|
سنخسر الكلاسيكو بهذا السبب السلام عليكم ورحمة الله وبركاته اول شي ابارك لكم فوز منتخبنا الازرق وفالكم البطوله وعندنا مباراة فاينل مهمه لاتخلون المتربصين يشغلوننا عنها :d المهم وهو الموضوع اللي انا حاب اتكلم عليه وهي شغله مضيقه صدري بصراحه لاحظت انه الى الان في ناس باقي تتكلم على مباراة سيدني وتتحسر وتتحسف ياعزيزي تحسف وتحسر اذا الفريق قدم مستوى سيء او واستحق الخساره فريقك بططل وكان يستحق الفوز وكان الافضل في اسيا وقدم كل شي في المباراه وسدد اكثر كن 20 كوره على المرمى وكرات مرت جنب خط المرمى وكرات صدمت في الحارس وكرات في يد المدافعين وفوق كذا حكم ابن كلب حرمنا من 3 ضربات جزاء بالعربي فريقك كان الافضضضل من جميع النواحي لاكن ماكتبت له البطوله والحمدلله على كل حال الاهم وزبدة الموضوع هو اننا لازم نطوي صفحة سيدني بكل مافيها وماعاد نفتح لها اي طاري او موضوع عندنا منافسات مهمه في الدوري نقدر ندق فيها خشم الشامتين ونسكتهم بهذا الفريق الجبار القادر على الانتصار على كل الفرق وبنتائج كبيره عطفا على مستوياتهم الهلال قادر على تكسير الدنيا مثل ماقال ابو فيصل وتحقيق جميع بطولات الموسم والعوده بقوه في اسيا السنه المقبله وتحقيقها مثل مافعل البعبع الصيني جوانزو المهم وقفتكم معاه بس وتقفيل ملف الاسيويه حاليا وفالكم انتصار ثمين وهام قدام الاتحاد :ba: |
قلتها بنفس المعنى بردود سابقة يا ناس انسوا سيدني .. قدامك مباراة مهمة لكن ما زال البعض يردد سيدني سيدني بعد مباراة الأتحاد نشوفهم هم يشغلونا بسيدني والأ بيسكتون .. وبالتوفيق للزعيم .. |
الكلام في الماضي نقصان في العقل .. مباراة سيدني اصبحت من الماضي اتمنى من جماهير الهلال مساندة الفريق في المرحلة المقبلة ويجب اننا نطوي صفحة سيدني ... كل التوفيق للهلال في قادم الاستحقاقات وباتذن الله نقاط الكلاسيكو هلالية ^_^ يعطيك العافية ... .... |
مبروك تأهل الاخضر وبالتوفيق للهلال |
أولا :~ الحمدللهـ ع تأهل الأخضر لنهائي وإن شاء اللهـ تكتمل فرحتنا بتويجهـ بهالبطولهـ ~ ثانيا :~ بخصوص مباراهـ سيدني انا عن نفسي عارفهـ ومقتنعهـ تماماً بكلامكـ لكن بنفس الوقت يجب الإستفادهـ من هالمباراهـ !! وبسبب هالمباراهـ بذات فقدت الأمل بان إدارتنا ممكن تخرج عن صمتها وتوقف المهازل التحكميهـ ضد الهلال ،، وتحمي الهلال من ظلم خلق اللهـ لهـ !! لان أحداث هالمباراهـ وكوارث الحكم شهد الجميع عليها والحكم بنفسهـ إعترف فيها ،، وإدارتنا كالعادهـ سكتت وعدت الموضوع ع خير !! فـ إذا ع هالفضيحهـ + وصول الأدلهـ بـ أحقيهـ الهلال بالتويج لين عندها وما تحركت ولا طالبت فيها كيف أتوقع منها الدفاع عن الهلال فـ البطولات المحليهـ اللي فيها اللعب والظلم من تحت الطاولات وبـ لف ودوران ؟!!!! أرجع وأقول نعم مباراهـ سيدني ماضي وراحت بخيرها وشرها لكن السؤال هنا وبشكل عام :~ لين متى يتكرر نفس الغلط ويخسر الهلال بطولهـ أو حتى مباراهـ يكون سببها الرئيسي ظلم تحكمي وردت الفعل هي نفسها ما تتغير ؟!!! أتمنى يتم الإستفادهـ من هالمباراهـ بتغير طريقهـ إدارتنا بالتعامل مع هالمهازل التحكميهـ ومع كل شيء يسيء للهلال أو يحاول ظلمهـ بأي طريقهـ !! ،، بالتوفيق للهلال ومنتخبنا إن شاء اللهـ ،، شكرًا لكـ ~ |
غريبه المشرفين ماحذفو موضوعك انا نزلت موضوع نفس موضعك وطالبت بنسيان اسيا والتفكير بالكلاسيكو وتفاجئت من احد الاداريين بنقل الموضوع بحجة ان الجماهير يقولون رأيهم !! انا اوافقك الرأي لكن المشكله بالتذاكر مو قادرين نشتري موقع مكاني يعطيك رقم فاتوره وماتقدر تسدد عن طريق الصراف ولحد الان مو عارف كيف احصل على تذكره |
ابو فيصل طموح و كلمته هذي مجرد تحفيز للاعبين و للاسف ان الامكانيات الحالية سواء جهاز فني و لاعبين لا تبشر بالخير و اعتقد سيكون موسم مشابه لموسم سامي كون المدرب (( متدرب )) |
يجب علينا نسيان الماضي وفتح صفحة بيضه مع هلال 2015 وباذن الله يكون هلال مختلف وغير وبتكاتف الجميع سينتصر الزعيم .. خلونا من الماضي وعن قيل وقال وكثرة السؤال وخلونا نفكر في مستقبل الزعيم .. يعطيك العافية |
خلاص مبارة انتهت اصحبت من الماضي والي يطلع الماضي راح يتعب نفسه خلونا في القادم وان شاء الله القادم احلي باذان الله وان شاء الله الفوز هلالي امام الاتحاد اتركو سدني ولاتتكلمون على شيء انتهاء خلاص لاعبين ومدربنا في حاجتكم يوم الاربعاء نبغي الدرة فل من اجل الاخضر ومن اجل لاعبينا الي بعدو تكفون نبغي حضوركم الكل متوقع عدد الحضور 50 بالميئة نبغي حضور اكثر |
| الوقت المعتمد في المنتدى بتوقيت جرينتش +3.
الوقت الان » 02:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd