى نفس التشكيله الي مع سامي ونسجل بالخمسات والاربعات ونوصل للمرما اي فريق مية مره |
والي يقولي سدني ضغطنا وسوينا لو الفيصللي لعب مع سدني راح يستحوذ لان سدني هو الي مخليك تستحوذ مو تكتيكك فريق متراجع باكمله اكيد الكوره بتكون معك والي يقول الاعبين اخفقو عطني انفراده حقيقيه بمباراة سدني مافيه سوا البلنتي حق الفرج واجتهاد منه عطني هحمه مبنيه صح مافيه قاعد تلعب بطريقه الي يبونها الاسترالين تلعب عرضيات خيررر وين التسديد من خارج المنطقه وين المهاره وين الانفرادات تلعب عرضيه بين 11 لاعب عملاق وانت عندك لاعب واحد متقدم الي هو ناصر فه اغباء من كذا لحد يبرر للمدرب وربي فاشل وربي فاشل ثم وربي فاشل ولاراح ينفع الهلال بشي وبيشقنا النصر شق اتمنى تكون النتيجه بس بسيطه مع النصر لايبلشون امنا عشرين سنه قدام ولاتعادل الدوري مانبيه متى الهلال صار الخامس فالدوري ومتى الهلال خمس او ست مباريات متتاليه مايسجل ولا هدف الهلال الان سبع مباريات مافاز |
| الوقت المعتمد في المنتدى بتوقيت جرينتش +3.
الوقت الان » 12:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd