|
مقالة مهمة جدا : لماذا الاعلام الكويتي الان يتهجم على المنتخب السعودي؟ السلام عليكم ورحمة الله وبركاتة الاعلام الكويتي بعد ما طعلت الكويت من البطولة الخليجية قام يهاجم الكرة السعودية ويمكن بعضكم شاف المقاطع على تويتر ولا على قنوات اليوتيوب وكان فيها حرب اعلامية على الرياضة السعودية دون اي رد او تحرك من اتحادنا وصار الموضوع عادي وخلوا اللي يسوى ومايسوى يتكلم عن تاريخ السعودية بعطيكم الامثلة وانتم احكموا في النهاية البداية وشرارة الفتنة بدت من تصريح رئيس الاتحاد الكويتي السابق طلال الفهد اللي يبغى يشاهد المقطع اللي بصراحة يحاول فيه اثارة الفتنة على رياضتنا وجاه الرد من عدنان جستينية https://www.youtube.com/watch?v=4_s1rvFRHzM بعدها صار الاعلام الكويتي متسلط على الاعلام السعودي ولايحترمه تعالوا شوفوا المقطع لهجوم الاعلامي الكويتي ويقول حنا اللي علمناكم الكورة بالله هذا اعلامي ولا راس فتنة ؟ https://www.youtube.com/watch?v=MlUdnYI6OP8 وعلشان تتاكدون انها حرب اهدافها سياسية من هذا المقطع اللي يمارس فيه الاعلامي الكويتي اسلوب الاستفزاز وكن لسان حاله يقول انت وكل السعوديين ماتقدرون؟ https://www.youtube.com/watch?v=fIogy-LnNmk الاعلامي عبدالكريم الشمالي اتضح انه مدعوم من اعلام قطر !! وعتبي كله على اعلامنا اللي مايدور الا قنواتهم وبرامجهم والله حرام نصير تحت رحمة اعلامهم وحرام نشوفهم يخطون علينا وحنا نتفرج وين اعلامنا عن اعلام قطر لازم ينتبهون من هالاساليب اللي من تحت الطاولة وانا طبعا ما نزلت لكم باقي المقاطع اللي توضح حسد الاتحاد الكويتي ومحاولة بائسة من رئيس اتحادهم في زرع الفتنة بين الجماهير واتحاد الكرة لا والف لا ماراح نعترض على اتحادنا وعرفنا اهدافكم واساليبكم واسف على الاطالة وما ابغى منكم الا اجابة على سؤالي : انتم ملاحظين هالشي ولا البعض فقط ؟ وماهو واجبنا امام هذه الحرب الاعلامية اللي اكيد راح تشنها قطر على رياضتنا بهدف تحقيق البطولة ولاغراض فيما يبدو سياسية ؟ قد يتسائل البعض ويقول وش دخل السياسة بقول لكم لان قطر لها موقف سابق معنا وعندهم خبرة اعلامية في اغاضة الشعبين السعودي والكويتي واحداث تفرقة عنصرية وكراهية وهذا انتم شفتم المقاطع وكيف الاعلاميين بغوا يتهاوشون ؟؟؟؟؟ |
أول مرهـ أسمع بهالموضوع صراحهـ *~* وبعدين كل الفيديوات ناقصهـ يعني المفروض دامكـ طرحت هالموضوع وطرحت الفيديوات كدليل ع كلامكـ تحطها كاملهـ !! لأن أول فيديو وين بدايتهـ ؟! يعني مستحيل الشيخ طلال الفهد يتكلم بهالطريقهـ وهالأسلوب منا والطريق !!أكيد في سبب ،، أكيد في شيء أو موقف صار وخلاهـ يتكلم بهالأسلوب !!! وأنا صراحهـ من الفيديو اللي طرحهـ ما فهمت ولا عرفت عن إيش يتكلم ولا سبب هـ التصريح إيش وأتوقع اللي بيشوف موضوعكـ وهالفيديو بيقول نفس كلامي ! والفيديو الثاني والثالث ليهـ ما نقلتهم كاملين ؟! يعني ليهـ جزئتهم ع مقطعين وهو من نفس البرنامج ؟!المفروض تنقل المقابلهـ كاملهـ خصوصا إنهـ من برنامج واحد وبنفس الحلقهـ عشان نقدر نسمع كل الموضوع من أولهـ لآخرهـ وبنعرف وقتها من اللي غلطان وهل فعلا الكويتيين قاصدين الإساءهـ لنا ولا لا ؟!! أنا عن نفسي من هـ المقاطع ما أقدر أقول إن الإعلام الكويتي قاصد الإساءهـ لنا ولا لا !!! وأستغرب صراحهـ من اللي حكموا ع الكويتيين من هالفيديوات المقطعهـ والمجزئهـ !! ع آي أساس تبينا نصدق إنهم أساؤوا لنا وأنت ما نقلت لنا الفيديوات كاملهـ ؟! يمكن إعلامنا هو اللي بدأ واستفزهم خصوصا بعد خسارتهم التاريخية ؟!!! وبعدين أنا عن نفسي أشوف برنامج المجلس اللي يعرض ع قناهـ الكأس القطرية من أفضل البرنامج المحايدهـ ومحترم جميع الضيوف وجميع وجهات النظر ،، وبعدين لا تدخلون الكورهـ بالسياسهـ نهائيا !! هدف بطولهـ الخليج هذهـ بذات توثيق العلاقهـ بين أبناء الخليج فـ خلوا السياسهـ لأهلها ولا تخلونها تخرب علينا جمعتنا ~ والكويتيين والقطريين ما رح تفرقنا عنهم كورهـ ،، اللي يربطنا معهم أشياء أقوى واهم من الكورهـ ووقت الجد بـ تلقانا كالعادهـ مع بعض وكلنا ع قلب واحد =) ~ فـ مهما حصل من تصاريح أو مشادات ما رح توصل لتدخل بالسياسهـ نهائيا ،، وحتى لو حصل ودخلت آي شخص يسيء لـ سعوديين أنا واثقهـ مليون بالميهـ إنهـ ما يمثل شعب الكويت والقطري الراقيين ،، اللهـ يحفظ خليجنا ويديم الأمن والمحبهـ بيينا ،، بالتوفيق للجميع إن شاء اللهـ ،، شكرًا لكـ ~ |
مقالك هذا تسيئ إعلاميو الكويت .. وأما عبدالكريم .. فلا أعلق عليه .. وكان على فواز ان يتحدث عن بلده فقط وألا يتجاوز حديثه عن الكرة الكويتية .. فالأراء متناقضة مهما وصل الدرجة من التشاحن اللفظى !! |
من دق الباب سمع الجواب ,, عندنا محللين شغلتهم التجاوز على الناس وما نبي الكويتيين يردون طيب يعني الكويتي بدون كرامة او عبد عندنا علشان يجي المحلل الاتحادي يتلقف ويتكلم عليه والمحلل الكويتي ينطم ويسكت ؟؟؟ عندنا محللين عانينا منهم كثير ومع اول احتكاك بالخارج طلع كل غسيلهم وفشلونا والواحد فيهم المفروض يشطب شطب من تحليل الكورة |
| الوقت المعتمد في المنتدى بتوقيت جرينتش +3.
الوقت الان » 01:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd