من طلعت من الملعب ونا اسأل نفسي هل نجح مدرب السد في خنق الهلال وتصعيب الامور عليه ؟
والدليل خسارة الهلال " بفوزه بهدف واحد فقط " .
وهل فشل ريجي في هزيمه السد هزيمه تريحه في الاياب .؟
والدليل فوز السد بانه " لم يخسر الا بهدف واحد فقط " .
# كل ما تذكر منظر ذلك الجمهور قلت تبا لك يا اسيا ...#
الله يجيبها بكرمه وفضله .

بالعكس نتيجة كويسه باذن الله
الان يبد ريجي يمخمخ عليهم السد رايح يدخل المباراة وهو مضغوط ويكون خايف يدخل في مرماه هدف وهذا يكلفه ٣ اهداف عشان يتأهل ولا تنسى السد ماراح يدافع وراح يترك مساحات للهلال وهذي ندورها من زمان بعكس الفرق اللي تجي الرياض اللي تدافع
بالتوفيق للهلال

الكفة متقاربة اكثر من فوز او خسارة احدهم
لكن متقدمين بخطوة افضل من لاشي
وان شاء الله الفوز سهل بالدوحة لان عامل الجمهور مايأثر بشكل كبير عندهم بل مرات جمهورنا اللي يغلب
وبالتوفيق للسابعه ان شاء الله

افضل نتيجة تطلع فيها انك تفوز وفريقك ما يدخل مرماه هدف
يعني في مباراة الاياب ، تسجل هدف في بداية المباراة !
تقريباً يحسم لك التأهل .. !

مثل هذه المباريات مطلوب منك الانتصار + عدم تلقي مرماك لاهداف
اعتقد ان الهلال كسب بهذه النتيجه وفي مباراة الدوحه للمدرب الكلمه الكبرى باذن الله

بالتوفيق لي الزعيم كل شيء كان حلو في المبارة لاكن هجومنا كان يضيع الفرص الحمد الله علي الفوز الدفاع كان ممتاز مشاء الله عليهم ان شاء الجاي احلى بي اذان الله

برأيي ان كلاهما ربح
بالعقل وليس العاطفة فإن الهلال كسب المباراة بهدف ومستوى رائع والتزام تكتيكي مطمئن وعدم تقبل اهداف وهذا الاهم والسد كسب بأن خرج بأقل الخسائر
الفوز بهدف اراه في صالح الهلال واتفاءل به ان شاء الله فهذا الفارق البسيط سيجعل اللاعبين والمدرب يستشعرون الخطر ويقدمون افضل ماعندهم عكس لو كان الفارق كبير فقد يتخاذل الفريق كما حدث امام الغرافة مع جريتس قبل مواسم

إقتباس الرسالة الأصلية كتبت بواسطة عاشقة رادوي 22 بالتوفيق لي الزعيم كل شيء كان حلو في المبارة لاكن هجومنا كان يضيع الفرص الحمد الله علي الفوز الدفاع كان ممتاز مشاء الله عليهم ان شاء الجاي احلى بي اذان الله

للتصحيح سأعيد كتابة جملتك ( الغير مفيدة ) كي تتداركي الكوارث الإملائية في كتاباتك


بالتوفيق للزعيم كل شيء كان حلو في المباراة لكن هجومنا كان يضيع الفرص الحمد لله على الفوز الدفاع كان ممتاز إن شاء الله الجاي أحلى بإذن الله

المدرب ريجي خرج بأقل المكاسب
وعموته خرج بأقل الخسائر
ومن خلال مباراة الاياب أتوقع من ريجي أن يدخل مدافع أو يدخل مهاجم ليخطف هدف ثم يتراجع
بعكس مدرب السد سيدخل مهاجم
والله أعلم
وان شاءالله الهلال يخطف كاس اسيا.

إقتباس الرسالة الأصلية كتبت بواسطة tt3ab-Ma3i بالعكس نتيجة كويسه باذن الله الان يبد ريجي يمخمخ عليهم السد رايح يدخل المباراة وهو مضغوط ويكون خايف يدخل في مرماه هدف وهذا يكلفه 3 اهداف عشان يتأهل ولا تنسى السد ماراح يدافع وراح يترك مساحات للهلال وهذي ندورها من زمان بعكس الفرق اللي تجي الرياض اللي تدافع بالتوفيق للهلال

انت صح وانا أؤيد كلامك مائه بالمائة السد سيلعب في الدوحة بأسلوب مختلف وسيضطريفتح اللعب وأتوقع بإذن الله والعلم عند الله ان الهلال سيفوز بالدوحة بنتيجه أكبر من نتيجة الرياض (دعوهافي المفضلة)

اتوقع والعلم عندالله ان ريجي دخل وفي راسه ان اسيا اكبر من مما شاهد وان السد قوي جدا
على العموم لن نستطيع التكهن مباراة الاياب ستثبت في ماذا كان يفكر ريجي وكيف كان اعتقاده
عن البطوله وعن السد

أهم شي ما جاء فينا هدف وهذا هو المهم ..

مباراة الشوط الثاني إن إستطاع الهلال تسجيل هدف بأول الدقائق
سَ تتكرر الخمسه بإذن الله ..

ليس هذا المهم ولكن الأهم أن نتأهل بإذن الله .

نسبة تاهل

للهلال

65%

السد

35%

نتيجه جيده وتخدمنا بالاياب ولا بد عشان نرتاح نسجل هدف نصعب المباره على السد يصير يبغاله ٤ السد عشان يتاهل

لم اتحمس لتسجيل هدف ، قدر تحمسي

لعدم ولوج هدف في مرمانا

يعني نتيجة حلوووه والطمع مو زين.