|
دعوة للتفاؤل - القائم يضيع على سيدني الفوز بهدفين ولله الحمد . السلام عليكم ورحمه الله وبركاته صباح - مساء الخير لجميع الزعماء :smilie47: صحيح ان فريق ويسترن سيدني فاز بهدف وحيد لكن اضاع الفوز بهدفين وهذي دعوة للتفاؤل للهلال في مباراه الاياب من اجل تسجيل هدف واحد ليتعادل بعدها يفكر بتسجيل هدف ثاني للفوز :yes: الفرصه المحققه للتسجيل لفريق سيدني وخصوصا من الاعب رقم 9 تومي جورتش التي اصطدمت في القائم اضاعت عليهم الفوز بهدفين وانا متأكد ان المدرب والاعبين فريق سيدني في قلوبهم غصه من القهر في ضياع هذه الفرصه كلما يتذكرونها بينقهرون وهم عارفين ان هدف وحيد لايكفي ولايغني من جوع وان عليهم التسجيل في الدرة هدف على الاقل لقتل المباراه يعني في الاياب صحيح راح يدافعون لكن لازم يهاجمون عشان يسجلون هدف وهذا من مصلحه الهلال لان اذا هاجموا بيتركون شوارع في الخلف وراح يستغلها الهلال ويسجل :wub: لو كانت فرصه سيدني بالقائم هدف لكان مطلوب من الهلال تسجيل هدفين ليتعادل وثلاث اهداف ليفوز ولكن الحمدلله ضاعت والمطلوب من الهلال تسجيل هدف واحد ليتعادل وهدف ثاني ليفوز فالحمد لله والشكر انها ضاعت واصطدمت بالقائم :yes: نقاط مهمة في الاياب ... * مطلوب من الهلال التركيز والضغط بكل قوه في الهجوم وتنويع الهجمات في الاطراف وفي العمق والتسديد . * التركيز وإبطال كل هجمه مرتدة لان سيدني بيعتمد عليها وعدم ارتكاب اي خطأ لانهم سيتقدمون امام المرمى الهلالي كل الفريق للتسجيل نظرا لطول قامتهم . * سيدني سيعتمد على الدفاع لابد من ريجي اللعب بمهاجمين ولما لا اللعب بثلاث مهاجمين الشوط الثاني . بأذن الله الفوز يكون من نصيب الهلال و نحتفل بالدرة في الاياب :wub: تحياتي للجميع :rose: |
وين الردود يا زعماء ؟! :rose: |
وعليكم السلام ورحمه الله وبركاته كلامك سسليم اشياء بسيطه للفوز بالتوفيق ياررب للزعيم ويارب السابعه تسسلم اناملك وعسساك ع القوه ونبارك لك الفوز يارب |
وعليكم السلام ورحمة الله وبركاته صحيح ولله الحمد خسرنا بهدف وكان الاستحواذ هلالي بنسبه كبيره من المباراة بس ان شاء الله راجعين الزعماء بكل ما اتاهم من قوة لتحقيق البطولة المنتظره اتمنى من الجمهور الحضور بكثافه جدا جدا جدا ومساندة اللاعبين وتحفيزهم بلقب البطولة يا كريم |
ثلاث مهاجمين مين عندك مهاجم يصنع الفارق ويسبب قلق لدفاع الخصم غير الشمراني مع احترامي لياسر دفاع سدني يحتاجون لاعب مشاغب ويقاتل على الكورة لكن بإذن الله الفوز هلالي المدرب لازم يلعب فالعابد وسالم كلاعبين طرف كلاهم مشاغبين والشووط الثاني ينزل الحمد كمهاجم ثاني بجوار الشمراني |
اتوقع رح نفوز بنتيجه كبيره |
مدمنة الله يسلمك مشكورة على المرور ـآلـهـلآلـي الجمهور اكيد راح يحضر بكثافه لكن الاهم التشجيع طول المباراة مشكور اخوي على المرور محامي بندر بن محمد يعطي فرصه للمهاجمين ياسر ويوسف السالم مع ناصر اخر عشرين دقيقه لكن في البدايه يلعب بمهاجمين ناصر وياسر او ينزل يوسف السالم بديل لياسر اخر المباراه ويلعب بمهاجمين اهم شي يعطي فرصه للمهاجمين الثلاث :yes: ●¦» ŞàŁεĥ «¦● الله يسمع منك ونفوز بنتيجة كبيرة مشكور اخوي على المرور |
لان القائم سخره الله لنا الدعاء لله سبحانه مستحيل يروح هدر ياشباب الدعاء يغير القدر كانت بتنهي البطوله لمصلحة سيدني لكن الله لطف فينا السديري رابع مره تحصل معه ، والحمدلله اكيد من دعاء الوالدين كانت في مباراة السد الذهاب من نذيربلحاج، والاياب في قطر. وكانت في مباراة العين، لكن صدها الشهراني ، واخرها في استراليا .. كل هالامور رحمه ولطف من الله.. يعني لازم الاعبين يبذلون جهدهم لان الله يعين اللي يعين نفسه |
إقتباس:
ونعم بالله والله انك صادق الدعاء مهم وصدقني طول المباراة ادعي خصوصا اذا جت هجمه لهم او ركنية اقول الله يستر :yes: وانا عارف ان اكثر الهلاليين يدعون الله وباذن الله يستجيب الله لنا وينصرنا :wub: مشكور اخوي على المرور :rose: |
بسم الله والصلاة والسلام على رسول الله الحمد لك ربنا على كل شيئ اللهم لاحول لنا ولا قوة الا بك بذل اللاعبون الجهد ولم يتوفقوا وبإذن الله السبت القادم بإذن الله ربنا يكرمنا ونحقق السابعة بإذن الله لذا لاتلتفتوا لفئة والله لاتريد خيرا بالزعيم وجماهيره وسيخذلهم ربي يوم السبت القادم وستذهب مجهوداتهم ادراج الرياح بإذن الواحد الأحد واخيرا لاينقطع الدعاء لاينقطع الدعاء لاينقطع الدعاء فأنتم تدعون رب كريم رحيم يسأل عن عباده هل من تائب فأتوب عليه هل من مستغفر فأغفر له سبحانك ربنا ما أعظمك اللهم سهلها ياكريم يوم السبت وفرح عباد لك يدعونك بالليل والنهار اللهم اكرمهم بهذه البطولة يارب |
التفاؤل مطلب في جميع أمور الانسان لكن عندما يكون في الشيء الذي لا تملكه كيف تتفاءل؟ هل سيلعب ريجي بالتشكيلة المناسبة لهذا اللقاء؟ هل الـ11 لاعبا سيكونون في الموعد ويستغلون انصاف الفرص؟ الحقائق التي تدعو للتفاؤل يقابلها حقائق تدعو لعدم التفاؤل هل كان الواحد منا يعتقد ان الهلال سيسيطر على مباراة الذهاب؟ ويحصل على كمية من الأهداف الضائعة؟ التسجيل في الذهاب كان متاحا ولكن لم يوفق اللاعبون في التسجيل فهل ضمن تعديل الوضع او يسابق اللاعبون على زيادة الهجمات الضائعة وعلى الجماهير الحسرة؟ |
إقتباس:
اكيد الدعاء مستمر معنا وان شاء الله الله يستجيب لنا بأذن الله :wub: مشكور اخوي على المرور :rose: |
كلي ثقه بنجوم الزعيم ماوصلنا للمرحله هذي عشان نخرج بسهوله اتوقع والعلم عند رب العالمين انها راح تكون مباراة الموسم لنا نكون او لا نكووووون تحياتي لك والله ينصرنا يارب |
إقتباس:
إلا فيه اشياء تدعو للتفائل اولا خسرنا بهدف وحيد يمدينا نعوض في الاياب فيه فرق خسرت ثلاثه وعوضت في الاياب والامثله كثيرة ثانيا الهلال كان قريب من التسجيل لكن الحظ عانده شوي والحمدلله فيه امل نعوض في الاياب تخيل المباراة انتهت مافيه اياب بكذا مانقدر نتفائل لكن فيه مباراه اياب وعلى ارضنا وبين جمهورنا كل هذي الامور تدعو للتفائل :yes: ايه نعم ريجي بيلعب بالتشكيله المناسبه في اللقاء والمباراه على ارضك اكيد بيحط تشكيله مناسبه التشكيله اللي حطها في مباراة الذهاب ممتازة لكن مو ذنبه ان الحظ عاند الهلال :yes: ايه اكيد ال 11 لاعب بيكونون في الموعد واكيد راح نستغل الفرص لان الفرص الضائعه خلاص راحت وان شاء الله يوفقنا الله ونستغل الفرص :yes: حتى سيدني ضيع فرصتين وحده في القائم والثانيه صدها السديري هم ضيعوا واحنا ضيعنا الكن الحمدلله هدف واحد بس يمدينا نعوض ونفوز هذا لو سجل هدفين او ثلاثه اقدر اقولك صعب نعوض . انت اللي يشوف كلامك يقول حنا مهزومين بثلاثه او اربع انت ليه رافض او تقنع نفسك ان ماتبغى تتفائل الرسول صلى الله عليه وسلم يقول تفائلوا بالخير تجدوه :yes: مشكور اخوي على المرور :rose: |
:smilie47: أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا :smilie47: :smilie47: أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا :smilie47: :smilie47: أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا :smilie47: :ba1::ba::ba1::ba::ba1::ba::ba1: |
| الوقت المعتمد في المنتدى بتوقيت جرينتش +3.
الوقت الان » 07:40 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd