مساكم الله بالخير...

بعد نهاية مباراة الهلال والاتحاد واللي راحت فيها نقاط المباراة عن الهلال.. كثير من اعضاء المنتدى الله يعطيهم العافيه قالوا كل اللي بقلوبهم بعد المباراة... وانا اعتقد اننا قلنا كل شي عن المباراة..
والكثير من جماهير الهلال اعترض وبقوه على ان سامي لبس رقم غير رقمه..

وهذا اللي انا ودي اتكلم فيه..فعلا ياجماعة الخير بأي حق ياخذ الكاتو رقم نجم النجوم سامي الجابر...وانا قريت الكثير من الاعضاء في هذا المنتدى قالوا:مافرقت سواء لبس رقم 9 او 25...!!!!!!!!
لا..والف لا..وهذي مهيب تفاهه على قولتهم..هذا حق من حقوق حبيبنا سامي..وليش وعشان ايش ماياخذ رقم9..هذا رقمه من يوم طلع في الهلال وهذا رقمه في المنتخب وهو كابتن المنتخب...ومعقوله هاللي رافع ضغطناوصاحب احلى تصفيقه في العالم ياخذ رقمه وعمه سامي موجود..يعني بصراحه مادري وشلون رضا الكاتو انه ياخذرقم9 وسامي موجود..!! يعني مايدري وش كثر جمهور الهلال يموت على شي اسمه سامي..بس مانقول الا(اللي اختشوا ماتوا)..!!!والمشكله هالطيبه الزايده اللي بسامي اللي مخليته مايقول شي عن هذا الموضوع..

يعني بالعربي هذي الحركه مالها داعي ابدددددددد....

اصلا سامي كان مضطر انه ياخذ هالرقم لانه ما كان متاكد من مشاركته في البطولة ..

كلن على همه سرى
ياليت اخوي العزيز مانثير مثل هذي المواضيع الي تظر ماتفيد الفريق وتزرع الحزازيه وسامي حبيبنى سوا لبس 9 - او 100 - فياليت نكتفي بهذا القدر وشكراً على اجتهادك

وين جالسين ياشباب
 

حبيبي هلاليووووو


الله يهديك تبي ننسى الهزيمه ونفكر وش لبس سامي

ما بقى الا اننا نقول ان امس سامي ما قدم مستوى عشانه ما لبس رقم تسعه والله ياشباب لو انهم يلعبون بحارتنا ما اختلفوا لازم نكبر عقولنا ياشباب وش دخل الرقم هو اللي يجيب الهدف والا ايش



ما اقول الا الله يوفقك يالازرق بكره

هلا شباب

صحيح الهلال اهم من رقم سامي
وصحيح الرقم ماراح يغير في مستوى اللاعب شيء

لكن سوال بسيط

وش اللي يمنع ان سامي يرتدي رقم 9 المعروف به بالاظافه الى ذلك الكاتو لاعب محترف ودفع فيه مبالغ كبيره وهو تحت تصرف النادي ولايحق له رفض اي رقم تحدده له اداره الكره

يا أخي رقم لا طلع ولا نزل
وحنا ضحكنا على النصراويه يوم علقو تسعتهم ونصير زيهم

والله يا شباب ما كان ودي ادخل في موضوع مثل هذا في وقت مثل هذا

لكن الهلال اهم من سامي ومن غيره ..........
وعموما السبب من اللجنه الفنيه لأن سامي ما سجلوه الا متأخرين والكاتو كان مسجل من قبل .........
والسلام ... وبعدين يلبس سامي ان شاء الله رقم 99 اهم شيء يعطينا مستوى .... ويتأهل الهلال

اسمحوا لي اقول اللي يفكر بالرقم ليس هلالي
لان اللي بلش بالرقم ونسى الهزيمه اكيد انه ماتذكر الهلال من الاصل
والا انا غلطان؟؟؟؟!!!
نحن جمهور الهلال وليس جمهور سامي

احسنت اخوي الزئبق

اخوي الزئبق..
مادري بأي حق تقول ان اللي يفكر بالرقم مهوب هلالي...!!!

الظاهر انك ماقريت بدايت الموضوع..انا قلت طال عمرك اننا تكلمنا في المباراة كثير... والله يعطي الشباب الف عافيه...لكني تطرقت لنقطه معينه اللي هي ان سامي مالبس رقمه المعتاد...والشباب ماقصروا..ردوا علي وقالوا ان سامي تمت اضافته لقائمة الاسماء المشاركه في البطوله متأخر..وعشان كذا اخذ رقم غير رقمه...

بس..هذه السالفه ومافيها..فما دري ليش تكبير الموضوع وتقول هذا مهوب هلالي..

فالرجاء اخوي انك ماتتكلم على كيفك ومزاجك وتقول هذا الكلام مع كامل احترامي وتقديري لك يالزئبق وللي رد علي بعدك...