|
رسالة لـ مجلس الجمهور الهلالي هل تستطيع عمل كعمل جمهور سيدني ! مجلس الجمهور الهلال يبذل جهود كبيره يُشكر عليها في جميع مناطق المملكة . وفي الرياض بالذات . ولكن يعيبه امر مهم وان شاء الله يتنبه له ابتداء من المباراة القادمه وهي شرارة الانطلاقة الفعليه للجمهور .. بصراحه التشجيع التقليدي ( السعودي) خلاص ما صار يجدي ولا يجذب احد بعد ما تفتح العالم وصار يشوف جماهير الفرق الاوروبية وامريكا اللاتينية وحتى دول شرق اسيا تخطتنا في هذا الامر حتى ( اندونيسيا ) مع احترامي صار طرق التشجيع عندهم اكثر حماس .. وين اعضاء الجمهور اللي لازم يتواجدون في الواجهه بين كل عضو وعضو 10 الى 20 متر يوجهون الجماهير بحركات موحده ومستمره في الطابق الاعلى والاسفل .؟ لا تقولوا ان الجماهير ما تتفاعل وحاطه رجل على رجل اكيد ما تتحرك موحده لان العدد كبير وماراح يتفقوا ابدا .. لكن اذا تواجد الاعضاء على طول الواجهه بلبس موحد يشوفهم الجمهور ويأشرون لـ الجماهير بالحركة الواحده راح يتجاوب الجماهير .. من هذا الموضوع و بالنيابة عن كل من يريد يغير تغيير جدري في طريقه التشجيع السعودي ارسل رساله لمجلس الجمهور الهلال انهم يبتكروا طرق جديده هتافات جديده حركات جديده .. استمرارية التشجيع .. واتمنى خلاص نترك الطبل والمزمار والمكرفون كأننا في سامري .. اتمنى من مجلس الجمهور الهلالي انه يرسل رسائل عن طريق وسائل التواصل او عبر هذا المنتدى او عن طريق النادي الى الجماهير الهلالييه انها تتواجد في النادي بكثرة وتلقي الطرق والافكار والمقترحات للمجلس والتبرع بالحضور والتشجيع والمسانده ... والله مو عيب نشوف الجماهير الاوربيه ونأخذ منهم بعض من هتافاتهم او حركاتهم او حتى طريقة تشجيع سدني اللي ماله الا سنتين وحق لهم ان يتفاخروا بجمهورهم .. اكرر ندائي لمجلس الجمهور الهلالي إنهم يرسلون رسائل ودعوه لـ من يريد ان يتبرع والعمل كفريق واحد .. رابط لافضل 10 التراس في العالم https://www.youtube.com/watch?v=csB8M_bzS-s رابط لافضل 5 روابط في اوروبا https://www.youtube.com/watch?v=BtiC-tD2VH8 شوفوا اللي يحركوهم من تحت .. |
الله يعطيك العافيه وبالتوفيق للزعيم |
هذه الروابط فعلا اللي تزلزل الملعب |
ارجو التثبيت عشان تنتبه الرابطه لهالشي فعلا مهم يكون فيه متطوعين لتوحيد حركات الجمهور ويكون بينهم اتصال طوال المبارراااه |
طيب ليه انتم يالجمهور ماتسوون نفس حركة جمهور سيدني وكلكم تلبسون تي شيرت الهلال اكثر شي اعجبني عندهم حركه وحده + لون واحد طالع المدرج خراافي |
الزببدده بينجلدووون في الدرة تراهم يقمطوون العافية في المبلريات الجماهيرية |
بأذن الله يكون للجمهور كلمه في المباراه وباذن الله نشوف مهرجان يارب ياكريم |
يعطيك العافية كفيت ووفيت انا كتبت موضوع نفس فكرتك تقريبا ولو شفت موضوعك قبل اكتبه اكتفيت http://vb.alhilal.com/t1185965.html |
إقتباس:
شف الروابط وشف اللي في اسف المدرج يسسو للجماهير حركات يقلدونهم ومكرفونات يسمعون الصوت .. فـ اذا مجموعه صغيره تبنت هالشي ماراح تكمل ولا يتحفز الجمهور اا ما فيه احد يحفزهم .. |
| الوقت المعتمد في المنتدى بتوقيت جرينتش +3.
الوقت الان » 04:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd