|
احترم وجهة نظرك حبيبي ولكن فيه شغله الأغلبيه فاهمها غلط في نيفيز وهي نيفيز أصلا ليس صانع لعب حقيقي 100% نيفيز مكانه المفضل له واللي يبدع فيه هو خلف المهاجمين ويحب الحرية في المنطقه الهجوميه دون تحديد خانه بعينها لذلك تجد نيفيز في أحيان متقدم أكثر من رأس الحربه وتجده أحيان أخرى في الجهه اليسرى وتجده في أحيان بالجهه اليمنى وهذا ما يجعله هداف خطير يتواجد في الأماكن الصحيحه نيفيز من الظلم تقييده بمنطقة صانع اللعب لأن نيفيز ماهو من النوع اللي يحرث لك الملعب صانع اللعب تلقاه في كل مكان ونيفيز ليس من هذه النوعيه.. نيفيز وصل له الكوره في النصف الأخير من ملعب الخصم وشوف وش يسوي لك .. نيفيز صفقه رابحه بكل المقاييس .. نيفيز محتاج صانع لعب يوصل له الكوره وهو مرتاح أما تعطي نيفيز الكوره من منتصف ملعبك ويستنزف كل طاقاته بالجري ومحاولة تخطي الخصوم ومن منتصف الملعب هذي تقتل نيفيز وما تستفيد منه إطلاقا إلا في حالات قليله ... في الصيف كتبنا مواضيع كثيره للمطالبه بجلب لاعب أجنبي بخانة صانع اللعب ولكن لا حياة لمن تنادي .. لك أن تتخيل لاعب مهاري ويجيد التصويب بكل اتقان وتنفيذ الفاولات أيضا وهداف ثم تقتل نصف قوة نيفيز بإصرارك على تراجعه للخلف وعدم تعاقدك مع لاعب مكمل لنيفيز ويكون صانع لعب حقيقي 100% .. الإدارة تقتل نيفيز من حيث لا تدري وذلك بسماحها للمدرب بالتعاقد مع محور !!! وأنت بأمس الحاجه لصانع لعب ... نيفيز قوة ضاربه والموسم الماضي قدم مستويات أكثر من رائعه وهو وحيدا في المنتصف فما بالك لو كان معه صانع لعب لا يقل عنه مستوى صدقني بتشوف مستويات أكثر من اللي قدمها الموسم الماضي وقضية تذبذب مستوى اللاعب أمر مقبول في ظل هالضغط في المباريات وكل مباراة أكثر حساسية من اللي قبلها .. |
إقتباس:
استغفر الله العلي العظيم ياخوي ووضحت لك وش اقصد ماله داااعي تكابر .. كلامي واضح أني كنت أقصد الموسم الماضي : (اكبر غلط استمرار الاعب ... ) واللبيب من الاشاره يفهم الله يستر عليك :alzaeem: |
وبخصوص المقطع اللي جايبه عن اهداف ومهارات نيفز !! والله لو يفكنا الاعب من الانانيه ويركز عل صناعة الفرص للمهاجمين كان راح يكون افضل صانع اللعاب في تاريخ الهلال لكن الاعب للاسف انانييي بشكل قذ**** واعتقد انه يفكر باللقب الهداف او انه عنده مشكله مع المهاجم ناصر ومستعد اثبت لك هالكلام من خلال مقاطع من مباريات الهلال السابقة تثبت انانية نيفز خصوصاً ضد هدافنا ناصر الشمراني ليس من المعقول ان يشاهد المهاجم في مكان خطير وقريب من المرمى ومع ذلك لايمرر للمهاجم !! والكل لاحظ هالانانيه لذلك أنا أقول للأدارة ومن هذا المنبر ، يجب تحذير وتنبيه الاعبين الوسط من الانانيه المزعجه ويجب عليهم صنع الفرص للمهاجمين وعدم التخاذل عن مهمتهم الرئيسيييييييية . |
نيفيز عاله ... !!يعني حدث العاقل بما يعقل ... كم هدف عند نيفيز في الدوري واسيا ... غير ان الادمي مشتت ويبغى اسيا بصراحه بعض المواضيع تحتار في أمرها ... وشهادة الشنيف لنيفيز تكفي فنيا. |
هلا ابو تاكي بصراحه بالغت حبتين !! ونيفز لاعب كبير ولا يمكن ان يكون عاله !! ولكن سبب هالموضوع هي انانية نيفز اللي من الموسم الماضي خصوصاً في نهائي كاس ولي العهد ضد النصر وياكثر المواضيع اللي انتقدت انانية هالاعب لكن لعلى وعسى يتعدل مستواه ويترك عنه الانانيه هو وجميع عناصر الوسط اسعدني مرورك ومشاركتكـ |
إقتباس:
وأوافقك الرأي، نيفز لا يؤدي دور صانع الألعاب الحقيقي ومثل ما ذكرت هو يلعب كمهاجم ثاني !! او خلف المهاجم ... المهم انه يبحث عن التسجيل اكثر من صنع الفرص !! ولكن ماعتقد أننا نحتاج لنيفز اذا الهلال تعاقد مع صانع لعب !! كذا راح يضطر يلعب نيفز في خانة الجناح اﻷيسر وهذا المركز يحتاج للسرعة والمهارة والقدرة الكبيرة على المراوغة والمرور من المدافعين عموماً في الفترة الجاية لكل حادث حديث وموضوعي هذا يتحدث عن انانية نيفز المزعجة ونتمنى من الادارة تشوف لها حل مع الاعب ! شرفني مرورك وتعليقكـ الراقي :alzaeem: |
كل الشكر والتقدير لكل من تفاعل وشارك في هالموضوع، سواء كانت المشاركه ضد او مع.. صحيح نختلف في الرأي لكن نتفق على حب الهلال ونسال الله التوفيق لزعيمنــا :ba: |
وسط الهلال كله اناني ولعبهم فردي واجتهادات .. مافي صانع لعب متميز في الخليج واسيا الا ( عموري ) اتمنى من الادارة التعاقد معه بعد نهائي اسيا ب اي قيمة .. لان الغالي سعره فيه ... |
إقتباس:
بالعكس حبيبي الهلال بحاجه ماسه للاعب بإمكانات وقدرات نيفيز لاعب يملك قدم تعرف طريقها للمرمى ولاعب خطير جدا ومزعج لأي دفاع ناهيك عن مهارته في تنفيذ الفاولات والتفريط بنيفيز ضرب من الجنون الهلال بحاجه فقط لصانع لعب ويكون بديلا لبنتلي عندها سترى فريق مرعب بكل ما تعنيه الكلمه من معنى عندك مثلا سالم ونواف وناصر ونيفيز بالإضافه إلى صانع اللعب الأجنبي بالله فيه فريق بيوقف قدامك راح تاكلهم زي السلام عليكم ...والسلام عليكم |
مش احسن لو نركز على دعم الفريق بهذه الفترة!!! و الا ايش رأيك نرفع لافتة مكتوب عليها "neves out" بالنهائي؟!؟! ياخي والله عيب.. |
ما ادري انت تتكلم عن نيفيز !! اتوقع تتكلم عن عزوز الدوسري بس خانك التعبير !!! اتفق تماماً مع كل من يرى ان مستوى نيفز هالموسم فيه انخفاض لكن بالتأكيد انه ابرز لاعب بالفريق بعد الشمراني ولا ينافسه بخدمة الفريق الا الفرج للامانه |
ياناس لالعبو قدام سدني وماقدمو مستوى تكلمو ذاك الوقت |
اخي الكريم .. أتفق معك في انخفاض مستوى نيفيز و لكن ليس الى درجة انه عالة فربما كانت للاعب مهام فنية غيرت من مستواه و هناك امر آخر وهو ان نيفيز أصبح يحمل عپء الوسط لوحدة تقريبا في ظل انخفاض مستوى عزوز والشلهوب ويتحمل المدرب مسؤولية عدم منح حمد الفرصة لاثبات وجوده ومساندة نيفيز في قيادة الوسط .. ايضا نيفيز هو اللاعب الوحيد الذي يجيد خاصية التسديد بشكل متقن ومن مسافات متعددة و هذا سلاح قد تحتاج أليه لمواجهة التكتلات الدفاعية وما اكثر في دورينا . وان كان لدى الادارة بديل اكثر تميز من نيفيز فمرحبا به .. فلا يوجد قدسية للاسماء في عرفنا و الاهم مصلحة الفريق. آمل ان تتقبل كلامي وتبقى وجهة نظر .. مع اطيب تحية . والله الموفق ،، |
الله يوفق الزعيم في سيدني .... ولكن لابد من تدارك الوضع قبل النهائي الأسيوي |
يجب أن نوصل أصواتنــا إلى الإدارة ....لا نريد تكرار مثل هذه الأنانية والإتكالية في النهائي وآمَانِينـَـآ الصادقة بأن يوفق الهلال بـ حصد البطولات بإذن الله :alzaeem: |
| الوقت المعتمد في المنتدى بتوقيت جرينتش +3.
الوقت الان » 02:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd