|
الاسيوية بعد 3 أشهر .... مانحتاجه ! السلام عليكم ورحمة الله وبركاته قدر الله وماشاء فعل اخواني الهلالين ننسى الهزيمة الان ونفكر بالمستقبل ..... بعيد عن التحكيم والاخطاء اللي صارت أمس , نتكلم عن فرص ضاعت بالجمله وبالأخص من ناصر اتكلم عن فرص سهله مثل ضربة الراس في الدقايق الاخيره وسحبته لـ 2 لاعبين استراليين ثم تترك الزوايا وتعطيها الحارس بدون تركيز ؟؟!! نفس الكلام ينطبق علي القحطاني و نيفيز ضربات رأس ضائعه وتسديدات غير مركزه وللأسف انا قاعد اتكلم عن لاعبين المفترض ( محترفين ) فرص سهله ضاعت كان ممكن تخلص المباراه ، ومع هذا نشكرهم ماقصرو جميع اللاعبين لكن نكون واقعيين ....الهلال أمس كان ناقصه امس مهاجم مرعب يخلص له المباراه الهلال يحتاج مهاجم مثل جيان أسومواه ,,, 12 هدف في البطولة اجزم ان العين لم يكن يصل لدوري الثمانيه بدونه او مهاجمين جوانزو الصيني 2 برازيلين مجانين ,,, جوانزو بدون محترفينه لا يساوي شيئ وهم سبب تحقيقه الاسيويه و وصوله لدوري الاربعه هالسنه + مدربهم العالمي + وأمس حقق بطولة الدوري للمره الرابعه علي التوالي 4 سنوات سيطره كامله علي الدوري الصيني. نادي الاتحاد ايضا من اهم اسبابه لتحقيق الاسيوية كان لاعبهم محمد كالون كلف البلوي كثير لكن وصلهم لكاس اسيا. البطولة راح تبدأ بعد 3 اشهر تقريبا نملك مدرب ممتاز ونثق فيه ونملك لاعبين ممتازين وبنفس التشكيلة قادرين نوصل كما وصلنا امس للنهائي لكن نحتاج مهاجم مرعب واشدد علي كلمة مرعب برازيلي كان أو افريقي وجهة نظر لا اكثر ولو اني استبعد ان تتخلى الادارة عن اي محترف قريبا تحياتي |
اخوي انت عندك الوسط ضايع نيفيز مستواه في انحدار وحتئ سالم لم يكن سالم اللي نعرفه الموسم الماضي كيف تبي الشمراني تصل له الكور ووسطك ضايع |
الهلال يحتاج صانع لعب ومهاجم زي ماهو واضح للكل لكن اضن مشكلة الوسط والهجوم من توظيف المدرب لأنهم مبدعين الموسم اللي راح او انهم مو مناسبين لطريقة لعبه |
دائما تلعب بمهاجم واحد خاصه امام فرق دفاعيه انسى تسجل الزبده راح اللي راح عندك بطولات قادمه دوري ولي عهد ملك اسيويه وممكن تلعب سوبر لابد من جلب مهاجم يسجل من انصاف الفرص الهلال فريق يصل للمرمى كثير لكن مايخلص ترى مو اي فريق يقدر يوصل لمرمى الخصم لكن الهلال تلاقيه يوصل عشرات المرات لكن للاسف مايسجل نقول ان شاء الله انها آخر الاحزان |
ديقـآو / مستوآهـ وروحـه ممتـآزهـ كوآك / الله يستـر منـه , الدعيـع لو يشـد حـآله شويتين ممكن يخـلينـآ نستغنـي عن كواك خـآصه ان جنبـه حيكـون ديقـآو يعطيـه الثقـه و الخبـرهـ , ويستـبدل كواك بمهـآآجـم بموآصفـآت عـآليه بنتـلي/ .. بصرأحـه ما قصـر لاكن ماهـو بالمستوى المطلـوب , كانـي اشـوف كاستيـلو ابيـض نيفيـز / شههههيق زفيـــر ما ادري أش اقـول عن اللاعب هذا لاكن سنواتـه مع الهلال وما قدمـه تجبرنا كهـلالين اننا نحتـرمه مهمـآ صـآر لاكن لو في بـديل بموآآصفـآت عـآلميـه اتمنـى ذلك الفتـره هذي لازم ريجي يعطـي بعـض اللعيـبه مـثل حمـد ال حمـد فرصتـهم اللاعب كويـس وحرام يصـير حبيس الدكـه ولا يلعب اخر 5 دقـآيق , والاستغنـآء عن السـآلم لانـه بديل اعنقـد ما راح يصـنع الفـرق الحمـد لله على كل حـآل |
الاسيويه صفحه وانطوت والحمدلله على كل حال محتاج الهلال مهاجم لايرحم قدام المرمى لأن كل اللي ينقص الهلال انهاء الهجمه "اللمسه الاخيره" وصانع لعب متمييز استفهامات حول مستوى نفيز مره قمه ومره مختفي !!؟ بالتوفيق للزعيم في كل البطولات القادمه |
تخيل معي الهلال بدال بنتلي لاعب بمستوي رادوي بدل نيفيز لاعب بمستوى جيان اسومواه اجزم ان الهلال راح يقتحم كل اندية اسيا |
يجب جلب مهاجم اجنبي وتسريح كواك مومعقولة 2 اجانب دفاع |
الحمد لله على كل حال البطولة راحت بخيرها وشرها ولاينفع البكاء على الأطلال لمن يبكي القادم مهم جداً يجب ان يقف الكل مع الفريق وبالنسبة لتغيير العناصر وجهة نظري ان العناصر ممتازين ينقصنا شغل المدرب على اللمسة الأخيرة وانهاء الهجمة بهدف فقط . |
في الفترة الشتوية الفريق يحتاج 1: مهاجم أجنبي بديل نيفيز 2: صانع لعب أسيوي بديل كواك 3: أبعاد الزوري والسديري عن الفريق 4: اعادة ياسر الشهراني للظهير الايسر 5: اعطاء الفرصة للحافظ أو شراحيلي أو الدعيع للمشاركة بجانب ديقاو 6: اعطاء الفرصة للمشاركة لمحمد البريك أو محمد البقعاوي في الظهير الأيمن 7: تقوية خط الاحتياط بالاعبين الاولمبي الفضل وعطيف والشامخ والعمار |
إقتباس:
ابعاد الزوري والسديري ! الحافظ وشراحيلي!! |
ليش التركيز على اللاعبين الاساسين ونسيان لاعبين الاحتياط؟؟ لو كان عندنا مثلا يحيى الشهري مثلا كان فرق معانا كثير ،، ليه ما نعترف بالحق ونقول الفريق ناقصة لاعبين كثير ؟؟ ثم ليه رياحين لاستراليا نضغط الخصم بارضه؟؟ أحد قال عنا أننا برشلونه؟؟ ليه ما نلعبها صح لو مره بحاتنا؟؟ |
نحتاج تسريح تياقو المتعالي وجلب مكانة مهاجم لاتيني بجوار الشمراني وتسريح كواك وجلب مكانة عموري كصانع لعب وتصعيد خالد كعبي وأعطاء الفرصة لحمد الحمد وعبدالله عطيف والحافظ والاستغناء عن الغنام والشلهوب والقحطاني والقرني وعزوز لن ولن يقدمون أكثر من ماقدموه وتصعيد وجية شابة أفضل من الاعتماد على أشباه الاعبين لو لاعبينا فيهم الخير كان قدرو الجماهير الكثيفة فالملعب ولعبو لشعار واحترقو داخل الملعب |
تبي الصراحه لا بد من صانع لعب مميز بجانب نيفيز مكان كواك واتمنى ان يكون الخيار الاسيوي هو عموري شف الاهلي كيف تغير 180 درجه بعد ما اصلح الخلل وهو صانع لعب ومهاجم قوي اتمنى الادارة التعاقد سريعا لان الان لا بد من تضحيه واعطاء اسماءجديدية مميزة الله يوفق الزعيم فوق كل ارض وتحت كل سماااء |
وين حمد الحمد ياشباب ! الا يكفي ان جوكر ويتعبر صانع الالعاب بالسمات والتحرك وسط الملعب متى راح نعطي فرصه لاعب راح يتحطم اكثر واكثر ! وهو على دكة ! يوسف السالم ماراح يسوي لك شي لانك ماعطيت فرصه يااخي اللعب بوديات عندك شهر وخل الاحتياط يشارك وراح يبدع الحمد والله هالاعب حرام يجي ويجلس على دكة ومهاجم الاجنبي وكذلك مهاجم محلي نحتاج ونحتاج توازن الوسط ونحتاج ونحتاج ! الحمد لله على كل |
| الوقت المعتمد في المنتدى بتوقيت جرينتش +3.
الوقت الان » 05:57 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd