|
موضوع جميل ورجعنا لحديث الذكريات الخالده مع عشق الزعيم انا كانت بداية حبي لهذا الكيان الكبير عام 1406 تقريبا و سبب عشقي للهلال كان الوالد رحمه الله عليه وكان الوالد ما يحب يحضر للملعب رغم اننا كنا من سكان الرياض في تلك الفتره ولكن بعد فوز الهلال على النصر 3/0 نهائي كاس الملك الشهير في جده عمل الهلال حفل بهذه المناسبه في النادي واصريت على الوالد اننا نحضر الحفل وكان عمري وقتها 9 سنوات واقيمت مباراة بين رديف الهلال والاساسي بس الموقف الي لايمكن انساه هو الامبراطور صالح النعيمه يوم كانوا يحيون الجماهير وبيده كاس الملك الذي كان له طعم وقتها بحكم ان النصر فاز على الهلال في نهائي 1407 1/0 يوم ارتقى ماجد بيديه على صالح وحسين البيشي وكان خطاء واضح وضوح الشمس ولكن رجع الامبراطور وقال قبل نهائي 1409 يا انا يا ماجد في هذا النهائي وفعلا كان قول وفعل وكان ماجد عبدالله مجرد اسم فقط في الملعب بعد ما اخفاه تماما الامبراطور الكبير |
بدات تشجيع الهلال يمكن عام 1404 هـ بسبب اخوى المتعصب للهلال وكانو يسالونى بالحاره عن فريقى وكنت اقول اهلاوي احسب الاهلاوي يعنى هلالى ما دريت ان الهلال زعيم و الاهلى طحلب اول مباراه حضرتها للهلال كان وديه امام الجبلين بحائل يمكن عام 1416 وكانت اول مباراه للاعب احمد الدوخي الى من شفته تنبأت بقدوم موهبه هلاليه كلمه للاعبين اتمنى يحسون بحرقه الجمهور و يلعبون مباره سيدنى وكانها مباراه تعنى لهم الحياه او الموت ويتوكلون على الله قبل كل شى |
انا من أسرة هلالية واذكر بديت التشجيع تقريبا 1402 وحضرت مبارات الهلال ومحمداني البنغلاديشي ( اذكر سحب فيهم الثنيان :d:d) وبعدها حرمت اروح لملاعب اقول للهلال مقولة وزير الرياضة الكويتي سابقا (احمد الفهد الاحمد ) في نهائي آسيا قدام جابيلو الياباني (((( ما لها الا هلالها )))) |
كنت شبابي قبلها ويوم عقلي صار كويس وطبعاً الأخت لها دور في تشجيعي للهلال عام 2002 أول مباراة حضرتها .. الهلال و الاتحاد في الرياض مباراة كاس الملك يوم يسجل علينا المنتشري بأخر الدقايق وأخر مباراة الهلال و الفتح في الاحساء هذا الموسم . |
2008 شجعت الملكيييييييييييييييييييييييييييي |
بديت في تشجيع الهلال عام 1406 واول مباراه حضرتها للهلال على نهائي البطوله العربيه في الرياض امام نادي الترجي التونسي وحسمها الهلال بهدف يوسف الثنيان واخر مباراة امام الاتحاد في جده حسم الهلال الدوري من خلالها بهدف سجله ياسر القحطاني |
انا والله مو كبير عمري 16 حبيت الهلال 2006 وقت كاس العالم انا الوحيد في بيتنا اللى يحب الكوره عرفت الكوره انا من خوالي الله يطوب باعمرهم |
اشجع الزعيم من عمري ثمان 1409ه 1988م |
بعد صده خالد الدايل لركله جزاء ماجد عبدالله😄 |
‫النصر Vs الهلال (1-0) الدوري الممتاز 1407هـ‬‎ - YouTube عام ١٤٠٧هـ اذكر كنت في المدرجات مع خالي النصرواي ورجعت البيت وقررت اكون هلالي �� وسحبت على خالي |
هلالي من يوم كان عمري 4 سنوات والسبب ان البيت كامل هلالي |
الحمد الله إني أشجع الزعيم آخر مباراة تقريباً 3×3 مع النصر يوم عطوان الهلال الدرع في فندق الانتر و لتحقت بكتيبة مشجعي الزعيم أيام مبارك وغبدالله سواء |
كم كان عمري مدري ؟؟ ... بس اظن ماتعديت ال ١٠ سنوات .. في بيت اغلبه نصروايين ابويه شبابي وأخ اهلاوي .. بس أتذكر اني كنت اتابع مباراة للهلال على القناة الثانية ( انجليزي ) في غرفة لوحدي ... بيني وبين التلفزيون .. اقل من متر ... أتذكر هذا اليوم ... لاني مااتذكر شي قبله ..... اخر مباراة حضرتها ... بنديكور الاوزبكي ....... الكلمة ( وحدواااااا الصفوف ) ضد المتصيدين هذي كلمة حبيبنا الكوتش ... |
17 سنة مرة وانا مازلت عاشق للزعيم |
انا شجعت الهلال من 2005 ماعمري حضرت مباراه للاسف لاني بجده واذا لعب الهلال بجده بتكون مباريات قويه وزحمه ولازم حضور من بدري وان شاء الله مباراه الهلال والاتحاد بحضرها لاول مره لعيون اللاعبين بعد مايحققون آسيا بإذن الله |
| الوقت المعتمد في المنتدى بتوقيت جرينتش +3.
الوقت الان » 10:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd