عاجل: 📍 تنبيه لمجلس جمهور الهلال!! - نادي الهلال السعودي - شبكة الزعيم

مهتم7 · #1 30/10/2014, 12:29 AM

السلام عليكم:
رساله عاجله الى مجلس جمهور الهلال الموقر :

نعلم ان مدرب سيدني ذكي جدآ

لكن لازم حنا نصير اذكى منه

تعرفون وش بيسوي :
في البدايه
بينزل لاعبينه يتمشون في الملعب وبيمتص حماس الجمهور عشان يبعد عنهم الخوف والرهبه..

واكيد بعض جمهور الهلال بتمشي عليه الحيله وماراح يوقف صياح عليهم قبل المباراة وبكذا حقق مدربهم الهدف اللي يبي!
وشال عن لاعبينه الصدمه والخوف.
لكن طلب وتعميم على كل جمهور الهلال عدم الصراخ والتزام الهدوء وقت نزولهم للمعب.

لكن مع عودتهم لبدء المباراة
ارعبوووووووهم

وخلهم ينصدمون ان الجمهور الساكت قلب 180 درجه فوق الخطر

تذكرو معي البلطان وقت كأس الملك في ملعب الجوهره!
طبق الخطه النفسيه مع لاعبينه وقدر يمتص حماس الجمهور ولاعبينه اندمجو مع صيحات واستهجان جمهور الاهلي..

المطلوب الهدوء وعدم الاساءه للاعبين سدني وقت نزولهم للاحماء
ومع بداية المباراة خلوهم ينصدمون بجمهور غير اللي شافوهم اول...

اتمنى وصلت الفكره

مهتم7 · #2 30/10/2014, 12:40 AM

الحرب خدعه ، يجب ان نخدع لاعبين سدني بالهدوء قبل تبدا المباراه. ومن اول مايصفر الحكم بداية المباراة يصير الملعب زلزال.
هو يوم المقاتلين الشقرديه في المدرجات

sobeeh2005 · #3 30/10/2014, 12:52 AM

ارجوا تثبيت هذا الموضوع

هذة النقطة مهمة مهمة جدا جدا واسئلوا خبراء الطب النفسي

اذا نزلوا للتسخين نبي المدرج

صمت مطبق
نوم عوافي

وفروا طاقتكم بعد التيفو

نبي نخرب عليهم سالفة الامتصاص

أمير بين الجماهير · #4 30/10/2014, 12:53 AM

صحيح اتمنى الجماهير تسوي لي تقوله ........

الهلال بأمر ملكي · #5 30/10/2014, 12:57 AM

بالعكس يفترض التشجيع قبل المباراة والهاتافات على لاعبين سيدني

لكن لو سكت الجمهور قبل المباراة ! لن يتحمس الجمهور وراح يستمر بالسكوت في وقت المباراة

يجب على الرابطة والجمهور اطلاق صافرات وصـيـحـات الأسـتـهـجـان على لاعبين سيدني، اذا كانت الكوره معهم

ولن يبتعد عنهم الخوف والرهبه على قولتك !! لان مع صيحات الاستهجان راح يفتقدون التركيز وترفع معنويات لاعبينا ان شاء الله

لازم يكون الجمهور فعال ومؤثر وحنا قدها وقدود بإذن الله‏

حارة الزعماء · #6 30/10/2014, 12:57 AM

كلام كبيير يا كبيير .. يعطيك العافية و بالتوفيق للزعيم

dr.helally · #7 30/10/2014, 12:58 AM

فعلا نقطة مهمة جداااااا
ولابد التنبيه بها من اليوم وعن طريق الرابطة يوم المباراة
شكرا لطرحك وموضوعك
ربي يوفق هلالنا وفالنا البطولة ان شاء الله

الراســــــــــــي · #8 30/10/2014, 12:59 AM

هلا اخوي مهتم الفكرة هذي انا قمت بطرحها في هذا الموضوع

جمهور الهلال الزعيم يحتاجكم و ينظركم

و مو مهم عندي مين طرحها اول المهم تطبق الفكرة لأني اعتقد ان فيها فائدة كبيرة و تأثير مباشر على الخصم

شكرا

العنقري1 · #9 30/10/2014, 01:02 AM

كلام صحيح وتنبيه مهم .............. لا للتشجيع قبل اطلاق صافرة الحكم ....

ويسلي2013 · #10 30/10/2014, 01:07 AM

ارجوا تثبيت هذا الموضوع

هذة النقطة مهمة مهمة جدا جدا واسئلوا خبراء الطب النفسي

اذا نزلوا للتسخين نبي المدرج

صمت مطبق
نوم عوافي

وفروا طاقتكم بعد التيفو

نبي نخرب عليهم سالفة الامتصاص