يا جماهير الهلال .. ويا ادارة نادي الهلال السعودي .. أرجو الرد ؟؟
 

يا جمهور نادي الهلال العظيم

بودي أعرف حلم كل مشجع هلالي ؟؟؟


وش تبغون يا جماهير الهلال ؟؟


هل تبغون مستوى وجميل لنادي الهلال العظيم

نصيحه مني لكم يا جمهور الهلال ..؟؟

خلو ادارة الهلال الحالية تعمل اللي عايزته . فلا تطلبون منهم طلبات يعجز عنها النادي والله سئمت

تقول أن نادي الهلال صار مطعم شاورما لنا ونبي الطلب بسرعه .. يعني دول أوروبا المتحضرة جماهير الكوره في أسبانيا وفي أيطاليا وفي فرنسا ما يصرون على النادي جيب لي لاعب فلان وجيب لي لاعب فلان .. يعني أدارة الهلال أعتقد سوت الشيء الصحيح بأحضار لاعبين صغار مثل احمد الصويلح وغيره النادي يبي ينشأ الفريق من أول درجه يعني حبه حبه .. يا جمهور الهلال سمو الأمير عبدالله بن مساعد منذ توليه رئاسة النادي راح زار عدد الدول الأوروبية ليش لأن يبي يطبق اللي الاندية الاوربية كفكر وأقتراحات يريده في الهلال .. مثل سمعنا ان نادي الهلال يبغى يعمل شبكه فضائية تعود فائدتها للنادي وبنظام أشتراك لكل مشترك هلالي وعربي شيء جميل . شيء ثاني قرأت ان نادي الهلال يبغى يطبق نظام أخطاء كل لاعب هلالي عن طريق الكمبيوتر لكي يتلافى أخطائه ... شيء حلو .. سمعنا نادي الهلال أرسل نجيب الأمام عشان يجيب لاعبين أفارقه صغار ليش ؟؟؟؟
علشان يستفيد منه الهلال ماليا يجيب رخيص ويبيعه غالي شيء جميل جدااا

فيا جمهور الهلال خلو ادارة الهلال تعمل اللي بنفسه فصدقوني سمو الأمير عبد الله بن مساعد أطال الله في عمره .. يبي يبني نادي ليس عربيا وأسيويا أنما عالميا ويدخل نظام الأقتصاد مع كرة القدم كخدمة 700 والدعايات للنادي


والله لي عتاب بسيط على ادارة نادي الهلال السعودي

في مدينة الرياض وفي حواري الرياض أسأل لاعبين الحواري اللي لهم مهارات عالية وصغار وكبار أيضا .. يا فلان ما دام عندك هذه الموهبة الفذه ليه ما تستثمرها لبلدك بالأنضمام لأحد الأندية في الرياض .. رد علي بقوله : يا أبن الحلال اي أندية تقول قول وين الواسطه علشان تدرب مع الفريق

استغربت من هذه الاجابة .. فهل هذا صحيح يا جمهور وأدارة نادي الهلال السعودي .. ؟؟؟ :confused:


على العموم أرفقوا بنادي الهلال السعودي قليلا فلا تطلبون منهم أحضار لاعبين كبار لكي لا تزيد ديون النادي .. أسف على الاطالة ولكم جزيل الشكر . وعظم الله أجرك طويل العمر سمو الأمير بندر بن ثامر ال سعود


,أخوكم : سلمان للأزرق _ الرياض

بس يا اخوي سلمان برضو حنا لنا مطالب كجماهير وهذي كلها تصب في مصلحة الزعيم


حنا طال عمرك ما نفرض ارائنا على الاداره ولكن نطالبهم بالاحسن

حنا المفروض نترك كل شي للاداره....
بس من غير شعور...زنتكلم ونطالب ...وهذا مايدل على عدم ثقتنا بالاداره ، بالعكس لكنه يدل على الحماس الزائد ومحاولة الرقي بالهلال الى اعلى مستوى.

الف شكر اخوي

لابس الازرق : شكرا على ردك على رأئي بس يا أخوي لابس أزرق شرايك في أدارة شالت نادي الهلال من نصف جدول الدوري الماضي ومهدد بالهبوط الى المركز الرابع وكاد ان يدخل المربع الذهبي بفضل الادارة الجيده فخلوها تتصرف وبعدين نحكم عليكم اذا هم صح ولا غلط .. كافيها الصحف اللي تشب على نادي الهلال وتجيب كلام من عندهم بغرض أنتشار الجريدة والرغبة بالتسويق من همهم نادي الهلال والله مادروا عن نادي الهلال >> وشكرا


الى الاخ العزيز Sa3ad مع التحية :

اخ Sa3ad شكرا على حرصك لنادي الهلال وعارف شعورك الزايد بس يا اخ Sa3ad أداري نادي الهلال أدرى بمصلحة الفريق وشوف صدقني اذا شافوا خطأ يسوون المستحيل علشان يعدلونها لمصلحة أنتم يا جمهور الهلال .. وان شاء الله نادي الهلال يوصل للعالمية اذا لقت جمهور واعي لأني في بعض الأحيان اذا أخطأ لا عب من نادي الهلال من تمريره أو يجون الجمهور ويجون بعدها الصحافة حنا جمهور يتحكم فينا الصحافة .. الصحافة الرياضية اللي تنشر مواضيع ليش هالاعب وهالاعب سوا كذا ليه .. الأنسان في حياته لازم يطيح في الخطأ .. انتوا يا جمهور الهلال لا تحبطون اللاعب اللي يخطأ في المباراه بل شجعوه في المباريات القادمة أو المواسم القادمة لأن النفسية في كرة القدم أهم من الرجل أو اللياقة .. أهم شيء في اللاعب راحته النفسية .. شوف اليابانين طوروا منتخباتهم وأنديتهم تصدق كل نادي عنده دكتور نفساني لكي يتفحص أحوال اللاعبين بعد المباراة ويشجعهم .. حنا صحافتنا جهله جهله جهله الصراحة .. مثل الحريم قال فلان وقال علان وهي غير صحيحه .. فأرجوا أنكم تساعدون نادي الهلال اذا ما تقدرون ماديا من خلال صندوق تبرعات للنادي فما لا تقصروا معنويا ولكم جزيل الشكر ..

أخوكم : سلمان للازرق - الرياض

أخي سلمان لا ننكر أننا في الفتره الأخيره قد طالبنا بإلحاح على أسماء معينه وإن كنا نطمح للأفضل ولكن ألا ترى أخي أن الوقت قد بدأ ينفد وإدارتنا لم تتقدم خطوه فنحن عندما نطالبها بجلب اللاعبين وتجديد العقود للبعض ليس أمرا لها ولكن خوفا من ضيق الوقت الذي بلا شك قد جربناه مرارا وبالتالي أصبحت الإداره تتعاقد مع أشباه لاعبين قبل إنتهاء الفتره دون أن تقوم بتجربتهم أو معرفة المزيد عنهم والخاسر أولا اخيرا زعيمنا 0
نحن نرى إداراة الأندية الأخرى جلبت اللاعب تلو الآخر لما لا نكون مثلهم بتكاتف أعضاء الشرف ووقوفهم خلف الرائع عبدالله بن مساعد يستطيع الزعيم جلب أفضل اللاعبين الذين بالفعل يستحقون ما يدفع لهم0

وأمنيتي بالتجديد للخلوق نواف وللمبدع أحمد ضاري 0

تمنياتي لزعيمنا الغالي بالتوفيق

اخوي حنا لنا مطالبنا كجماهير .....وعارفين ان مو كل شيء نطلبه راح يتحقق .....بس احنا نقترح الافضل الزعيم .....وهذا الشيء اللي حتى الاداره تبغاه ........وللجماهير حق في طرح ارائها واقتراحتها ......مع احترامي لرايك .....كل واحد له وجهة نظره

اختي العزيزه أمل الهلالية مع التحية /

يا أخت أمل

شكرا اول شيء على أبدائك لرأيك ..

ثاني شيء يا أخت أمل .. الهلال لا يملك الأمكانيات المتاحه لتلبية مطالب كل مشجع هلالي .. نادي الهلال له ميزانية من أعضاء شرف يوفون وأعضاء شرف يتجاهلون .. فكيف يا جمهور نادي الهلال هل على نادي الهلال أحضار طارق التايب وعلى كريمي ونسيان أحمد ضاري ونواف التمياط اذا أحضروا على كريمي بمبلغ كبير جدا وهذا المبلغ الكبير قد يأتي من على كريمي ففرق بين أعضاء شرف سعوديون وأعضاء شرف أماراتيين .. فهل يقدر أعضاء الشرف أن يحضروا مثل جورج ويا ولا باتيستوتا في العربي القطري .. فهل يستطيع نادي الهلال أحضار لاعب عالمي بعد ريفيلينو لا أظن ذلك .. لماذا يا جمهور الهلال نطلب طلبات تعجيزية لماذا لا نشجع اللاعب المحلي ونشجع اللاعب العالمي .. روماريو أحضره نادي السد القطري بمبلغ غالي ولعب خمس مباريات مع السد القطري في البطولات المحلية فما استفاد نادي السد القطري .. هل تعتقدون أن أيفنبرج في العربي القطري كأفنبرج في بايرن ميونخ الألماني .. الأندية الأوربية الأن تبحث على لاعبين أفارقه صغار بأجور رخيصه ومستويات ممتازه وبيعها للاندية العالمية بأجور عالية بعد التألق بمن المستفيد برأيكم .؟؟ خطوة نادي الهلال السعودي وأنا أؤيد طريقة البحث عن لاعبين أفارقة صغار السن وبأجور رخيصه وأظن نادي الهلال السعودي أختار الشخص المناسب لذلك وهو الذي كان رفيق ريفيلنو أيام أحترافه بالهلال وهو نجيب الأمام .. فيا ليت نادي الهلال السعودي يحضرون رابح ماجر فله خبرة واسعة في مجال كرة القدم ولا تنسون أنه أول لاعب يسجل في نهائي أوروبي للاندية ويحرز اللقب لناديه البرتغالي .. فبودي نادي الهلال يحضرون رابح ماجر ليكون مساعد لاديموس ويكون مدرب الهلال في دورة الصداقة الدولية .. فيكمل مع فهد المصيبيح ونجيب الامام ثلاثي خبير رائع ... ولك جزيل الشكر