تاريخ وتوقيت مباراة الهلال وسيدني الذهاب.. نظامك.. الاجواء ..المقاهي..# - نادي الهلال السعودي - شبكة الزعيم

مهتم7 · #1 20/10/2014, 01:28 AM

السلام عليكم
ونحمد الله على وصول طائرة الهلال الى سيدني بالسلامه.

اشوف فيه ناس محتارين ومايعرفون وقت المباراة بضبط ويومها..

المباراة يوم السبت بتاريخ 25/10 اكتوبر..
وبالهجري يوم 1/1 محرم..

توقيت المباراة في السعوديه بضبط بيكون 11/30 صباحآ ويوم السبت يعني اجازه

..
..
المكان ملعب باراماتا
في سيدني الاستراليه..
التوقيت في استراليا بيكون الساعة 7/30مساء
الجو بيكون بارد
واتوقع هطول الامطار .. ارجو اخذ الاحتياطات الازمه من ادارة ومدرب ولاعبين الهلال..
..
!
قيمة التذكره 200 دولار..
لكن سمعت ان جمهور سيدني بيدخل بالمجان على حساب ناديهم.

بنسبه لمتابعة المباراة في المقاهي بيكون لها وضع خاص وحماس وخاصه ان توقيتها صباحآ في السعوديه
شي نادر يحصل لكن
اصحاب المقاهي اذا فتحو يوم المباراة
راح يستفيدون كثير لان المتوقع ان المباراة بيتابعها ملايين من داخل السعوديه حتى اللي مايشجعون الهلال..

وانصح جمهور الهلال بالنوم المبكر ليلة المباراة وفي الصباح ادئ صلاة الفجر جماعه والدعاء لدينك ودنياك والدعاء ان يوفق الله زعيمنا
والافطار الجيد والروقان ..

اللهم اننا نستودعك الهلال

واي تفاصيل اخرى اتمنى من الاعضاء الكرام طرحها .. وشكراً

Nader wjoody · #2 20/10/2014, 01:31 AM

الله يعطيك العافية اخوي
واحلى وقت للمباراة طبعا للي بمريكا
وان شاء الله نفرح سويا بالبطولة
يارب وفق زعيمنا واجعل الفوز من نصيبه يارب

مهتم7 · #3 20/10/2014, 01:35 AM

إقتباس

الرسالة الأصلية كتبت بواسطة Nader wjoody


	الله يعطيك العافية اخوي واحلى وقت للمباراة طبعا للي بمريكا وان شاء الله نفرح سويا بالبطولة يارب وفق زعيمنا واجعل الفوز من نصيبه يارب

الله يعافيك ياغالي . واجب
لاني شفت شباب كثير يسئلون عن وقت المباراه ويومها حبيت افيدهم

العقد الهلالي · #4 20/10/2014, 02:09 AM

وانصح جمهور الهلال بالنوم المبكر ليلة المباراة وفي الصباح ادئ صلاة الفجر جماعه والدعاء لدينك ودنياك والدعاء ان يوفق الله زعيمنا
والافطار الجيد والروقان ..
اللهم اننا نستودعك الهلال

نصيحة محب شكرا مهتم 7 رائع ماشاء الله عليك

رهف الجنوب · #5 20/10/2014, 02:52 AM

استودعتك ربي ما اخاف حدوثه ولا اريده ان يحدث ، و استودعتك ربي كل دعوه دعيتها وفوضتها لك ، اللهم اني استودعك نفسي ويومي واهلي ومن احببت فأرني فيهم مايسرني..

al700t · #6 20/10/2014, 03:08 AM

الله يكتبها لنا
ولايضيع جهد الفريق
اما النووم قبل المباراة والله ماظنتي
هههههههه

ابوساري · #7 20/10/2014, 04:04 AM

تشكر .. المباراة وقتها بالنسبة لي مناسب جداً لأني الصبح في الويك إند أكون صاحي .. فأتمنى من الإتحاد الآسيوي الاستمرار بوضع المباريات الصبح ..

بالنسبة للمقاهي .. فما أدري وش اللي تقصده .. مقاهي الشيشة ؟ .. والا القهوة ؟! .. بالسعودية والا استراليا؟

إذا مقاهي الشيشة فعندي ببريدة فاتحة 24 ساعة .. وأبشرك ركبوا شاشات اتش دي يعني لحقوا بركب التطور والتكنلوجيا عقب تلفزيونات غرف السواقين اللي حاطينه لك والصورة موشوشة

.. يعني المباراة على صفيح ساخن الآن ..

أما اذا قصدك المقاهي اللي تقدم قهوة و فيها تلفزيون .. فأتوقع الصباح يفتحون لأن هذا وقتهم بس بيصكون للصلاة ..
بالإضافة .. المكان بيكون ضيّق وكنك تتابع فلم وثائقي بمركز صيفي بالتسعينات .. خمسين شخص في غرفة أربعة في ستة ..

أنا أنصح الجميع يشوفونها بالبيت واذا ماعندك كلش .. ففيه مليون رابط يوتيوب ينقلها لك .. ماحد محتاج يطلع من بيتهم ..

مثل : تابع لايف في تويتر .. ابو الهش البرشلوني ..

جوهر 2005 · #8 20/10/2014, 04:11 AM

اليوم الاتحاد الاسيوي اعلن موعد المباراه النهائيه الاياب
وستكون المباراه في الساعه 8:30 حسب توقيت السعوديه
مصدر الخبر حساب ياسر المسحل بتويتر وهو عضو بالاتحاد الاسيوي

بالتوفيق للهلال

الــنــبــراس · #9 20/10/2014, 04:17 AM

الله يعطيكم العافية

بالله تأكدوا من وقت المباراة لا يجينا واحد ثاني ويقول وقتها 4 الفجر

انا ماقدر اصير صاحي 24 سااعة

هلالي صميم من جدة · #10 20/10/2014, 04:22 AM

إقتباس

الرسالة الأصلية كتبت بواسطة جوهر 2005


	اليوم الاتحاد الاسيوي اعلن موعد المباراه النهائيه في سيدني وسيكون موعد المباراه الساعه 8:30 صباحآ حسب توقيت السعوديه مصدر الخبر حساب ياسر المسحل بتويتر وهو عضو بالاتحاد الاسيوي بالتوفيق للهلال

يقول 1 نوفمبر يعني المباراة اللي ف الرياض بيكون وقتها 8 ونص

ااما المباراة اللي ف سدني يوم 25 اكتوبر ووقتها 11 ونص

المعلم15 · #11 20/10/2014, 04:56 AM

إقتباس

الرسالة الأصلية كتبت بواسطة الــنــبــراس


	الله يعطيكم العافية بالله تأكدوا من وقت المباراة لا يجينا واحد ثاني ويقول وقتها 4 الفجر انا ماقدر اصير صاحي 24 سااعة

اشربلك بورهورس ياصاحبي .. مشروب الطاقة صحيح ان له أضرار فتاكة

و لكنة يجعلك كتله من النشاط

مهتم7 · #12 20/10/2014, 07:08 AM

إقتباس

الرسالة الأصلية كتبت بواسطة الــنــبــراس


	الله يعطيكم العافية بالله تأكدوا من وقت المباراة لا يجينا واحد ثاني ويقول وقتها 4 الفجر انا ماقدر اصير صاحي 24 سااعة

المباراة وقتها محدد ومعروف من الاتحاد الاسيوي ماجبنا شي من عندنا

1/1 محرم
الساعة11/30 صباح
يذن الظهر تصلي وترجع تكمل متابعه

مهتم7 · #13 20/10/2014, 07:09 AM

إقتباس

الرسالة الأصلية كتبت بواسطة جوهر 2005


	اليوم الاتحاد الاسيوي اعلن موعد المباراه النهائيه الاياب وستكون المباراه في الساعه 8:30 حسب توقيت السعوديه مصدر الخبر حساب ياسر المسحل بتويتر وهو عضو بالاتحاد الاسيوي بالتوفيق للهلال

هذي المباراة الثانيه اللي في الرياض...

مهتم7 · #14 20/10/2014, 07:13 AM

إقتباس

الرسالة الأصلية كتبت بواسطة ابوساري


	تشكر .. المباراة وقتها بالنسبة لي مناسب جداً لأني الصبح في الويك إند أكون صاحي .. فأتمنى من الإتحاد الآسيوي الاستمرار بوضع المباريات الصبح .. بالنسبة للمقاهي .. فما أدري وش اللي تقصده .. مقاهي الشيشة ؟ .. والا القهوة ؟! .. بالسعودية والا استراليا؟ إذا مقاهي الشيشة فعندي ببريدة فاتحة 24 ساعة .. وأبشرك ركبوا شاشات اتش دي يعني لحقوا بركب التطور والتكنلوجيا عقب تلفزيونات غرف السواقين اللي حاطينه لك والصورة موشوشة .. يعني المباراة على صفيح ساخن الآن .. أما اذا قصدك المقاهي اللي تقدم قهوة و فيها تلفزيون .. فأتوقع الصباح يفتحون لأن هذا وقتهم بس بيصكون للصلاة .. بالإضافة .. المكان بيكون ضيّق وكنك تتابع فلم وثائقي بمركز صيفي بالتسعينات .. خمسين شخص في غرفة أربعة في ستة .. أنا أنصح الجميع يشوفونها بالبيت واذا ماعندك كلش .. ففيه مليون رابط يوتيوب ينقلها لك .. ماحد محتاج يطلع من بيتهم .. مثل : تابع لايف في تويتر .. ابو الهش البرشلوني ..

كلن يشوفها في المكان اللي يبي وبطريقه اللي يفضل او يقدر عليها!
تحياتي لك واشكرك على اضافتكك على الموضوع :

رهف الجنوب · #15 20/10/2014, 07:20 AM

إقتباس

الرسالة الأصلية كتبت بواسطة الــنــبــراس


	الله يعطيكم العافية بالله تأكدوا من وقت المباراة لا يجينا واحد ثاني ويقول وقتها 4 الفجر انا ماقدر اصير صاحي 24 سااعة

بالتوفيق لهم بإذن الله تعالى