هل نجح السيد حسين عموته .... ام فشل مستر ريجي .؟ من طلعت من الملعب ونا اسأل نفسي هل نجح مدرب السد في خنق الهلال وتصعيب الامور عليه ؟ والدليل خسارة الهلال " بفوزه بهدف واحد فقط " . وهل فشل ريجي في هزيمه السد هزيمه تريحه في الاياب .؟ والدليل فوز السد بانه " لم يخسر الا بهدف واحد فقط " . # كل ما تذكر منظر ذلك الجمهور قلت تبا لك يا اسيا ...# الله يجيبها بكرمه وفضله . |
بالعكس نتيجة كويسه باذن الله الان يبد ريجي يمخمخ عليهم السد رايح يدخل المباراة وهو مضغوط ويكون خايف يدخل في مرماه هدف وهذا يكلفه ٣ اهداف عشان يتأهل ولا تنسى السد ماراح يدافع وراح يترك مساحات للهلال وهذي ندورها من زمان بعكس الفرق اللي تجي الرياض اللي تدافع بالتوفيق للهلال |
الكفة متقاربة اكثر من فوز او خسارة احدهم لكن متقدمين بخطوة افضل من لاشي وان شاء الله الفوز سهل بالدوحة لان عامل الجمهور مايأثر بشكل كبير عندهم بل مرات جمهورنا اللي يغلب وبالتوفيق للسابعه ان شاء الله |
افضل نتيجة تطلع فيها انك تفوز وفريقك ما يدخل مرماه هدف يعني في مباراة الاياب ، تسجل هدف في بداية المباراة ! تقريباً يحسم لك التأهل .. ! |
مثل هذه المباريات مطلوب منك الانتصار + عدم تلقي مرماك لاهداف اعتقد ان الهلال كسب بهذه النتيجه وفي مباراة الدوحه للمدرب الكلمه الكبرى باذن الله |
بالتوفيق لي الزعيم كل شيء كان حلو في المبارة لاكن هجومنا كان يضيع الفرص الحمد الله علي الفوز الدفاع كان ممتاز مشاء الله عليهم ان شاء الجاي احلى بي اذان الله |
برأيي ان كلاهما ربح بالعقل وليس العاطفة فإن الهلال كسب المباراة بهدف ومستوى رائع والتزام تكتيكي مطمئن وعدم تقبل اهداف وهذا الاهم والسد كسب بأن خرج بأقل الخسائر الفوز بهدف اراه في صالح الهلال واتفاءل به ان شاء الله فهذا الفارق البسيط سيجعل اللاعبين والمدرب يستشعرون الخطر ويقدمون افضل ماعندهم عكس لو كان الفارق كبير فقد يتخاذل الفريق كما حدث امام الغرافة مع جريتس قبل مواسم |
إقتباس:
للتصحيح سأعيد كتابة جملتك ( الغير مفيدة ) كي تتداركي الكوارث الإملائية في كتاباتك بالتوفيق للزعيم كل شيء كان حلو في المباراة لكن هجومنا كان يضيع الفرص الحمد لله على الفوز الدفاع كان ممتاز إن شاء الله الجاي أحلى بإذن الله |
المدرب ريجي خرج بأقل المكاسب وعموته خرج بأقل الخسائر ومن خلال مباراة الاياب أتوقع من ريجي أن يدخل مدافع أو يدخل مهاجم ليخطف هدف ثم يتراجع بعكس مدرب السد سيدخل مهاجم والله أعلم وان شاءالله الهلال يخطف كاس اسيا. |
إقتباس:
|
اتوقع والعلم عندالله ان ريجي دخل وفي راسه ان اسيا اكبر من مما شاهد وان السد قوي جدا على العموم لن نستطيع التكهن مباراة الاياب ستثبت في ماذا كان يفكر ريجي وكيف كان اعتقاده عن البطوله وعن السد |
أهم شي ما جاء فينا هدف وهذا هو المهم .. مباراة الشوط الثاني إن إستطاع الهلال تسجيل هدف بأول الدقائق سَ تتكرر الخمسه بإذن الله .. ليس هذا المهم ولكن الأهم أن نتأهل بإذن الله . |
نسبة تاهل للهلال 65% السد 35% |
نتيجه جيده وتخدمنا بالاياب ولا بد عشان نرتاح نسجل هدف نصعب المباره على السد يصير يبغاله ٤ السد عشان يتاهل |
لم اتحمس لتسجيل هدف ، قدر تحمسي لعدم ولوج هدف في مرمانا يعني نتيجة حلوووه والطمع مو زين. |
نتيجه ممتازه تسجل هدف ولا يلج مرماك هدف وليش فشل ريجي وانت شفت فرص محققه للهلال ريجي سوا اللي عليه ماقصر . |
بالتوفيق للزعيم الملكي ويوم الثلاثاء القادم انشاء الله تأكيد للانتصار |
لو نسجل هدف من البدايه راح نسجل 3 |
والله انا اشوف انه مدرب السد عمل المطلوب منه وهو الا يدخل في مرمى فريقة اكثر من هدف وحاسب الف حساب للاياب اما مدرب الهلال نفس الشي عمل الاهم وكسب المباراة لاكن اتمنى يعمل على مباراة الاياب بشكل كبير |
اتوقع كلاهما نجح مع افضليه لريجي لو نلاحظ عموته لعب بخطه دفاعيه تقريباً مع ذلك الهلال في الشوط الاول هجم هجمتين للشمراني ونيفيز والفرج وسالم اتوقع لكن ماسجلنا اي هدف كذلك الشوط الثاني ضيعنا عدة هجمات وسجل الفرج الهدف الحمد لله وبعد 14 تمريره + افضل شي تنتهي المباراه ومايدخل مرماك اي هدف .. وان شاء الله في المباراه القادمه نحاول نسجل هدف بدري وبنحسم التأهل ان شاء الله |
إقتباس:
حبيبي ، أول شي اهتم لكوارثك الإملائيه قبل ماتهتم لكوارث غيرك انت كتبت ،، الغير مفيده وهذه كارثه كبيره وفضيحه لغويه صريحه ،، لأن الـ لاتدخل على غير بمعنى لايصح ان تضيف الـ التعريف على كلمه غير الصح ، غير المفيده الخطأ ، الغير مفيده |
نقدر نقول عموته نجح وريجي لم يفشل ..! على فكرة النتيجه رغم انها غير مطمئنه الا انها تدعو للتفائل !! لأننا لو نتذكر مباراة ذوب اهن الايراني حينما خسرنا في ارضه 1-0 ورغم الحضور الجماهيري الغفير في الدره وشحذ الهمم الا انه حافظ على شباكه وسجل هدف انهى الطموحات الهلالية وانا متفائل بتكرار السيناريو لكن لصالحنا بحول الله ،، مع الأعتبار ان جماهير السد لاتقارن بعدد او فعالية الرقم الصعب. |
مدربهم هو الذي فشل من طريقة لعبه توحي انه كان يريد التعادل |
الهلال نجح المهم في المباريات اللى على ارضك ما يدخل عليك قوول شف اولسان وذوب هن وكثير من المباريات |
والله ي صديقي ان كان تبي الاهم فهو عدم ولوج هدف في مرمانا فهدف الخصم في ارضك يعتبر بهدفين ودائما ما يكون قاتل , مباراة اولسان خرجنا من ملعبهم 1-0 , ولم نستطيع ان نسجل اي هدف فدخلنا مباراة الاياب بكل قوة هجومية والنتيجة ؟؟؟ هدف واحد فقط من بعده تبعته ثلاث اهداف قاتلة , الذهاب والاياب ثقافة وليست نتيجة , خروجك من ارضك خالي من الاهداف في مرماك يعتبر فوز حتى لو انتهت تعادل وهذا ما سعى اليه ريجي اما عموته يحاول قدر الامكان انه يخرج بأقل الخسائر لأنه في الاياب انا متأكد انه بيضرب من البداية وسيكون السد مرتبك طوال المباراة ريجي يريدها تاريخية في الاياب وانا عند كلامي وحطها فالمفضلة |
صح إقتباس:
يعطيكم العافية جميعآ لازم ريجي ما يدخل خايف ومدافع بقوة يجب عليه الهجوم لإدخال هدف ثم التراجع |
وكل الله يامحب وسترى التأهل من الدوحة له طعم آخر ؟ المدرب الهلالي ماقصر لكن إرادة الله ثم التكلتل الدفاعي سترى السد عندما يفتح اللعب سينهار السد وتجرفة امواج الزعيم الى المجهول وكل الله وتفاءل أيها الشقردي |
تطلع على ارضك فايز افضل من ان يدخل في مرماك هدف او تطلع متعادل او خسران كان طموحنا المزيد من الاهداف وحصلت فرص لكن مافيه نصيب . الحمد الله على كل حال . اعتقد ان مدرب نادي السد كان يسعى لعدم تلقي نادي السد نتيجه قاسيه كالماضي وكان مهتم الخروج من المباره بالتعادل والدليل ردة فعل الحارس القطري ... المدربان نجحا من ناحية عموته فالهدف سجل في وقت متأخر . ومن ناحية ريجي عدم تلقي الفريق هدف في مرماه وعلى ارضه . والعوارض وحراسة المرمى ساهمت في خروج المباره بهذه النتيجه . بالتوفيق لزعيم آسيا نادي الهلال السعودي بمبارة الرد ... |
نعم نجح مدرب السد بتقفيل وهذا من حقه لكن ترا الهلال ماهو بكامل مستواه والدليل تياقو ماقدم شي لكن لو تياقو بيلعب بمزاج في الدوحه صدقني وبأذن لله التاهل من نصيب الهلال على فكره ماشفت الشهراني ينطلق كثير والسبب نذير بلحاج المتعب جدآ في المباراة الجايه يجب التركيز على نذير بلحاج هذا الاعب بكفه والسد كله في كفه |
النتيجة جدا ممتازه ولك في مباراة الريال والبايرن الاخيره خير مثال المباراة الاولى حرص انشلوتي على عدم ولوج هدف في مرماه ومحاولة تسجيل هدف باي طريقة والاياب امن الدفاع وهاجم وكانت النتيجة 4 مع الرأفة اتمنى من ريجي يلعب 4-2-1-2-1 بالتوفيق وبإذن الله نتأهل |
إقتباس:
عاد الحين الجد وش عليك منها ياخي اهم شي ينقرى كلامها 😂😂 |
الفوز جميل و مطمئن و الاجمل انه ما تسجل فيك .. يعني تفوز 1-0 احسن من انك تفوز 2-1 او 3-2 يعني صح المدرب يفكر بالفوز و بنفس الوقت ما يتسجل فيه فلعب بإتزان صعبه يغامر و يندفع |
الحمدلله على النتيجة ، وأنا أعتبرها نتيجة جيدة لأن لاعبين الهلال واجهوا ضغط من الجمهور في عدم التسجيل ومدرب السد أغلق كل منافذ الهجوم الهلالية نيفيز وناصر غيب شمسهم في ضل خطته الدفاعية مع المرتدات التي أنقذ السديري إحداها ،وهدفناجاء من الدفاع الظهير الأيسر سلمان الفرج، وأتوقع في الإياب أن يلعب عموته بطريقته الدفاعية مع المرتدات لتباتا ونذير بالحاج ، وإذا فتح اللعب ولعب بطريقة هجومية فهو لعب بالنار ، لأن الهلال معروف ماشاء الله أن أي فريق يفتح اللعب أمامه يؤكل وبإذن الله إنها تاريخية للزعيم إذا فتح الملعب ، والحمدلله فريقنا في أفضل حالاته في الحراسة والدفاع والوسط والهجوم وبإذن الله يستمر . |
اعتقادي ان ريجي كسب خصوصا انها اول مباراة في اسيا ... هدف دون رد على ارضك تفتح ملعب الخصم في الاياب . |
اعتقد ان الفوز بهدف مهم والاهم من ذلك لم يسجل في مرمانا يعني في مباراة الاياب اذا سجل الهلال هدف يحتاج السد 3 اهداف حتى يتاهل |
وجهة نظري الهلال يجب ينهي المباراه الاياب من الشوط الاول .....ولا لنا في مباراة الغرافة الاياب سنة 2010 اكبر عظه |
