|
إقتباس:
صدقوني لو أستمر هؤلاء سنخرج آخر الموسم بلا بطوله ... |
كلامك صحيح الهلال يعاني هجوميا و خاصة بصناعة اللعب تياقو نيفيز مستواه هابط و العابد و سالم مستوياتهم متذبذبة والمدرب للآن غير مقتنع بالحمد و الشلهوب .. الشمراني لا يحصل على أي مساعدة من زملائه اتمنى يتم استبدال كواك بصانع لعب |
الهلال لا يوجد فيه صانع الألعاب الحقيقي وهاذي كارثة !! عشوائية ب الوسط ولايوجد لاعب يتحكم في سرعة وابطاء اللعب متى م احتاجت ظروف المباراة .. الحل موجود وهو الساحر ( عموري ) لاعب غير طبيعي وهو ضالة الوسط الهلالي .. |
مدربنا جيد لكن لازم يغير بعض قناعاته .. احس لو نلعب مع التهامي لعب 4-5-1 . أدمن على هالطريقة و خلاص ما بيغيرها الفريق فعلا يحتاج لعدة اضافات: صانع لعب و مهاجم وحش الدكة ما فيها الا كديش ما ينشد فيهم الظهر .. فلازم يتم تدعيمها بلاعبين يصنعون الفارق التعاقد مع قلب دفاع محلي عشان يغنينا عن كواك و نستفيد من خانته في مكان أخر .. او إعطاء الفرصة للحافظ لان الدعيع نكبة مع مرتبة الشرف الأولى بالتوفيق للزعيم |
شكرًا لكل من علق على الموضوع ساعلق باختصار على من يقلل من قيمة وأهمية الموضوع مدعيا انه من الماضي!!!! الكلام في الماضي اذا لم يكن له علاقة بالحاضر هو جنون ، ولكن اذا مان مرتبط ارتباط وثيق فهو عين العقل عندما نقيم المدرب او الادارة او اللاعبين يجب ان تقيمه على الماضي وليس على المستقبل!!! عندنا نتعاقد مع لاعب نتعاقد معاه على اساس ما فعله في الماضي وهو سيرتة الذاتية عندما نتعاقد مع مدرب نتعاقد معاه على اساس سيرته الذاتية وهي من الماضي عندما وضعوا فترة الرئاسة الامريكية لم يضعوها ٨ سنوات متواصلة بل اربع ويتم تقييم بعدها اما تجديد وأما توديع سيدني ربما فاز على اندية استرالية واندية تعتبر من عمالقة القارة قبل أشهر من الان ولكن تقييمه يعتمد على اخر مبارياته وهذا زبدة الموضوع اخر مبارياته ٢ قبل الهلال هزاااائم ٢ مع الهلال فوز وتعادل ٢ بعد الهلال هزاااااائم هذا يجعلنا نقول وبكل بساطه ووضوح يوجد خلل في الهلال ويجب اصلاحة سيدني في اربع مباريات في الدوري دخل مرماه ١٠ أهداف وفي مبارتين مع الهلال شباكة نظيفة ، هذا يجعلنا تقول وبوضوح هناك خلل في الهلال ويجب اصلاحة |
مدرب الهلال ريجى يتحمل خسساره اسيا كان مدربنا جبان بالهجوم فى مباراه الاياب وعدم اللعب بمهاجمين وايضا لاتنسى الظلم التحكيمى لاكن هذا قدرنا يالله ان شاء الله نعوضها بالقادم ويجب ان ننسى سيدنى ونفكرا بما هو اهم |
حبيب قلبي قل اللي تبغاه وإلا ليش فاتحين المنتدى كلامك مسموع وصوتك وصل |
قلناها من اول مدرب سيدني لم يفكر ابدا بالدوري الاسترالي وكان تفكيره على آسيا بعدين الفرق اللي تلعب امام سيدني بالدوري تلعب بدون ضغوط وبدون ارتباك يلعبون بأعصاب هادئه لكن الهلال لعب الاياب بأعصاب مشدوده ويريد يسجل بأي طريقه ولعب سريع بدون تركيز انت قد شفت احد معصب والضغط عنده واصل ١٠٠٠ ويحل مشكله مثلا مستحيل الهلال كان ناقصه الهدوء الهدوء ويخلص المباراه لو تبي بخماسيه لكن لم يكن كذلك من بدايه المباراه والهلال يلعب بسرعه وبدون تركيز وهجمات كانت تحتاج للبرود والتركيز وستدخل للمرمى بكل هدوء لكن اللي شفناه كل من استلم الكره سددها فوق واذا سددها بالباب سددها بأتجاه الحارس حتى بلنتي العابد اللي مانحسب شفتوا الكره وين راحت ذهبت لسالم الدوسري وش سوى فيها وهو ماقدامه الا الحارس سددها بالحارس لو كان هناك حسن تصرف وبرود سجلها سحب بالحارس ووضعها بكل هدوء مثل هدفه في الفريق الاوزبكي نفس الكوره بالضبط لكن كان في ذيك المباراه مروق لانه فايز بالذهاب واستطاع يضعها بكل هدوء وسأتطرق لخطأ يقع فيه الهلال وهو سبب رئيسي لخروج الهلال دائما في ارضه وبين جماهيره الا وهو كيفيه التعامل مع الذهاب والاياب ذوب اهان خرجنا لاننا هزمنا بالذهاب ولعبنا الاياب بضغوط وعدم تركيز اولسان خرجنا لنفس السبب سيدني خرجنا لنفس السبب ماقلت لكم الهلال لايتعلم من اخطائه نجي للتصرف الصحيح دائما الذهاب اذا على ارض الخصم العب بخطه محافظه ولعب متوازن سجلت كان بها ماسجلت ارجع متعادل اهم شي لايسجل فيني ٠-٠ تجعل الهلال يلعب بالاياب بالرياض مرتاح نفسيا لان اي نتيجه فوز يحقق البطوله او يتأهل ولايجعل اللاعبين تحت ضغوط ان يسجل فيهم لانهم مطالبين ب٣ اهداف وكلها كانت نفس النتيجه بالذهاب ذوب اهان ١-٠ اولسان ١-٠ سيدني ١-٠ !!!!!!!!!!!!!!! صدقوني مباريات الذهاب هي سبب خروج الهلال دائما وصدقوني لو كان الذهاب امام العين في الامارات ماوصل الهلال للنهائي لان الهلال دائما يلعب الذهاب على ارض الخصم ويهاجم ليخلصها هناك وكأنهم يحسبون ان ليس هناك اياب على ارضهم !!!!!!!!!!! الزبده الذهاب على ارضك هاجم وسجل وخلصها ودايم الهلال يفوز بالذهاب تدرون ليش لانه يلعب بدون ضغوط ويفوز لكن اذا لعب الاياب وهو مهزوم بالذهاب يضيع ومايركز ويخاف يسجل فيه ويضيع الفريق كله ويخرج من البطوله ليتهم يقتنعون ان التعادل في ارض الخصم يعتبر فوز حتى لو كان ٠-٠ لكن يذهبون هناك ويهاجمون ويسجل فيهم ويأتي الاياب وتضيع علومهم ويتلخبطون ولايركزون وهذا سبب عدم دخول اي كره لمرمى سيدني طبعا كلامي هذا بغض النظر عن التحكيم كان بأمكان الهلال تخليص المباراه حتى والحكم ظالم ١٨٠ دقيقه او اكثر لو حضر تركيز لو في ١٠ دقائق خلصها الهلال لكن قدر الله وماشاء فعل والقادم اجمل بأذن الله والاهم الاستفاده من الاخطاء السابقه لانها ماهي معقوله الخطأ يتكرر ٣ مرات والسبب مباريات الذهاب وحرص الهلال بالفوز فيها وفي الاخير وفي غفله يسجل فيك من مرتده ويأتي الفريق بالرياض ويتكتل في ملعبه والفريق اللي امامه يلعب بضغوط وبدون تركيز لو ان المباراه ١٠ ساعات ماسجل الهلال وهو مضغوط نفسيا ويلعب بدون تركيز والسبب خسارته ذهابا |
للاسف هذا الواقع كلامك سليم فهل نستفيد ؟ |
نعم والف نعم ليس نبش للماضي أنما ألآستعداد للمستقبل والف شكر على ملاحظتك 180 دقيقة في مبارة نهائية و لا تستطيع ان تسجل وأربع خسائر متوالية ؟؟؟!!! نعم هناك خلل كبير في صناعة اللعب وفي الهجوم نفسه على أدارة الهلال فورا البحث عن صانع لعب قتالي يعني 90 دقيقة لعب دون كلل وياليت يكون من أمريكا الجنوبية ومهاجم هداف مجنون أهداف مثل طيب الذكر سيرجيو ( بوجود صانع لعب خرافي ومهاجم مهاجم جنوني سيخف ألضغط دون أدنى شك على الدفاع ) وياليت ألادارة تصحى ولاتنام على المستويات فقط ؟! مافائدة المستوى دون نتيجة؟! ملاحظة نيفيز أبدى رغبته بالرحيل لا أحد يقول تغريدة غير مقصودة ورجع عدلها ؟( فالعقل موكل بالمنطق) اللي قاله مقصود ياليت يرحل ويجي بديل له صانع لعب أفضل . |
نعم صحيح كلامك يازعيم يعطيك العافيه الهلال يحتاج لعمل فني اكثر وهناك ضعف في بعض الخطوط اذا أدركنا ذلك كانت دافع لنا لحصد البطولات والانطلاق في آسيا بشكل أقوى وأكثر هيبه وان شاءالله حصد اللقب ليكون هو الأغلى يجب الا يخدعنا الطرح الإعلامي ولا الانشغال الفتره الماضيه بسئ الذكر كارثة التحكيم الاسيويه هناك مشاكل فنيه يمكن حلها بكل هدوء هذا سيعزز قوة الفريق ستكون هناك منافسه شرسه علينا ان نركز داخل الملعب وهذا ميدانا مطلوب من الاداره العمل بهدوء حتى يتم حصد النتائج ثم الحديث نهاية الموسم قدر الإمكان |
إقتباس:
كلام في الصميم من زعيمة هلالية واعية.. مؤيد لرايك خلاص ولاء زمن السكوت ونفخ هذا المدرب كره في سامي مثل مانتقدنا سامي هالمدرب ننتقده وهو بالعربي اقل من سامي امكانات تدريبية.. دفاعي بحت عقيم هجوميآ بدون تكتيك لايعطي فرصه لشباب الهلال يحب كبار السن تغيراته متخبطه |
باختصار وبدون تنميق ولا تزييف يجب ان يغير خطته الى 4-4-2 الهلال يبدع ويفوز ويتألق بهذا التكتيك فسامي المبتدئ فهم هذا الشيء وفعله وريجي لانعلم متى سيدرك ذلك |
إقتباس:
ما يفكر بالدوري قبل اسيا ، لكن ما يفكر بالدوري حتى بعد اسيا ، هذي كيف تتفسر ، والظغط ممكن يأثر عليك شوط ، شوطين ، ثلاثه ، لكن اربعه أشواط تعجز عن تسجيل هدف واحد في فريق قبل 10 أهداف في اربع مباريات وخسرها جميعها !!!هذا دليل ان الهلال لديه عقم هجومي ويحب اصلااااحه ، ويؤكد ذلك ايضا ان الهلال عجز عن التسجيل في الاهلي وفي الشباب ايضا!!!! شكرًا لك يا زعيم ولكل من علق على الموضوع واتمنى ما نكابر وننظر لمصلحة الهلال فهي اهم من كل شيء وفوق كل شيء. |
شكرًا لكل من علق على الموضوع ، واعتذر عن عدم إمكانية الرد على الجميع ، والهدف من كل هذا النقاش هو مصلحة الزعيم وان شا الله ان اسيا القادمة للهلال والدوري وكل البطولات المحلية بإذن الله ، الهلال ينقصه أمور بسيطه وإصلاحات طفيفه لكن يجب الالتفات اليها وإصلاحها لان تجاهلها سيعقد المساله اكثر وتتطور المشكله اكثر وأكثر بالتوفيق للزعيم فوق كل ارض وتحت كل سماء |
| الوقت المعتمد في المنتدى بتوقيت جرينتش +3.
الوقت الان » 08:06 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd