السلام عليكم ورحمة الله وبركاته
الف مبروك الست نقاط وعقبال الفوز بالست مباريات القادمه بأسيا
عندي سؤال بخصوص القناه سألت الأمير عبدالرحمن من خلال تويتر وطبعا كعادة المشاهير مايشوفون الا الرسايل الي تعجبهم
هل قناة الزعيم من حقها تنقل مبارايات الهلال بأسيا ولا لا ؟؟
اتمنى احد يوصل هالسؤال للحميداني بما انه هو المسؤل عنها
مع اني اشوف من حق اي نادي عنده قناه ان قناته تنقل والي يبغى يشتري يشتري بس ما ادري
الاتحاد الاسيوي كيف نظامه



ريجي الى الأن قاعد يثبت للجميع انه افضل مدرب بالدوري وحتى الهلاليين نفسهم جمهور سامي الي كانو يتمنون ان الهلال يطلع من اسيا ولايقدم اي مستوى عشان يشمتون بالأداره محد فيهم تكلم لأنه سكتهم بالعمل الجبار
محمد القرني رجع لمستواه الأول ولو يثبت عليه راح نقدر نستغني عن بنتلي لأن مستواه البارح كان مميز
عبدالعزيز الدوسري علامة استفهام يانه يشد حيله ولا المدرب مايجامل الحمد افضل منه


وثاني شي مباراتين للهلال مهمه بالدوري اثبتت لي ان وجهة نظري بالثنيان كانت صحيحه
منذ اعلان التوقيع معاه وانا ما اقتنعت فيه اصلا السديري رغم سوءه الا انه افضل واضمن وخصوصا اخر الموسم
تحسن مستواه
ما ادري ريجي ليه كيف مقتنع فيه من المباراه الأولى مع العروبه تحس انه مهزوز ومو مركز وماشيه معاه بالبركه رغم ان المباراتين مع العروبه والشعله يعني مافيه قوه هجوميه والله يستر منه بمباراة السد اذا ماركز مع تمنياتي ان السديري يرجع للتشكيله
حاليا بالسعوديه مافيه حراس بعد الدعيع وافضل السيئين السديري وعبدالله العنزي ووليد عبد الله والباقين مشي حالك
اتمنى التوفيق للملكي قدام السد ونحسمها من الرياض ونعطيهم 7 -0
اتمنى منكم ياملوك تكررون الحضور بمباراة ذوب اهان الي كان 68 الف نبغاها 70 الف الاتحاديين يتحدون على الحضور الجماهيري رغم اني متأكد لو ان الملعب مو جديد والكل يبغى يشوفه ماكنا نشوف الا 15 وان كثرت 20 الف لأن الرقم الصعب للملووك
تكفون ياشقرديه #نبيها_فل خلو المقاهي والأستراحات للجماهير الثانيه
وتنبيه مهم اتمنى يوصل لمجلس الجمهور انهم ينبهون الجماهير اي شخص يسوي شغب او يرمي مفرقعات يسلمونه للعسكر مو ناقصين عقوبات
ليتيني ساكن بالرياض ...................
لكن ننتظر الملكي يشرفنا جده ...

اشكر المشرفيييين على الرفع ....

إقتباس الرسالة الأصلية كتبت بواسطة iOsαмαн قنوآت BeIn Sport مآباعَت الحقوق على القنوآت الخليجية، تبيهآ تبيعه على قنوآت أندية .. مآ أتوقع حتنقلهآ ، لكنَ إن شآء الله الإدارة فيهآ الخير والبركَة ..

فيه فرق بين قنوات الأنديه والقنوات التجاريه
لأن لولا الله ثم الأنديه ماكان استفادة بي ان سبورت يعني من حقي كنادي انقل مباراتي على قناتي الخاصه واستفيد
سؤال : قد سمعت ان الأتحاد الاسيوي وزع ارباح النقل على الانديه المشاركه بالبطوله ولا هم يلهفونها اذا ماتاخذ الأنديه فلوس فهذي مصيبه .......

والله انا مثلك ابي اعرف

بس ماتحس انك كثرتها نهزم السد 7 0 ! هههههههههه

السد فريق قوي وان شاء الله نهزمهم 5

إقتباس الرسالة الأصلية كتبت بواسطة barhumi ريجي الى الأن قاعد يثبت للجميع انه افضل مدرب بالدوري وحتى الهلاليين نفسهم جمهور سامي الي كانو يتمنون ان الهلال يطلع من اسيا ولايقدم اي مستوى عشان يشمتون بالأداره محد فيهم تكلم لأنه سكتهم بالعمل الجبار محمد القرني رجع لمستواه الأول ولو يثبت عليه راح نقدر نستغني عن بنتلي لأن مستواه البارح كان مميز عبدالعزيز الدوسري علامة استفهام يانه يشد حيله ولا المدرب مايجامل الحمد افضل منه

مافيه اي هلالي صادق بحبه لزعيم تمنى ان الهلال يخسر علشان يشمت زي ماتقول حضرتك
لكن اذا انت كنت تتمنى ان الهلال يفشل لو استمر سامي الجابر فهذا شانك
لكن لا تعمم تفكيرك المريض على جمهور الزعيم
لكن كل واحد يرى الناس بعين طبعه
صحيح فيه جمهور يعشق ويحب سامي الجابر وانا واحد منهم لكن يبقى حبنا للهلال ككيان وفريق يفوق حبنا لاشخاص لولا الهلال ما كانو ولا صارو سامي الجابر او غيره

بصراحة انا ضد كل من ينتقد لاعب قادم للهلال واخص بالذكر الثنيان

لاني ارى انتقادات حادة ووصفه بأبشع الاوصاف

اللاعب حضر لبيئة مختلفة عن ناديه

فريق كبير وفريق بطولاتي وشعبية طاغية وكل شيء مختلف تماما عن التعاون

واللاعب طبيعي يظهر بهذا المستوى سواء كان هزيل او غيره

لا ننسى في السابق السديري كان سيئ وياما نكبنا وياما اخطأ اخطاء فادحة

ومع ذلك طاله الانتقادات حاله حال الثنيان , لكن السديري عاد آخر الموسم بشكل مختلف تماما

وما اقصده هنا , يجب علينا دعم اللاعبين خاصة الثنيان

لابد من اننا ندعمه ونؤازره حتى تعود الثقة للاعب ويعود لمستواه كما كان مع التعاون

وبإذن الله الثنيان قادر على استعادة مستواه , والحكم عليه من خلال مباراتين ظلم بصراحة

الاهم الدعم يازعماء والفريق ككل محتاج للدعم والمساندة

وبإذن الله الفوز والتأهل حليف الملكي

إقتباس الرسالة الأصلية كتبت بواسطة ايــام ريــفــو العنوان مخالف للموضوع المشرفين والمراقبين نايمين بالعسل عن الأشكال هذي وحركاتهم البايخه

مابقى الا انت تقيم المواضيع اذا الموضوع مو عاجبك بأمكانك تتجاهل الموضوع

إقتباس الرسالة الأصلية كتبت بواسطة هلالي القلب والهوى بصراحة انا ضد كل من ينتقد لاعب قادم للهلال واخص بالذكر الثنيان لاني ارى انتقادات حادة ووصفه بأبشع الاوصاف اللاعب حضر لبيئة مختلفة عن ناديه فريق كبير وفريق بطولاتي وشعبية طاغية وكل شيء مختلف تماما عن التعاون واللاعب طبيعي يظهر بهذا المستوى سواء كان هزيل او غيره لا ننسى في السابق السديري كان سيئ وياما نكبنا وياما اخطأ اخطاء فادحة ومع ذلك طاله الانتقادات حاله حال الثنيان , لكن السديري عاد آخر الموسم بشكل مختلف تماما وما اقصده هنا , يجب علينا دعم اللاعبين خاصة الثنيان لابد من اننا ندعمه ونؤازره حتى تعود الثقة للاعب ويعود لمستواه كما كان مع التعاون وبإذن الله الثنيان قادر على استعادة مستواه , والحكم عليه من خلال مباراتين ظلم بصراحة الاهم الدعم يازعماء والفريق ككل محتاج للدعم والمساندة وبإذن الله الفوز والتأهل حليف الملكي

اذا ما انتقدنا الحين متى ننتقد لين تطير الطيور بأرزاقها
انا ماعندي مشكله نصبر عليه لكن بالدوري المحلي مو بأسيا اسيا يبغالها فريق جاهز
السديري ببداياته كان مبدع لكن لمن ضمن انه اساسي بدا يطيح مستواه انحبس بالدكه وعرف انه اذا ماشد حيله راح يكون مثله مثل الي تنسقو
ياخي عندك الدعيع جا من الطائي للهلال وبدع رغم ان الطائي فريق صغير لايقارن بالهلال وش معنى الدعيع ماكان زيه
السبيعي نفس الكلام رغم اخطائه لكن اهون من الثنيان ماعنده ارتباك
انا ماني ضد الثنيان شخصيا انا ملاحظاتي على اداءه رغم المعسكر الطويل والتجهيز ودوبه شباب لازم يثبت نفسه لأن فيه السبيعي والسديري وشراحيلي رجعته قريبه
وانا اتمنى يكون السديري حارس اساسي بآسيا والثنيان بالدوري عشان ياخذ فرصته ,,,,

من قالك أني مقيم الموضوع..؟؟!!

انت كذبت على الأعضاء وحطيت عنوان مخالف للموضوع

عشان تكسب قراءه و ردود من الأعضاء

حركات قديمه حيل

ياجماعة هم اطلقوا قناة الزعيم؟
اذا شغلوها ممكن تعطونا التردد
واذا ما تشغلت احد يخبرنا بموعد اطﻻق القناة

إقتباس الرسالة الأصلية كتبت بواسطة barhumi محمد القرني رجع لمستواه الأول ولو يثبت عليه راح نقدر نستغني عن بنتلي لأن مستواه البارح كان مميز ...

..... قل قسم .....

اجل نستغني عن بنتلي ماراح اكتب شي عشان مايجيني تقفيل حساب بسبب راي ......

إقتباس الرسالة الأصلية كتبت بواسطة ايــام ريــفــو من قالك أني مقيم الموضوع..؟؟!! انت كذبت على الأعضاء وحطيت عنوان مخالف للموضوع عشان تكسب قراءه و ردود من الأعضاء حركات قديمه حيل

الظاهر انك ماتشوف زين
اقرأ بداية الموضوع والي هو اساس كتابتي ومايمنع اني ادمج موضعين او ثلاثه مع بعض بدال ما اكثر مواضيع على فاضي خصوصا اذا كان مجرد رأي لا اكثر وبقول رأيي واذا عجبك اهلا وسهلا ماعجبك تقدر تتجاهل الموضوع ,,,,,,,,,,

إقتباس الرسالة الأصلية كتبت بواسطة فهد السنبلي ..... قل قسم ..... اجل نستغني عن بنتلي ماراح اكتب شي عشان مايجيني تقفيل حساب بسبب راي ......

ليه مانستغني عنه وش هو بنتلي تراه لاعب مثله مثل القرني ولو القرني رجع لمستواه الطبيعي راح يغطي عليه
اشوفكم سويتو زحمه على الجبرين الي مستواه ينفع كبديل ولا لأنه مايلعب بالهلال
لو القرني يلعب بنادي ثاني ومبدع انا متأكد اول من يطالب فيه انت ,,,,