بسم الله الرحمن الرحيم
الحمدلله والصلاة والسلام على رسول الله وعلى آله وصحبه ومن والاه، كل عام وأنتم بخير، اللهم انصر إخواننا المستضعفين في كل مكان...

أما بعد/ كما هو موضح في العنوان، أعتقد أن المدرب اقتنع كثيراً بفكرة تواجد ياسر الشهراني في الظهير الأيسر وهو المركز اللي تعودنا عليه فيه سواء مع كومبواريه أو زلاتكو في فترات كثيرة أو حتى مع القادسية والمنتخب الأولمبي، وهذا مالاحظته في التدريبات والمباريات الودية، تواجد ياسر الدائم في الظهير الأيسر واقتناعه فيه، ويتضح جلياً قوة اللاعب في هالمركز سواء من ناحية وفرة العرضيات ودقتها بالقدم اليسرى، أو حتى الطريقة الدفاعية لدى اللاعب في المنطقة اليسرى نجد أنه دائماً ما يقطع الكرة بالقدم اليسرى وحتى لو كان في الظهير الأيمن نجد أنه يمرر بالقدم اليسرى وحتى كراته الطويلة دائماً ما نجدها بالقدم اليسرى، وأذكركم بالهدف الخامس على الاتحاد كان أصل الهجمة كرة طويلة من الشهراني بالقدم اليسرى مع أنه يلعب ظهير أيمن واستلمها الفرج وسجل الشمراني، وأيضاً في مباراة العين الودية هدف الشمراني الثاني كان أصل الهجمة كرة طويلة بالقدم اليسرى،

الغريب في الشهراني أنه لايستطيع التسديد بالقدم اليسرى بالدقة التي في اليمنى، ولا يستطيع التمرير أو لعب الكرات الطويلة بالقدم اليمنى كما هي اليسرى،
لأجل هذا أهدافه كلها تقريباً كانت تسديدات من خارج المنطقة بالقدم اليمنى في الظهير الأيسر !

عموماً/ (تواجد ياسر الشهراني في الظهير الأيسر و(استمراره) فيه مطلب ضروري)

البعض يقول طيب والظهير الأيمن من يشغره ؟ !

إن قلت سلطان البيشي فسينتقدني الكثير وأنا معهم في انتقادهم هذا، وأنا في الحقيقة أستغرب عدم المخالصة مع هذا اللاعب أو إعارته في أقل الأحوال، ولكن ما رأيكم بلاعب الأولمبي السنة الماضية (محمد البريك) ؟

هذا اللاعب في وجهة نظري أفضل بكثير من البيشي من نواحي كثيرة، وأهمها (السرعة-دقة العرضيات؛ وحتى لا أظلم البيشي قد يتساوون فيها، كذلك يتميز بالاختراقات وشاهدناه كثيراً يخترق ويسجل ويمرر تمريرات قصيرة للمهاجمين بعد اختراقاته في الاولمبي واسألوا خالد كعبي، ويتميز بالمهارة الفردية، وبرغم قصر القامة إلا أنه أيضاً كما هو الشهراني يملك قدرة عالية على الالتحامات الهوائية..

في الأخير هذي أمنيتي، والمدرب بكل تأكيد له نظرة، والله يكتب اللي فيه الخير..

وصلى الله وسلم وبارك على نبينا محمد..

أنا اشوف ان ياسر الشهراني مسوي شغل كبير مع سالم الدوسري في الجهة اليمنى والزوري لاعب ممتاز واستغرب الحملة الشرسة عليه في المنتدى

مااتوقع يفرط المدرب بالزوري بمركز الظهير الايسر بغض النظر من الافضل هو او الشهراني في نفس المركز

لكن اصابة الزوري في الفترة الاخيرة هي الي جعلت المدرب يلعب ياسر ظهير يسار ....

الزوري ممتاز وان شاء الله يقوم بالسلامة
والشهراني يلعب يمين

واذا الزوري مايقدر يلعب فأنا معك
لكن لازم يشرك البريك في المباراتين اللي تسبق اسيا

الكل تحدث عن أحقية عبدالله الزوري بهذا المركز وإنه لاعب جيد، ولكن لنكن واقعيين ألن يكون أفضل وجود ظهيرين سريعين ويتشابهون كذلك في أمور كثيرة مشتركة بينهما، وهي الاختراقات والعرضيات وقوة التحمل والمشاركة دفاعياً وهجومياً،
وأنتم تخيلوها معي: البريك وسالم من اليمين والشهراني والعابد من اليسار وتياغو في النص ووراه محور أو محورين وقدامه مهاجم أو مهاجمين حسب الفريق المنافس، يعني إذا نبغى نباري فريق ضعيف ويقفل ويعتمد على المساحات الخلفية نلعب بمحور واحد بينتيلي والباقي خلها للفلتات من اليمين ومن اليسار، والله ماتشوف إلا قوةة تفجير في المرمى بإذن الله، لكن وهذا اللي بيصير والله العالم إننا بنعتمد على بيشي وزوري وشلهوب بحجة الخبرة الميدانية ! وتشوفون وأذكركم، ويارب مايصير ونلعب بلاعبين شباب يشتعلون حماس، وأتوقع خلاص يكفي الخبيرين اللي في المناطق الخلفية (كواك وديغاو وبينتيلي) وبس.... ��

نرجع لنفس المشكله ( الظهير الأيمن )

للأسف كل اللي يصير ترقيع

( هات الشهراني من اليسار لليمين والزوري موجود يسار ، واذا غاب رجّع الفرج ظهير )

تحط نفسك في دوامه انت مخترعها

مدري متى بنخلص من موضوع الظهير الأيمن


لاهنت اخوي





يارب وفق الزعيم ~

إقتباس الرسالة الأصلية كتبت بواسطة محمد آل سعد نرجع لنفس المشكله ( الظهير الأيمن ) للأسف كل اللي يصير ترقيع ( هات الشهراني من اليسار لليمين والزوري موجود يسار ، واذا غاب رجّع الفرج ظهير ) تحط نفسك في دوامه انت مخترعها مدري متى بنخلص من موضوع الظهير الأيمن لاهنت اخوي يارب وفق الزعيم ~

وش مشكلته؟

أنت متابع اللاعب محمد البريك الظهير الأيمن الهلالي في الفريق الأولمبي؟!

لو إنك متابعه كان ما تطرقت لمشكلة الظهير الأيمن..

بإذن الله أجزم بأنه ينجح نجاح مبهر مع الهلال، لاعب يملك المقومات الكافية لشغر هذه الخانة..

إقتباس الرسالة الأصلية كتبت بواسطة @@ أبو علي @@ وش مشكلته؟ أنت متابع اللاعب محمد البريك الظهير الأيمن الهلالي في الفريق الأولمبي؟! لو إنك متابعه كان ما تطرقت لمشكلة الظهير الأيمن.. بإذن الله أجزم بأنه ينجح نجاح مبهر مع الهلال، لاعب يملك المقومات الكافية لشغر هذه الخانة..

مشكلة ان الهلال يعاني في خانة الظهير الأيمن من بعد اعتزال الدوخي

البريك صعب جدا تغامر فيه بالمرحله الجايه اللي تحتاج للاعب خبير ويعبي مكانه

دور ع المضمون عشان تكسب

وبنفس الوقت ما تحرق موهبه في بدايتها خصوصا في وقت ما ينفع فيه التعويض

إقتباس الرسالة الأصلية كتبت بواسطة محمد آل سعد مشكلة ان الهلال يعاني في خانة الظهير الأيمن من بعد اعتزال الدوخي البريك صعب جدا تغامر فيه بالمرحله الجايه اللي تحتاج للاعب خبير ويعبي مكانه دور ع المضمون عشان تكسب وبنفس الوقت ما تحرق موهبه في بدايتها خصوصا في وقت ما ينفع فيه التعويض

هل تذكر بدايات الشهراني والسديري في آسيا مع كومبواريه؟!

كانوا لتوهم صغار جداً ولم يبلغوا حتى ال19 عام على ما أظن،

مع ذلك كان الحمل كل الحمل على اللاعبين الكبار والمدرب (مانغان والمرشدي والزوري) نعم كانت هناك انتقادات للسديري ولكن كان ليس المتسبب الرئيسي فيها..

لكن الآن الوضع تغير قلوب دفاع خبرة، وحارس مبدع ومميز وشاهدناه في آخر 5 مباريات في آسيا وكأنك ترى الدعيع، ومحاور خبرة ومميزين وعلى مستوى عالي دفاعياً وهجومياً (كريري وبينتلي والفرج وعطيف والفضل) ووسط هجوميين وصناع لعب ومهاجمين على مستوى عالي جداً،

عموماً: البريك هو الوحيد إذا أدخلناه للتشكيلة اللي نقدر نقول عليه ناقص خبرة وممكن يرتبك وكذا، مع ذلك فهو لاعب حماسي وتكتيكي جداً، وبيضبط الخانة مع وجود عناصر خبرة جنبه..

الكل في الهلال يعرف المشكله ولذلك تمت المحاولات في التعاقد مع حسن معاذ لكن فشلت المحاولات لتمسك ناديه الشباب فيه
لكن نقول البيشي ماهومقصر يادي اللي عليه لكن يجب عليه ان يركز ويخفف شوي من طلعاته لانها دايما تنتهي بهجمه مرتده على الهلال

معك بـ كل شي قلته ،، بس حتى الدعيع يلعب ظهير يمين ،، ممكن نستفيد منه في هذي الخانه

يعطيك العافية وبالتوفيق للزعيم

الهلال محناج ظهير ايمن اضافة الى لاعبين في الوسط والهجوم اجانب بدل لاعبين الدفاع

دائماً فيه أول مره ، ولابد من الزج في محمد البريك في الظهير الأيمن ، فالدوخي وغيره كانت تنقصهم الخبره فاكتسبوها واصبحوا نجوماً ، البريك مطلب ملح

الزوري مشكلته فهاوته الزايده


استغلال ياسر الشهراني باللعب بالرجلين


في هالحاله آدخل البيشي ايمكن وياسر ايسر


واتوقع راح يستخدمها ريجي في حالة التبديل بالشوط الثاني