لن يفتح السد اللعب امام الهلال .... وان فعلها فالله يكون بعونه . فريق متأخر بهدف وسيعاني من ظغط جمهوره للفوز . اتمنى ان الهلال يلعب باقل مجهود ويقفل الخطوط حتى ينهار الفريق المقابل معنويا ولياقيا هذي كفيله بانهاكه . مثل ما عمل معنا مدربهم قفل قفل الي الربع الاخير من المباراة وبدا يقسم صح في نص الملعب ولكن هدفنا فاجأهم وشوف فرحه ابو فيصل وتعرف اثر الظغط النفسي من الوقت والجمهور واللياقه . اشكر من زار وعلق وابدع كالعاده فريق ملوك . |
يعطيك الف عافية وبالتوفيق للزعيم |
من منظوري الأثنان نجحوا ريجي خطة متوازنة بين الدفاع والوسط والهجوم وحمودة تقفيل ممتاز وعلى الهجمة المرتدة |
هل نجح السيد حسين عموته .... ام فشل مستر ريجي .؟ العنوان الصح هو : هل نجح مستر ريجي ..... أم فشل السيد عموته والجواب نعم نجح ريجي وفشل عموته والهلال قطع أكثرمن 60% من التأهل لدورالأربعة فقط يشد الحيل في الدوحة |
مشكله ان الكل صار يحلل ويكتب على كيفه اجل تسمي ان السد خسر 1-0 نجاح .؟؟؟ وفوزك تعتبره فشل لمدربك ؟؟؟ ياخوي مشكلتك شايف مباراه الخمسه وخلاص صار عندك طمع تبيها كل مرره لكل مباراه ظروفها ولو جت فرصه ناصر الدقيقه الثالثه او عالاقل فرصه سالم الدقيقه 12 كان شفت نتيجه اكبر المهم في مبارايات الذهاب والاياب ان تفوز في ارضك وان مرماك مايتسجل فيه وهذا اللي حصل لنا والحمدلله باقي الاياب ندخل بتركيز عالي وبتوازن ونخطف هدف ونقتلهم |
اختصر عليك (كلهم نجحوا) نجح مدرب السد في الحد من خطورة الهلال وتقليل النتيجه . ونجح مدرب الهلال في الفوز |
هي ثلآآث بسسس ::: 1- العآآبد يكون بدآل القحطاني لتكثيف خط الوسط و الإستحواذ على الكرة 2- الثنيان بدآآل السديري . ! لأنه مهزوز و مصدر قلق للآعبين و الجهاز الفني و الجمهور 3- الضغط على حآمل الكرة و التمرير السريع ,!! قوة السـد عند : تـآبـآتـآ + نـذيـر ,!! إيقافهم يعني إيقاف السد عن كل الهجمات ,! آسيا بإذن الله قريبة ,.! 90 دقيقة قآدمة إذا تجاوزناها _"_ فإن آسيا أصبحت سهلةة ,! و بين أيدي الهلآآل بإذن الله |
تحسون الخمسه اللي هزمنهم فيها يتكرر ... لابد احترام الخصم والفريق مقفل مرماه ومع ذلك .. استقبل هدف والإياب راح يقفل ويعتمد ع تسديد خارج منطقه وهجمات مرتدة من أطراف لوجود نذير بن حاج |
بالعكس ما فعله عموته دليل واضح على ضعف دفاعه ولو كان يلعب خارج ارضه فدائما ما يستخدم الانسان السلاح الاقوى لديه وعموته كان واضح عليه الخوف من اخطاء الدفاع الكوارثيه اتوقع ان الاياب والعلم عند الله ان عموته سوف يلعب على الهجمات المرتدة لمد المباراه إلى ضربات الترجيح باختصار السد لو فتح ملعبه راح ياكلها دفاعه هش |
كلا المدربين حصل على الحد الأدنى من الطموح |
تخيل فاز الهلال بنتيجة 2-4 كيف سيكون موقفنا في الدوحه وانت ولج في مرماك هدفين في حين السد سيكفيه هدفين فقط ويتاهل اقول احمدلله ع هالنتيجة اولا ان لم يقبل اي هدف ثانيا الهدف الوحيد سوف يعطي اللاعبين اكثر مسؤليه ان يركزو اكثر ثالثاً السد سوف يفتح ملعبه عشان يسجل وهنا ياتي مهمه سالم الدوسري . الشمراني ونيفيز في اختراقات المنطقه المفتوحه مما يؤدي الى تسجيل اهداف للهلال او ركون السد للعب المعتدل اتركو اللاعبين والفريقين بلاش ضغط عليهم من الان بالمواضيع ذي واشغالهم |
إقتباس:
عفوا : من هو المهزوز؟؟؟؟؟ اذا تقصد السديري اقول الله يرحم حالك بس ليتهم يدرون عنك كان ياخذونك مكانه :s2: |
انا صراحة نسيت موضوعكم وانسجمت مع درس اللغة العربية ههههههههههههههههههههههههههههههههههههههههههههه لتصحيح ههههههه لا توجد باللغة العربية فقط لتجميع بعض الكلمات المستخدمة لا وجود لها باللغة العربية وش ليش بس خلاص مافي امكن و ربما اكثركم يفيدنا في هذ النقطة المهم نرجع للمباراة ونتيجتها اعتقد افضل نتيجة مباراة خروج مغلوب هي 1-0 في ملعبك والسبب كالتالي: 1- لا تجعل فريقك يتراخى امام الخصم نهائيا ويكون مطالب بتسجيل على اقل تقدير 2- لا تجعل الخصم يهاجم بشراسه كما لو كانت النتيجة 2-0 يعني اما اكون او لا اكون 3-لا تجعل الخصم يلعب براحة مطلقه كما لو كانت النتيجة 3-0 فلا يوجد شيء يخسره سوى ان يؤدي مباراة اكثر من رائعة 4- نتيجة 1-0 مع اولسان في كوريا قبل العام والله جعلتني ما اشوف مباراة الاياب لانها ذكرتني في مباراة مع سباهان 1-0 في ايران واسف على الاطالة |
يعطيك الف عافيه والله يوفق الزعيم ان شاء الله |
نجح ريجي ولم يخفق مدرب السد نجح مدربنا بانه لم يلج مرماه هدف وكسب ثلاث نقاط بهدف واحد سهل تعويضه في الإياب ولم يخسر مدرب السد عموته لانه استطاع الخروج بأقل الأضرار رغم صعوبة الموقف أمام الزعيم وأمام 70 الف متفرج يعني مجموع جمهور أندية قطر طول العام في جميع البطولات المباراة القادمة والعلم عند الله بيد المهاجمين والوسط فمتى ما كانوا في الفورمة أتوقع أنهم سيعودون بنتيجة جميلة أكثر من هدفين والعلم عند الله |
خماسية سامي هي السبب السيد عموته راح يدافع بالشوط الأول ويعتمد على المرتدات اتمنى من اللاعبين بقتل اللعب والتمرير لكي يحس السد بالخطر |
اتوقع والعلم عند الله ان السد بيكون مضغوط والهلال سيواجه مساحات كبيرة وهذا مايطلب نيفيز وناصر وسالم وياسر والفرج بصراحه السد 30% الهلال70% والخوف من أن السد يسجل هدف في اول عشر دقائق |
فريق السد كان يدافع بصوره غريبه حتى بعد ماسجل الهلال هدفه اتوقعت يفتحون الملعب لكن استمرو على نفس الطريقه لكن الله يوفق الزعيم ويتاهل وياخذ بطولة اسيا |
هدف أول عشرة دقايق سيحطم الفريق الآخر أتمنى من ريجي الضغط لتسجيل هدف أول الدقايق |
أنا أشوف ان مدربنا ريجيكامب نجح رغم التنظيم الرائع لدفاع السد بدليل كم الفرص المهدره من نجوم الهلال مدربنا رائع جداُ الله يوفقة مع الهلال |
افضل نتيجة ان تخرج بهدف فالذهاب لكي يدخل لاعبي فريقك الاياب وكأن النتيجه 0/0 ويصرون على التسجيل لتوسيع الفارق .. لكن اذا صارت نتيجة كبيرة ما راح يقدمون شيء كلقاء الغرافة قبل ثلاث مواسم |
الوقت المعتمد في المنتدى بتوقيت جرينتش +3.
الوقت الان » 01:10 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd