لا حول ولا قوة الا بالله
م اقول الا الله يفكنا من هالمواضيع الطفولية : )

انا أشوف ان جمهور الهلال الليلة حضر بامتياز رغم ضعف الفريق المنافس،،
بالعكس حضروا بيض الله وجيههم وتفاعلوا،،

إقتباس الرسالة الأصلية كتبت بواسطة عقد البطولات مساك الله بالخير واشكرك ع الموضوع. اخوي لازم نعطي العذر .. للجمهور الهلالي لا نقول انه سيء ولكن كثرة بطولات الهلال وانتصاراته هي سبب من اسباب ابتعاد الجمهور. خصوصا في مباريات يعتقد الجمهور انها سهله. مثل مباراة اليوم. مع الخليج . الكل جازم بانتصار الهلال وكأنه يقول الهلال بيفوز يعني بيفوز .. بالنسبه لجمهور الاتحاد والاهلي في جده فصدقني كون الملعب جديد والناس فرحانه بحضور الملعب اكثر من كونه حضور للتشجيع واصبر الين الناس تمل وبتشوفهم يهدون من الحضور. طبعا انا بكلامي هذا لا اشجع الجمهور عى التراخي في تشجيع الهلال ولكن اوضح الفارق والسبب اللي مغيب الجمهور. ومهما كان يجب على الزعماء الحضور والتشجيع طوال وقت المباراه. لكن لا نقسوا عليهم. والحضور اليوم اشوفه جيد بالنسبه لحجم المباراه.

بالضبط كلامك في محله
وبوستين على راسك

انا كنت من الحاضرين وليتي ما حضرت قدامي مراهقين كتمونا زقارة ورى زقارة حتى مدمنين التدخين ما سووها وخلفي 5 اطفال واحد منهم طقع الشوط الثاني وخيسنا

اليوم في اكشن يادوري اظهروا صورة عدد الحضور للجماهير والهلال منافي قوي مين عنده الصورة يزودنا بها

ياليت الصورة اللي ظهرت في اكشن يادوري عن عدد الجماهير حتى نهاية الجولة الخامسة

تراها تهمني هالصورة

ممكن احد يزودني بها

الحضور اليوم جيد ويعطيهم الف عافية

لا لا ..... كويسين

بس لازم الواحد يترجاهم وتككفون ياعيال وياهوووو مايصير ..... بعد يرحون ههههههه

أنا من الشرقية .. لو بتقارن حضور الجمهور بالرياض ترى يختلف عن المناطق الاخرى

أول شي لو بتجي لعامل الجو تراكـ بالسعودية .!

ثاني شي الجمهور اكثر مباريات الهلال بالرياض .. فصاروا متعودين يحضرون مباريات الهلال والواحد يمل ترى

يضطر يستريح حق المواجهات اللي يعتقد انها تحتاج دعم قوي للاعبين

بس لما تجي للمناطق الثانية ترى الهلال يمكن بالسسنة الهلال يجي الشرقية 3 مرات بس اكيد جمهور الشرقية بيحضرها كلها بكثافه

لأن جمهور هالمنطقه ينتظر بس الهلال يحضر .. بينما تتكلم لي عن الرياض ترى حط نفسك يالهلالي مكانهم ؟

وأنا متأكد يلي تلوم جمهور الرياض انكـ منت ساكن الرياض

والله يحضرون بالموسم لو نحسبها مع المباريات الثانية الدوري خل نقول 13 مباراة كأس آسيا خل نقول 5 أو 6

كأس ولي العهد 4 أو 5 وزد عليها كاس الملك خل نقول 3 أو 4

أجمعها وشف كم مباراة لازم يحضرون بالرياض ؟

لو نفس الأشخاص يحضرون جميع مباريات الهلال ذي .. تعطلت أشغالهم

والواحد زين منه يجي المواجهات الحاسمة ولا يصير نعاتبهم بهذا الأسلوب

أختار أسلوب ما يستفزهم .. لأن الدين يسر يا أخي .. والأوادم يتحسسون من هالأسلوب هذا

ما غير طايحين ملامه على جمهور الرياض

أنا للأمانه أشكرهم على اللي يسوونه ويعطيهم ألف عافيه وهذا اللي اقوله

وسلامتكم

يعطيكم العافية ياجمهور الهلال

تفاعل معقول

جمهور الرياض
هو سر عظمة الزعيم
فلا تهذي بما لاتدري

الله يعطيك العافية وبالتوفيق لك و للزعيم

يا اخي جزاهم الله خير اللي حضروا
10564 رقم مميز جداً ومايحصل للفرق ولا بالنهائيات
بعدين مباراة دوري وقدام نادي الخليج اكيد ماراح يحضر جمهور كثير !