السلام عليكم ورحمة الله وبركاته
ابدخل بالموضوع على طول
نعم اقيلو ريجي انه اسوء مدرب هذا مايتمنى الأعلام الأصفر سماعه من الجماهير
كل واحد يحاول يزعزع الفريق ويسبب مشكله بين الجماهير واللاعبين
شكرا للأداره شكرا للاعبين شكرا للمدرب شكرا للجماهير ماقصرتوا وبيض الله وجيهكم ويشهد علي الله اني مبسوط من الروح الي امس والمستوى الي يشرف اسيا كلها
ارفعو رؤسكم يازعماء يكفيكم فخر ان كل اسيا والجماهيرالعربيه تركو مشاهدة الدوريات الأوربيه عشان النهائي
يكفيكم فخر انكم عيشتوا الجماهير الصفراء والخضراء بتوتر واشغلتوهم من اسبوعين حتى كادو يخسرون نقاط الدوري
كل الي يتشمت عليكم ماتشمت الا لأن انجازات فريقه اقل من انجازاتنا ولا هو قادر يوصل للي وصلنا له
الي يقول ريجي اخر 4 مباريات مافاز
تعال معي وفكر فيها بشكل عقلاني
اول هزيمه مع العين وقتها كنا فايزين 3-0 فطبيعي ماراح يسوي مثل جيرتس مع الغرافه المباراه الي اقل ما اسميها فضيحه من سوء اداره للمدرب ولحسن الحظ الله كتب لنا التأهل
طبيعي المدرب راح يلعب بتحفظ عشان يمتص حماس لاعبين العين وبالرغم من هذا اتيحت فرص كانت كفيله بأنهاء المباراه على الأقل بفوزنا ب4 اهداف لكن كل واحد يبغى المجد لنفسه ريجي مو هو الي ضيع الهجمات
لعبنا مع الشباب بالدوري وكنا الأفضل واتيحت فرص وضيعوها المهاجمين
لعبنا مع سيدني بالذهاب ونفس المشكله اتيحت فرص لناصر وسالم ونيفيز وضيعيوها وش تبغون المدرب يسوي
مع اني لي تحفظ على المدرب في الذهاب بمجاملة نيفيز بالرغم انه كان اسوأ لاعب
البارح سوينا كل شي وعملنا بالأسباب الله ماكتبها لنا - الحكم ظلمنا والي اهم من هذا يملكون حارس كبير شايل الفريق كله
المدرب عنده بعض الأخطاء وهي انه كان المفروض يلعب بمهاجمين او ع الأقل ينزل ياسر اساسي ويخلي الشمراني احتياط
الشمراني اتيحت له فرص كثيره من مباراة الذهاب وكأنه مو مهاجم للأسف المباراتين كلها لعبنا ناقصين لاعب بوجود الشمراني
شفنا امس بعد مانزل ياسر والشلهوب شفنا تنويع باللعب من الشلهوب شفنا مهاجم حقيقي
الشمراني ماعنده الا المهايطه والنرفزه
اتمنى من ريجي يعتمد على الشلهوب وياسر بالمبارايات الجايه كفايه مجاملات سواء نيفيز او ناصر
الأجنحه وللأسف كل عرضياتهم سيئه لا سالم ولانواف ولا ياسر ولا الفرج
امس كوره وحده من ديقاو عرضيه كانت خطيره بالرغم انه قلب دفاع مو صانع لعب
اتمنى من الجمهور الي بالرياض التوجه للنادي اليوم وتحية اللاعبين وتشجيعهم حتى لايؤثر عليهم بقية الموسم ونكتسح اندية الدوري ونحصل على كل البطولات
بالختام هي كلمه وبقولها لكم
لاتيأسو قوانز افضل فريق 2012 طلع من دور الثمانيه بعدم التوفيق السنه الي بعدها استمروا على نفس الأسماء مازعلو ولا غربلو الفريق 2013 ابطال اسيا لأنهم مافقدوا الأمل وانا عندي امل بالله انها خيره لنا وبأذن الله راح تكتب لنا اسيا الموسم القادم