حاولت اتفائل بالإياب بس مني قاااادر!! - نادي الهلال السعودي - شبكة الزعيم

koora 7elwa · #1 27/10/2014, 02:19 AM

انا عارف إن في كثيرين بيقولون ترى مو وقت تشائمك هذا..

ونبغى مواضيع ترفع من الروح المعنوية ومن ذا الكلام..

واللي خلاني مني متفائل, هو الكلام اللي انقال بعد المباراة وإن الهلال مسخر سيدني وتسيد المباراة والحظ هو اللي كان عائق قدام اللاعبين وفي الإياب بسهولة بنفوز عليهم بأهداف كثيرة!!

ياجماعة ترى الاهداف ماضاعت لسوء الحظ , لا

لسوء التركيز قدام المرمى..

لسوء التصرف قدام المرمى..

للإستعجال قدام المرمى..

الحظ اللي خلى (سالم) في الانفرادة يحط الكورة بجسم الحارس!! ولا سوء تصرف!!

سيدني ياللي تشوفونه ضعييييييييييييف ترى بهذه الطريقة وصل للنهائي

بهذه الطريقة فاز على جوانزو!!

بهذه الطريقة فاز على سيئول!!

ممكن الهلال يتقدم بهدفين لصفر وفي الدقيقة الاخيرة (السديري) يطلع متأخر مثل هدف سيدني البارحة ويخبصها!!

والله موضوعي هذا مو للتشائم لا..

لأني شايف الكثيريييييييين يحسبون ان الفوز على سيدني بأربعة وخمسة في الرياض مسألة منتهية!!

في شي اسمه ظروف مباراة, لاسمح الله طرد, بلنتي, إصابة..

في شي اسمه ان الفريق مايكون في يومه..

في شي اسمه ان الخصم ممكن يقاتل في الاياب لدرجة قوية جدا جدا جدا ويصعب عليك المباراة..

دامنا بنلعب قدامهم في الاياب واحنا نقول ان الفريق ضعيف وسهل وفي ملعبهم استحوذنا على كامل مباراة ومن ذا الكلام, فمن الان اقولكم جهزوا نفسكم للميداليات الفضية!! الله لايقولها..

خافوا من سيدني بتحرزون اللقب..

هذا الفريق جالس يفوز على الفرق الثانية بهذا الإحساس >> (إنه فريق متواضع)!!

ترى الهلال قادر يفوز عليهم بـ(4) و(5) .. لكن بشرط إن اللاعبين يركزوا 100 في الـ100

لايستهينوا بالفريق ترى من كورتين ممكن يسجلوا هدفين..

اللهم إني قد بلغت اللهم فاشهد..