|
السياحة الداخلية .... مميزات السياحة في الرياض !! السلام عليكم ورحمة الله وبركاتـــــــــــــــه ,,,, هلا بالشباب وهلا بالشابات وعلى طاري الشابات الله لايهينهن يتغطن وهن داخلات الموضوع وماهيب شينة بعد يفتحن الموضوع في نافذة أخرى مانبي اختلاط !! :D أبتكلم بموضوعي عن الصيف وأين تقضي عطلة الصيف ؟!! طبعا فيه ناس معطيهم الله خير وأول ماتسأله عن إجازة الصيف وين بيقضيها تلقاه احتار بين جنيف ولندن وستوك ( هولم ) و ( هلم ) جرا !!! :D وفيه ناس مثل البارق إذا بغى يخربها ويسرف احتار بين الشرقية والبدايع !!! :D:D الصنف الأول ماعلينا منه والله يخليه لأهله :) بس الصنف الثاني هذا اللي بصراحه ترحم حاله لأنه مسوي فيها سياحة وطنية بس غصب عنه !!:cool: يعني هالمنتدى ماشاء الله مليان من مختلف مناطق المملكة فياليت كل واحد يعطينا معلومات أكثر عن السياحة في المكان اللي ساكن فيه وعارفه من الأماكن السياحية المتوفرة والأسعار والجو في فترة الصيف !! أنا بما إني من سكان الرياض أبذكر بعض مميزات السياحة بالرياض : 1- غير مكلفة وكان الواحد يبي يسكن بفندق فلايحسب إلا حساب الفندق والأكل لأن أفضل مكان للسياحة بالرياض هو ( مقابل ) المكيف !! :D يعني لاتحتاج مشاوير ولا مصارف !! 2- إذا شريت عشاء فمن سابع المستحيلات إنه يبرد لأن جو الرياض ( مايكرويف ) طبيعي !!:eek: 3- لو حبيت تتمشى بالرياض في الصيف ماراح تلقى زحمة لأن ثلاثة أرباع سكانها ( هاجين ) من الحر !! 4- الأماكن السياحية متوفرة ... عندك مثلا ملاهي الحكير بالربوة واللي على الدايري وعندك منتزهات حاطين لك بحيرة صغيرة مكتوب عليها (( تصبروا لين يطلع لكم بحر )) !!!:D بالنسبة للمناطق السياحية اللي وخر عنها جدة والدمام بحر كله زبايل وأنتم بكرامة ورطوبة تخلي الواحد مخلل !!:D أما أبها والطائف فخذ أزمة سكن وأسعار نار !! إلا على طاري جدة والشرقية وبحرهم هاللي مزعجينا فيه وهو كله ( قراطيس ) و ( قواطي ) وكل ماقلنا شيء قالوا : (( عندنا بحر وأنتم ماعندكم )) !! وش رايكم لو يتقاطون أهل الرياض على مية ريال ويسوون بحر على أحدث طراز وبالنسبة للرسم المبدئي للمشروع هذا هو : http://www.almosamem.net/ptennis/uppics/389.jpg ـــــــــــــــــــــــــــــــــ جتني رسالة جوال تقول اختر رقم من 1 حتى 8 لتعرف أين تقضي إجازة الصيف ؟ كل واحد يقول وش الرقم اللي يبي والله يستر علينا وعليكم !!:bluesky: ـــــــــــــــــــــــــــــ خــــــــــــــــــــــاتمة : أبي بحررررررررررررررررررررررررررررررر !!:sad: |
هلا والله بالغريب :) انا بالجوف .. وفيها بصراحة اماكن سياحية حلوة .. لكن تفرها كل ابوها بيوم :( كلها مزارع وقصرين اثريين وبحيرة .. وقرية العاب توها فاتحة :D بس عائلية <<== يعني جب مدامتك معك اذا بغيت تدخلها والا مهنالك :mad: وبيني وبينك ماعمري جيتها ولا في امل .. ياخي استحي :inlove: والله عندنا بحيرة ( بس صناعية ) وبحاول اصورها لعيونكم ;) طلعنا احسن منكم ياحقين الرياض .. عندنا بحر :harhar1: وتكفى عطنا رقم سبعة بالرسالة والله يستر :sweat: |
إقتباس:
ههههههههههههههههههههههههههههههههه الله يرجك ياشيخ :D:D إقتباس:
وسجل اول واحد هاااج :D:D إقتباس:
هههههههههههههههههههههههههههههههه يمدحون وادي نمار ولامنفوحه :D:D اما انا اختار رقم 9 على رقم سااامي ;) مشكور الغريب على هيك موضوع ابي بحر بدون ملح:D |
[ALIGN=CENTER]هــــــلا اخوي الغالي الغريب ... اسمع انا اول شي بأعطيك خريطه الدمام والخبر عشان اذا جيت ما تضيع مثل البارق اول ماجاء ... http://www.easternemara.gov.sa/image...m-alkubbar.jpg عندك كورنيش الدمام ما فيه احلى منه مع الرطوبه تطمر فيه على كيفك ... http://www.asharqalawsat.com/pcstati...ges/hakeer.jpg واذا تبغى سكن حاضرين نودي الاهل عند اهلهم ونفضي البيت لك يا سعدت البيه ... فكر زين واتصل ونصل ... بلا سموم الرياض الرطوبه زينه ... نشوفك في كورنش الخبر او الدمام ... تحياتي ... [/ALIGN] |
رقم واحد تكفى بس بدون مخلل :D |
الا ماعندك واسطه علشان مديري يعطيني اجازه :( <==== توه مكمل شهر في الرياض :dead: شف رقم 666666666666666666 الله لا يهينك :D:D |
هههههههههههههههه تبي الصراحه تنشوي بالرياض احسن من مطارد القرود في الجنوب والطايف,والا بحر جده ,وبعدين انت تقول اللي ماعندهم فلوس يشجعون السياحه الداخليه ونسيت ان سياحتنا اغلى من الخارجيه بكثير من ناحية السعر اما اذا قستها من ناحية المقومات السياحيه فالنتيجه صفر على الشمال. ولك شكري. |
اما الرياض المخلل مدهر :D :D وحتى المكيف يشتكي :D :D ابي رقم 5 لا هنت ,, تحياتي .. |
هلا بغريبووووووووف ... وشلونك يادب :D:D اسمع وانا اخوك أحسن سياحة بالنسبة لي اني اعمل عمره يعني اعتمر واجلس اسبوع بمكة الله يشرفها واتسدح عند كل شي ابو ريالين :D:D على طاري سياحة الرياض .. مرة من المرارير قاعد عند حلاق ابحلق الجمجمة :D لقيت كتيب عن مدينة الرياض ... وكاتبين عن السياحة بالرياض وش توقع الاماكن السياحية بالرياض ؟؟؟ - حديقة جبل ابو مخروق - حديقة السويدي - حديقة مادري وشو ... المهم كل الاماكن السياحية حدايق !!!:confused::confused: عطني رقم 1 ولا يكثر :D تحياتي ياحلو |
الله لا يهينك أخوي عطنا رقم (( 2)) تبي تسمع نصيحتي لا تطلع من الرياض ما في أحسن من السياحة في الرياض وخاصة اذا كان عندك ترم صيفي :mad: :mad: :mad: |
|
|
ابي رقم 5....... |
وإحنا والله ماادري وين بنسافر ذا العطله :D يمكن نقعد في حر الرياض .. تو الوالد ما اعلن عن الخطط :D وإلي بيسافر الأبها .. فمن الأفضل يسافر برى :D لأن اسعارها نار ... الله لا يهينك اخوي اختار رقم 8 :) اقول اخوي ما لقيت مكان ارد فيه في نافذة النساء الخاصه .. قلت لنفسي ما بدهاش ما ينفع إلا نافذة الخليطي .. |
الحقيقة لا استطيع ان اعبر لكم عن الاجواء الساحره لهذه المهرجانات ويمكن ما تصدقون لو اقولكم اني الان وانا اكتب هذي الرساله يخطم امامي 300 سايح برتغالي طاقينها شورتات وفنايل علاقي وتاركين ديرتهم ومعطلين اشغالهم وجايين يتمتعون باجوائنا الساحره والفعاليات المتتاليه لمهرجاناتنا النادره :D البرامج السياحيه عندنا كثيره جدا ومنها : 1 - التسدح بالدائري الى وجه الفجر وبين كل عائله وعائله 3 سم ونص :D 2 - التزحلق على الجليد فوق طعوس الثمامه بعز القوايل حيث تبلغ درجه الحراره45 درجه مئويه بس !! احييييييييييييييييييييه برد :D هذه نبذه بسيطه جدا عن سياحتنا الرائعه :D قال سياحه قال حنا وين والسياحه وين :sigh: الحراره تصقع بالاوادم غدو كأنهم دجاج شوايه وانتم تقولون سياحه !!!!!!! وغبار شطب وجيهنا وجفاف قطع خشومنا وانتم تقولون سياحه !!!!!!!! شوارع كلها مطبات والتسوق الرائع على الكورنيش ماكنهم تكرونيات ينشبون بالحلق الى ان تشري منهم ساعه بـ25 ريال ضد الماء :D ملاحظه : تجدون مرفق مع هذا الرد سايح بلجيكي مضيع طريقه رجعوه لنا الله لا يهينكم :D اختار الرقم 3 . مع تحـــياتي . |
| الوقت المعتمد في المنتدى بتوقيت جرينتش +3.
الوقت الان » 07:00 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd